पद २६२ · पद २६२
Pada 262
pada 262
॥
Original Braj devotional poetry and Sanskrit prayers, with generated IAST.
5 verses·Braj with transliteration
कह्यो न परत,बिनु कहे न रह्यो परत, ।
बड़ो सुख कहत बड़े सों,बलि,दीनता ।
प्रभुकी बड़ाई बड़ी,आपनी छोटाई छोटी, ।
प्रभुकी पुनीतता, आपनी पाप-पीनता ॥ १ ॥
kahyo na parata,binu kahe na rahyo parata, |
bar̤o sukha kahata bar̤e soṃ,bali,dīnatā |
prabhukī bar̤āī bar̤ī,āpanī choṭāī choṭī, |
prabhukī punītatā, āpanī pāpa-pīnatā || 1 ||
दुहू ओर समुझि सकुचि सहमत मन, ।
सनमुख होत सुनि स्वामी-समीचीनता ।
नाथ-गुनगाथ गाये,हाथ जोरि माथ नाये, ।
नीचऊ निवाजे प्रीति-रीतिकी प्रबीनता ॥ २ ॥
duhū ora samujhi sakuci sahamata mana, |
sanamukha hota suni svāmī-samīcīnatā |
nātha-gunagātha gāye,hātha jori mātha nāye, |
nīcaū nivāje prīti-rītikī prabīnatā || 2 ||
एही दरबार है गरब तें सरब-हानि, ।
लाभ जोग-छेमको गरीबी-मिसकीनता ।
मोटो दसकंध सो न दूबरो बिभीषण सो, ।
बूझि परी रावरेकी प्रेम-पराधीनता ॥ ३ ॥
ehī darabāra hai garaba teṃ saraba-hāni, |
lābha joga-chemako garībī-misakīnatā |
moṭo dasakaṃdha so na dūbaro bibhīṣaṇa so, |
būjhi parī rāvarekī prema-parādhīnatā || 3 ||
यहाँकी सयानप,अयानप सहस सम, ।
सूधौ सतभाय कहे मिटति मलीनता ।
गीध-सिला-सबरीकी सुधि सब दिन किये, ।
होइगी न साई सों सनेह-हित-हीनता ॥ ४ ॥
yahā~kī sayānapa,ayānapa sahasa sama, |
sūdhau satabhāya kahe miṭati malīnatā |
gīdha-silā-sabarīkī sudhi saba dina kiye, |
hoigī na sāī soṃ saneha-hita-hīnatā || 4 ||
सकल कामना देत नाम तेरो कामतरु, ।
सुमिरत होत कलिमल-छल-छीनता ।
करुनानिधान ! बरदान तुलसी चहत, ।
सीतापति-भक्ति-सुरसरि-नीर-मीनता ॥ ५ ॥
sakala kāmanā deta nāma tero kāmataru, |
sumirata hota kalimala-chala-chīnatā |
karunānidhāna ! baradāna tulasī cahata, |
sītāpati-bhakti-surasari-nīra-mīnatā || 5 ||
Keys: ← → turn the page, J K step through the verses.
Illustration: Verse & Place (Project-owned).