Skip to content

अध्यायः २१

Kulasamakulamukhyabandhupūjyā dhanisukhibhoginṛpā: svabhaikavṛddhyā

A chapter of the Brihat Jataka.

10 versesSanskrit with transliteration

The twelve houses of a horoscope drawn in the square South Indian style.

कुलसमकुलमुख्यबन्धुपूज्या धनिसुखिभोगिनृपा: स्वभैकवृद्ध्या । परविभवसुहृत्स्वबन्धुपोप्या गणपबलेशनृपाश्च भित्रभेषु ॥ १ ॥

kulasamakulamukhyabandhupūjyā dhanisukhibhoginṛpā: svabhaikavṛddhyā | paravibhavasuhṛtsvabandhupopyā gaṇapabaleśanṛpāśca bhitrabheṣu || 1 ||

Report an error

जनयति नृपमेकोऽप्युच्चगो मित्रदृष्ट: प्रचुरधनसमेतं मित्रयोगाच्च सिद्धम् । विघनविसुखमूढव्याधितो बन्धतप्तो वधदुरितसमेत: शत्रुनीचर्क्षगेषु ॥ २ ॥

janayati nṛpameko'pyuccago mitradṛṣṭa: pracuradhanasametaṃ mitrayogācca siddham | vighanavisukhamūḍhavyādhito bandhatapto vadhaduritasameta: śatrunīcarkṣageṣu || 2 ||

Report an error

यातेष्वसत्स्वसममेषु दिनेशहोरां ख्यातो महोद्यमबलाथयुतोऽतितेजा: । चान्द्रीं शुभेषु युजि मार्दवकान्तिसौख्यसौभाग्यधीमधुरवाक्ययुत: प्रजात: ॥ ३ ॥

yāteṣvasatsvasamameṣu dineśahorāṃ khyāto mahodyamabalāthayuto'titejā: | cāndrīṃ śubheṣu yuji mārdavakāntisaukhyasaubhāgyadhīmadhuravākyayuta: prajāta: || 3 ||

Report an error

""कुम्भद्वादशभागो लग्नगतो न प्रशस्यते यवनै: । यद्येवं सर्वेषां लग्नगतानामनिष्टफलता स्यात् । घटयोगाद्राशीनां न मतं तत्सर्वशास्त्रकाराणाम् । तस्मात्कुम्भविलग्नो जन्मन्यशुभो न तद्भाग: ।। इति ॥ ४ ॥

""kumbhadvādaśabhāgo lagnagato na praśasyate yavanai: | yadyevaṃ sarveṣāṃ lagnagatānāmaniṣṭaphalatā syāt | ghaṭayogādrāśīnāṃ na mataṃ tatsarvaśāstrakārāṇām | tasmātkumbhavilagno janmanyaśubho na tadbhāga: || iti || 4 ||

Report an error

तास्वेव होरास्वपरर्क्षगेषु ज्ञेया नरा: पूर्वगुणेषु मध्या: । व्यत्यरतहोराभवनस्थितेषु मर्त्या भवन्त्युक्तगुणैर्विहीना: ॥ ५ ॥

tāsveva horāsvapararkṣageṣu jñeyā narā: pūrvaguṇeṣu madhyā: | vyatyaratahorābhavanasthiteṣu martyā bhavantyuktaguṇairvihīnā: || 5 ||

Report an error

कल्याणरूपगुणमात्मसुहद्दृकाणो चन्द्रोऽन्यागस्तदधिनाथगुणं करोति । व्यालोद्यतायुधचतुश्चरणाण्डजेषु तीक्ष्णोऽतिहिंस्त्रगुरुतल्परतोऽटनश्च ॥ ६ ॥

kalyāṇarūpaguṇamātmasuhaddṛkāṇo candro'nyāgastadadhināthaguṇaṃ karoti | vyālodyatāyudhacatuścaraṇāṇḍajeṣu tīkṣṇo'tihiṃstragurutalparato'ṭanaśca || 6 ||

Report an error

स्तेनो भोक्ता पण्डिताढ्यो नरेन्द्र: क्लीब: शूरो विष्टिकृद्दासवृत्ति: । पापो हिंस्त्रोऽभीश्च वर्गोत्तमांशेष्वेषामीशा राशिवद्द्वादशांशै: ॥ ७ ॥

steno bhoktā paṇḍitāḍhyo narendra: klība: śūro viṣṭikṛddāsavṛtti: | pāpo hiṃstro'bhīśca vargottamāṃśeṣveṣāmīśā rāśivaddvādaśāṃśai: || 7 ||

Report an error

जायान्वितो बलविभूषणसत्त्वयुक्तस्तेजोऽतिसाहसयुतश्च कुजे स्वभागे । रोगी मृतस्वयुवतिर्विषमोऽन्यदारो दु:खी परिच्छदयुतो मलिनोऽर्कपुत्रे ॥ ८ ॥

jāyānvito balavibhūṣaṇasattvayuktastejo'tisāhasayutaśca kuje svabhāge | rogī mṛtasvayuvatirviṣamo'nyadāro du:khī paricchadayuto malino'rkaputre || 8 ||

Report an error

धनयश:सुखबुद्धियुक्तास्तेजस्विपूजृयनिरुगुद्यमभोगवन्त: । मेधाकलाकपटकाव्यविवादशिल्पशल्पशास्त्रार्थसाहसयुता शशिजेऽतिमान्या: ॥ ९ ॥

dhanayaśa:sukhabuddhiyuktāstejasvipūjṛyanirugudyamabhogavanta: | medhākalākapaṭakāvyavivādaśilpaśalpaśāstrārthasāhasayutā śaśije'timānyā: || 9 ||

Report an error

स्वांशे गुरौ: । स्वे त्रिंशांशे बहुसुतसुखारोग्यभाग्यार्थरूप: शुक्रे तीक्षण: सुललितवपु: सुप्रकीर्णेन्द्रियश्च । शूरस्तब्धौ विषमवधकौ सद्गुणाढ्यौ सुखिज्ञौ चार्वङ्गेष्टौ रविशशियुतेष्वारपूर्वाशंकेषु ॥ १० ॥

svāṃśe gurau: | sve triṃśāṃśe bahusutasukhārogyabhāgyārtharūpa: śukre tīkṣaṇa: sulalitavapu: suprakīrṇendriyaśca | śūrastabdhau viṣamavadhakau sadguṇāḍhyau sukhijñau cārvaṅgeṣṭau raviśaśiyuteṣvārapūrvāśaṃkeṣu || 10 ||

Report an error

Illustration: Verse & Place (Project-owned).