नारदस्य मायादमयन्त्या सह विवाहवर्णनम् । नारद उवाच । तत्पुत्र्या वचनं श्रुत्वा राजा धात्रीमुखात्ततः । भार्यां प्रोवाच कैकेयीं समीपस्थां सुलोचनाम् ॥ १ ॥ राजोवाच । यदुक्तं वचनं कान्ते धात्र्या तत्तु त्वया श्रुतम् । वृतोऽयं नारदः कामं मुनिर्वानरवक्त्रभाक् ॥ २ ॥ किमिदं चिन्तितं पुत्र्या बुद्धिहीनं विचेष्टितम् । कथमस्मै मया देया कन्या हरिमुखाय सा ॥ ३ ॥ क्वासौ भिक्षुः कुरूपः क्व दमयन्ती ममात्मजा । विपरीतमिदं कार्यं न विधेयं कदाचन ॥ ४ ॥ तामेकान्ते सुकेशान्ते निवारय हठात्सुताम् । युक्त्या मुनिरतां मुग्धां शास्त्रवृद्धानुसारया ॥ ५ ॥ इति भर्तृवचः श्रुत्वा जननी तामथाब्रवीत् । च ते रूपं मुनिः क्वासौ वानरास्योऽधनः पुनः ॥ ६ ॥ कथं मोहमवाप्तासि भिक्षुके चतुरा पुनः । लताकोमलदेहा त्वं भस्मरूक्षतनुस्त्वयम् ॥ ७ ॥ वार्ता वानरवक्त्रेण कथं युक्ता तवानघे । का प्रीतिः कुत्सिते पुंसि भविष्यति शुचिस्मिते ॥ ८ ॥ वरस्ते राजपुत्रोऽस्तु मा कुरु त्वं वृथा हठम् । पिता ते दुःखमाप्नोति श्रुत्वा धात्रीमुखाद्वचः ॥ ९ ॥ लग्नां बुबूलवृक्षेण कोमलां मालतीलताम् । दृष्ट्वा कस्य मनः खेदं चतुरस्य न गच्छति ॥ १० ॥ दासेरकाय ताम्बूलीदलानि कोमलानि कः । ददाति भक्षणार्थाय मूर्खोऽपि धरणीतले ॥ ११ ॥ वीक्ष्य त्वां करसंलग्नां नारदस्य समीपतः । विवाहे वर्तमाने तु कस्य चेतो न दह्यति ॥ १२ ॥ कुमुखेन समं वार्ता न रुचिं जनयत्यतः । आमृतेस्तु कथं कालः क्षपितव्यस्त्वयामुना ॥ १३ ॥
nāradasya māyādamayantyā saha vivāhavarṇanam | nārada uvāca | tatputryā vacanaṃ śrutvā rājā dhātrīmukhāttataḥ | bhāryāṃ provāca kaikeyīṃ samīpasthāṃ sulocanām || 1 || rājovāca | yaduktaṃ vacanaṃ kānte dhātryā tattu tvayā śrutam | vṛto'yaṃ nāradaḥ kāmaṃ munirvānaravaktrabhāk || 2 || kimidaṃ cintitaṃ putryā buddhihīnaṃ viceṣṭitam | kathamasmai mayā deyā kanyā harimukhāya sā || 3 || kvāsau bhikṣuḥ kurūpaḥ kva damayantī mamātmajā | viparītamidaṃ kāryaṃ na vidheyaṃ kadācana || 4 || tāmekānte sukeśānte nivāraya haṭhātsutām | yuktyā muniratāṃ mugdhāṃ śāstravṛddhānusārayā || 5 || iti bhartṛvacaḥ śrutvā jananī tāmathābravīt | ca te rūpaṃ muniḥ kvāsau vānarāsyo'dhanaḥ punaḥ || 6 || kathaṃ mohamavāptāsi bhikṣuke caturā punaḥ | latākomaladehā tvaṃ bhasmarūkṣatanustvayam || 7 || vārtā vānaravaktreṇa kathaṃ yuktā tavānaghe | kā prītiḥ kutsite puṃsi bhaviṣyati śucismite || 8 || varaste rājaputro'stu mā kuru tvaṃ vṛthā haṭham | pitā te duḥkhamāpnoti śrutvā dhātrīmukhādvacaḥ || 9 || lagnāṃ bubūlavṛkṣeṇa komalāṃ mālatīlatām | dṛṣṭvā kasya manaḥ khedaṃ caturasya na gacchati || 10 || dāserakāya tāmbūlīdalāni komalāni kaḥ | dadāti bhakṣaṇārthāya mūrkho'pi dharaṇītale || 11 || vīkṣya tvāṃ karasaṃlagnāṃ nāradasya samīpataḥ | vivāhe vartamāne tu kasya ceto na dahyati || 12 || kumukhena samaṃ vārtā na ruciṃ janayatyataḥ | āmṛtestu kathaṃ kālaḥ kṣapitavyastvayāmunā || 13 ||
Nārada said :—On hearing these words of her daughter from her nurse, the King addressed the queen Kaikeyī, of lovely eyes, standing close by, thus :—Have you heard what the nurse has said? Damayantī has mentally chosen the monkey-faced Nārada as her husband. What has she thought? Whatever it be, it is no doubt, an act of great foolishness. His face is monkey-like; how can I betroth my daughter to him? Where is an ugly beggar Nārada? And where is my daughter Damayantī? The marriage between them is quite unjust; never it should take place. O Beautiful One of good hairs! Better call her before you in private and show her reasons approved of the Śāstras and of the aged persons and make her desist from such a rash course. On hearing her husband’s words, the mother of Damayantī called her in private and said :—O Child! Where is your this beautiful face? And where is the monkey-like face of Nārada? You are smart and quick; how have you been, then, deluded by such a Moha? O Child! You are the daughter of a king! Your body is gentle like a creeper. And Nārada always besmears his body with ashes; so his body is very rough. O Spotless One! How will you change your words with him? Why do you shew your attachment to an ugly person? What pleasure do you feel thereby? You would be married to a beautiful prince; never follow this rash course; your father is very sorry to hear these from your nurse. O One of soft body! Judge this yourself, what intelligent man is there that is not sorry at the soft Mālatī creeper entwining a thorny tree? Even a stupid silly man would never feed a camel, that likes thorns, with soft betel-leaves. When your marriage time arrives, say yourself, who will not be sorry to see you going to Nārada and embracing him by his arms! Nobody likes to speak with an ugly faced one; how will you be able to spend your time with him till your death!