नारदेन स्वस्त्रीत्वप्राप्तिवर्णनम् । नारद उवाच । निशामय मुनिश्रेष्ठ गदतो मम सत्कथाम् । मायाबलं सुदुर्ज्ञेयं मुनिभिर्योगवित्तमैः ॥ १ ॥ मायया मोहितं सर्वं जगत्स्थावरजङ्गमम् । ब्रह्मादिस्तम्बपर्यन्तमजया दुर्विभाव्यया ॥ २ ॥ कदाचित्सत्यलोकाद्वै श्वेतद्वीपे मनोहरे । गतोऽहं दर्शनाकाङ्क्षी हरेरद्भुतकर्मणः ॥ ३ ॥ वादयन्महतीं वीणां स्वरतानविभूषिताम् । गायत्रं गायमानस्तु साम सप्तस्वरान्वितम् ॥ ४ ॥ दृष्टो मया देवदेवश्चक्रपाणिर्गदाधरः । कौस्तुभोद्भासितोरस्को मेघश्यामश्चतुर्भुजः ॥ ५ ॥ पीताम्बरपरीधानो मुकुटाङ्गदराजितः । लक्ष्म्या सह विलासिन्या क्रीडमानो मुदा युतः ॥ ६ ॥ वीक्ष्य मां कमला देवी गतान्तर्धानमन्तिकात् । सर्वलक्षणसम्पन्ना सर्वभूषणभूषिता ॥ ७ ॥ नारीणां प्रवरा कान्ता रूपयौवनगर्विता । सुप्रिया वासुदेवस्य वरचामीकरप्रभा ॥ ८ ॥ अन्तर्गृहं गता दृष्ट्वा सिन्धुजां व्यञ्जनान्विताम् । मया पृष्टो देवदेवो वनमाली जगत्प्रभुः ॥ ९ ॥ भगवन्देवदेवेश पद्मनाभ सुरारिहन् । कथं च मा गता दृष्ट्वा मामागच्छन्तमन्तिकात् ॥ १० ॥ नाहं विटो न वा धूर्तः तापसोऽहं जगद्गुरो । जितेन्द्रियो जितक्रोधो जितमायो जनार्दन ॥ ११ ॥
nāradena svastrītvaprāptivarṇanam | nārada uvāca | niśāmaya muniśreṣṭha gadato mama satkathām | māyābalaṃ sudurjñeyaṃ munibhiryogavittamaiḥ || 1 || māyayā mohitaṃ sarvaṃ jagatsthāvarajaṅgamam | brahmādistambaparyantamajayā durvibhāvyayā || 2 || kadācitsatyalokādvai śvetadvīpe manohare | gato'haṃ darśanākāṅkṣī hareradbhutakarmaṇaḥ || 3 || vādayanmahatīṃ vīṇāṃ svaratānavibhūṣitām | gāyatraṃ gāyamānastu sāma saptasvarānvitam || 4 || dṛṣṭo mayā devadevaścakrapāṇirgadādharaḥ | kaustubhodbhāsitorasko meghaśyāmaścaturbhujaḥ || 5 || pītāmbaraparīdhāno mukuṭāṅgadarājitaḥ | lakṣmyā saha vilāsinyā krīḍamāno mudā yutaḥ || 6 || vīkṣya māṃ kamalā devī gatāntardhānamantikāt | sarvalakṣaṇasampannā sarvabhūṣaṇabhūṣitā || 7 || nārīṇāṃ pravarā kāntā rūpayauvanagarvitā | supriyā vāsudevasya varacāmīkaraprabhā || 8 || antargṛhaṃ gatā dṛṣṭvā sindhujāṃ vyañjanānvitām | mayā pṛṣṭo devadevo vanamālī jagatprabhuḥ || 9 || bhagavandevadeveśa padmanābha surārihan | kathaṃ ca mā gatā dṛṣṭvā māmāgacchantamantikāt || 10 || nāhaṃ viṭo na vā dhūrtaḥ tāpaso'haṃ jagadguro | jitendriyo jitakrodho jitamāyo janārdana || 11 ||
Nārada said :—O Thou whose only wealth consists in asceticism! I am now describing to you all those good stories; hear attentively. O Muni! This Māyā and Her Power are incomprehensible even by those who are the foremost amongst the Yogins. This whole Universe, moving and non-moving, from Brahmā to the blade of grass, is enchanted by that Unborn and Incomprehensible Māyā; therefore no one can escape from the hands of that Māyā. One day I wanted to see Hari, of wonderful deeds, and went out with lute in my hand from Satyaloka, to the lovely Śveta Dvīpa (the residence of Viṣṇu) singing the beautiful Sāma hymns in tune with the seven Svaras. I saw there Gadādhara, the Deva of the Devas, with four arms holding disc in one of his hands. He resembled a newly-formed rain-cloud of Śyāma colour. He was illumined with the lustre of the Kaustubha jewel in his breast. He was wearing an yellow apparel. His head was beautified with a lustrous crown. Thus the Bhagavān Nārāyaṇa was playing in amorous movements with the daughter of the ocean, fully capable to give one delight and enjoyment. Seeing me, the lovely Devī Kamalā, dear to Vāsudeva, full of youth and beauty, decorated with ornaments, endowed with all auspicious signs, superior to all the women, went away at once (to another room) from the presence of Janārdana. The breast of Lakṣmī Devī was becoming visible even through the cloth thrown over it; therefore she went hurriedly to the inner compartment. Seeing this I asked Janārdana, the Deva of the Devas, the Lord of the worlds, and holding a garland of forest grown flowers thus :—O Bhagavān! O Slayer of Mura! O Padmanābha! Why has Kamalā Devī, the Mother of all the Lokas, on seeing me coming here, gone out of Your presence. O Lord of the worlds! I am not a rogue nor a cheat; I have conquered my passions and am become an ascetic; I have conquered even Māyā. Therefore O Deva! What is the cause of the departure of the Kamalā Devī from here? Kindly explain this to me.