स्वेच्छामयः स्वेच्छया च द्विधारूपो बभूव ह ।
स्त्रीरूपो वामभागांशो दक्षिणांशः पुमान्स्मृतः ॥ २७ ॥
तां ददर्श महाकामी कामाधारां सनातनः ।
अतीव कमनीया च चारुपङ्कजसन्निभाम् ॥ २८ ॥
चन्द्रबिम्बविनिन्द्यैकनितम्बयुगलां पराम् ।
सुचारुकदलीस्तम्भनिन्दितश्रोणिसुन्दरीम् ॥ २९ ॥
श्रीयुक्तश्रीफलाकारस्तनयुग्ममनोरमाम् ।
पुष्पजुष्टां सुवलितां मध्यक्षीणां मनोहराम् ॥ ३० ॥
अतीव सुन्दरीं शान्तां सस्मितां वक्रलोचनाम् ।
वह्निशुद्धांशुकाधारां रत्नभूषणभूषिताम् ॥ ३१ ॥
शश्वच्चक्षुश्चकोराभ्यां पिबन्तीं सततं मुदा ।
कृष्णस्य मुखचन्द्रं च चन्द्रकोटिविनिन्दितम् ॥ ३२ ॥
कस्तूरीबिन्दुना सार्धमधश्चन्दनबिन्दुना ।
समं सिन्दूरबिन्दुं च भालमध्ये च बिभ्रतीम् ॥ ३३ ॥
वक्रिमं कबरीभारं मालतीमाल्यभूषितम् ।
रत्नेन्द्रसारहारं च दधतीं कान्तकामुकीम् ॥ ३४ ॥
कोटिचन्द्रप्रभामृष्टपुष्टशोभासमन्विताम् ।
गमनेन राजहंसगजगर्वविनाशिनीम् ॥ ३५ ॥
दृष्ट्वा तां तु तया सार्धं रासेशो रासमण्डले ।
रासोल्लासे सुरसिको रासक्रीडाञ्चकार ह ॥ ३६ ॥
नानाप्रकारशृङ्गारं शृङ्गारो मूर्तिमानिव ।
चकार सुखसम्भोगं यावद्वै ब्रह्मणो दिनम् ॥ ३७ ॥
ततः स च परिश्रान्तस्तस्या योनौ जगत्पिता ।
चकार वीर्याधानं च नित्यानन्दे शुभक्षणे ॥ ३८ ॥
गात्रतो योषितस्तस्याः सुरतान्ते च सुव्रत ।
निःससार श्रमजलं श्रान्तायास्तेजसा हरेः ॥ ३९ ॥
महाक्रमणक्लिष्टाया निःश्वासश्च बभूव ह ।
तदा वव्रे श्रमजलं तत्सर्वं विश्वगोलकम् ॥ ४० ॥
स च निःश्वासवायुश्च सर्वाधारो बभूव ह ।
निःश्वासवायुः सर्वेषां जीविनां च भवेषु च ॥ ४१ ॥
बभूव मूर्तिमद्वायोर्वामाङ्गात्प्राणवल्लभा ।
तत्पत्नी सा च तत्पुत्राः प्राणाः पञ्च च जीविनाम् ॥ ४२ ॥
प्राणोऽपानः समानश्चोदानव्यानौ च वायवः ।
बभूवुरेव तत्पुत्रा अधः प्राणाश्च पञ्च च ॥ ४३ ॥
घर्मतोयाधिदेवश्च बभूव वरुणो महान् ।
तद्वामाङ्गाच्च तत्पत्नी वरुणानी बभूव सा ॥ ४४ ॥
अथ सा कृष्णचिच्छक्तिः कृष्णगर्भं दधार ह ।
शतमन्वन्तरं यावज्ज्वलन्ती ब्रह्मतेजसा ॥ ४५ ॥
कृष्णप्राणाधिदेवी सा कृष्णप्राणाधिकप्रिया ।
कृष्णस्य सङ्गिनी शश्वत्कृष्णवक्षःस्थलस्थिता ॥ ४६ ॥
शतमन्वन्तरान्ते च कालेऽतीते तु सुन्दरी ।
सुषाव डिम्भं स्वर्णाभं विश्वाधारालयं परम् ॥ ४७ ॥
दृष्ट्वा डिम्भं च सा देवी हृदयेन व्यदूयत ।
उत्ससर्ज च कोपेन ब्रह्माण्डगोलके जले ॥ ४८ ॥
दृष्ट्वा कृष्णश्च तत्त्यागं हाहाकारं चकार ह ।
शशाप देवीं देवेशस्तत्क्षणं च यथोचितम् ॥ ४९ ॥
यतोऽपत्यं त्वया त्यक्तं कोपशीले च निष्ठुरे ।
भव त्वमनपत्यापि चाद्यप्रभृति निश्चितम् ॥ ५० ॥
या यास्त्वदंशरूपाश्च भविष्यन्ति सुरस्त्रियः ।
अनपत्याश्च ताः सर्वास्त्वत्समा नित्ययौवनाः ॥ ५१ ॥
एतस्मिन्नन्तरे देवी जिह्वाग्रात्सहसा ततः ।
आविर्बभूव कन्यैका शुक्लवर्णा मनोहरा ॥ ५२ ॥
श्वेतवस्त्रपरीधाना वीणापुस्तकधारिणी ।
रत्नभूषणभूषाढ्या सर्वशास्त्राधिदेवता ॥ ५३ ॥
अथ कालान्तरे सा च द्विधारूपो बभूव ह ।
वामार्धाङ्गाच्च कमला दक्षिणार्धाच्च राधिका ॥ ५४ ॥
एतस्मिन्नन्तरे कृष्णो द्विधारूपो बभूव सः ।
दक्षिणार्धश्च द्विभुजो वामार्धश्च चतुर्भुजः ॥ ५५ ॥
उवाच वाणीं कृष्णस्तां त्वमस्य कामिनी भव ।
अत्रैव मानिनी राधा तव भद्रं भविष्यति ॥ ५६ ॥
एवं लक्ष्मीं च प्रददौ तुष्टो नारायणाय च ।
स जगाम च वैकुण्ठं ताभ्यां सार्धं जगत्पतिः ॥ ५७ ॥
अनपत्ये च ते द्वे च जाते राधांशसम्भवे ।
भूता नारायणाङ्गाच्च पार्षदाश्च चतुर्भुजाः ॥ ५८ ॥
तेजसा वयसा रूपगुणाभ्यां च समा हरेः ।
बभूवुः कमलाङ्गाच्च दासीकोट्यश्च तत्समाः ॥ ५९ ॥
अथ गोलोकनाथस्य लोम्नां विवरतो मुने ।
भूताश्चासंख्यगोपाश्च वयसा तेजसा समाः ॥ ६० ॥
रूपेण च गुणेनैव बलेन विक्रमेण च ।
प्राणतुल्यप्रियाः सर्वे बभूवुः पार्षदा विभोः ॥ ६१ ॥
svecchāmayaḥ svecchayā ca dvidhārūpo babhūva ha |
strīrūpo vāmabhāgāṃśo dakṣiṇāṃśaḥ pumānsmṛtaḥ || 27 ||
tāṃ dadarśa mahākāmī kāmādhārāṃ sanātanaḥ |
atīva kamanīyā ca cārupaṅkajasannibhām || 28 ||
candrabimbavinindyaikanitambayugalāṃ parām |
sucārukadalīstambhaninditaśroṇisundarīm || 29 ||
śrīyuktaśrīphalākārastanayugmamanoramām |
puṣpajuṣṭāṃ suvalitāṃ madhyakṣīṇāṃ manoharām || 30 ||
atīva sundarīṃ śāntāṃ sasmitāṃ vakralocanām |
vahniśuddhāṃśukādhārāṃ ratnabhūṣaṇabhūṣitām || 31 ||
śaśvaccakṣuścakorābhyāṃ pibantīṃ satataṃ mudā |
kṛṣṇasya mukhacandraṃ ca candrakoṭivininditam || 32 ||
kastūrībindunā sārdhamadhaścandanabindunā |
samaṃ sindūrabinduṃ ca bhālamadhye ca bibhratīm || 33 ||
vakrimaṃ kabarībhāraṃ mālatīmālyabhūṣitam |
ratnendrasārahāraṃ ca dadhatīṃ kāntakāmukīm || 34 ||
koṭicandraprabhāmṛṣṭapuṣṭaśobhāsamanvitām |
gamanena rājahaṃsagajagarvavināśinīm || 35 ||
dṛṣṭvā tāṃ tu tayā sārdhaṃ rāseśo rāsamaṇḍale |
rāsollāse surasiko rāsakrīḍāñcakāra ha || 36 ||
nānāprakāraśṛṅgāraṃ śṛṅgāro mūrtimāniva |
cakāra sukhasambhogaṃ yāvadvai brahmaṇo dinam || 37 ||
tataḥ sa ca pariśrāntastasyā yonau jagatpitā |
cakāra vīryādhānaṃ ca nityānande śubhakṣaṇe || 38 ||
gātrato yoṣitastasyāḥ suratānte ca suvrata |
niḥsasāra śramajalaṃ śrāntāyāstejasā hareḥ || 39 ||
mahākramaṇakliṣṭāyā niḥśvāsaśca babhūva ha |
tadā vavre śramajalaṃ tatsarvaṃ viśvagolakam || 40 ||
sa ca niḥśvāsavāyuśca sarvādhāro babhūva ha |
niḥśvāsavāyuḥ sarveṣāṃ jīvināṃ ca bhaveṣu ca || 41 ||
babhūva mūrtimadvāyorvāmāṅgātprāṇavallabhā |
tatpatnī sā ca tatputrāḥ prāṇāḥ pañca ca jīvinām || 42 ||
prāṇo'pānaḥ samānaścodānavyānau ca vāyavaḥ |
babhūvureva tatputrā adhaḥ prāṇāśca pañca ca || 43 ||
gharmatoyādhidevaśca babhūva varuṇo mahān |
tadvāmāṅgācca tatpatnī varuṇānī babhūva sā || 44 ||
atha sā kṛṣṇacicchaktiḥ kṛṣṇagarbhaṃ dadhāra ha |
śatamanvantaraṃ yāvajjvalantī brahmatejasā || 45 ||
kṛṣṇaprāṇādhidevī sā kṛṣṇaprāṇādhikapriyā |
kṛṣṇasya saṅginī śaśvatkṛṣṇavakṣaḥsthalasthitā || 46 ||
śatamanvantarānte ca kāle'tīte tu sundarī |
suṣāva ḍimbhaṃ svarṇābhaṃ viśvādhārālayaṃ param || 47 ||
dṛṣṭvā ḍimbhaṃ ca sā devī hṛdayena vyadūyata |
utsasarja ca kopena brahmāṇḍagolake jale || 48 ||
dṛṣṭvā kṛṣṇaśca tattyāgaṃ hāhākāraṃ cakāra ha |
śaśāpa devīṃ deveśastatkṣaṇaṃ ca yathocitam || 49 ||
yato'patyaṃ tvayā tyaktaṃ kopaśīle ca niṣṭhure |
bhava tvamanapatyāpi cādyaprabhṛti niścitam || 50 ||
yā yāstvadaṃśarūpāśca bhaviṣyanti surastriyaḥ |
anapatyāśca tāḥ sarvāstvatsamā nityayauvanāḥ || 51 ||
etasminnantare devī jihvāgrātsahasā tataḥ |
āvirbabhūva kanyaikā śuklavarṇā manoharā || 52 ||
śvetavastraparīdhānā vīṇāpustakadhāriṇī |
ratnabhūṣaṇabhūṣāḍhyā sarvaśāstrādhidevatā || 53 ||
atha kālāntare sā ca dvidhārūpo babhūva ha |
vāmārdhāṅgācca kamalā dakṣiṇārdhācca rādhikā || 54 ||
etasminnantare kṛṣṇo dvidhārūpo babhūva saḥ |
dakṣiṇārdhaśca dvibhujo vāmārdhaśca caturbhujaḥ || 55 ||
uvāca vāṇīṃ kṛṣṇastāṃ tvamasya kāminī bhava |
atraiva māninī rādhā tava bhadraṃ bhaviṣyati || 56 ||
evaṃ lakṣmīṃ ca pradadau tuṣṭo nārāyaṇāya ca |
sa jagāma ca vaikuṇṭhaṃ tābhyāṃ sārdhaṃ jagatpatiḥ || 57 ||
anapatye ca te dve ca jāte rādhāṃśasambhave |
bhūtā nārāyaṇāṅgācca pārṣadāśca caturbhujāḥ || 58 ||
tejasā vayasā rūpaguṇābhyāṃ ca samā hareḥ |
babhūvuḥ kamalāṅgācca dāsīkoṭyaśca tatsamāḥ || 59 ||
atha golokanāthasya lomnāṃ vivarato mune |
bhūtāścāsaṃkhyagopāśca vayasā tejasā samāḥ || 60 ||
rūpeṇa ca guṇenaiva balena vikrameṇa ca |
prāṇatulyapriyāḥ sarve babhūvuḥ pārṣadā vibhoḥ || 61 ||
The Lord, who is All Will, willed and divided Himself into two parts, His Left part becoming female and His Right part becoming male. Then that Eternal One, Who is greatly loving, looked at the female, His left part, the Sole Receptacle to hold all the contents of love, very lovely to the eyes, and looking like the beautiful lotus. The loins of this woman defy the Moon; Her thighs put the plaintain trees quite in the background; Her breasts are mistaken for the beautiful Bel fruits; flowers are scattered as Her Hairs on the head; Her middle part is very slender, very beautiful to behold! Exceedingly lovely; appearance very calm; sweet smile reigning in Her lips; side long glances with Her; Her clothing is purified with fire; all over Her body decorated with gems. Her eyes, also, like the Chakora bird (Greek partridge) began to drink incessantly with joy the moon beams from the face of Śrī Kriṣṇa, defying, as it were, the ten millions of moons. On Her forehead there was the dot of vermillion (red-lead); over that, the dot of white sandal paste and over that was placed the musk. The fillets or braids of hair on Her head are slightly curved; this was decorated with Mālatī garlands; on Her neck was suspended the necklace of gems and jewels and She is always very amorous towards Her husband. On looking at Her face, it seems that ten millions of moons have arisen at once; when She walks, Her gait puts (humiliates) those of ganders and elephants in the shade. O Muni! Śrī Kriṣṇa, the Lord of the Rāsa Dance, and the Person of Taste in the Rāsa sport, looked askance at Her for a while and then catching hold of Her by Her hand went to the Rāsamaṇḍalam and began to play the Rāsa sport (the amorous pastime). It seemed then the Lord of amorous pastimes had become incarnate there and had been enjoying the various pleasures of amorous passions and desires. So much, that Brahma’s one day passed away in that sport. The Father of the Universe, then becoming tired, impregnated in an auspicious moment in Her womb who was born of His left portion. The Prakṛiti Devī was also tired of the embraces of Śrī Kriṣṇa; so after the intercourse, she began to perspire and breathe frequently. Her perspiration turned into water and deluged the whole universe, with water; and Her breath turned into air and became the life of all beings. The female that sprung from the left side of Vāyu became his wife and out of their contact originated Prāṇa, Apāna, Samāna, Udāna and Vyāna, the five sons. These are the five vital Vāyus of all the beings. Besides these from the womb of the Vāyu’s wife came out Nāga and the other four lower Vāyus. The water that came out from perspiration, Varaṇa Deva became the Presiding Deity of that; and the female, sprung out of the left side of Varuṇa Deva, became the wife of Varuṇa, called Varuṇānī. On the other hand, the Śakti, of the nature of knowledge of Śrī Kriṣṇa, remained pregnant for one hundred manvantaras. Her body became effulgent with Brahma-teja (the fire of Brahma). Kriṣṇa was Her life and She again was dearer to Kriṣṇa than his life even. She remained always with Śrī Krisna; so much so that She constantly rested on His breast. When one hundred manvantaras passed away, that Beautiful One gave birth to a Golden Egg. That egg was the repository of the whole universe. The Beloved of Kriṣṇa became very sorry to see the egg and out of anger, threw that within the water collected in the centre of the Universe. Seeing this, Śrī Kriṣṇa raised a great cry and immediately cursed Her duly and said :—O Angry One! O Cruel One! When you have forsaken out of anger this son just born of you, I say then that you become from today bereft of any issue. Besides, let all those godly women that will spring out of your parts, they also be deprived of having any issue or sons and they will remain ever constant in their youth. O Muni! While Śrī Kriṣṇa was thus cursing, suddenly came out from the tongue of the beloved of Kriṣṇa, a beautiful daughter, of a white colour. Her clothings were all white, in her hands there were lute and book and all Her body was decorated with ornaments made of gems and jewels. She was the Presiding Deity of all the Śāstras. Some time later the Mūla Prakṛiti, the Beloved of Kriṣṇa divided into two parts. Out of Her left portion came Kamalā and out of Her right portion came Rādhikā. In the meantime Śrī Kriṣṇa divided Himself into two parts. From his right side appeared a form two-handed; and from the left side appeared a form four-handed. Then Śrī Krisna addressed the Goddess Speech, holding flute in Her hand, O Devī! You follow this four-handed Person as his wife and then spoke to Rādhā :—O Rādhe! You are a sensitive, proud lady; let you be My wife; so it will do you good. Śrī Kriṣṇa also told Lakṣmī gladly to become the wife of the four-handed Nārāyana. Then Nārāyana, the Lord of the world, took both Lakṣmī and Sarasvatī to the abode Vaikuṇṭha. O Muni! Both Lakṣmī and Sarasvatī became issueless, being born of Rādhā. From the body of Nārāyaṇa arose his attendants, all four-handed. They were all equal to Him in appearance, in qualifications; in spirit and in age. On the other hand, from the body of Kamalā arose millions of female attendants all equal to Her in form and qualifications. Then arose innumerable Gopas (cow-herds) from the pores of Śrī Kriṣṇa. They were all equal to the Lord of Goloka in form, Guṇas, power and age; they were all dear to Him as if they were His life.