यया विना जगत्सर्वं निराधारं चराचरम् ।
प्रकृतेश्च कला या यास्ता निबोध मुनीश्वर ॥ ९६ ॥
यस्य यस्य च या पत्नी तत्सर्वं वर्णयामि ते ।
स्वाहादेवी वह्निपत्नी प्रतिविश्वेषु पूजिता ॥ ९७ ॥
यया विना हविर्दानं न ग्रहीतुं सुराः क्षमाः ।
दक्षिणा यज्ञपत्नी च दीक्षा सर्वत्र पूजिता ॥ ९८ ॥
यया विना हि विश्वेषु सर्वकर्म हि निष्फलम् ।
स्वधा पितॄणां पत्नी च मुनिभिर्मनुभिर्नरैः ॥ ९९ ॥
पूजिता पितृदानं हि निष्कलं च यया विना ।
स्वस्तिदेवी वायुपत्नी प्रतिविश्वेषु पूजिता ॥ १०० ॥
आदानं च प्रदानं च निष्फलं च यया विना ।
पुष्टिर्गणपतेः पत्नी पूजिता जगतीतले ॥ १०१ ॥
यया विना परिक्षीणाः पुमांसो योषितोऽपि च ।
अनन्तपत्नी तुष्टिश्च पूजिता वन्दिता भवेत् ॥ १०२ ॥
यया विना न सन्तुष्टाः सर्वलोकाश्च सर्वतः ।
ईशानपत्नी सम्पत्तिः पूजिता च सुरैर्नरैः ॥ १०३ ॥
सर्वे लोका दरिद्राश्च विश्वेषु च यया विना ।
धृतिः कपिलपत्नी च सर्वैः सर्वत्र पूजिता ॥ १०४ ॥
सर्वे लोका अधैर्याश्च जगत्सु च यया विना ।
सत्यपत्नी सती मुक्तैः पूजिता च जगत्प्रिया ॥ १०५ ॥
यया विना भवेल्लोको बन्धुतारहितः सदा ।
मोहपत्नी दया साध्वी पूजिता च जगत्प्रिया ॥ १०६ ॥
सर्वे लोकाश्च सर्वत्र निष्फलाश्च यया विना ।
पुण्यपत्नी प्रतिष्ठा सा पूजिता पुण्यदा सदा ॥ १०७ ॥
यया विना जगत्सर्वं जीवन्मृतसमं मुने ।
सुकर्मपत्नी संसिद्धा कीर्तिर्धन्यैश्च पूजिता ॥ १०८ ॥
यया विना जगत्सर्वं यशोहीनं मृतं यथा ।
क्रिया तूद्योगपत्नी च पूजिता सर्वसम्मता ॥ १०९ ॥
यया विना जगत्सर्वं विधिहीनं च नारद ।
अधर्मपत्नी मिथ्या सा सर्वधूर्तैश्च पूजिता ॥ ११० ॥
यया विना जगत्सर्वमुच्छिन्नं विधिनिर्मितम् ।
सत्ये अदर्शना या च त्रेतायां सूक्ष्मरूपिणी ॥ १११ ॥
अर्धावयवरूपा च द्वापरे चैव संवृता ।
कलौ महाप्रगल्भा च सर्वत्र व्यापिका बलात् ॥ ११२ ॥
कपटेन समं भ्रात्रा भ्रमते च गृहे गृहे ।
शान्तिर्लज्जा च भार्ये द्वे सुशीलस्य च पूजिते ॥ ११३ ॥
याभ्यां विना जगत्सर्वमुन्मत्तमिव नारद ।
ज्ञानस्य तिस्रो भार्याश्च बुद्धिर्मेधाधृतिस्तथा ॥ ११४ ॥
याभिर्विना जगत्सर्वं मूढं मत्तसमं सदा ।
मूर्तिश्च धर्मपत्नी सा कान्तिरूपा मनोहरा ॥ ११५ ॥
परमात्मा च विश्वौघो निराधारो यया विना ।
सर्वत्र शोभारूपा च लक्ष्मीर्मूर्तिमती सती ॥ ११६ ॥
श्रीरूपा मूर्तिरूपा च मान्या धन्यातिपूजिता ।
कालाग्नी रुद्रपत्नी च निद्रा सा सिद्धयोगिनी ॥ ११७ ॥
सर्वे लोकाः समाच्छन्ना यया योगेन रात्रिषु ।
कालस्य तिस्रो भार्याश्च संध्या रात्रिर्दिनानि च ॥ ११८ ॥
याभिर्विना विधाता च संख्यां कर्तुं न शक्यते ।
क्षुत्पिपासे लोभभार्ये धन्ये मान्ये च पूजिते ॥ ११९ ॥
याभ्यां व्याप्तं जगत्सर्वं नित्यं चिन्तातुरं भवेत् ।
प्रभा च दाहिका चैव द्वे भार्ये तेजसस्तथा ॥ १२० ॥
याभ्यां विना जगत्स्रष्टा विधातुं च न हीश्वरः ।
कालकन्ये मृत्युजरे प्रज्वारस्य प्रियाप्रिये ॥ १२१ ॥
याभ्यां जगत्समुच्छिन्नं विधात्रा निर्मितं विधौ ।
निद्राकन्या च तन्द्रा सा प्रीतिरन्या सुखप्रिये ॥ १२२ ॥
याभ्यां व्याप्तं जगत्सर्वं विधिपुत्र विधेर्विधौ ।
वैराग्यस्य च द्वे भार्ये श्रद्धा भक्तिश्च पूजिते ॥ १२३ ॥
याभ्यां शश्वज्जगत्सर्वं यज्जीवन्मुक्तिमन्मुने ।
अदितिर्देवमाता च सुरभी च गवां प्रसूः ॥ १२४ ॥
दितिश्च दैत्यजननी कद्रूश्च विनता दनुः ।
उपयुक्ताः सृष्टिविधावेतास्तु कीर्तिताः कलाः ॥ १२५ ॥
कला अन्याः सन्ति बह्व्यस्तासु काश्चिन्निबोध मे ।
रोहिणी चन्द्रपत्नी च संज्ञा सूर्यस्य कामिनी ॥ १२६ ॥
शतरूपा मनोर्भार्या शचीन्द्रस्य च गेहिनी ।
तारा बृहस्पतेर्भार्या वसिष्ठस्याप्यरुन्धती ॥ १२७ ॥
अहल्या गौतमस्त्री साप्यनसूयात्रिकामिनी ।
देवहूतिः कर्दमस्य प्रसूतिर्दक्षकामिनी ॥ १२८ ॥
पितॄणां मानसी कन्या मेनका साम्बिकाप्रसूः ।
लोपामुद्रा तथा कुन्ती कुबेरकामिनी तथा ॥ १२९ ॥
वरुणानी प्रसिद्धा च बलेर्विन्ध्यावलिस्तथा ।
कान्ता च दमयन्ती च यशोदा देवकी तथा ॥ १३० ॥
गान्धारी द्रौपदी शैव्या सा च सत्यवती प्रिया ।
वृषभानुप्रिया साध्वी राधामाता कुलोद्वहा ॥ १३१ ॥
मन्दोदरी च कौसल्या सुभद्रा कौरवी तथा ।
रेवती सत्यभामा च कालिन्दी लक्ष्मणा तथा ॥ १३२ ॥
जाम्बवती नाग्नजितिर्मित्रविन्दा तथापरा ।
लक्ष्मणा रुक्मिणी सीता स्वयं लक्ष्मीः प्रकीर्तिता ॥ १३३ ॥
काली योजनगन्धा च व्यासमाता महासती ।
बाणपुत्री तथोषा च चित्रलेखा च तत्सखी ॥ १३४ ॥
प्रभावती भानुमती तथा मायावती सती ।
रेणुका च भृगोर्माता राममाता च रोहिणी ॥ १३५ ॥
एकनन्दा च दुर्गा सा श्रीकृष्णभगिनी सती ।
बह्व्यः सत्यः कलाश्चैव प्रकृतेरेव भारते ॥ १३६ ॥
या याश्च ग्रामदेव्यः स्युस्ताः सर्वाः प्रकृतेः कलाः ।
कलांशांशसमुद्भूताः प्रतिविश्वेषु योषितः ॥ १३७ ॥
योषितामवमानेन प्रकृतेश्च पराभवः ।
ब्राह्मणी पूजिता येन पतिपुत्रवती सती ॥ १३८ ॥
प्रकृतिः पूजिता तेन वस्त्रालङ्कारचन्दनैः ।
कुमारी चाष्टवर्षीया वस्त्रालङ्कारचन्दनैः ॥ १३९ ॥
पूजिता येन विप्रस्य प्रकृतिस्तेन पूजिता ।
सर्वाः प्रकृतिसम्भूता उत्तमाधममध्यमाः ॥ १४० ॥
सत्त्वांशाश्चोत्तमा ज्ञेयाः सुशीलाश्च पतिव्रताः ।
मध्यमा रजसश्चांशास्ताश्च भोग्याः प्रकीर्तिताः ॥ १४१ ॥
सुखसम्भोगवश्याश्च स्वकार्ये तत्पराः सदा ।
अधमास्तमसश्चांशा अज्ञातकुलसम्भवाः ॥ १४२ ॥
दुर्मुखाः कुलहा धूर्ताः स्वतन्त्राः कलहप्रियाः ।
पृथिव्यां कुलटा याश्च स्वर्गे चाप्सरसां गणाः ॥ १४३ ॥
yayā vinā jagatsarvaṃ nirādhāraṃ carācaram |
prakṛteśca kalā yā yāstā nibodha munīśvara || 96 ||
yasya yasya ca yā patnī tatsarvaṃ varṇayāmi te |
svāhādevī vahnipatnī prativiśveṣu pūjitā || 97 ||
yayā vinā havirdānaṃ na grahītuṃ surāḥ kṣamāḥ |
dakṣiṇā yajñapatnī ca dīkṣā sarvatra pūjitā || 98 ||
yayā vinā hi viśveṣu sarvakarma hi niṣphalam |
svadhā pitṝṇāṃ patnī ca munibhirmanubhirnaraiḥ || 99 ||
pūjitā pitṛdānaṃ hi niṣkalaṃ ca yayā vinā |
svastidevī vāyupatnī prativiśveṣu pūjitā || 100 ||
ādānaṃ ca pradānaṃ ca niṣphalaṃ ca yayā vinā |
puṣṭirgaṇapateḥ patnī pūjitā jagatītale || 101 ||
yayā vinā parikṣīṇāḥ pumāṃso yoṣito'pi ca |
anantapatnī tuṣṭiśca pūjitā vanditā bhavet || 102 ||
yayā vinā na santuṣṭāḥ sarvalokāśca sarvataḥ |
īśānapatnī sampattiḥ pūjitā ca surairnaraiḥ || 103 ||
sarve lokā daridrāśca viśveṣu ca yayā vinā |
dhṛtiḥ kapilapatnī ca sarvaiḥ sarvatra pūjitā || 104 ||
sarve lokā adhairyāśca jagatsu ca yayā vinā |
satyapatnī satī muktaiḥ pūjitā ca jagatpriyā || 105 ||
yayā vinā bhavelloko bandhutārahitaḥ sadā |
mohapatnī dayā sādhvī pūjitā ca jagatpriyā || 106 ||
sarve lokāśca sarvatra niṣphalāśca yayā vinā |
puṇyapatnī pratiṣṭhā sā pūjitā puṇyadā sadā || 107 ||
yayā vinā jagatsarvaṃ jīvanmṛtasamaṃ mune |
sukarmapatnī saṃsiddhā kīrtirdhanyaiśca pūjitā || 108 ||
yayā vinā jagatsarvaṃ yaśohīnaṃ mṛtaṃ yathā |
kriyā tūdyogapatnī ca pūjitā sarvasammatā || 109 ||
yayā vinā jagatsarvaṃ vidhihīnaṃ ca nārada |
adharmapatnī mithyā sā sarvadhūrtaiśca pūjitā || 110 ||
yayā vinā jagatsarvamucchinnaṃ vidhinirmitam |
satye adarśanā yā ca tretāyāṃ sūkṣmarūpiṇī || 111 ||
ardhāvayavarūpā ca dvāpare caiva saṃvṛtā |
kalau mahāpragalbhā ca sarvatra vyāpikā balāt || 112 ||
kapaṭena samaṃ bhrātrā bhramate ca gṛhe gṛhe |
śāntirlajjā ca bhārye dve suśīlasya ca pūjite || 113 ||
yābhyāṃ vinā jagatsarvamunmattamiva nārada |
jñānasya tisro bhāryāśca buddhirmedhādhṛtistathā || 114 ||
yābhirvinā jagatsarvaṃ mūḍhaṃ mattasamaṃ sadā |
mūrtiśca dharmapatnī sā kāntirūpā manoharā || 115 ||
paramātmā ca viśvaugho nirādhāro yayā vinā |
sarvatra śobhārūpā ca lakṣmīrmūrtimatī satī || 116 ||
śrīrūpā mūrtirūpā ca mānyā dhanyātipūjitā |
kālāgnī rudrapatnī ca nidrā sā siddhayoginī || 117 ||
sarve lokāḥ samācchannā yayā yogena rātriṣu |
kālasya tisro bhāryāśca saṃdhyā rātrirdināni ca || 118 ||
yābhirvinā vidhātā ca saṃkhyāṃ kartuṃ na śakyate |
kṣutpipāse lobhabhārye dhanye mānye ca pūjite || 119 ||
yābhyāṃ vyāptaṃ jagatsarvaṃ nityaṃ cintāturaṃ bhavet |
prabhā ca dāhikā caiva dve bhārye tejasastathā || 120 ||
yābhyāṃ vinā jagatsraṣṭā vidhātuṃ ca na hīśvaraḥ |
kālakanye mṛtyujare prajvārasya priyāpriye || 121 ||
yābhyāṃ jagatsamucchinnaṃ vidhātrā nirmitaṃ vidhau |
nidrākanyā ca tandrā sā prītiranyā sukhapriye || 122 ||
yābhyāṃ vyāptaṃ jagatsarvaṃ vidhiputra vidhervidhau |
vairāgyasya ca dve bhārye śraddhā bhaktiśca pūjite || 123 ||
yābhyāṃ śaśvajjagatsarvaṃ yajjīvanmuktimanmune |
aditirdevamātā ca surabhī ca gavāṃ prasūḥ || 124 ||
ditiśca daityajananī kadrūśca vinatā danuḥ |
upayuktāḥ sṛṣṭividhāvetāstu kīrtitāḥ kalāḥ || 125 ||
kalā anyāḥ santi bahvyastāsu kāścinnibodha me |
rohiṇī candrapatnī ca saṃjñā sūryasya kāminī || 126 ||
śatarūpā manorbhāryā śacīndrasya ca gehinī |
tārā bṛhaspaterbhāryā vasiṣṭhasyāpyarundhatī || 127 ||
ahalyā gautamastrī sāpyanasūyātrikāminī |
devahūtiḥ kardamasya prasūtirdakṣakāminī || 128 ||
pitṝṇāṃ mānasī kanyā menakā sāmbikāprasūḥ |
lopāmudrā tathā kuntī kuberakāminī tathā || 129 ||
varuṇānī prasiddhā ca balervindhyāvalistathā |
kāntā ca damayantī ca yaśodā devakī tathā || 130 ||
gāndhārī draupadī śaivyā sā ca satyavatī priyā |
vṛṣabhānupriyā sādhvī rādhāmātā kulodvahā || 131 ||
mandodarī ca kausalyā subhadrā kauravī tathā |
revatī satyabhāmā ca kālindī lakṣmaṇā tathā || 132 ||
jāmbavatī nāgnajitirmitravindā tathāparā |
lakṣmaṇā rukmiṇī sītā svayaṃ lakṣmīḥ prakīrtitā || 133 ||
kālī yojanagandhā ca vyāsamātā mahāsatī |
bāṇaputrī tathoṣā ca citralekhā ca tatsakhī || 134 ||
prabhāvatī bhānumatī tathā māyāvatī satī |
reṇukā ca bhṛgormātā rāmamātā ca rohiṇī || 135 ||
ekanandā ca durgā sā śrīkṛṣṇabhaginī satī |
bahvyaḥ satyaḥ kalāścaiva prakṛtereva bhārate || 136 ||
yā yāśca grāmadevyaḥ syustāḥ sarvāḥ prakṛteḥ kalāḥ |
kalāṃśāṃśasamudbhūtāḥ prativiśveṣu yoṣitaḥ || 137 ||
yoṣitāmavamānena prakṛteśca parābhavaḥ |
brāhmaṇī pūjitā yena patiputravatī satī || 138 ||
prakṛtiḥ pūjitā tena vastrālaṅkāracandanaiḥ |
kumārī cāṣṭavarṣīyā vastrālaṅkāracandanaiḥ || 139 ||
pūjitā yena viprasya prakṛtistena pūjitā |
sarvāḥ prakṛtisambhūtā uttamādhamamadhyamāḥ || 140 ||
sattvāṃśāścottamā jñeyāḥ suśīlāśca pativratāḥ |
madhyamā rajasaścāṃśāstāśca bhogyāḥ prakīrtitāḥ || 141 ||
sukhasambhogavaśyāśca svakārye tatparāḥ sadā |
adhamāstamasaścāṃśā ajñātakulasambhavāḥ || 142 ||
durmukhāḥ kulahā dhūrtāḥ svatantrāḥ kalahapriyāḥ |
pṛthivyāṃ kulaṭā yāśca svarge cāpsarasāṃ gaṇāḥ || 143 ||
O Child Nārada! Now hear about them who are issued again from the parts of Mūlā Prakṛiti as well as the names of their wives. I will now narrate duly. The Devī Svāhā is the wife of Agni (Fire), and the whole Universe worships Her. Without her, the Devī can never take any oblations. Dakṣiṇā and Diksā are both the wives of Yajña (Sacrifice). They are honoured everywhere. So much so that without Dakṣiṇā (the fees given at the end of the Sacrifice) no sacrificial ceremonies can be complete and fructifying. The Devī Svadhā is the wife of the Pitris. All worship this Devī Svadhā whether they are Munis, Manus, or men. If this mantra Svadhā be not uttered while making an offering to the Pitris, all turn out useless. The Devī Svasti is the wife of the Vāyu Deva; She is honoured everywhere in the Universe. Without this Svasti Devī, no giving nor taking nor any action can be fructifying and useful. Puṣṭī (nourishment) is the wife of Gaṇapatī. All in this world worship this Puṣṭī Devī. Without this Puṣṭi, women or men alike all become weaker and weaker. Tuṣṭī (satisfaction, contentment) is the wife of Ananta Deva. She is praised and worshipped everywhere in this world. Without Her no one anywhere in the world can be happy. Sampattī is the wife of Īsāna Deva. The Suras, the men all alike worship Her. Were it not for Her, all in this world would be oppressed with dire poverty. The Devī Dhritī is the wife of Kapila Deva. She is honoured equally in all places. Were it not for Her, all the people in this world would have become impatient. The Satī Devī is the wife of Satya Deva (Truth). She is endearing to the whole world. The liberated ones worship Her always. Were it not for the truth loving Satī, the whole world would have lost the treasure in friendship. Dayā (Mercy) endearing to the whole world is the chaste wife of Mohā Deva. She is liked by all. Were it not for Her, all the world would have become hopeless. The Devī Pratiṣṭhā (fame, celebrity) is the wife of Puṇya Deva (merit).She gives merits to persons according as they worship Her. Were it not for Her, all the persons would remain dead while living. The Devī Kīrti (fame) is the wife of Sukarma (good works). Herself a Siddha (one who has acquired the result of one’s success), all the blessed people honour Her with great reverence. Were it not for Her, all the persons in this world would have been dead, devoid of any fame. Kriyā (work-efforts, action, doing) is the wife of Udyoga (enthusiasm). All honour Her greatly. O Muni Nārāda! Were it not for Her, the whole people would be void of any rules and regulations. Falsehood is the wife of Adharma (unrighteousness). She is honoured greatly by all the cheats that are extant in this world. Were she not liked by them, then all the cheats would become extinct. She did not fall in the sight of anybody in the Satya Yuga. Her subtle form became visible in the Tretā Yuga. When the Dvāpara Yuga came, She became half developed. And at last when the Kali Yuga has come, She is fully developed and there is no second to Her whether in bold confidence and shamelessness or in talking much and pervading everywhere. With her brother Deceitfulness, She roams from one house to another. Peace and modesty and shame are both the wives of good behaviour. Were they not existent, all in this world would have turned out deluded and mad. Intelligence, genius and fortitude, these three are the wives of Jñāna (knowledge). Had they not lived, every one would become stupid and insane. Mūrti is the wife of Dharma Devī. She is of the nature of Beauty to all and very charming. Were it not for Her, Paramātmān would not get any resting place; and the whole universe would have become Nirālamba (without anything to rest). This chaste Mūrti Devī is of the nature of splendour, loveliness and Lakṣmī. She is everywhere respected, worshipped and reverenced. Sleep, the Siddha Yoginī, is the wife of Rudra Deva, who is of the nature of Kālāgni (the universal conflagration at the break-up of the world). All the Jīvas spend their nights with Her. The twilights, night and day are the wives of Kāla (Time). If they were not, the Creator even would not be able to reckon time. Hunger and thirst are the wives of Lobha (covetousness). They are thanked, respected and worshipped by the whole world. Had they not lived, the whole world would have merged ever in an ocean of anxieties. Splendour and burning capacity are the wives of Tejas (fire). Without these, the Lord of the world could never have created and established order in this universe. Death and old age are the daughters of the Kāla, and the dear wives of Jvarā (the disease). Without these, all the creation would come to an end. The Tandrā (drowsiness, lassitude) and Prīti (satisfaction) are the daughters of Nidrā (sleep). And they are the dear wives of Sukha (pleasure). They are present everywhere in this world. O Best of Munis! Śraddhā (faith) and Bhakti (devotion) are the wives of Vairāgyam (dispassion). For then all the persons can become liberated while living (Jīvanmuktas). Besides these there is Aditi, the Mother of the Gods, Surabhi, mother of cows; Diti, the mother of the Daityas; Kadru, the mother of the Nāgas (serpents); Vinatā, the mother of Gaṛuḍa, the prince of birds; and Danu, the mother of the Dānavas. All are very useful for the purpose of creation. But these all are parts of Mūlā Prakṛiti. Now I will mention some of the other parts of Prakṛiti. Hear. Rohiṇī, the wife of the Moon, Sanjñā, the wife of the Sun; Śatarūpā, the wife of Manu; Śachī, the wife of Indra; Tārā, the wife of Brihaspati; Arundhatī, the wife of Vaśiṣṭha; Anasūyā, the wife of Atri; Devahūtī, the wife of Kardama; Prasūti, the wife of Dakṣa; Menakā, the mind born daughter of the Pitris and the mother of Ambikā, Lopāmudrā, Kuntī, the wife of Kuvera, the wife of Varuṇa, Bindhyāvalī, the wife of the King Bali; Damayantī, Yaśodā, Devakī, Gāndhārī, Draupadī, Śaivyā, Satyavatī, the chaste and noble wife of Briṣabhānu and the mother of Rādhā; Mandidarī; Kauśalyā, Kauravī,; Subhadrā; Revatī, Satyabhāmā, Kālindī, Laksmanā; Jāmbavatī; Nāgnajiti, Mitrabindā, Lakṣaṇā, Rukmiṇī, Sītā, the Laksmī incarnate; Kālī, Yojana Gandhā, the chaste mother of Vyāsa, Ūṣā, the daughter of Vāṇa, her companion Chitralekhā; Prabhāvati, Bhānumatī, the Satī Māyāvatī, Reṇukā, the mother of Paraśurāma; Rohiṇī, the mother of Balarāma, Ekanandā and the sister of Śrī Kriṣṇa, Satī Durgā and many other ladies are the parts of Prakṛiti and all the female sex, everywhere in the Universe are all come from the parts of Prakṛiti. So to insult any woman is to insult the Prakṛiti. If one worships a chaste Brahmiṇ woman, who has her husband and son living, with clothings, ornaments, and sandal paste, etc., one worships, as it were, Prakṛiti. If any Vipra worships a virgin girl, eight years old, with clothings, ornaments and sandal paste, know that he has worshipped the Prakṛiti Devī. The best, middling, and worst are all sprung from Prakṛiti. Those women that are sprung from Sattva Guṇa are all very good natured and chaste; those that are sprung from Rajo Guṇa are middling and very much attached to worldly enjoyments and do their selfish ends and those that are sprung from Tamo Guṇa are recognised as worst and belonging to the unknown families. They are very scurrilous, cheats, ruining their families, fond of their own free ways, quarrelsome and no seconds are found equal to them. Such women become prostitutes in this world and Apsarās in the Heavens. The Hermaphrodites are parts of Prakṛiti but they are of the nature of Tamo Guṇas.