मनसोपाख्यानवर्णनम् । श्रीनारायण उवाच । मत्तः पूजाविधानं च श्रूयतां मुनिपुङ्गव । ध्यानं च सामवेदोक्तं प्रोक्तं देवीविधानकम् ॥ १ ॥ श्वेतचम्पकवर्णाभां रत्नभूषणभूषिताम् । वह्निशुद्धांशुकाधानां नागयज्ञोपवीतिनीम् ॥ २ ॥ महाज्ञानयुतां तां च प्रवरज्ञानिनां वराम् । सिद्धाधिष्ठातृदेवीं च सिद्धां सिद्धिप्रदां भजे ॥ ३ ॥ इति ध्यात्वा च तां देवीं मूलेनैव प्रपूजयेत् । नैवेद्यैर्विविधैर्धूपैः पुष्पगन्धानुलेपनैः ॥ ४ ॥ मूलमन्त्रैश्च वेदोक्तैर्भक्तानां वाच्छितप्रदः । मुने कल्पतरुर्नाम सुसिद्धो द्वादशाक्षरः ॥ ५ ॥ ॐ ह्रीं श्रीं क्लीं ऐं मनसादेव्यै स्वाहेति कीर्तितः । पञ्चलक्षजपेनैव मन्त्रसिद्धिर्भवेन्नृणाम् ॥ ६ ॥ मन्त्रसिद्धिर्भवेद्यस्य स सिद्धो जगतीतले । सुधासमं विषं तस्य धन्वन्तरिसमो भवेत् ॥ ७ ॥ ब्रह्मन्स्नात्वा तु सङ्क्रान्त्यां गूढशालासु यत्नतः । आवाह्य देवीमीशानां पूजयेद्योऽतिभक्तितः ॥ ८ ॥ पञ्चम्यां मनसा ध्यायन् देव्यै दद्याच्च यो बलिम् । धनवान्पुत्रवांश्चैव कीर्तिमान्स भवेद् ध्रुवम् ॥ ९ ॥ पूजाविधानं कथितं तदाख्यानं निशामय । कथयामि महाभाग यच्छ्रुतं धर्मवक्त्रतः ॥ १० ॥ पुरा नागभयाक्रान्ता बभूवुर्मानवा भुवि । गतास्ते शरणं सर्वे कश्यपं मुनिपुङ्गवम् ॥ ११ ॥ मन्त्रांश्च ससृजे भीतः कश्यपो ब्रह्मणान्वितः । वेदबीजानुसारेण चोपदेशेन ब्रह्मणः ॥ १२ ॥ मन्त्राधिष्ठातृदेवीं तां मनसा ससृजे तथा । तपसा मनसा तेन बभूव मनसा च सा ॥ १३ ॥ कुमारी सा च सम्भूता जगाम शङ्करालयम् । भक्त्या सम्पूज्य कैलासे तुष्टाव चन्द्रशेखरम् ॥ १४ ॥ दिव्यवर्षसहस्रं तं सिषेवे च मुनेः सुता । आशुतोषो महेशश्च तां च तुष्टो बभूव ह ॥ १५ ॥ महाज्ञानं ददौ तस्यै पाठयामास साम च । कृष्णमन्त्रं कल्पतरुं ददावष्टाक्षरं मुने ॥ १६ ॥ लक्ष्मीमायाकामबीजं ङेऽन्तं कृष्णपदं ततः । त्रैलोक्यमङ्गलं नाम कवचं पूजनक्रमम् ॥ १७ ॥ पुरश्चर्याक्रमं चापि वेदोक्तं सर्वसम्मतम् । प्राप्य मृत्युञ्जयान्मन्त्रं सा सती च मुनेः सुता ॥ १८ ॥ जगाम तपसे साध्वी पुष्करं शङ्कराज्ञया । त्रियुगं च तपस्तप्त्वा कृष्णस्य परमात्मनः ॥ १९ ॥ सिद्धा बभूव सा देवी ददर्श पुरतः प्रभुम् । दृष्ट्वा कृशाङ्गीं बालां च कृपया च कृपानिधिः ॥ २० ॥ पूजां च कारयामास चकार च स्वयं हरिः । वरं च प्रददौ तस्यै पूजिता त्वं भवे भव ॥ २१ ॥ वरं दत्त्वा तु कल्याण्यै ततश्चान्तर्दधे हरिः । प्रथमे पूजिता सा च कृष्णेन परमात्मना ॥ २२ ॥ द्वितीये शङ्करेणैव कश्यपेन सुरेण च । मुनिना मनुना चैव नागेन मानवादिभिः ॥ २३ ॥ बभूव पूजिता सा च त्रिषु लोकेषु सुव्रता । जरत्कारुमुनीन्द्राय कश्यपस्तां ददौ पुरा ॥ २४ ॥ अयाचितो मुनिश्रेष्ठो जग्राह ब्राह्मणाज्ञया । कृत्वोद्वाहं महायोगी विश्रान्तस्तपसा चिरम् ॥ २५ ॥ सुष्वाप देव्या जघने वटमूले च पुष्करे । निद्रां जगाम स मुनिः स्मृत्वा निद्रेशमीश्वरम् ॥ २६ ॥ जगामास्तं दिनकरः सायङ्काल उपस्थिते । सञ्चिन्त्य मनसा साध्वी मनसा सा पतिव्रता ॥ २७ ॥ धर्मलोपभयेनैव चकारालोचनं सती । अकृत्वा पश्चिमां सन्ध्यां नित्यां चैव द्विजन्मनाम् ॥ २८ ॥ ब्रह्महत्यादिकं पापं लभिष्यति पतिर्मम । नोपतिष्ठति यः पूर्वां नोपास्ते यस्तु पश्चिमाम् ॥ २९ ॥ स सर्वत्राशुचिर्नित्यं ब्रह्महत्यादिकं लभेत् । वेदोक्तमिति सञ्चिन्त्य बोधयामास सुन्दरी ॥ ३० ॥
manasopākhyānavarṇanam | śrīnārāyaṇa uvāca | mattaḥ pūjāvidhānaṃ ca śrūyatāṃ munipuṅgava | dhyānaṃ ca sāmavedoktaṃ proktaṃ devīvidhānakam || 1 || śvetacampakavarṇābhāṃ ratnabhūṣaṇabhūṣitām | vahniśuddhāṃśukādhānāṃ nāgayajñopavītinīm || 2 || mahājñānayutāṃ tāṃ ca pravarajñānināṃ varām | siddhādhiṣṭhātṛdevīṃ ca siddhāṃ siddhipradāṃ bhaje || 3 || iti dhyātvā ca tāṃ devīṃ mūlenaiva prapūjayet | naivedyairvividhairdhūpaiḥ puṣpagandhānulepanaiḥ || 4 || mūlamantraiśca vedoktairbhaktānāṃ vācchitapradaḥ | mune kalpatarurnāma susiddho dvādaśākṣaraḥ || 5 || oṃ hrīṃ śrīṃ klīṃ aiṃ manasādevyai svāheti kīrtitaḥ | pañcalakṣajapenaiva mantrasiddhirbhavennṛṇām || 6 || mantrasiddhirbhavedyasya sa siddho jagatītale | sudhāsamaṃ viṣaṃ tasya dhanvantarisamo bhavet || 7 || brahmansnātvā tu saṅkrāntyāṃ gūḍhaśālāsu yatnataḥ | āvāhya devīmīśānāṃ pūjayedyo'tibhaktitaḥ || 8 || pañcamyāṃ manasā dhyāyan devyai dadyācca yo balim | dhanavānputravāṃścaiva kīrtimānsa bhaved dhruvam || 9 || pūjāvidhānaṃ kathitaṃ tadākhyānaṃ niśāmaya | kathayāmi mahābhāga yacchrutaṃ dharmavaktrataḥ || 10 || purā nāgabhayākrāntā babhūvurmānavā bhuvi | gatāste śaraṇaṃ sarve kaśyapaṃ munipuṅgavam || 11 || mantrāṃśca sasṛje bhītaḥ kaśyapo brahmaṇānvitaḥ | vedabījānusāreṇa copadeśena brahmaṇaḥ || 12 || mantrādhiṣṭhātṛdevīṃ tāṃ manasā sasṛje tathā | tapasā manasā tena babhūva manasā ca sā || 13 || kumārī sā ca sambhūtā jagāma śaṅkarālayam | bhaktyā sampūjya kailāse tuṣṭāva candraśekharam || 14 || divyavarṣasahasraṃ taṃ siṣeve ca muneḥ sutā | āśutoṣo maheśaśca tāṃ ca tuṣṭo babhūva ha || 15 || mahājñānaṃ dadau tasyai pāṭhayāmāsa sāma ca | kṛṣṇamantraṃ kalpataruṃ dadāvaṣṭākṣaraṃ mune || 16 || lakṣmīmāyākāmabījaṃ ṅe'ntaṃ kṛṣṇapadaṃ tataḥ | trailokyamaṅgalaṃ nāma kavacaṃ pūjanakramam || 17 || puraścaryākramaṃ cāpi vedoktaṃ sarvasammatam | prāpya mṛtyuñjayānmantraṃ sā satī ca muneḥ sutā || 18 || jagāma tapase sādhvī puṣkaraṃ śaṅkarājñayā | triyugaṃ ca tapastaptvā kṛṣṇasya paramātmanaḥ || 19 || siddhā babhūva sā devī dadarśa purataḥ prabhum | dṛṣṭvā kṛśāṅgīṃ bālāṃ ca kṛpayā ca kṛpānidhiḥ || 20 || pūjāṃ ca kārayāmāsa cakāra ca svayaṃ hariḥ | varaṃ ca pradadau tasyai pūjitā tvaṃ bhave bhava || 21 || varaṃ dattvā tu kalyāṇyai tataścāntardadhe hariḥ | prathame pūjitā sā ca kṛṣṇena paramātmanā || 22 || dvitīye śaṅkareṇaiva kaśyapena sureṇa ca | muninā manunā caiva nāgena mānavādibhiḥ || 23 || babhūva pūjitā sā ca triṣu lokeṣu suvratā | jaratkārumunīndrāya kaśyapastāṃ dadau purā || 24 || ayācito muniśreṣṭho jagrāha brāhmaṇājñayā | kṛtvodvāhaṃ mahāyogī viśrāntastapasā ciram || 25 || suṣvāpa devyā jaghane vaṭamūle ca puṣkare | nidrāṃ jagāma sa muniḥ smṛtvā nidreśamīśvaram || 26 || jagāmāstaṃ dinakaraḥ sāyaṅkāla upasthite | sañcintya manasā sādhvī manasā sā pativratā || 27 || dharmalopabhayenaiva cakārālocanaṃ satī | akṛtvā paścimāṃ sandhyāṃ nityāṃ caiva dvijanmanām || 28 || brahmahatyādikaṃ pāpaṃ labhiṣyati patirmama | nopatiṣṭhati yaḥ pūrvāṃ nopāste yastu paścimām || 29 || sa sarvatrāśucirnityaṃ brahmahatyādikaṃ labhet | vedoktamiti sañcintya bodhayāmāsa sundarī || 30 ||
Nārāyaṇa said :—O Nārada! I will now speak of the Dhyānam and the method of worship of Śrī Devī Manasā, as stated in the Sāma Veda. Hear. I meditate on the Devī Manasā, Whose colour is fair like that of the white champaka flower, whose body is decked all over with jewel ornaments, whose clothing is purified by fire, whose sacred thread is the Nāgas (serpent), who is full of wisdom, who is the foremost of great Jñanins, who is the Presiding deity of the Siddhas, Who Herself is a Siddha and who bestows Siddhis to all. O Muni! Thus meditating on Her, one should present Her, flowers, scents, ornaments, offerings of food and various other articles, pronouncing the principal Seed Mantra. O Nārada! The twelve lettered Siddha Mantra, to be mentioned below, yields to the Bhaktas their desires like the Kalpa Tree. Now the Radical mantra as stated in the Vedas is Om Hrīm Śrīm Klīm Aim Manasā Devyai Svāhā. Repetition of this, five lakhs of times, yields success to one who repeats. He who attains success in this mantra gets unbounded name and fame in this world. Poison becomes nectar to him and he himself becomes famous like Dhanvantari. O Nārada! If anybody bathes on any Samkrānti day (when the sun enters from one sign to another) and going to a private room (hidden room), invokes the Devī Manasā Īśānā and worships Her with devotion, or makes sacrifices of animals before the Devī on the fifth day of the fortnight, he becomes certainly wealthy, endowed with sons and name and fame. Thus I have described to you the method of worship of Manasā Devī. Now hear the anecdote of the Devī as I heard from Dharma. In olden days, men became greatly terrified on earth from snakes and took refuge of Kaśyapa, the supreme amongst the Munis. The Maharṣi Kaśyapa became very afraid. He then with Brahmā, and by His command composed a mantra following the principal motto of the Vedas. While composing this mantra, he intensely thought of the Devī, the Presiding Deity of that Mantra, through the power of his Tapasyā and through the mental power, the Devī Manasā appeared and was named so, as She was produced from the sheer influence of mind. On being born, the girl went to the abode of Śankara in Kailāśa and began to worship Him and chant hymns to Him with devotion. For one thousand Divine years, the daughter of Kaśyapa served Mahādeva when He became pleased. He gave her the Great Knowledge, made Her recite the Sāma Veda and bestowed to her the eight-lettered Kriṣṇa mantra which is like the Kalpa Tree. Śrīm Hrīm Klīm Kriṣṇāya Namah was the eight lettered Mantra. She got from Him the Kavacha (amulet) auspicious to the three worlds, the method of worship and all the rules of Puraṣcharaṇa (repetition of the name of a deity attended with burnt offerings, oblations, etc.) and went by His command to perform in Puṣkara very hard austerities. There she worshipped Kriṣṇa for the three Yugas. Śrī Kriṣṇa then appeared before Her. On seeing Kriṣṇa, immediately the girl, worn out by austerities, worshipped Him, and she was also worshipped by Śrī Kriṣṇa. Kriṣṇa granted her the boon, Let you be worshipped throughout the world and departed. O Nārada! She was thus first worshipped by the Supreme Spirit, the Devī Kriṣṇa; secondly by Śankara; thirdly by the Maharṣi Kaśyapa and the Devas. Then she was worshipped by the Munis, Manus, Nāgas, and men; and She became widely renowned in the three worlds. Kaśyapa gave Her over to the hands of Jaratkāru Muni. At the request of the Brāhmiṇ Kaśyapa, the Muni Jarat Kāru married Her. After the marriage, one day, being tired with his long work of Tapasyā, Jarat Kāru laid his head on the hip and loins of his married wife and fell fast asleep. Gradually the evening came in. The sun set. Then Manasā thought, If my husband fails to perform the Sandhyā, the daily duty of the Brāhmaṇas, he would be involved in the sin of Brahmahatyā. It is definitely stated in the Śāstras, that if any Brāhmaṇa does not perform his Sandhyā in the morning and in the evening, he becomes wholly impure and the sins Brahmahattyā and other crimes come down on his head. Arguing thus, these thoughts in her mind, as commanded by the Vedas, at last she awakened her husband, who then got up from his sleep.