Devi Bhagavata Purana 9.48.31–60
स च बुद्धो मुनिश्रेष्ठस्तां चुकोप भृशं मुने । मुनिरुवाच । कथं मे सुखिनः साध्वि निद्राभङ्गः कृतस्त्वया ॥ ३१ ॥ व्यर्थं व्रतादिकं तस्या या भर्तुश्चापकारिणी । तपश्चानशनं चैव व्रतं दानादिकं च यत् ॥ ३२ ॥ भर्तुरप्रियकारिण्याः सर्वं भवति निष्कलम् । यया प्रियः पूजितश्च श्रीकृष्णः पूजितस्तया ॥ ३३ ॥ पतिव्रताव्रतार्थञ्च पतिरूपो हरिः स्वयम् । सर्वदानं सर्वयज्ञः सर्वतीर्थनिषेवणम् ॥ ३४ ॥ सर्वं व्रतं तपः सर्वमुपवासादिकं च यत् । सर्वधर्मश्च सत्यं च सर्वदेवप्रपूजनम् ॥ ३५ ॥ तत्सर्वं स्वामिसेवायाः कलां नार्हति षोडशीम् । पुण्ये च भारते वर्षे पतिसेवा करोति या ॥ ३६ ॥ वैकुण्ठे स्वामिना सार्धं सा याति ब्रह्मणः पदम् । विप्रियं कुरुते भर्तुर्विप्रियं वदति प्रियम् ॥ ३७ ॥ असत्कुले प्रसूता हि तत्फलं श्रूयतां सति । कुम्भीपाकं व्रजेत्सा च यावच्चन्द्रदिवाकरौ ॥ ३८ ॥ ततो भवति चाण्डाली पतिपुत्रविवर्जिता । इत्युक्त्वा च मुनिश्रेष्ठो बभूव स्फुरिताधरः ॥ ३९ ॥ चकम्पे तेन सा साध्वी भयेनोवाच तं पतिम् । साध्व्युवाच । सन्ध्यालोपभयेनैव निद्राभङ्गः कृतस्तव ॥ ४० ॥ कुरु शान्तिं महाभाग दुष्टाया मम सुव्रत । शृङ्गाराहारनिद्राणां यश्च भङ्गं करोति वै ॥ ४१ ॥ स व्रजेत्कालसूत्रं वै यावच्चन्द्रदिवाकरौ । इत्युक्त्वा मनसा देवी स्वामिनश्चरणाम्बुजे ॥ ४२ ॥ पपात भक्त्या भीता च रुरोद च पुनः पुनः । कुपितं च मुनिं दृष्ट्वा श्रीसूर्यं शप्तुमुद्यतम् ॥ ४३ ॥ तत्राजगाम भगवान्सन्ध्यया सह नारद । तत्रागत्य मुनिं सम्यगुवाच भास्करः स्वयम् ॥ ४४ ॥ विनयेन च भीतश्च तया सह यथोचितम् । भास्कर उवाच । सूर्यास्तसमयं दृष्ट्वा साध्वी धर्मभयेन च ॥ ४५ ॥ बोधयामास त्वां विप्र शरणं त्वामहं गतः । क्षमस्व भगवन्ब्रह्मन् मां शप्तुं नोचितं मुने ॥ ४६ ॥ ब्राह्मणानां च हृदयं नवनीतसमं सदा । तेषां क्षणार्धं क्रोधश्च ततो भस्म भवेज्जगत् ॥ ४७ ॥ पुनः स्रष्टुं द्विजः शक्तो न तेजस्वी द्विजात्परः । ब्राह्मणो ब्रह्मणो वंशः प्रज्वलन्ब्रह्मतेजसा ॥ ४८ ॥ श्रीकृष्णं भावयेन्नित्यं ब्रह्मज्योतिः सनातनम् । सूर्यस्य वचनं श्रुत्वा द्विजस्तुष्टो बभूव ह ॥ ४९ ॥ सूर्यो जगाम स्वस्थानं गृहीत्वा ब्राह्मणाशिषम् । तत्याज मनसां विप्रः प्रतिज्ञापालनाय च ॥ ५० ॥ रुदतीं शोकसंयुक्तां हृदयेन विदूयता । सा सस्मार गुरुं शम्भुमिष्टदेवं विधिं हरिम् ॥ ५१ ॥ कश्यपं जन्मदातारं विपत्तौ भयकर्शिता । तत्राजगाम गोपीशो भगवाच्छम्भुरेव च ॥ ५२ ॥ विधिश्च कश्यपश्चैव मनसा परिचिन्तितः । दृष्ट्वा विप्रोऽभीष्टदेवं निर्गुणं प्रकृतेः परम् ॥ ५३ ॥ तुष्टाव परया भक्त्या प्रणनाम मुहुर्मुहुः । नमश्चकार शम्भुं च ब्रह्माणं कश्यपं तथा ॥ ५४ ॥ कथमागमनं देवा इति प्रश्नं चकार सः । ब्रह्मा तद्वचनं श्रुत्वा सहसा समयोचितम् ॥ ५५ ॥ प्रत्युवाच नमस्कृत्य हृषीकेशपदाम्बुजम् । यदि त्यक्ता धर्मपत्नी धर्मिष्ठा मनसा सती ॥ ५६ ॥ कुरुष्वास्यां सुतोत्पत्तिं स्वधर्मपालनाय वै । जायायां च सुतोत्पत्तिं कृत्वा पश्चात्त्यजेन्मुने ॥ ५७ ॥ अकृत्वा तु सुतोत्पत्तिं विरागी यस्त्यजेत्प्रियाम् । स्रवते तस्य पुण्यं च चालन्यां च यथा जलम् ॥ ५८ ॥ ब्रह्मणो वचनं श्रुत्वा जरत्कारुर्मुनीश्वरः । चकार नाभिसंस्पर्शं योगेन मन्त्रपूर्वकम् ॥ ५९ ॥ मनसाया मुनिश्रेष्ठ मुनिश्रेष्ठ उवाच ताम् । जरत्कारुरुवाच । गर्भेणानेन मनसे तव पुत्रो भविष्यति ॥ ६० ॥
sa ca buddho muniśreṣṭhastāṃ cukopa bhṛśaṃ mune | muniruvāca | kathaṃ me sukhinaḥ sādhvi nidrābhaṅgaḥ kṛtastvayā || 31 || vyarthaṃ vratādikaṃ tasyā yā bhartuścāpakāriṇī | tapaścānaśanaṃ caiva vrataṃ dānādikaṃ ca yat || 32 || bharturapriyakāriṇyāḥ sarvaṃ bhavati niṣkalam | yayā priyaḥ pūjitaśca śrīkṛṣṇaḥ pūjitastayā || 33 || pativratāvratārthañca patirūpo hariḥ svayam | sarvadānaṃ sarvayajñaḥ sarvatīrthaniṣevaṇam || 34 || sarvaṃ vrataṃ tapaḥ sarvamupavāsādikaṃ ca yat | sarvadharmaśca satyaṃ ca sarvadevaprapūjanam || 35 || tatsarvaṃ svāmisevāyāḥ kalāṃ nārhati ṣoḍaśīm | puṇye ca bhārate varṣe patisevā karoti yā || 36 || vaikuṇṭhe svāminā sārdhaṃ sā yāti brahmaṇaḥ padam | vipriyaṃ kurute bharturvipriyaṃ vadati priyam || 37 || asatkule prasūtā hi tatphalaṃ śrūyatāṃ sati | kumbhīpākaṃ vrajetsā ca yāvaccandradivākarau || 38 || tato bhavati cāṇḍālī patiputravivarjitā | ityuktvā ca muniśreṣṭho babhūva sphuritādharaḥ || 39 || cakampe tena sā sādhvī bhayenovāca taṃ patim | sādhvyuvāca | sandhyālopabhayenaiva nidrābhaṅgaḥ kṛtastava || 40 || kuru śāntiṃ mahābhāga duṣṭāyā mama suvrata | śṛṅgārāhāranidrāṇāṃ yaśca bhaṅgaṃ karoti vai || 41 || sa vrajetkālasūtraṃ vai yāvaccandradivākarau | ityuktvā manasā devī svāminaścaraṇāmbuje || 42 || papāta bhaktyā bhītā ca ruroda ca punaḥ punaḥ | kupitaṃ ca muniṃ dṛṣṭvā śrīsūryaṃ śaptumudyatam || 43 || tatrājagāma bhagavānsandhyayā saha nārada | tatrāgatya muniṃ samyaguvāca bhāskaraḥ svayam || 44 || vinayena ca bhītaśca tayā saha yathocitam | bhāskara uvāca | sūryāstasamayaṃ dṛṣṭvā sādhvī dharmabhayena ca || 45 || bodhayāmāsa tvāṃ vipra śaraṇaṃ tvāmahaṃ gataḥ | kṣamasva bhagavanbrahman māṃ śaptuṃ nocitaṃ mune || 46 || brāhmaṇānāṃ ca hṛdayaṃ navanītasamaṃ sadā | teṣāṃ kṣaṇārdhaṃ krodhaśca tato bhasma bhavejjagat || 47 || punaḥ sraṣṭuṃ dvijaḥ śakto na tejasvī dvijātparaḥ | brāhmaṇo brahmaṇo vaṃśaḥ prajvalanbrahmatejasā || 48 || śrīkṛṣṇaṃ bhāvayennityaṃ brahmajyotiḥ sanātanam | sūryasya vacanaṃ śrutvā dvijastuṣṭo babhūva ha || 49 || sūryo jagāma svasthānaṃ gṛhītvā brāhmaṇāśiṣam | tatyāja manasāṃ vipraḥ pratijñāpālanāya ca || 50 || rudatīṃ śokasaṃyuktāṃ hṛdayena vidūyatā | sā sasmāra guruṃ śambhumiṣṭadevaṃ vidhiṃ harim || 51 || kaśyapaṃ janmadātāraṃ vipattau bhayakarśitā | tatrājagāma gopīśo bhagavācchambhureva ca || 52 || vidhiśca kaśyapaścaiva manasā paricintitaḥ | dṛṣṭvā vipro'bhīṣṭadevaṃ nirguṇaṃ prakṛteḥ param || 53 || tuṣṭāva parayā bhaktyā praṇanāma muhurmuhuḥ | namaścakāra śambhuṃ ca brahmāṇaṃ kaśyapaṃ tathā || 54 || kathamāgamanaṃ devā iti praśnaṃ cakāra saḥ | brahmā tadvacanaṃ śrutvā sahasā samayocitam || 55 || pratyuvāca namaskṛtya hṛṣīkeśapadāmbujam | yadi tyaktā dharmapatnī dharmiṣṭhā manasā satī || 56 || kuruṣvāsyāṃ sutotpattiṃ svadharmapālanāya vai | jāyāyāṃ ca sutotpattiṃ kṛtvā paścāttyajenmune || 57 || akṛtvā tu sutotpattiṃ virāgī yastyajetpriyām | sravate tasya puṇyaṃ ca cālanyāṃ ca yathā jalam || 58 || brahmaṇo vacanaṃ śrutvā jaratkārurmunīśvaraḥ | cakāra nābhisaṃsparśaṃ yogena mantrapūrvakam || 59 || manasāyā muniśreṣṭha muniśreṣṭha uvāca tām | jaratkāruruvāca | garbheṇānena manase tava putro bhaviṣyati || 60 ||
The Muni Jarat Kāru said :—O Chaste One! I was sleeping happily. Why have you thus interrupted my sleep? All his vows turn out useless who injures her husband. Her tapas, fastings, gifts, and other meritorious works all come to vain who do things unpleasant to her husband. If she worships her husband, she is said to have worshipped Śrī Kriṣṇa. For the sake of fulfilling the vows of the chaste women, Hari himself becomes their husbands. All sorts of charities, gifts, all sacrifices, fastings, practising all the virtues, keeping to truth, worshipping all the Devas, nothing can turn out equal to even one-sixteenth part of serving one’s husband. She ultimately goes with her husband to the region of Vaikuṇṭha, who serves her husband in this holy land Bhārata. She comes certainly of a bad family who does unpleasant acts to her husband or who uses unpleasant words to her husband. She goes to the Kumbhīpāka hell as long as the Sun and Moon last and then she becomes born as a Chaṇḍālī, without husband and son. Speaking thus, Jarat Kāru, the best of the Munis, became angry and his lips began to tremble. Seeing this, the best Manasā, shivering with fear, addressed her husband :— I have broken your sleep and awakened you, fearing you might miss your time of Sandhyā. I have committed an offence. Punish me as you think. I know that a man goes to the Kālasūtra hell as long as the Sun and Moon last in this world, who throws an obstacle when any man eats, sleeps or enjoys with the opposite sex. O Nārada! Thus saying, the Devī Manasā fell down at the feet of her husband and cried again and again. On the other hand, knowing the Muni angry, and ready to curse her, the Sun came there with Sandhyā Devī. And He humbly spoke to him with fear :—O Bhagavān! Seeing Me going to set, and fearing that you may miss Dharma, your chaste wife has awakened you. O Brāhmiṇ! Now I am also under your refuge; forgive me. O Bhagavān! You should not curse Me. The more so, a Brāhmaṇa’s heart is as tender as the fresh butter. The anger of a Brāhmaṇ lasts only half the twinkling of an eye (Kṣaṇ). When a Brāhmaṇa becomes angry, he can burn all this world and can make a new creation. So who can possess an influence like a Brāhmaṇa. A Brāhmiṇ is a part of Brahmā; he is shining day and night with the Tejas of Brahmā. A Brāhmaṇa meditates always on the Eternal Light of Brahmā. O Nārada! Hearing the words of the Sun, the Brāhmiṇ became satisfied and blessed Him. The Sun also went to His own place, thus blessed daily. To keep his promise, the Brāhmin Jaratkāru quitted Manasā. She became very sorry and began to cry aloud with pain and anguish. Being very much distressed by the then danger, she remembered Her Īṣṭa Deva, Mahādeva, Brahmā, Hari and Her father Maharṣi Kaśyapa. On the very instant when Manasā remembered Śrī Kriṣṇa, the Lord of the Gopis, Mahādeva, Brahmā and Maharṣi Kaśyapa appeared there. Then seeing his own desired Deity Śrī Kriṣṇa, superior to Prakriti, beyond the attributes, Jaratkāru began to praise Him and bowed down to Him repeatedly. Then bowing down to Mahādeva, Brahmā and Kaśyapa, he enquired why they had come there. Brahmā, then, instantly bowed down at the lotus feet of Hriṣīkeśa and spoke in befitting words at that time if the Brāhmiṇ Jaratkāru leaves at all his legal wife, devoted to her own Dharma, he should first of all have a son born of her to fulfil his Dharma. O Muni! Any man can quit his wife, after he has impregnated her and got a son. But if without having a son, he leaves his wife, then all his merits are lost as all water leaks out of a sieve or a strainer. O Nārada! Hearing thus the words of Brahmā, the Muni Jaratkāru by his Yogic power recited a Mantra and touching the navel of Manasā spoke to her :—O Manasā! A son will be born in your womb self-controlled, religious, and best of the Brāhmaṇas.