सूत उवाच ।
इत्याकर्ण्य वचस्तेषां तापसानां तु रक्षकाः ।
प्रत्यूचुस्तान् द्विजान्मत्वा निदेशं भूपतेर्यथा ॥ ४९ ॥
नाद्य वो दर्शनं विप्रा राज्ञः स्यादिति नो मतिः ।
श्वः सर्वतापसैरत्र त्वागन्तव्यं नृपालये ॥ ५० ॥
अनारोहस्तु प्रासादो विप्राणां मुनिसत्तमाः ।
विप्रशापभयाद्राज्ञा विहितोऽस्ति न संशयः ॥ ५१ ॥
तदोचुस्तानथो विप्राः फलमूलजलानि च ।
विप्राशिषश्च राज्ञेऽथ ग्राहयन्तु सुरक्षकाः ॥ ५२ ॥
ते गत्वा नृपतिं प्रोचुस्तापसानागताञ्जनाः ।
राजोवाचानयध्वं वै फलमूलादिकं च यत् ॥ ५३ ॥
पृच्छध्वं तापसान्कार्यं प्रातरागमनं पुनः ।
प्रणामं कथयध्वं मे नाद्य सन्दर्शनं मम ॥ ५४ ॥
ते गत्वाथ समादाय फलमूलादिकं च यत् ।
राज्ञे समर्पयामासुर्बहुमानपुरःसरम् ॥ ५५ ॥
गतेषु तेषु नागेषु विप्रवेषावृतेषु च ।
फलान्यादाय राजासौ सचिवानिदमब्रवीत् ॥ ५६ ॥
सुहृदो भक्षयन्त्वद्य फलान्येतानि सर्वशः ।
अद्म्यहं चैकमेतद्वै फलं विप्रार्पितं महत् ॥ ५७ ॥
इत्युक्त्वा तत्फलं दत्त्वा सुहृद्भ्यश्चोत्तरासुतः ।
करे कृत्वा फलं पक्वं ददार नृपतिः स्वयम् ॥ ५८ ॥
विदारितं फलं राज्ञा तत्र कृमिरभूदणुः ।
स कृष्णनयनस्ताम्रो दृष्टो भूपतिना स्वयम् ॥ ५९ ॥
तं दृष्ट्वा नृपतिः प्राह सचिवान्विस्मितानथ ।
अस्तमभ्येति सविता विषादद्य न मे भयम् ॥ ६० ॥
अङ्गीकरोमि तं शापं कृमिको मां दशत्वयम् ।
एवमुक्त्वा स राजेन्द्रो ग्रीवायां संन्यवेशयत् ॥ ६१ ॥
अस्तं याते दिवानाथे धृतः कण्ठेऽथ कीटकः ।
तक्षकस्तु तदा जातः कालरूपी भयानकः ॥ ६२ ॥
राजा संवेष्टितस्तेन दष्टश्चापि महीपतिः ।
मन्त्रिणो विस्मयं प्राप्ता रुरुदुर्भृशदुःखिताः ॥ ६३ ॥
घोररूपमहिं वीक्ष्य दुद्रुवुस्ते भयार्दिताः ।
चुक्रुशू रक्षकाः सर्वे हाहाकारो महानभूत् ॥ ६४ ॥
वेष्टितो भोगिभोगेन विनष्टबहुपौरुषः ।
नोवाच नृपतिः किञ्चिन्न चचालोत्तरासुतः ॥ ६५ ॥
उत्थिताग्निशिखा घोरा विषजा तक्षकाननात् ।
प्रजज्वाल नृपं त्वाशु गतप्राणं चकार ह ॥ ६६ ॥
हत्वाशु जीवितं राज्ञस्तक्षको गगने गतः ।
जगद्दग्धं तु कुर्वाणं ददृशुस्तं जना इह ॥ ६७ ॥
स पपात गतप्राणो राजा दग्ध इव द्रुमः ।
चुकुशुश्च जनाः सर्वे मृतं दृष्ट्वा नराधिपम् ॥ ६८ ॥
sūta uvāca |
ityākarṇya vacasteṣāṃ tāpasānāṃ tu rakṣakāḥ |
pratyūcustān dvijānmatvā nideśaṃ bhūpateryathā || 49 ||
nādya vo darśanaṃ viprā rājñaḥ syāditi no matiḥ |
śvaḥ sarvatāpasairatra tvāgantavyaṃ nṛpālaye || 50 ||
anārohastu prāsādo viprāṇāṃ munisattamāḥ |
vipraśāpabhayādrājñā vihito'sti na saṃśayaḥ || 51 ||
tadocustānatho viprāḥ phalamūlajalāni ca |
viprāśiṣaśca rājñe'tha grāhayantu surakṣakāḥ || 52 ||
te gatvā nṛpatiṃ procustāpasānāgatāñjanāḥ |
rājovācānayadhvaṃ vai phalamūlādikaṃ ca yat || 53 ||
pṛcchadhvaṃ tāpasānkāryaṃ prātarāgamanaṃ punaḥ |
praṇāmaṃ kathayadhvaṃ me nādya sandarśanaṃ mama || 54 ||
te gatvātha samādāya phalamūlādikaṃ ca yat |
rājñe samarpayāmāsurbahumānapuraḥsaram || 55 ||
gateṣu teṣu nāgeṣu vipraveṣāvṛteṣu ca |
phalānyādāya rājāsau sacivānidamabravīt || 56 ||
suhṛdo bhakṣayantvadya phalānyetāni sarvaśaḥ |
admyahaṃ caikametadvai phalaṃ viprārpitaṃ mahat || 57 ||
ityuktvā tatphalaṃ dattvā suhṛdbhyaścottarāsutaḥ |
kare kṛtvā phalaṃ pakvaṃ dadāra nṛpatiḥ svayam || 58 ||
vidāritaṃ phalaṃ rājñā tatra kṛmirabhūdaṇuḥ |
sa kṛṣṇanayanastāmro dṛṣṭo bhūpatinā svayam || 59 ||
taṃ dṛṣṭvā nṛpatiḥ prāha sacivānvismitānatha |
astamabhyeti savitā viṣādadya na me bhayam || 60 ||
aṅgīkaromi taṃ śāpaṃ kṛmiko māṃ daśatvayam |
evamuktvā sa rājendro grīvāyāṃ saṃnyaveśayat || 61 ||
astaṃ yāte divānāthe dhṛtaḥ kaṇṭhe'tha kīṭakaḥ |
takṣakastu tadā jātaḥ kālarūpī bhayānakaḥ || 62 ||
rājā saṃveṣṭitastena daṣṭaścāpi mahīpatiḥ |
mantriṇo vismayaṃ prāptā rurudurbhṛśaduḥkhitāḥ || 63 ||
ghorarūpamahiṃ vīkṣya dudruvuste bhayārditāḥ |
cukruśū rakṣakāḥ sarve hāhākāro mahānabhūt || 64 ||
veṣṭito bhogibhogena vinaṣṭabahupauruṣaḥ |
novāca nṛpatiḥ kiñcinna cacālottarāsutaḥ || 65 ||
utthitāgniśikhā ghorā viṣajā takṣakānanāt |
prajajvāla nṛpaṃ tvāśu gataprāṇaṃ cakāra ha || 66 ||
hatvāśu jīvitaṃ rājñastakṣako gagane gataḥ |
jagaddagdhaṃ tu kurvāṇaṃ dadṛśustaṃ janā iha || 67 ||
sa papāta gataprāṇo rājā dagdha iva drumaḥ |
cukuśuśca janāḥ sarve mṛtaṃ dṛṣṭvā narādhipam || 68 ||
Sūtā said :—Hearing these words, the sentinels spoke as previously ordered by the king, as follows :—O Brāhmaṇas! We think verily you won't be able to have an interview with the king to-day; you, all ascetics can come to-morrow to this palace. O Munis! Owing to the Brāhmaṇa's curse, the king has built this place; then it follows, as a matter of course, that the Brāhmaṇas are not allowed to get up to the palace. Then the serpents, in the form of the Brāhmaṇas, spoke :—O good sentinels! Then take these roots and fruits and offer them to the king and communicate to him our blessings.
The sentinels went to the king, and informed him of the arrival of the ascetic Brāhmaṇas. The king replied :—Bring here the roots and fruits offered by them and ask what for they have come. Give them my pranāms; to-day I cannot meet with them; let them come to-morrow morning. The sentinels went to the ascetics and got from them their roots and fruits and offered them with great respect to the king. When the serpents in the guise of the hypocrite Brāhmiṇs went away, the king took those fruits and spoke to his ministers :—
Take these fruits and let all my friends eat them. I will take only this one fruit given by the Brāhmaṇas and will eat it. Saying this, the Uttarā's son Parīksit gave away fruits to the friends and took one ripe fruit for himself, broke it and saw within it a very fine copper-coloured black eyed insect. At this the ministers were astonished; the King spoke to them :—The sun has set; so there is no further chance of any fear from any poison to-day. I speak then to-day, fearing the Brāhmaṇ's curse, let this insect bite me. Thus saying the king took that insect and placed it on his neck. That Takṣak in the form of an insect, when placed, during the sun-set, on the neck by the king, immediately assumed the form of the terrible Kāla (Death), coiled round the king and beat him. The Ministers were greatly surprised and began to weep and cry with great pain and sorrow. Seeing that terrible serpent, the ministers, overwhelmed with terror, fled away on all sides. The guards cried out loudly. The terrible out-cry was raised on all sides. Then Uttarā's son, the king Parīksit, coiled by the serpent, saw that all his efforts were rendered fruitless, and remained silent and held fast to his patience. From the mouth of the serpent Takṣak the terrible venomous flames came out burning all and immediately killed the king. Thus taking away the life of the king, Takṣak went up in the celestial atmosphere; the people then saw that the serpent was ready as if to burn the world. The king fell down lifeless like a burnt tree; and all the persons cried out seeing the king dead.
Thus ends the tenth Chapter of the Second Skandha on the death of the king Parīksit in the Mahāpurāṇam S'rī Mad Devī Bhāgavatam of 18,000 verses.