Skip to content

Devi Bhagavata Purana 2.10.4–17

कश्यप उवाच । परीक्षितं नृपश्रेष्ठं तक्षकश्च प्रधक्ष्यति । तत्राहं त्वरितो यामि नृपं कर्तुमपज्वरम् ॥ ४ ॥ मन्त्रोऽस्ति मम विप्रेन्द्र विषनाशकरः किल । जीवयिष्याम्यहं तं वै जीवितव्येऽधुना किल ॥ ५ ॥ तक्षक उवाच । अहं स पन्नगो ब्रह्मंस्तं धक्ष्यामि महीपतिम् । निवर्तस्व न शक्तस्त्वं मया दष्टं चिकित्सितुम् ॥ ६ ॥ कश्यप उवाच । अहं दष्टं त्वया सर्प नृपं शप्तं द्विजेन वै । जीवयिष्याम्यसन्देहं कामं मन्त्रबलेन वै ॥ ७ ॥ तक्षक उवाच । यदि त्वं जीवितुं यासि मया दष्टं नृपोत्तमम् । मन्त्रशक्तिबलं विप्र दर्शय त्वं ममानघ ॥ ८ ॥ धक्ष्याम्येनं च न्यग्रोधं विषदंष्ट्राभिरद्य वै । कश्यप उवाच । जीवयिष्ये त्वया दष्टं दग्धं वा पन्नगोत्तम ॥ ९ ॥ सूत उवाच । अदशत्पन्नगो वृक्षं भस्मसाच्च चकार तम् । उवाच कश्यपं भूयो जीवयैनं द्विजोत्तम ॥ १० ॥ दृष्ट्वा भस्मीकृतं वृक्षं पन्नगेन विषाग्निना । सर्वं भस्म समाहृत्य कश्यपो वाक्यमब्रवीत् ॥ ११ ॥ पश्य मन्त्रबलं मेऽद्य न्यग्रोधं पन्नगोत्तम । जीवयाम्यद्य वृक्षं वै पश्यतस्ते महाविष ॥ १२ ॥ इत्युक्त्वा जलमादाय कश्यपो मन्त्रवित्तमः । सिषेच भस्मराशिं तं मन्त्रितेनैव वारिणा ॥ १३ ॥ तद्वारिसेचनाज्जातो न्यग्रोधः पूर्ववच्छुभः । विस्मयं तक्षकः प्राप्तो दृष्ट्वा तं जीवितं नगम् ॥ १४ ॥ तमाह कश्यपं नागः किमर्थं ते परिश्रमः । सम्पादयामि तं कामं ब्रूहि वाडव वाञ्छितम् ॥ १५ ॥ कश्यप उवाच । वित्तार्थी नृपतिं मत्वा शप्तं पन्नग निःसृतः । गृहादहं चोपकर्तुं विद्यया नृपसत्तमम् ॥ १६ ॥ तक्षक उवाच । वित्तं गृहाण विप्रेन्द्र यावदिच्छसि पार्थिवात् । ददामि स्वगृहं याहि सकामोऽहं भवाम्यतः ॥ १७ ॥

kaśyapa uvāca | parīkṣitaṃ nṛpaśreṣṭhaṃ takṣakaśca pradhakṣyati | tatrāhaṃ tvarito yāmi nṛpaṃ kartumapajvaram || 4 || mantro'sti mama viprendra viṣanāśakaraḥ kila | jīvayiṣyāmyahaṃ taṃ vai jīvitavye'dhunā kila || 5 || takṣaka uvāca | ahaṃ sa pannago brahmaṃstaṃ dhakṣyāmi mahīpatim | nivartasva na śaktastvaṃ mayā daṣṭaṃ cikitsitum || 6 || kaśyapa uvāca | ahaṃ daṣṭaṃ tvayā sarpa nṛpaṃ śaptaṃ dvijena vai | jīvayiṣyāmyasandehaṃ kāmaṃ mantrabalena vai || 7 || takṣaka uvāca | yadi tvaṃ jīvituṃ yāsi mayā daṣṭaṃ nṛpottamam | mantraśaktibalaṃ vipra darśaya tvaṃ mamānagha || 8 || dhakṣyāmyenaṃ ca nyagrodhaṃ viṣadaṃṣṭrābhiradya vai | kaśyapa uvāca | jīvayiṣye tvayā daṣṭaṃ dagdhaṃ vā pannagottama || 9 || sūta uvāca | adaśatpannago vṛkṣaṃ bhasmasācca cakāra tam | uvāca kaśyapaṃ bhūyo jīvayainaṃ dvijottama || 10 || dṛṣṭvā bhasmīkṛtaṃ vṛkṣaṃ pannagena viṣāgninā | sarvaṃ bhasma samāhṛtya kaśyapo vākyamabravīt || 11 || paśya mantrabalaṃ me'dya nyagrodhaṃ pannagottama | jīvayāmyadya vṛkṣaṃ vai paśyataste mahāviṣa || 12 || ityuktvā jalamādāya kaśyapo mantravittamaḥ | siṣeca bhasmarāśiṃ taṃ mantritenaiva vāriṇā || 13 || tadvārisecanājjāto nyagrodhaḥ pūrvavacchubhaḥ | vismayaṃ takṣakaḥ prāpto dṛṣṭvā taṃ jīvitaṃ nagam || 14 || tamāha kaśyapaṃ nāgaḥ kimarthaṃ te pariśramaḥ | sampādayāmi taṃ kāmaṃ brūhi vāḍava vāñchitam || 15 || kaśyapa uvāca | vittārthī nṛpatiṃ matvā śaptaṃ pannaga niḥsṛtaḥ | gṛhādahaṃ copakartuṃ vidyayā nṛpasattamam || 16 || takṣaka uvāca | vittaṃ gṛhāṇa viprendra yāvadicchasi pārthivāt | dadāmi svagṛhaṃ yāhi sakāmo'haṃ bhavāmyataḥ || 17 ||

Thus questioned, Kas'yapa replied :—I heard that the serpent Takṣak will bite the king Parīkṣit; therefore I am going in haste to the king Parīkṣit to cure him of the serpent's poison. I know the mantra (mystic verse) that can destroy the effect of poison. If his life-period is not exhausted, I will certainly give him back his life. Takṣak then. Said :—“O Brāhmaṇa! I am that Takṣak; I will bite him and take away his life. So you better desist. Will you be able to treat him whom I bite; certainly you will not.” Kas'yapa said :—“O chief of snakes! When you will bite the king who has been cursed by the Brāhmaṇ, I will no doubt make him alive by the power of my mantra.” Takṣak said :—“O chief of Brāhmaṇas! If you have so thought that you will make the king alive after I bite him, then shew me your strength before hand. O sinless one! I will bite this Nyagrodha tree (the Indian fig-tree); just now make it alive.” Kas'yapa said :—“Certainly I will make this tree alive, that will be burnt away by the venom of your teeth.” Sūta said :—“The snake Takṣak then bit the tree, which was reduced to ashes; and asked Kas'yapa to bring back that tree to life.” Seeing the tree reduced to ashes by the fire of venom of the snake, he collected all the ashes and said :—“O highly venomous serpent. See to-day the power of my mantra. Behold! While you are witnessing, I will enliven this tree. Thus the great mantra-knower Kas'yapa took water in his hand, and impregnating it with his mantra power, sprinkled the water on the ashes. Immediately, on the sprinkling of the mantra saturated water, the Nyagrodha tree got back its life as before. Takṣak became greatly astonished to see the tree enlivened again and said to Kas'yapa :—“O chief of Brāhmaṇs! What is your object in taking so much pains? Speak out what you want and I will fulfil your desires.” Kas'yapa said :—“O chief of serpents! Knowing the king cursed, I am going to do good to him by my knowledge and to get in return abundant wealth.” Hearing this, Takṣak said :—“I will give you the amount of wealth that you desire; take that and go back to your house, and let my desire be also fulfilled.”

Report an error