Devi Bhagavata Purana 1.5.76–82
तया ज्ञातं हरिर्नूनं कथं मां हसति प्रभुः । विरूपं हरिणा दृष्टं मुखं मे केन हेतुना ॥ ७६ ॥ विनापि कारणेनाद्य कथं हास्यस्य सम्भवः । सपत्नीव कृता तेन मन्येऽन्या वरवर्णिनी ॥ ७७ ॥ ततः कोपयुता जाता महालक्ष्मी तमोगुणा । तामसी तु तदा शक्तिस्तस्या देहे समाविशत् ॥ ७८ ॥ केनचित्कालयोगेन देवकार्यार्थसिद्धये । प्रविष्टा तामसी शक्तिस्तस्या देहेऽतिदारुणा ॥ ७९ ॥ तामस्याविष्टदेहा सा चुकोपातिशयं तदा । शनकैः समुवाचेदमिदं पततु ते शिरः ॥ ८० ॥ स्त्रीस्वभावाच्च भावित्वात्कालयोगाद्विनिर्गतः । अविचार्य तदा दत्तः शापः स्वसुखनाशनः ॥ ८१ ॥ सपत्नीसम्भवं दुःखं वैधव्यादधिकं त्विति । विचिन्त्य मनसेत्युक्तं तामसीशक्तियोगतः ॥ ८२ ॥
tayā jñātaṃ harirnūnaṃ kathaṃ māṃ hasati prabhuḥ | virūpaṃ hariṇā dṛṣṭaṃ mukhaṃ me kena hetunā || 76 || vināpi kāraṇenādya kathaṃ hāsyasya sambhavaḥ | sapatnīva kṛtā tena manye'nyā varavarṇinī || 77 || tataḥ kopayutā jātā mahālakṣmī tamoguṇā | tāmasī tu tadā śaktistasyā dehe samāviśat || 78 || kenacitkālayogena devakāryārthasiddhaye | praviṣṭā tāmasī śaktistasyā dehe'tidāruṇā || 79 || tāmasyāviṣṭadehā sā cukopātiśayaṃ tadā | śanakaiḥ samuvācedamidaṃ patatu te śiraḥ || 80 || strīsvabhāvācca bhāvitvātkālayogādvinirgataḥ | avicārya tadā dattaḥ śāpaḥ svasukhanāśanaḥ || 81 || sapatnīsambhavaṃ duḥkhaṃ vaidhavyādadhikaṃ tviti | vicintya manasetyuktaṃ tāmasīśaktiyogataḥ || 82 ||
At this Laksmī Devī came to understand that He has seen surely something ugly in my face and therefore He laughed; otherwise why my Husband would laugh at seeing me. But what reason can there be as to see ugliness in my face after so long a time. And why shall He laugh without seeing something ugly, without any cause. Or it may be, He has made some other beautiful woman as my co-wife. Thus arguing variously in her mind, Mahā Laksmī gradually got angry and Tamo guna slowly possessed Her. Then, by turn of Fate, in order that god’s work might be completed, very fierce Tamas Sakti entered into Her body. She got very angry and slowly said :—Let Thy head fall off. Thus, owing to feminine nature and the destiny of Bhagvan, Laksmī cursed without any thought of good or bad, causing Her own suffering. By the Tāmasī Śakti possessing Her, she thought that a co-wife would be more painful than Her widowhood and thus She cursed Him.