Skip to content

भविष्यपर्व · अध्यायः ११६

Ṣoḍaśādhikaśatatamo'dhyāyaḥ

A chapter of the Harivamsha.

9 versesSanskrit with transliteration

The child Krishna among the cowherds of Vraja.
←
Go to verse
→

षोडशाधिकशततमोऽध्यायः । वैशम्पायन उवाच । हासं कुर्वत्सु तेष्वेवं केशवः केशिसूदनः । उवाच वचनं दूतं गच्छ मद्वचनाद् द्विज ॥ १ ॥

ṣoḍaśādhikaśatatamo'dhyāyaḥ | vaiśampāyana uvāca | hāsaṃ kurvatsu teṣvevaṃ keśavaḥ keśisūdanaḥ | uvāca vacanaṃ dūtaṃ gaccha madvacanād dvija || 1 ||

Report an error

तावित्थं हंसडिम्भकौ ब्रूहि त्वरितविक्रमः । बाणैर्दास्यामि निशितैः शार्ङ्गमुक्तैः शिलाशितैः ॥ २ ॥

tāvitthaṃ haṃsaḍimbhakau brūhi tvaritavikramaḥ | bāṇairdāsyāmi niśitaiḥ śārṅgamuktaiḥ śilāśitaiḥ || 2 ||

Report an error

असिना वाथ दास्यामि निशितेन महात्मनोः । शिरो वा छेत्स्यते चक्रं मत्करप्रहितं बलिम् ॥ ३ ॥

asinā vātha dāsyāmi niśitena mahātmanoḥ | śiro vā chetsyate cakraṃ matkaraprahitaṃ balim || 3 ||

Report an error

यो वरं दत्तवान् रुद्रो युवयोर्धार्ष्ट्यकारणम् । स एव रक्षिता वां स्यात्तं जित्वा वां निहन्म्यहम् ॥ ४ ॥

yo varaṃ dattavān rudro yuvayordhārṣṭyakāraṇam | sa eva rakṣitā vāṃ syāttaṃ jitvā vāṃ nihanmyaham || 4 ||

Report an error

देशोऽयं संविधातव्यो यत्र नः संगतिर्भवेत् । तत्र गन्ता तथा चास्मि सबलः सहवाहनः ॥ ५ ॥

deśo'yaṃ saṃvidhātavyo yatra naḥ saṃgatirbhavet | tatra gantā tathā cāsmi sabalaḥ sahavāhanaḥ || 5 ||

Report an error

भवन्तौ निर्भयौ भूत्वा गच्छेतां सबलौ नृपौ । पुष्करे वा प्रयागे वा मथुरायामथापि वा ॥ ६ ॥

bhavantau nirbhayau bhūtvā gacchetāṃ sabalau nṛpau | puṣkare vā prayāge vā mathurāyāmathāpi vā || 6 ||

Report an error

तत्राहं सबलो याता नात्र कार्या विचारणा । अथवा मित्रभावाच्च वक्तुमेवं न ते क्षमम् ॥ ७ ॥

tatrāhaṃ sabalo yātā nātra kāryā vicāraṇā | athavā mitrabhāvācca vaktumevaṃ na te kṣamam || 7 ||

Report an error

न शक्यं यत् त्वया वक्तुं तच्च वक्ष्यति सात्यकिः । त्वया सह ततो गत्वा साक्षिभूतो भव द्विज ॥ ८ ॥

na śakyaṃ yat tvayā vaktuṃ tacca vakṣyati sātyakiḥ | tvayā saha tato gatvā sākṣibhūto bhava dvija || 8 ||

Report an error

इदं च जाने विप्रेन्द्र स्नेहो मयि सदा तव । तेन त्वं विजयी भूत्वा संसारे दुःखसंकुले । मत्कथापरमो नित्यं सदा भव जनार्दन ॥ ९ ॥

idaṃ ca jāne viprendra sneho mayi sadā tava | tena tvaṃ vijayī bhūtvā saṃsāre duḥkhasaṃkule | matkathāparamo nityaṃ sadā bhava janārdana || 9 ||

Report an error

Illustration: Verse & Place (Project-owned).