Skip to content

भविष्यपर्व · अध्यायः १२८

Aṣṭāviṃśatyadhikaśatatamo'dhyāyaḥ

A chapter of the Harivamsha.

13 versesSanskrit with transliteration

The child Krishna among the cowherds of Vraja.

अष्टाविंशत्यधिकशततमोऽध्यायः । वैशम्पायन उवाच । अथ भीतो महारौद्रमस्त्रं दृष्ट्वा नृपोत्तम । हंसो राजा महाराज निश्चेष्ट इव सम्बभौ ॥ १ ॥

aṣṭāviṃśatyadhikaśatatamo'dhyāyaḥ | vaiśampāyana uvāca | atha bhīto mahāraudramastraṃ dṛṣṭvā nṛpottama | haṃso rājā mahārāja niśceṣṭa iva sambabhau || 1 ||

Report an error

उत्प्लुत्य स रथात्तस्माद् यमुनामभ्यधावत । यत्र कृष्णो हृषीकेशः कालियाहिं ममर्द ह ॥ २ ॥

utplutya sa rathāttasmād yamunāmabhyadhāvata | yatra kṛṣṇo hṛṣīkeśaḥ kāliyāhiṃ mamarda ha || 2 ||

Report an error

महाह्रदं महारौद्रं यावत्पातालसंस्थितम् । तावद्दीर्घं महानीलं कालाञ्जननिभं हि यत् ॥ ३ ॥

mahāhradaṃ mahāraudraṃ yāvatpātālasaṃsthitam | tāvaddīrghaṃ mahānīlaṃ kālāñjananibhaṃ hi yat || 3 ||

Report an error

तस्मिन् ह्रदे महाघोरे पपाताथ स हंसकः । हंसे पतति तस्मिंस्तु महान् रावो बभूव ह ॥ ४ ॥

tasmin hrade mahāghore papātātha sa haṃsakaḥ | haṃse patati tasmiṃstu mahān rāvo babhūva ha || 4 ||

Report an error

गिरीणां पात्यमानानां समुद्र इव वज्रिणा । रथादुत्प्लुत्य कृष्णोऽपि तस्योपरि पपात ह ॥ ५ ॥

girīṇāṃ pātyamānānāṃ samudra iva vajriṇā | rathādutplutya kṛṣṇo'pi tasyopari papāta ha || 5 ||

Report an error

देवदेवो जगन्नाथो जगद् विस्मापयन्निव । प्राहरन् तं महाबाहुः पादाभ्यामथ केशवः ॥ ६ ॥

devadevo jagannātho jagad vismāpayanniva | prāharan taṃ mahābāhuḥ pādābhyāmatha keśavaḥ || 6 ||

Report an error

पादक्षेपं नृपस्तस्माल्लब्ध्वा हंसो नृपोत्तम । ममार च नृपश्रेष्ठ केचिदेवं वदन्ति हि ॥ ७ ॥

pādakṣepaṃ nṛpastasmāllabdhvā haṃso nṛpottama | mamāra ca nṛpaśreṣṭha kecidevaṃ vadanti hi || 7 ||

Report an error

अन्ये पातालमायातो भक्षितः पन्नगैरिति । अद्यापि नैव राजेन्द्र दृष्ट इत्यनुशुश्रुम ॥ ८ ॥

anye pātālamāyāto bhakṣitaḥ pannagairiti | adyāpi naiva rājendra dṛṣṭa ityanuśuśruma || 8 ||

Report an error

यथापूर्वं जगन्नाथो रथं समुपजग्मिवान् । हते तस्मिन् महाराज धर्मपुत्रो युधिष्ठिरः ॥ ९ ॥

yathāpūrvaṃ jagannātho rathaṃ samupajagmivān | hate tasmin mahārāja dharmaputro yudhiṣṭhiraḥ || 9 ||

Report an error

अकरोत् राजसूयं च तव पूर्वपितामहः । यदि जीवेदसौ हंसः को नमस्यति तं क्रतुम् ॥ १० ॥

akarot rājasūyaṃ ca tava pūrvapitāmahaḥ | yadi jīvedasau haṃsaḥ ko namasyati taṃ kratum || 10 ||

Report an error

स च सर्वास्त्रविन्नित्यं रुद्राल्लब्धवरः प्रभो । क्षणादेव महाराज वार्तेयं गामगाहत ॥ ११ ॥

sa ca sarvāstravinnityaṃ rudrāllabdhavaraḥ prabho | kṣaṇādeva mahārāja vārteyaṃ gāmagāhata || 11 ||

Report an error

हतो हंसो हतो हंसः कृष्णेन रिपुमर्दिना । जगुर्गन्धर्वपतयो देवलोके दिवानिशम् ॥ १२ ॥

hato haṃso hato haṃsaḥ kṛṣṇena ripumardinā | jagurgandharvapatayo devaloke divāniśam || 12 ||

Report an error

कृष्णेन लोकनाथेन विष्णुना प्रभविष्णुना । यमुनाया ह्रदे घोरे हंसो निहत इत्यपि ॥ १३ ॥

kṛṣṇena lokanāthena viṣṇunā prabhaviṣṇunā | yamunāyā hrade ghore haṃso nihata ityapi || 13 ||

Report an error

Illustration: Verse & Place (Project-owned).