பாயிரம் / உற்பத்திக் காண்டம் — திருநாட்டுப்படலம் · திருநாட்டுப்படலம்
tirunāṭṭuppaṭalam
tirunāṭṭuppaṭalam
॥
tirunāṭṭuppaṭalam, from Pāyiram and Uṟpatti Kāṇṭam; poems 1.90–1.146.
57 verses·Tamil with transliteration
அவ்வியல் பெற்றிடு மாற்றன் மள்ளர்கண்
மைவரு கடலுடை மங்கை தன்னிடை
மெய்வளங் கொள்வதை வேண்டி யந்நிலச்
செய்விக ணாடியே யினைய செய்குவார்.
avviyal peṟṟiṭu māṟṟaṉ maḷḷarkaṇ
maivaru kaṭaluṭai maṅkai taṉṉiṭai
meyvaḷaṅ koḷvatai vēṇṭi yannilac
ceyvika ṇāṭiyē yiṉaiya ceykuvār.
சேட்டிளந் திமிலுடைச் செங்க ணேற்றொடுங்
கோட்டுடைப் பகட்டினம் விரவிக் கோன்முறை
காட்டினர் நிரைபட வுழுப காசினி
பூட்டுறு பொலன்மணி யாரம் போலவே.
cēṭṭiḷan timiluṭaic ceṅka ṇēṟṟoṭuṅ
kōṭṭuṭaip pakaṭṭiṉam viravik kōṉmuṟai
kāṭṭiṉar niraipaṭa vuḻupa kāciṉi
pūṭṭuṟu polaṉmaṇi yāram pōlavē.
காற்றினு மனத்தினுங் கடுமை சான்றன
கோற்றொழில் வினைஞர்தங் குறிப்பிற் செல்லுவ
ஏற்றினஞ் சேறலு மிரிந்த சேலினம்
பாற்றின மருளவிண் படர்ந்து பாயுமால்.
kāṟṟiṉu maṉattiṉuṅ kaṭumai cāṉṟaṉa
kōṟṟoḻil viṉaiñartaṅ kuṟippiṟ celluva
ēṟṟiṉañ cēṟalu mirinta cēliṉam
pāṟṟiṉa maruḷaviṇ paṭarntu pāyumāl.
சால்வளை தரவுழும் வயலிற் றங்கிய
வால்வளை யினம்வெரீஇ யலவன் மாப்பெடைச்
சூல்வளை புகுவதங் கறிஞர் சூழ்விலைக்
கோல்வளை மகளிர்பாற் கூட்ட மொத்ததே.
cālvaḷai taravuḻum vayaliṟ ṟaṅkiya
vālvaḷai yiṉamverīi yalavaṉ māppeṭaic
cūlvaḷai pukuvataṅ kaṟiñar cūḻvilaik
kōlvaḷai makaḷirpāṟ kūṭṭa mottatē.
உலத்தொடு முறழ்புயத் துழவர் பொன்விளை
புலத்தினும் வியத்தகு வயலிற் போக்கிய
வலத்திடைப் பிறழ்மணி வேள்வி யாற்றிடும்
நிலத்திடைப் பிறந்தமின் னிகர்க்கும் நீர்மைய.
ulattoṭu muṟaḻpuyat tuḻavar poṉviḷai
pulattiṉum viyattaku vayaliṟ pōkkiya
valattiṭaip piṟaḻmaṇi vēḷvi yāṟṟiṭum
nilattiṭaip piṟantamiṉ ṉikarkkum nīrmaiya.
நாறுசெய் குநர்சிலர் நார நீர்வயல்
ஊறுசெய் குநர்சில ரொத்த பான்மையிற்
சேறுசெய் குநர்சிலர் வித்திச் செல்லுநீர்க்
காறுசெய் குநர்சில ரளப்பின் மள்ளரே.
nāṟucey kunarcilar nāra nīrvayal
ūṟucey kunarcila rotta pāṉmaiyiṟ
cēṟucey kunarcilar vittic cellunīrk
kāṟucey kunarcila raḷappiṉ maḷḷarē.
குச்செனப் பரிமிசைக் குலாய கொய்யுளை
வைச்செனத் தளிர்த்தெழு நாற்றின் மாமுடி
அச்செனப் பதித்தனர் கடைஞ ராவியா
நச்சின மகளிரை நினைந்து நைந்துளார்.
kucceṉap parimicaik kulāya koyyuḷai
vaicceṉat taḷirtteḻu nāṟṟiṉ māmuṭi
acceṉap patittaṉar kaṭaiña rāviyā
nacciṉa makaḷirai niṉaintu naintuḷār.
வாக்குறு தேறலை வள்ள மீமிசைத்
தேக்கின ருழவர்தந் தெரிவை மாதரார்
நோக்குறு மாடியி னுனித்து நோக்கினர்
மேக்குறு காதலின் மிசைதன் மேயினார்.
vākkuṟu tēṟalai vaḷḷa mīmicait
tēkkiṉa ruḻavartan terivai mātarār
nōkkuṟu māṭiyi ṉuṉittu nōkkiṉar
mēkkuṟu kātaliṉ micaitaṉ mēyiṉār.
வாடுகின் றார்சிலர் மயங்கி நெஞ்சொடு
மூடுகின் றார்சில ருயிர்க்கின் றார்சிலர்
பாடுகின் றார்சிலர் பணிகின் றார்சிலர்
ஆடுகின் றார்சிலர் நறவ மார்ந்துளார்.
vāṭukiṉ ṟārcilar mayaṅki neñcoṭu
mūṭukiṉ ṟārcila ruyirkkiṉ ṟārcilar
pāṭukiṉ ṟārcilar paṇikiṉ ṟārcilar
āṭukiṉ ṟārcilar naṟava mārntuḷār.
அந்தரப் புள்ளடு மளிக டம்மொடும்
வந்தடுத் தவரொடு மயக்கு தேறலை
இந்திரத் தெய்வத மிறைஞ்சி வாமமாந்
தந்திரக் கிளைஞர்போற் றாமு மேயினார்.
antarap puḷḷaṭu maḷika ṭammoṭum
vantaṭut tavaroṭu mayakku tēṟalai
intirat teyvata miṟaiñci vāmamān
tantirak kiḷaiñarpōṟ ṟāmu mēyiṉār.
விள்ளுறு நாணினர் விரகத் தீயினர்
உள்ளுறு முயிர்ப்பின ருலையு நெஞ்சினர்
தள்ளுறு தம்முணர் வின்றிச் சாம்பினார்
கள்ளினு முளதுகொல் கருத்த ழிப்பதே.
viḷḷuṟu nāṇiṉar virakat tīyiṉar
uḷḷuṟu muyirppiṉa rulaiyu neñciṉar
taḷḷuṟu tammuṇar viṉṟic cāmpiṉār
kaḷḷiṉu muḷatukol karutta ḻippatē.
பளிக்கறை யன்னதோர் படுகர்ப் பாங்கினுந்
தளிர்ப்புறு செறுவினுந் தவறுற் றேகுவார்
தெளிப்பவ ரின்மையி னெறியிற் சென்றிலர்
களிப்பவர் தமக்குமோர் கதியுண் டாகுமோ.
paḷikkaṟai yaṉṉatōr paṭukarp pāṅkiṉun
taḷirppuṟu ceṟuviṉun tavaṟuṟ ṟēkuvār
teḷippava riṉmaiyi ṉeṟiyiṟ ceṉṟilar
kaḷippavar tamakkumōr katiyuṇ ṭākumō.
இன்னன பற்பல வியற்றி யீண்டினர்
உன்னருந் தொல்லையி லுணர்வு வந்துழிக்
கன்னெடுந் திரள்புயக் கணவ ரேவலில்
துன்னின ரவரோடுந் துவன்றிச் சூழ்ந்துளார்.
iṉṉaṉa paṟpala viyaṟṟi yīṇṭiṉar
uṉṉarun tollaiyi luṇarvu vantuḻik
kaṉṉeṭun tiraḷpuyak kaṇava rēvalil
tuṉṉiṉa ravarōṭun tuvaṉṟic cūḻntuḷār.
மள்ளர்தம் வினைபுரி மழலைத் தீஞ்சொலார்
கள்ளுறு புதுமணங் கமழும் வாலிதழ்
உள்ளுறு நறுவிரை யுயிர்த்து வீசிய
வெள்ளிய குமுதமென் மலரின் மேவுமே.
maḷḷartam viṉaipuri maḻalait tīñcolār
kaḷḷuṟu putumaṇaṅ kamaḻum vālitaḻ
uḷḷuṟu naṟuvirai yuyirttu vīciya
veḷḷiya kumutameṉ malariṉ mēvumē.
நட்டதோர் குழுவினை நடாத தோர்குழு
ஒட்டலர் போலநின் றொறுத்த லுன்னியே
அட்டன ராமென வடாத வான்களை
கட்டனர் வேற்றுமை யுணருங் காட்சியார்.
naṭṭatōr kuḻuviṉai naṭāta tōrkuḻu
oṭṭalar pōlaniṉ ṟoṟutta luṉṉiyē
aṭṭaṉa rāmeṉa vaṭāta vāṉkaḷai
kaṭṭaṉar vēṟṟumai yuṇaruṅ kāṭciyār.
ஏயின செயலெலா மியற்றி வேறுவே
றாயிடை வேண்டுவ தமைய வாற்றியே
மாயிரும் புவிமிசை மகவைப் போற்றிடுந்
தாயென வளர்த்தனர் சாலி யீட்டமே.
ēyiṉa ceyalelā miyaṟṟi vēṟuvē
ṟāyiṭai vēṇṭuva tamaiya vāṟṟiyē
māyirum puvimicai makavaip pōṟṟiṭun
tāyeṉa vaḷarttaṉar cāli yīṭṭamē.
மன்சுடர் கெழுமிய வயிர வான்கணை
மின்சுடர் தூணியின் மேல கீழுறத்
தன்சுடர் பொலிதரச் செறித்த தன்மைபோற்
பொன்சுட ரிளங்கதிர் புறத்துக் கான்றவே.
maṉcuṭar keḻumiya vayira vāṉkaṇai
miṉcuṭar tūṇiyiṉ mēla kīḻuṟat
taṉcuṭar politarac ceṟitta taṉmaipōṟ
poṉcuṭa riḷaṅkatir puṟattuk kāṉṟavē.
பச்சிளங் காம்புடைப் பணையின் மீமிசை
வச்சிரத் தியற்றுமோ ரிலைகொள் வான்படை
உச்சிமே லுறநிறீஇ யொருங்கு செய்தெனக்
குச்சுறு சாலிமென் கதிர்கு லாவுமால்.
pacciḷaṅ kāmpuṭaip paṇaiyiṉ mīmicai
vaccirat tiyaṟṟumō rilaikoḷ vāṉpaṭai
uccimē luṟaniṟīi yoruṅku ceyteṉak
kuccuṟu cālimeṉ katirku lāvumāl.
சுற்றுறு பஃறலைச் சுடிகை மாசுணம்
பெற்றுறு குழவிகள் பெயர்த லின்றியே
முற்றுறு நிவப்பொடு முறையி னிற்றல்போ
நெற்றுறு பசுங்கதிர் நிமிர்தல் மிக்கவே.
cuṟṟuṟu paḵṟalaic cuṭikai mācuṇam
peṟṟuṟu kuḻavikaḷ peyarta liṉṟiyē
muṟṟuṟu nivappoṭu muṟaiyi ṉiṟṟalpō
neṟṟuṟu pacuṅkatir nimirtal mikkavē.
மையுறு கணிகையர் மகிழ்நர் வந்துழிப்
பொய்யுறு மளியெனப் பயனில் புன்கதிர்
கையுறு முவகையாற் பணியுங் கற்பினோர்
மெய்யுறு பரிவென விளைந்து சாய்ந்தவே.
maiyuṟu kaṇikaiyar makiḻnar vantuḻip
poyyuṟu maḷiyeṉap payaṉil puṉkatir
kaiyuṟu muvakaiyāṟ paṇiyuṅ kaṟpiṉōr
meyyuṟu pariveṉa viḷaintu cāyntavē.
மாலுறு பொன்னகர் மருவு மன்னற்குப்
பாலுறு தீம்பதம் பலவு மார்த்தியே
மேலுறு சாலியின் விளைவு நோக்கியே
கோலிநின் றரிந்தனர் குழாங்கொண் மள்ளரே.
māluṟu poṉṉakar maruvu maṉṉaṟkup
pāluṟu tīmpatam palavu mārttiyē
mēluṟu cāliyiṉ viḷaivu nōkkiyē
kōliniṉ ṟarintaṉar kuḻāṅkoṇ maḷḷarē.
அரிந்திடு சுமைகளா லவனிப் பேருடல்
நெரிந்திடச் சேடனு நெளிந்து நீங்கிடத்
தெரிந்திடும் போர்கள்சே ணளவுஞ் சேறலால்
விரிந்திடு கதிர்சுலா மேரு வாயவே.
arintiṭu cumaikaḷā lavaṉip pēruṭal
nerintiṭac cēṭaṉu neḷintu nīṅkiṭat
terintiṭum pōrkaḷcē ṇaḷavuñ cēṟalāl
virintiṭu katirculā mēru vāyavē.
ஏற்றொடு பகட்டின மிசைத்துப் போருரு
மாற்றினர் வலமுறை திரித்து வாழ்த்தொலி
சான்றினர் பரனொடு தமது தெய்வதம்
போற்றினர் மீமிசை பொலிகென் றோதுவார்.
ēṟṟoṭu pakaṭṭiṉa micaittup pōruru
māṟṟiṉar valamuṟai tirittu vāḻttoli
cāṉṟiṉar paraṉoṭu tamatu teyvatam
pōṟṟiṉar mīmicai polikeṉ ṟōtuvār.
தொங்கலம் பூமுடித் தொழுவர் போரினை
அங்குறப் படுத்துவை யகற்றி யாக்கிய
பொங்கழிப் பதடிகள் புறத்து வீசியே
எங்கணு நெற்குவை யியற்று வாரரோ.
toṅkalam pūmuṭit toḻuvar pōriṉai
aṅkuṟap paṭuttuvai yakaṟṟi yākkiya
poṅkaḻip pataṭikaḷ puṟattu vīciyē
eṅkaṇu neṟkuvai yiyaṟṟu vārarō.
களப்படு கைவலோர் கால்க ளான்முகந்
தளப்புறு நெற்குழா மவற்றுண் மன்னவற்.
குளப்படு கடன்முறை யுதவி மள்ளருக்
களித்தனர் வேண்டிய தனைய நாட்டுளோர்.
kaḷappaṭu kaivalōr kālka ḷāṉmukan
taḷappuṟu neṟkuḻā mavaṟṟuṇ maṉṉavaṟ.
kuḷappaṭu kaṭaṉmuṟai yutavi maḷḷaruk
kaḷittaṉar vēṇṭiya taṉaiya nāṭṭuḷōr.
சொற்குவை வழிபடப் புகழிற் றோன்றுதம்
மிற்குவை வேண்டுவ தேவி யெஞ்சிய
நெற்குவை குரம்பையி னிரப்பு வித்தனர்
பொற்குவை யரிந்தனர் பொதிவித் தென்னவே.
coṟkuvai vaḻipaṭap pukaḻiṟ ṟōṉṟutam
miṟkuvai vēṇṭuva tēvi yeñciya
neṟkuvai kurampaiyi ṉirappu vittaṉar
poṟkuvai yarintaṉar potivit teṉṉavē.
தலத்திடை வேறிடத் தொதுங்குந் தண்ணிய
குலத்திடைப் பிறந்தவர் கூட்ட மாமென
நலத்திடை வந்திடு முதிரை நல்வளம்
நிலத்திடை யொருசிறை விளையு நீரவே.
talattiṭai vēṟiṭat totuṅkun taṇṇiya
kulattiṭaip piṟantavar kūṭṭa māmeṉa
nalattiṭai vantiṭu mutirai nalvaḷam
nilattiṭai yoruciṟai viḷaiyu nīravē.
பிறப்பதும் வளர்வதும் பின்னர் மூப்புவந்
திறப்பதும் வைகலு முலகி லேய்ந்தெனச்
சிறப்புட னடுவதும் பருவஞ் செய்வதும்
மறுப்பதுந் தொகுப்பது முலப்பின் றாயவே.
piṟappatum vaḷarvatum piṉṉar mūppuvan
tiṟappatum vaikalu mulaki lēynteṉac
ciṟappuṭa ṉaṭuvatum paruvañ ceyvatum
maṟuppatun tokuppatu mulappiṉ ṟāyavē.
முழவொல விண்ணவர் முதல்வற் காக்குறும்
விழவொலி கிணையொலி விரும்பு மென்சிறார்
மழவொலி கடைசியர் வள்ளைப் பாட்டொலி
உழவொலி யல்கலு முலப்பு றாதவே.
muḻavola viṇṇavar mutalvaṟ kākkuṟum
viḻavoli kiṇaiyoli virumpu meṉciṟār
maḻavoli kaṭaiciyar vaḷḷaip pāṭṭoli
uḻavoli yalkalu mulappu ṟātavē.
காலுற நிமிர்ந்திடு காமர் சோலையும்
நீலமுங் கமலமு நிறைந்த பொய்கையும்
ஆலையங் கழனியும் கநங்கற் காயுத
சாலைக ளிவையெனச் சாற்ற நின்றவே.
kāluṟa nimirntiṭu kāmar cōlaiyum
nīlamuṅ kamalamu niṟainta poykaiyum
ālaiyaṅ kaḻaṉiyum kanaṅkaṟ kāyuta
cālaika ḷivaiyeṉac cāṟṟa niṉṟavē.
நெறியிடை யொழுகலா விழுதை நீரரை
மறலிதன் னகரிடை வருத்தல் போலுமால்
குறைபடத் துணித்தவண் குவைசெய் கன்னலை
அறைபடு மாலைக ளிடையிட் டாட்டலே.
neṟiyiṭai yoḻukalā viḻutai nīrarai
maṟalitaṉ ṉakariṭai varuttal pōlumāl
kuṟaipaṭat tuṇittavaṇ kuvaicey kaṉṉalai
aṟaipaṭu mālaika ḷiṭaiyiṭ ṭāṭṭalē.
ஏறுகாட் டியதிற லிளைஞ ரெந்திரங்
கூறுகாட் டியகழை யழுங்கக் கோறலுஞ்
சாறுகாட் டியதரோ யாதுந் தம்மிடை
ஊறுகாட் டினர்க்கலால் உலோப ரீவரோ.
ēṟukāṭ ṭiyatiṟa liḷaiña rentiraṅ
kūṟukāṭ ṭiyakaḻai yaḻuṅkak kōṟaluñ
cāṟukāṭ ṭiyatarō yātun tammiṭai
ūṟukāṭ ṭiṉarkkalāl ulōpa rīvarō.
மட்டுறு கழையினும் வலிதிற் கொண்டபின்
இட்டகொள் கலங்களி னிருந்த தீம்புனல்
தொட்டிடு கடலெனத் தொன்று மன்னவை
அட்டதோர் புகைமுகி லளாவிற் றொக்குமே.
maṭṭuṟu kaḻaiyiṉum valitiṟ koṇṭapiṉ
iṭṭakoḷ kalaṅkaḷi ṉirunta tīmpuṉal
toṭṭiṭu kaṭaleṉat toṉṟu maṉṉavai
aṭṭatōr pukaimuki laḷāviṟ ṟokkumē.
கூடின தேனிசை யிளமென் கோகிலம்
பாடின மயில்சிறை பறைய டித்தன
வாடின வஞ்சிதந் தலைய சைத்திடா
நாடின பாதவம் புகழ்வ நாரையே.
kūṭiṉa tēṉicai yiḷameṉ kōkilam
pāṭiṉa mayilciṟai paṟaiya ṭittaṉa
vāṭiṉa vañcitan talaiya caittiṭā
nāṭiṉa pātavam pukaḻva nāraiyē.
காசொடு நித்திலப் பொதியுங் காட்டியே
பாசடை மாதுளை சினையிற் பைங்குயில்
பேசிட நிற்பன பெறீஇயர் வம்மென
வீசுதல் கருதியே விளித்தல் போன்றவே.
kācoṭu nittilap potiyuṅ kāṭṭiyē
pācaṭai mātuḷai ciṉaiyiṟ paiṅkuyil
pēciṭa niṟpaṉa peṟīiyar vammeṉa
vīcutal karutiyē viḷittal pōṉṟavē.
சித்திரக் கதலிமா வருக்கைத் தீங்கனி
துய்த்திட வரும்பய னுதவுந் தோற்றத்தால்
உத்தம முதலிய குணத்தி னோங்கிய
முத்திறத் தவர்கொடை மொழிய நின்றவே.
cittirak katalimā varukkait tīṅkaṉi
tuyttiṭa varumpaya ṉutavun tōṟṟattāl
uttama mutaliya kuṇatti ṉōṅkiya
muttiṟat tavarkoṭai moḻiya niṉṟavē.
வீசுகால் பொரவசை விசும்பிற் றாழைகள்
தேசுலாம் பரிதிமெய் தீண்டுஞ் செய்கைய
காசினி தன்கையாற் கலைவெண் டிங்கள்போல்
மாசுறா வகைதுடைத் திடுதல் மானுமே.
vīcukāl poravacai vicumpiṟ ṟāḻaikaḷ
tēculām paritimey tīṇṭuñ ceykaiya
kāciṉi taṉkaiyāṟ kalaiveṇ ṭiṅkaḷpōl
mācuṟā vakaituṭait tiṭutal māṉumē.
வாசநீள் பொதும்பரின் மைந்தர் மாதர்கள்
காசுநூன் மேகலை பரியக் கைவளை
பூசலிட் டலமரப் புணருஞ் செய்கைகண்
டாசைமிக் கழுங்குவ பிரிந்த அன்றிலே.
vācanīḷ potumpariṉ maintar mātarkaḷ
kācunūṉ mēkalai pariyak kaivaḷai
pūcaliṭ ṭalamarap puṇaruñ ceykaikaṇ
ṭācaimik kaḻuṅkuva pirinta aṉṟilē.
கானுலா நந்தன வனமுங் காரென
வானுலாந் தண்டலை மருங்கும் வைகலும்
வேனிலா னன்னவர் மகளிர் மேயினார்
ஊனுலாங் குரம்பையு ளுயிருற் றென்னவே.
kāṉulā nantaṉa vaṉamuṅ kāreṉa
vāṉulān taṇṭalai maruṅkum vaikalum
vēṉilā ṉaṉṉavar makaḷir mēyiṉār
ūṉulāṅ kurampaiyu ḷuyiruṟ ṟeṉṉavē.
அசும்புறு மகன்புன லறாத சூழலின்
விசும்புற வோச்சிய விரைமென் றாதினாற்
பசும்பொனிற் குயிற்றிய பதியிற் றூபிகைத்
தசும்பெலாம் வெள்ளிய தாக்குந் தாழையே.
acumpuṟu makaṉpuṉa laṟāta cūḻaliṉ
vicumpuṟa vōcciya viraimeṉ ṟātiṉāṟ
pacumpoṉiṟ kuyiṟṟiya patiyiṟ ṟūpikait
tacumpelām veḷḷiya tākkun tāḻaiyē.
உற்றிட வரிதவ ணுழவர் நீத்ததார்
சுற்றிடுந் தாண்மிசை யிடறுஞ் சூல்வளை
தெற்றிடும் பூங்கொடி புடைக்குஞ் சேலினம்
எற்றிடுந் தேம்பழ மிழுக்குந் தேன்களே.
uṟṟiṭa varitava ṇuḻavar nīttatār
cuṟṟiṭun tāṇmicai yiṭaṟuñ cūlvaḷai
teṟṟiṭum pūṅkoṭi puṭaikkuñ cēliṉam
eṟṟiṭun tēmpaḻa miḻukkun tēṉkaḷē.
கானிமிர் கந்திகள் கான்ற பாளைமேன்
மீனினம் பாய்தலுஞ் சிதறி வீழ்வுறா
வானதோர் மருதவைப் படையுந் தன்மைய
வானுறு தாரகை வழுக்கிற் றொக்குமால்.
kāṉimir kantikaḷ kāṉṟa pāḷaimēṉ
mīṉiṉam pāytaluñ citaṟi vīḻvuṟā
vāṉatōr marutavaip paṭaiyun taṉmaiya
vāṉuṟu tārakai vaḻukkiṟ ṟokkumāl.
மாகுல வல்லியின் மஞ்ஞை யாடல்போல்
கோகில மார்தருக் குழத்தி னூசன்மேற்
பாகுல வின்சொலார் பணிக்கு மெல்லிடைக்
காகுலம் பிறர்கொள மகிழ்வி னாடுவார்.
mākula valliyiṉ maññai yāṭalpōl
kōkila mārtaruk kuḻatti ṉūcaṉmēṟ
pākula viṉcolār paṇikku melliṭaik
kākulam piṟarkoḷa makiḻvi ṉāṭuvār.
ஊசலுற்றவர் குழைக்குடைந் திடுதலா லுவரை
வீச லொப்பன வாடுதல் கிளிமொழி வெருவிப்
பேச லொப்பன வீழ்ந்திலர் பிழைத்ததீ தென்னா
ஏச லொப்பன கோகிலப் பறவைக ளிசைத்தல்.
ūcaluṟṟavar kuḻaikkuṭain tiṭutalā luvarai
vīca loppaṉa vāṭutal kiḷimoḻi veruvip
pēca loppaṉa vīḻntilar piḻaittatī teṉṉā
ēca loppaṉa kōkilap paṟavaika ḷicaittal.
கூர்ப்புக் கொண்டகட் கொடிச்சியர் குளிர்புனங் காப்போர்
ஆர்ப்புக் கொண்டுகை விசைத்தெறி மணிக்கல்வந் தணையச்
சார்ப்புக் கொண்டதஞ் சிறகரால் விலக்கியத் தடத்துப்
பார்ப்புக் கொண்டுகொண் டெழுவன தோலடிப் பறவை.
kūrppuk koṇṭakaṭ koṭicciyar kuḷirpuṉaṅ kāppōr
ārppuk koṇṭukai vicaitteṟi maṇikkalvan taṇaiyac
cārppuk koṇṭatañ ciṟakarāl vilakkiyat taṭattup
pārppuk koṇṭukoṇ ṭeḻuvaṉa tōlaṭip paṟavai.
கடற்பரு கியமுகில் பெய்யுங் காட்சிபோல்
அடற்பெரு மேதிக ளனைத்தும் புக்குராய்த்
தடப்பனல் வறிதெனப் பருகித் தம்முலைக்
குடத்திழி பாலினாற் குறையைத் தீர்க்குமே.
kaṭaṟparu kiyamukil peyyuṅ kāṭcipōl
aṭaṟperu mētika ḷaṉaittum pukkurāyt
taṭappaṉal vaṟiteṉap parukit tammulaik
kuṭattiḻi pāliṉāṟ kuṟaiyait tīrkkumē.
பாட்டிய லளிமுரல் பதுமக் கோயிலில்
நாட்டிய நிமலன்மு னந்தி நீரிடை
மாட்டிய பல்பெருஞ் சுடரை மானுமாற்
கோட்டுயர் தடந்தொறுங் குவளை பூத்தவே.
pāṭṭiya laḷimural patumak kōyilil
nāṭṭiya nimalaṉmu ṉanti nīriṭai
māṭṭiya palperuñ cuṭarai māṉumāṟ
kōṭṭuyar taṭantoṟuṅ kuvaḷai pūttavē.
கலனிடைத் தருவதுங் கானத் துள்ளதும்
பொலனுடைப் பொருப்பிடைப் பொருளு மல்லது
நலனுடை நாட்டவர் நயதத லின்றிய்ந்
நிலனிடைப் பொருள்பகர் வழக்க நீத்ததே.
kalaṉiṭait taruvatuṅ kāṉat tuḷḷatum
polaṉuṭaip poruppiṭaip poruḷu mallatu
nalaṉuṭai nāṭṭavar nayatata liṉṟiyn
nilaṉiṭaip poruḷpakar vaḻakka nīttatē.
யாழ்க்கையர் பொருநருக் கிறைவ ரேழிசை
வாழ்க்கைய ரளவையின் வகுத்த பாடலைக்
கேட்குநர் நன்றென மருப்புக் கிம்புரிப்
பூட்கைக ளுதவுவார் பொதுவி றோறுமே.
yāḻkkaiyar porunaruk kiṟaiva rēḻicai
vāḻkkaiya raḷavaiyiṉ vakutta pāṭalaik
kēṭkunar naṉṟeṉa maruppuk kimpurip
pūṭkaika ḷutavuvār potuvi ṟōṟumē.
கஞ்சிதேய்ப் புண்டகில் கமழும் பூந்துகில்
வஞ்சிதேய்ப் புண்டன மருங்கு லாரடி
பஞ்சிதேய்ப் புண்டன பணியத் தாக்கலாற்
குஞ்சிதேய்ப் புண்டன குமரர் கூட்டமே.
kañcitēyp puṇṭakil kamaḻum pūntukil
vañcitēyp puṇṭaṉa maruṅku lāraṭi
pañcitēyp puṇṭaṉa paṇiyat tākkalāṟ
kuñcitēyp puṇṭaṉa kumarar kūṭṭamē.
அன்றிலம் பெடைகளை யணுகி யன்னைகேள்
நன்றென வினையின்மே னடந்த நாயகர்
இன்றுவந் திடுவரிங் கெமபொ ருட்டினால்
ஒன்றுநீ யிரங்க்லென் றுரைக்கின் றார்சிலர்.
aṉṟilam peṭaikaḷai yaṇuki yaṉṉaikēḷ
naṉṟeṉa viṉaiyiṉmē ṉaṭanta nāyakar
iṉṟuvan tiṭuvariṅ kemapo ruṭṭiṉāl
oṉṟunī yiraṅkleṉ ṟuraikkiṉ ṟārcilar.
ஆடியல் கருங்கணுஞ் சிவப்புற் றங்கமும்
வாடுவ தாகியே மதன வேர்வுறாக்
கூடிய மகளிருங் குமரர் தங்களை
ஊடிய மகளிரு முலப்பின் றாயினார்.
āṭiyal karuṅkaṇuñ civappuṟ ṟaṅkamum
vāṭuva tākiyē mataṉa vērvuṟāk
kūṭiya makaḷiruṅ kumarar taṅkaḷai
ūṭiya makaḷiru mulappiṉ ṟāyiṉār.
அகனமர் கணிகைய ரடிகள் சூடியே
முகனுறு முவகையான் முயங்கி யன்னவர்
நகனுறு குறிகொளீஇ நாளுங் காமநூல்
தகைமைசெய் காளையர் தொகுதி சான்றதே.
akaṉamar kaṇikaiya raṭikaḷ cūṭiyē
mukaṉuṟu muvakaiyāṉ muyaṅki yaṉṉavar
nakaṉuṟu kuṟikoḷīi nāḷuṅ kāmanūl
takaimaicey kāḷaiyar tokuti cāṉṟatē.
வாளைக ளிகல்புரி வயலும் வாலியும்
பாளையொ டுற்பலம் பதும நாறுமால்
வேளயர் தடங்கணார் விரைமென் றாளினை
காளையர் குஞ்சியுங் காரமு நாறுமால்.
vāḷaika ḷikalpuri vayalum vāliyum
pāḷaiyo ṭuṟpalam patuma nāṟumāl
vēḷayar taṭaṅkaṇār viraimeṉ ṟāḷiṉai
kāḷaiyar kuñciyuṅ kāramu nāṟumāl.
சேவக மணைவன கரிகள் சேனைகள்
காவக மணைவன கலைகள் புள்ளினம்
பூவக மணைவன பொறிவண் டாயிடைப்
பாவக மணைவன பாட லாடலே.
cēvaka maṇaivaṉa karikaḷ cēṉaikaḷ
kāvaka maṇaivaṉa kalaikaḷ puḷḷiṉam
pūvaka maṇaivaṉa poṟivaṇ ṭāyiṭaip
pāvaka maṇaivaṉa pāṭa lāṭalē.
ஆடக மாமதி லம்பொற் கோபுரம்
நீடிய மண்டப நெறிகொ ளரீவணம்
பாடலொ டாடிடம் பிறவும் பாலிநன்
னாடுள பதிதொறு நண்ணி யோங்குமே.
āṭaka māmati lampoṟ kōpuram
nīṭiya maṇṭapa neṟiko ḷarīvaṇam
pāṭalo ṭāṭiṭam piṟavum pālinaṉ
ṉāṭuḷa patitoṟu naṇṇi yōṅkumē.
தெண்டிரை யுலகினிற் சீர்பெற் றோங்கிய
மண்டல மெங்கணு மதிக்க நின்றதோர்
தொண்டைநன் னாட்டணி சொல்லி னாமினித்
தண்டமிழ் வளநகர்த் தன்மை கூறுவாம்.
teṇṭirai yulakiṉiṟ cīrpeṟ ṟōṅkiya
maṇṭala meṅkaṇu matikka niṉṟatōr
toṇṭainaṉ ṉāṭṭaṇi colli ṉāmiṉit
taṇṭamiḻ vaḷanakart taṉmai kūṟuvām.
Keys: ← → turn the page, J K step through the verses.
Illustration: Verse & Place (Project-owned).