பாயிரம் / உற்பத்திக் காண்டம் — ஆற்றுப்படலம் · ஆற்றுப்படலம்
āṟṟuppaṭalam
āṟṟuppaṭalam
॥
āṟṟuppaṭalam, from Pāyiram and Uṟpatti Kāṇṭam; poems 1.51–1.89.
39 verses·Tamil with transliteration
செக்கரஞ் சடைமுடிச் சிவனுக் கன்பராய்த்
தக்கவ ரறிஞர்க டவத்தர் செல்வராய்த்
தொக்கவர் யாரும்வாழ் தொண்டை நாட்டினின்
மிக்கதோ ரணியிய லதுவி ளம்புகேன்.
cekkarañ caṭaimuṭic civaṉuk kaṉparāyt
takkava raṟiñarka ṭavattar celvarāyt
tokkavar yārumvāḻ toṇṭai nāṭṭiṉiṉ
mikkatō raṇiyiya latuvi ḷampukēṉ.
சந்தர மாயவன் றுயிலு மாழிபோல்
இந்திர னூர்முகி லியாவு மேகியே
அந்தமில் கடற்புன லருந்தி யார்த்தெழீஇ
வந்தன வுவரியின் வண்ண மென்னவே.
cantara māyavaṉ ṟuyilu māḻipōl
intira ṉūrmuki liyāvu mēkiyē
antamil kaṭaṟpuṉa larunti yārtteḻīi
vantaṉa vuvariyiṉ vaṇṇa meṉṉavē.
பார்த்தென துலகடும் பரிதி யென்னொடும்
போர்த்தொழில் புரிகெனப் பொங்கு சீற்றத்தால்
வேர்த்தெனப் பனித்துவெள் ளெயிறு விள்ளநக்
கார்த்தென வெதடித் தசனி கான்றவே.
pārtteṉa tulakaṭum pariti yeṉṉoṭum
pōrttoḻil purikeṉap poṅku cīṟṟattāl
vērtteṉap paṉittuveḷ ḷeyiṟu viḷḷanak
kārtteṉa vetaṭit tacaṉi kāṉṟavē.
சுந்தர வயிரவத் தோன்றன் மீமிசைக்
கந்தடு களிற்றுரி கவைஇய காட்சிபோல்
முந்துறு சூன்முகில் முழுது முற்றுற
நந்தியம் பெருவரை மீது நண்ணிய.
cuntara vayiravat tōṉṟaṉ mīmicaik
kantaṭu kaḷiṟṟuri kavaiiya kāṭcipōl
muntuṟu cūṉmukil muḻutu muṟṟuṟa
nantiyam peruvarai mītu naṇṇiya.
வாரை கான்றநித் திலமென வாலிகண் மயங்கச்
சீரை கான்றிடு தந்திரி நரம்பெனச் செறிந்த
தாரை கான்றவோ ரிருதுவி னெல்லையுந் தண்பால்
வீரை கான்றிடு தன்மைய தாமென மேகம்.
vārai kāṉṟanit tilameṉa vālikaṇ mayaṅkac
cīrai kāṉṟiṭu tantiri narampeṉac ceṟinta
tārai kāṉṟavō rirutuvi ṉellaiyun taṇpāl
vīrai kāṉṟiṭu taṉmaiya tāmeṉa mēkam.
பூட்டு கார்முகந் தன்னொடுந் தோன்றிய புயல்வாய்
ஊட்டு தண்புன னந்தியங் கிரிமிசை யுகுத்தல்
வேட்டு வக்குலத் திண்ணனார் மஞ்சனம் விமலற்
காட்டு கின்றதோர் தனிச்செயல் போன்றுள தன்றே.
pūṭṭu kārmukan taṉṉoṭun tōṉṟiya puyalvāy
ūṭṭu taṇpuṉa ṉantiyaṅ kirimicai yukuttal
vēṭṭu vakkulat tiṇṇaṉār mañcaṉam vimalaṟ
kāṭṭu kiṉṟatōr taṉicceyal pōṉṟuḷa taṉṟē.
கல்லென் பேரிசைப் புனன்மழை பொழிதலாற் கானத்
தொல்லும் பேரழல் யாவையு மிமைப்பினி லொளித்த
வெல்லுந் தீஞ்சல மருவுமிக் காருக்கு வியன்பார்
செல்லுங் காலையி லங்கண்வீற் றிருப்பரோ தீயோர்.
kalleṉ pēricaip puṉaṉmaḻai poḻitalāṟ kāṉat
tollum pēraḻal yāvaiyu mimaippiṉi loḷitta
vellun tīñcala maruvumik kārukku viyaṉpār
celluṅ kālaiyi laṅkaṇvīṟ ṟirupparō tīyōr.
தேக்கு தெண்டிரைப் புணரிநீர் வெம்மையைச் சிந்தி
ஆக்கி வாலொளி யுலகில்விட் டெகலால் அடைந்தோர்
நீக்க ரும்வினை மாற்றிநன் னெறியிடைச் செலுத்திப்
போக்கின் மேயின் தேசிகர்ப் பொருவின புயல்கள்.
tēkku teṇṭiraip puṇarinīr vemmaiyaic cinti
ākki vāloḷi yulakilviṭ ṭekalāl aṭaintōr
nīkka rumviṉai māṟṟinaṉ ṉeṟiyiṭaic celuttip
pōkkiṉ mēyiṉ tēcikarp poruviṉa puyalkaḷ.
கழிந்த பற்றுடை வசிட்டன திருக்கையாக் கவிஞர்
மொழிந்த நந்தியம் பெருவரை மொய்த்தசூல் முகில்கள்
பொழிந்த சீதநீர் பொற்புறு சாடியிற் பொங்கி
வழிந்த பாலெனத் திசைதொறு மிழிந்தன மன்னோ.
kaḻinta paṟṟuṭai vaciṭṭaṉa tirukkaiyāk kaviñar
moḻinta nantiyam peruvarai moyttacūl mukilkaḷ
poḻinta cītanīr poṟpuṟu cāṭiyiṟ poṅki
vaḻinta pāleṉat ticaitoṟu miḻintaṉa maṉṉō.
சீல மேதகு பகரதன் வேண்டலுஞ் சிவன்றன்
கோல வார்சடைக் கங்கையம் புனலினைக் குன்றின்
மேலை நாள்விட வந்தென நந்திவீழ் விரிநீர்
பாலி யாறெனும் பெயர்கொடு நடந்தது படிமேல்.
cīla mētaku pakarataṉ vēṇṭaluñ civaṉṟaṉ
kōla vārcaṭaik kaṅkaiyam puṉaliṉaik kuṉṟiṉ
mēlai nāḷviṭa vanteṉa nantivīḻ virinīr
pāli yāṟeṉum peyarkoṭu naṭantatu paṭimēl.
வாலி தாகிய குணத்தினன் வசிட்டனென் றுரைக்குஞ்
சீல மாமுனி படைத்ததோர் தேனுவின் றீம்பால்
சால நீடியே தோல்லைநாட் படர்ந்திடு தன்மைப்
பாலி மாநதிப் பெருமையான் பகர்வதற் கெளிதோ.
vāli tākiya kuṇattiṉaṉ vaciṭṭaṉeṉ ṟuraikkuñ
cīla māmuṉi paṭaittatōr tēṉuviṉ ṟīmpāl
cāla nīṭiyē tōllaināṭ paṭarntiṭu taṉmaip
pāli mānatip perumaiyāṉ pakarvataṟ keḷitō.
எய்யும் வெஞ்சிலைப் புளிஞரை எயிற்றியர் தொகையைக்
கைய ரிக்கொடு வாரியே சிறுகுடி கலக்கித்
துய்ய சந்தகில் பறித்துடன் போந்தது தொன்னாள்
வெய்ய சூப்படை வான்சிறை கவர்ந்துமீண் டதுபோல்.
eyyum veñcilaip puḷiñarai eyiṟṟiyar tokaiyaik
kaiya rikkoṭu vāriyē ciṟukuṭi kalakkit
tuyya cantakil paṟittuṭaṉ pōntatu toṉṉāḷ
veyya cūppaṭai vāṉciṟai kavarntumīṇ ṭatupōl.
காக பந்தரிற் கருமுகிற் காளிமங் கஞலும்
மாக நீள்கரி யாவையுங் குழுவொடும் வாரிப்
போகன் மேயின மேற்றிசைப் புணரியுண் டமையா
மேக ராசிகள் குணகடல் மீதுசெல் வனபோல்.
kāka pantariṟ karumukiṟ kāḷimaṅ kañalum
māka nīḷkari yāvaiyuṅ kuḻuvoṭum vārip
pōkaṉ mēyiṉa mēṟṟicaip puṇariyuṇ ṭamaiyā
mēka rācikaḷ kuṇakaṭal mītucel vaṉapōl.
குவட்டு மால்கரிக் குருகுதே ரரிபுலிக் குவையுண்
டுவட்டி யுந்திடு திரைப்புனல் மதூகநல் லுழிஞ்சில்
கவட்டி னோமைசாய்த் தாறலை கள்வரூர் கலக்கித்
தெவிட்டி வந்தது பாலையுட் கொண்டிடு செருக்கால்.
kuvaṭṭu mālkarik kurukutē raripulik kuvaiyuṇ
ṭuvaṭṭi yuntiṭu tiraippuṉal matūkanal luḻiñcil
kavaṭṭi ṉōmaicāyt tāṟalai kaḷvarūr kalakkit
teviṭṭi vantatu pālaiyuṭ koṇṭiṭu cerukkāl.
காலை வெம்பகல் கதிரவன் குடதிசைக் கரக்கும்
மாலை யாமம்வை கறையெலாஞ் செந்தழல் வடிவாய்
வேலை யும்பரு கியவெழும் வெம்மைபோய் விளிந்து
பாலை காண்கிலா வாரியின் பெருமையார் பகர்வார்.
kālai vempakal katiravaṉ kuṭaticaik karakkum
mālai yāmamvai kaṟaiyelāñ centaḻal vaṭivāy
vēlai yumparu kiyaveḻum vemmaipōy viḷintu
pālai kāṇkilā vāriyiṉ perumaiyār pakarvār.
குல்லை மாலதி கொன்றைகா யாமலர்க் குருந்து
முல்லை சாடியே யானிரை முழுவது மலைத்து
மெல்ல மற்றவை நீந்தலுங் கரைக்கண்விட் டுளதால்
தொல்லை மாநதி யான்வழித் தோன்றிய தொடர்பால்.
kullai mālati koṉṟaikā yāmalark kuruntu
mullai cāṭiyē yāṉirai muḻuvatu malaittu
mella maṟṟavai nīntaluṅ karaikkaṇviṭ ṭuḷatāl
tollai mānati yāṉvaḻit tōṉṟiya toṭarpāl.
சுளையு டைப்பல வாசினி பூகமாந் துடவை
உளைம லர்ச்சினை மருதமோ டொழிந்தன பிறவுங்
களைத லுற்றுமாட் டெறிந்தது கண்ணகன் குடிஞை
அளவின் மிக்குறு பாணிபெற் றதற்கவை யரிதோ.
cuḷaiyu ṭaippala vāciṉi pūkamān tuṭavai
uḷaima larcciṉai marutamō ṭoḻintaṉa piṟavuṅ
kaḷaita luṟṟumāṭ ṭeṟintatu kaṇṇakaṉ kuṭiñai
aḷaviṉ mikkuṟu pāṇipeṟ ṟataṟkavai yaritō.
இலைவி ரித்துவெண் சோறுகால் கைதையு மெழுதுங்
கலைவி ரித்திடு பெண்ணையுங் களைந்திடுங் களைபோய்
அலைவி ரித்திடு கடல்புக வொழுகுமா றனந்தன்
தலைவி ரித்துழி யுடனெளித் தன்னதோர் தகைத்தால்.
ilaivi rittuveṇ cōṟukāl kaitaiyu meḻutuṅ
kalaivi rittiṭu peṇṇaiyuṅ kaḷaintiṭuṅ kaḷaipōy
alaivi rittiṭu kaṭalpuka voḻukumā ṟaṉantaṉ
talaivi rittuḻi yuṭaṉeḷit taṉṉatōr takaittāl.
கொங்கு லாமலர்க் கொன்றைகூ விளைகுர வுழிஞை
பொங்கு மாசுணந் தாதகி பாடலம் புன்னை
துங்க மார்திருத் தலைமசைக் கொண்டுறுந் தொடர்பால்
எங்க ணாயகன் றன்னையு மொத்ததவ் விருநீர்.
koṅku lāmalark koṉṟaikū viḷaikura vuḻiñai
poṅku mācuṇan tātaki pāṭalam puṉṉai
tuṅka mārtirut talaimacaik koṇṭuṟun toṭarpāl
eṅka ṇāyakaṉ ṟaṉṉaiyu mottatav virunīr.
கொலைகொள் வேன்மற வீரர்த மிருக்கையிற் குறுகாச்
சிலையும் வாளடு தண்டமுந் திகிரிவான் படையும்
நிலவு சங்கமுங் கொண்டுசென் றடல்புரி நீரால்
உலக மேழையு முற்பக லயின்றமா லொக்கும்.
kolaikoḷ vēṉmaṟa vīrarta mirukkaiyiṟ kuṟukāc
cilaiyum vāḷaṭu taṇṭamun tikirivāṉ paṭaiyum
nilavu caṅkamuṅ koṇṭuceṉ ṟaṭalpuri nīrāl
ulaka mēḻaiyu muṟpaka layiṉṟamā lokkum.
தேன்கு லாவிய மலர்மிசைப் பொலிதரு செயலால்
நான்க வாமுகந் தொறுமறை யிசையோடு நணுகிக்
கான்கு லாவிய கலைமரை மான்றிகழ் கவினால்
வான்கு லாமுல களிப்பவ னிகர்க்குமால் வாரி.
tēṉku lāviya malarmicaip politaru ceyalāl
nāṉka vāmukan toṟumaṟai yicaiyōṭu naṇukik
kāṉku lāviya kalaimarai māṉṟikaḻ kaviṉāl
vāṉku lāmula kaḷippava ṉikarkkumāl vāri.
மீது போந்திரி சங்கைவிண் ணிடையின்மீ னோடும்
போத லாயுற வீசலாற் சலமிகும் புலனால்
தீதின் மாக்களைச் செறுத்தலா லளித்திடுஞ் செயலாற்
காதி காதல னிகர்க்குமாற் கன்னிமா நீத்தம்.
mītu pōntiri caṅkaiviṇ ṇiṭaiyiṉmī ṉōṭum
pōta lāyuṟa vīcalāṟ calamikum pulaṉāl
tītiṉ mākkaḷaic ceṟuttalā laḷittiṭuñ ceyalāṟ
kāti kātala ṉikarkkumāṟ kaṉṉimā nīttam.
தெழித்த மால்கரி யினங்கட மெயிற்றினாற் சிதையக்
கிழித்த பேரிறால் சொரிந்ததேன் கிரியுள வெல்லாங்
கொழித்து வந்துற வணைதரும் பாலியின் கொள்கை
கழித்த நீர்க்கங்கை யமுனையைக் கலந்தெனத் தோன்றும்.
teḻitta mālkari yiṉaṅkaṭa meyiṟṟiṉāṟ citaiyak
kiḻitta pēriṟāl corintatēṉ kiriyuḷa vellāṅ
koḻittu vantuṟa vaṇaitarum pāliyiṉ koḷkai
kaḻitta nīrkkaṅkai yamuṉaiyaik kalanteṉat tōṉṟum.
சங்க மார்த்திடத் திரையெழ நதியுறுத் தகைமை
அங்கம் வெம்பினை பனிக்கதி ரல்லைநீ யழலோய்
இங்கு வாதிளைத் தேகுதி யெனக்கர மெடுத்தே
பொங்கும் வாய்விடா விரவியை விளிப்பது போலும்.
caṅka mārttiṭat tiraiyeḻa natiyuṟut takaimai
aṅkam vempiṉai paṉikkati rallainī yaḻalōy
iṅku vātiḷait tēkuti yeṉakkara meṭuttē
poṅkum vāyviṭā viraviyai viḷippatu pōlum.
வேத மேமுதல் யாவையு முணர்கினு மேலாம்
ஆதி வானவன் கறைமிடற் றிறையென வறியாப்
பேதை மாக்கட முணர்வென வலைந்து பேர்கின்ற
சீத நீரெலாந் தெளிதலின் றாயது சிறிதும்.
vēta mēmutal yāvaiyu muṇarkiṉu mēlām
āti vāṉavaṉ kaṟaimiṭaṟ ṟiṟaiyeṉa vaṟiyāp
pētai mākkaṭa muṇarveṉa valaintu pērkiṉṟa
cīta nīrelān teḷitaliṉ ṟāyatu ciṟitum.
செம்பொன் மால்வரை யல்லன கிரிகளுந் திசையும்
உம்பர் வானமுந் தரணியுந் துளங்கவந் துறலால்
எம்பி ரான்முனம் வருகென நதிகளோ டெழுந்த
கம்பை மாநதி யொத்தது கரைபொரு பாலி.
cempoṉ mālvarai yallaṉa kirikaḷun ticaiyum
umpar vāṉamun taraṇiyun tuḷaṅkavan tuṟalāl
empi rāṉmuṉam varukeṉa natikaḷō ṭeḻunta
kampai mānati yottatu karaiporu pāli.
உதிரு கின்றசிற் றுண்டிகொண் டொலிபுனற் சடைமேல்
மதுரை நாயகன் மண்சுமந் திட்டமா நதியின்
முதிரு முத்தமிழ் விரகன தேடென மொய்ம்மீன்
எதிர்பு குந்திடப் போவது பாலியா மியாறு.
utiru kiṉṟaciṟ ṟuṇṭikoṇ ṭolipuṉaṟ caṭaimēl
maturai nāyakaṉ maṇcuman tiṭṭamā natiyiṉ
mutiru muttamiḻ virakaṉa tēṭeṉa moymmīṉ
etirpu kuntiṭap pōvatu pāliyā miyāṟu.
மாசறத் துளங்கு துப்பு மரகதத திடைவந் தென்னப்
பாசடை நடுவட் பூத்த பங்கயத் தடாகம் யாவுந்
தேசுடைத் தரங்க நீத்தச் செலவினாற் சிதைந்த மன்னோ
பேசிடிற் சிறுமை யெல்லாம் பெருமையா லடங்கு மன்றோ.
mācaṟat tuḷaṅku tuppu marakatata tiṭaivan teṉṉap
pācaṭai naṭuvaṭ pūtta paṅkayat taṭākam yāvun
tēcuṭait taraṅka nīttac celaviṉāṟ citainta maṉṉō
pēciṭiṟ ciṟumai yellām perumaiyā laṭaṅku maṉṟō.
வளவயன் மருத வைப்பின் வாவியங் கமலம் யாவுங்
கிளையொடும் பறித்து வாரிக் கேழுறப் பொலிந்த தோற்றம்
விளைதரு பகையிற் றோலா வெவ்வழற் சிறுமை நோக்கிக்
களைதலைப் புரிந்து பற்றிப் பெயர்ந்தெனக் காட்டிற் தன்றே.
vaḷavayaṉ maruta vaippiṉ vāviyaṅ kamalam yāvuṅ
kiḷaiyoṭum paṟittu vārik kēḻuṟap polinta tōṟṟam
viḷaitaru pakaiyiṟ ṟōlā vevvaḻaṟ ciṟumai nōkkik
kaḷaitalaip purintu paṟṟip peyarnteṉak kāṭṭiṟ taṉṟē.
திரைகட னீத்தரங் கொண்மூ வினத்தொடு சேண்போய் நோக்கித்
தரையிடை யிழிந்து சென்று தன்பொருள் கொடுபோந் தென்னப்
பரதவ ரளவர் வாரிப் படுத்தமீ னுப்பின் குப்பை
இருபுடை யலைத்து வௌவி யேகிய தெறிநீர்ப் பாலி.
tiraikaṭa ṉīttaraṅ koṇmū viṉattoṭu cēṇpōy nōkkit
taraiyiṭai yiḻintu ceṉṟu taṉporuḷ koṭupōn teṉṉap
paratava raḷavar vārip paṭuttamī ṉuppiṉ kuppai
irupuṭai yalaittu vauvi yēkiya teṟinīrp pāli.
பாரிடை யினைய பண்பிற் படர்ந்திடு பாலி யந்தத்
தாருயி ரனைத்துந் தத்த மருவினைக் கமைத்த நீராற்
சேருறு கதிக ளென்ன மரபினிற் றிறமே யென்னத்
தாருவின் கிளைக ளென்னத் தனித்தனி பிரிந்த தன்றே.
pāriṭai yiṉaiya paṇpiṟ paṭarntiṭu pāli yantat
tāruyi raṉaittun tatta maruviṉaik kamaitta nīrāṟ
cēruṟu katika ḷeṉṉa marapiṉiṟ ṟiṟamē yeṉṉat
tāruviṉ kiḷaika ḷeṉṉat taṉittaṉi pirinta taṉṟē.
கால்கிளர் கின்ற நீத்தங் கவிரிதழ்க் கலசக் கொங்கைச்
சேல்கிளர் கரிய வுண்கட் டிருநுதல் மிழற்றுந் தீஞ்சொல்
மேல்கிளர் பரவை யல்குன் மெல்லிய லறன்மென் கூந்தல்
மால்கிளர் கணிகை மாதர் மனமெனப் போயிற் றாமால்.
kālkiḷar kiṉṟa nīttaṅ kaviritaḻk kalacak koṅkaic
cēlkiḷar kariya vuṇkaṭ ṭirunutal miḻaṟṟun tīñcol
mēlkiḷar paravai yalkuṉ melliya laṟaṉmeṉ kūntal
mālkiḷar kaṇikai mātar maṉameṉap pōyiṟ ṟāmāl.
பாம்பளை புகுவ தேபோற் பாய்தரு பரவைத் தெண்ணீர்
தூம்பிடை யணுகு மாற்றாற் சொன்முறை தடைசெய் வோரில்
தாம்புடை பெயரா வண்ணந் தலைத்தலை தள்ளு மள்ளர்
ஏம்பலோ டார்க்கு மோதை யுலகெலா மிறுக்கு மாதோ.
pāmpaḷai pukuva tēpōṟ pāytaru paravait teṇṇīr
tūmpiṭai yaṇuku māṟṟāṟ coṉmuṟai taṭaicey vōril
tāmpuṭai peyarā vaṇṇan talaittalai taḷḷu maḷḷar
ēmpalō ṭārkku mōtai yulakelā miṟukku mātō.
பணையொலி யிரலை யோதை பம்பையின் முழக்க மங்கட்
கிணையொலி மள்ள ரார்ப்புக் கேழ்கிளர் தரங்க நன்னீர்
அணையொலி யவற்றை வானத் தார்ப்பொலிக் கவனி தானும்
இணையொலி காட்டிற் றோவென் றெண்ணுவார் விண்ணுளோரும்.
paṇaiyoli yiralai yōtai pampaiyiṉ muḻakka maṅkaṭ
kiṇaiyoli maḷḷa rārppuk kēḻkiḷar taraṅka naṉṉīr
aṇaiyoli yavaṟṟai vāṉat tārppolik kavaṉi tāṉum
iṇaiyoli kāṭṭiṟ ṟōveṉ ṟeṇṇuvār viṇṇuḷōrum.
இயல்புகுங் களிநல் யானை யினந்தெரிந் தெய்து மாபோல்
கயல்புகுந் துலவுஞ் சின்னீர்த் தடமபுகுங் காமர் காவின்
அயல்புகுங் கோட்ட கத்தி னகம்புகு மார்வத் தொடி
வயல்புகுங் களிப்பு நீங்கா மாக்களின் மயங்கு மாதோ.
iyalpukuṅ kaḷinal yāṉai yiṉanterin teytu māpōl
kayalpukun tulavuñ ciṉṉīrt taṭamapukuṅ kāmar kāviṉ
ayalpukuṅ kōṭṭa katti ṉakampuku mārvat toṭi
vayalpukuṅ kaḷippu nīṅkā mākkaḷiṉ mayaṅku mātō.
எங்கணு நிறைந்து வேறோ ரிடம்பிறி தின்மை யாகச்
சங்கமா யீண்டு மள்ளர் தாங்குபல் லியமு மார்ப்பப்
பொங்கிய நகரந் தோறும் புறமெலாம் வளைந்த நீத்தம்
அங்கண்மா ஞாலஞ் சூழு மளககரை நிகர்த்த தாமே.
eṅkaṇu niṟaintu vēṟō riṭampiṟi tiṉmai yākac
caṅkamā yīṇṭu maḷḷar tāṅkupal liyamu mārppap
poṅkiya nakaran tōṟum puṟamelām vaḷainta nīttam
aṅkaṇmā ñālañ cūḻu maḷakakarai nikartta tāmē.
மாறடு மள்ள ருய்ப்ப மருதத்தி னிறைந்து விஞ்சி
ஏறிய நார மீட்டு மிருங்கட னோக்கிச் சென்ற
வேறுகொள் புலனை வென்றோர் மேலைநன் னெறியுய்த் தாலுந்
தேறிய வுணர்வி லாதோர் செல்வுழிச் செல்வ ரன்றே.
māṟaṭu maḷḷa ruyppa marutatti ṉiṟaintu viñci
ēṟiya nāra mīṭṭu miruṅkaṭa ṉōkkic ceṉṟa
vēṟukoḷ pulaṉai veṉṟōr mēlainaṉ ṉeṟiyuyt tālun
tēṟiya vuṇarvi lātōr celvuḻic celva raṉṟē.
வாளெனச் சிலைய தென்ன வால்வளை யென்னத் தெய்வக்
கோளெனப் பணிக ளென்னக் குலமணி குயிற்றிச் செய்த
மீளிவெஞ் சரங்க ளென்ன வேலென மிடைந்து சுற்று
நாளெனப் பிறழு மீன்க ணடவின நார மெங்கும்.
vāḷeṉac cilaiya teṉṉa vālvaḷai yeṉṉat teyvak
kōḷeṉap paṇika ḷeṉṉak kulamaṇi kuyiṟṟic ceyta
mīḷiveñ caraṅka ḷeṉṉa vēleṉa miṭaintu cuṟṟu
nāḷeṉap piṟaḻu mīṉka ṇaṭaviṉa nāra meṅkum.
மாண்டகு பொய்கை தோறும் வயறொறு மற்று மெல்லாம்
வேண்டிய வளவைத் தன்றி மிகுபுனல் விலக்கு கின்ற
ஆண்டகை மள்ளர் தம்பா லமைந்திடுங் காலை யெஞ்சி
ஈண்டிய வெறுக்கை வீசும் இடைப்படு வள்ள லொத்தார்.
māṇṭaku poykai tōṟum vayaṟoṟu maṟṟu mellām
vēṇṭiya vaḷavait taṉṟi mikupuṉal vilakku kiṉṟa
āṇṭakai maḷḷar tampā lamaintiṭuṅ kālai yeñci
īṇṭiya veṟukkai vīcum iṭaippaṭu vaḷḷa lottār.
Keys: ← → turn the page, J K step through the verses.
Illustration: Verse & Place (Project-owned).