Skip to content

अध्याय ८ · अष्टमोऽध्यायः

Courts and the Law

aṣṭamo'dhyāyaḥ

The king hears suits in court. The eighteen titles of law — debt, deposits, sale, partnership, wages, boundaries, defamation, assault, theft, violence and adultery — with the rules of evidence, witnesses and punishment.

Part 1 of 2: verses 1–210 of 420Sanskrit with translation

A calm court assembly of adult witnesses and scribes around a low stone desk with closed ledgers.

व्यवहारान्दिदृक्षुस्तु ब्राह्मणैः सह पार्थिवः । मन्त्रज्ञैर्मन्त्रिभिश्चैव विनीतः प्रविशेत्सभाम् ॥ १ ॥

vyavahārāndidṛkṣustu brāhmaṇaiḥ saha pārthivaḥ | mantrajñairmantribhiścaiva vinītaḥ praviśetsabhām || 1 ||

A king, desirous of investigating law cases, must enter his court of justice, preserving a dignified demeanour, together with Brahmanas and with experienced councillors.

Report an error

तत्रासीनः स्थितो वापि पाणिं उद्यम्य दक्षिणम् । विनीतवेषाभरणः पश्येत्कार्याणि कार्यिणाम् ॥ २ ॥

tatrāsīnaḥ sthito vāpi pāṇiṃ udyamya dakṣiṇam | vinītaveṣābharaṇaḥ paśyetkāryāṇi kāryiṇām || 2 ||

There, either seated or standing, raising his right arm, without ostentation in his dress and ornaments, let him examine the business of suitors,

Report an error

प्रत्यहं देशदृष्टैश्च शास्त्रदृष्टैश्च हेतुभिः । अष्टादशसु मार्गेषु निबद्धानि पृथक्पृथक् ॥ ३ ॥

pratyahaṃ deśadṛṣṭaiśca śāstradṛṣṭaiśca hetubhiḥ | aṣṭādaśasu mārgeṣu nibaddhāni pṛthakpṛthak || 3 ||

Daily (deciding) one after another (all cases) which fall under the eighteen titles (of the law) according to principles drawn from local usages. and from the Institutes of the sacred law.

Report an error

तेषां आद्यं ऋणादानं निक्षेपोऽस्वामिविक्रयः । संभूय च समुत्थानं दत्तस्यानपकर्म च ॥ ४ ॥

teṣāṃ ādyaṃ ṛṇādānaṃ nikṣepo'svāmivikrayaḥ | saṃbhūya ca samutthānaṃ dattasyānapakarma ca || 4 ||

Of those (titles) the first is the non-payment of debts, (then follow), (2) deposit and pledge, (3) sale without ownership, (4) concerns among partners, and (5) resumption of gifts,

Report an error

वेतनस्यैव चादानं संविदश्च व्यतिक्रमः । क्रयविक्रयानुशयो विवादः स्वामिपालयोः ॥ ५ ॥

vetanasyaiva cādānaṃ saṃvidaśca vyatikramaḥ | krayavikrayānuśayo vivādaḥ svāmipālayoḥ || 5 ||

(6) Non-payment of wages, (7) non-performance of agreements, (8) rescission of sale and purchase, (9) disputes between the owner (of cattle) and his servants,

Report an error

सीमाविवादधर्मश्च पारुष्ये दण्डवाचिके । स्तेयं च साहसं चैव स्त्रीसंग्रहणं एव च ॥ ६ ॥

sīmāvivādadharmaśca pāruṣye daṇḍavācike | steyaṃ ca sāhasaṃ caiva strīsaṃgrahaṇaṃ eva ca || 6 ||

(10) Disputes regarding boundaries, (11) assault and (12) defamation, (13) theft, (14) robbery and violence, (15) adultery,

Report an error

स्त्रीपुंधर्मो विभागश्च द्यूतं आह्वय एव च । पदान्यष्टादशैतानि व्यवहारस्थिताविह ॥ ७ ॥

strīpuṃdharmo vibhāgaśca dyūtaṃ āhvaya eva ca | padānyaṣṭādaśaitāni vyavahārasthitāviha || 7 ||

(16) Duties of man and wife, (17) partition (of inheritance), (18) gambling and betting; these are in this world the eighteen topics which give rise to lawsuits.

Report an error

एषु स्थानेषु भूयिष्ठं विवादं चरतां नृणाम् । धर्मं शाश्वतं आश्रित्य कुर्यात्कार्यविनिर्णयम् ॥ ८ ॥

eṣu sthāneṣu bhūyiṣṭhaṃ vivādaṃ caratāṃ nṛṇām | dharmaṃ śāśvataṃ āśritya kuryātkāryavinirṇayam || 8 ||

Depending on the eternal law, let him decide the suits of men who mostly contend on the titles just mentioned.

Report an error

यदा स्वयं न कुर्यात्तु नृपतिः कार्यदर्शनम् । तदा नियुञ्ज्याद्विद्वांसं ब्राह्मणं कार्यदर्शने ॥ ९ ॥

yadā svayaṃ na kuryāttu nṛpatiḥ kāryadarśanam | tadā niyuñjyādvidvāṃsaṃ brāhmaṇaṃ kāryadarśane || 9 ||

But if the king does not personally investigate the suits, then let him appoint a learned Brahmana to try them.

Report an error

सोऽस्य कार्याणि संपश्येत्सभ्यैरेव त्रिभिर्वृतः । सभां एव प्रविश्याग्र्यां आसीनः स्थित एव वा ॥ १० ॥

so'sya kāryāṇi saṃpaśyetsabhyaireva tribhirvṛtaḥ | sabhāṃ eva praviśyāgryāṃ āsīnaḥ sthita eva vā || 10 ||

That (man) shall enter that most excellent court, accompanied by three assessors, and fully consider (all) causes (brought) before the (king), either sitting down or standing.

Report an error

यस्मिन्देशे निषीदन्ति विप्रा वेदविदस्त्रयः । राज्ञश्चाधिकृतो विद्वान्ब्रह्मणस्तां सभां विदुः ॥ ११ ॥

yasmindeśe niṣīdanti viprā vedavidastrayaḥ | rājñaścādhikṛto vidvānbrahmaṇastāṃ sabhāṃ viduḥ || 11 ||

Where three Brahmanas versed in the Vedas and the learned (judge) appointed by the king sit down, they call that the court of (four-faced) Brahman.

Report an error

धर्मो विद्धस्त्वधर्मेण सभां यत्रोपतिष्ठते । शल्यं चास्य न कृन्तन्ति विद्धास्तत्र सभासदः ॥ १२ ॥

dharmo viddhastvadharmeṇa sabhāṃ yatropatiṣṭhate | śalyaṃ cāsya na kṛntanti viddhāstatra sabhāsadaḥ || 12 ||

But where justice, wounded by injustice, approaches and the judges do not extract the dart, there (they also) are wounded (by that dart of injustice).

Report an error

सभां वा न प्रवेष्टव्यं वक्तव्यं वा समञ्जसम् । अब्रुवन्विब्रुवन्वापि नरो भवति किल्बिषी ॥ १३ ॥

sabhāṃ vā na praveṣṭavyaṃ vaktavyaṃ vā samañjasam | abruvanvibruvanvāpi naro bhavati kilbiṣī || 13 ||

Either the court must not be entered, or the truth must be spoken; a man who either says nothing or speaks falsely, becomes sinful.

Report an error

यत्र धर्मो ह्यधर्मेण सत्यं यत्रानृतेन च । हन्यते प्रेक्षमाणानां हतास्तत्र सभासदः ॥ १४ ॥

yatra dharmo hyadharmeṇa satyaṃ yatrānṛtena ca | hanyate prekṣamāṇānāṃ hatāstatra sabhāsadaḥ || 14 ||

Where justice is destroyed by injustice, or truth by falsehood, while the judges look on, there they shall also be destroyed.

Report an error

धर्म एव हतो हन्ति धर्मो रक्षति रक्षितः । तस्माद्धर्मो न हन्तव्यो मा नो धर्मो हतोऽवधीत् ॥ १५ ॥

dharma eva hato hanti dharmo rakṣati rakṣitaḥ | tasmāddharmo na hantavyo mā no dharmo hato'vadhīt || 15 ||

'Justice, being violated, destroys; justice, being preserved, preserves: therefore justice must not be violated, lest violated justice destroy us.'

Report an error

वृषो हि भगवान्धर्मस्तस्य यः कुरुते ह्यलम् । वृषलं तं विदुर्देवास्तस्माद्धर्मं न लोपयेत् ॥ १६ ॥

vṛṣo hi bhagavāndharmastasya yaḥ kurute hyalam | vṛṣalaṃ taṃ vidurdevāstasmāddharmaṃ na lopayet || 16 ||

For divine justice (is said to be) a bull (vrisha); that (man) who violates it (kurute 'lam) the gods consider to be (a man despicable like) a Sudra (vrishala); let him, therefore, beware of violating justice.

Report an error

एक एव सुहृद्धर्मो निधानेऽप्यनुयाति यः । शरीरेण समं नाशं सर्वं अन्यद्धि गच्छति ॥ १७ ॥

eka eva suhṛddharmo nidhāne'pyanuyāti yaḥ | śarīreṇa samaṃ nāśaṃ sarvaṃ anyaddhi gacchati || 17 ||

The only friend who follows men even after death is justice; for everything else is lost at the same time when the body (perishes).

Report an error

पादोऽधर्मस्य कर्तारं पादः साक्षिणं ऋच्छति । पादः सभासदः सर्वान्पादो राजानं ऋच्छति ॥ १८ ॥

pādo'dharmasya kartāraṃ pādaḥ sākṣiṇaṃ ṛcchati | pādaḥ sabhāsadaḥ sarvānpādo rājānaṃ ṛcchati || 18 ||

One quarter of (the guilt of) an unjust (decision) falls on him who committed (the crime), one quarter on the (false) witness, one quarter on all the judges, one quarter on the king.

Report an error

राजा भवत्यनेनास्तु मुच्यन्ते च सभासदः । एनो गच्छति कर्तारं निन्दार्हो यत्र निन्द्यते ॥ १९ ॥

rājā bhavatyanenāstu mucyante ca sabhāsadaḥ | eno gacchati kartāraṃ nindārho yatra nindyate || 19 ||

But where he who is worthy of condemnation is condemned, the king is free from guilt, and the judges are saved (from sin); the guilt falls on the perpetrator (of the crime alone).

Report an error

जातिमात्रोपजीवी वा कामं स्याद्ब्राह्मणब्रुवः । धर्मप्रवक्ता नृपतेर्न तु शूद्रः कथं चन ॥ २० ॥

jātimātropajīvī vā kāmaṃ syādbrāhmaṇabruvaḥ | dharmapravaktā nṛpaterna tu śūdraḥ kathaṃ cana || 20 ||

A Brahmana who subsists only by the name of his caste (gati), or one who merely calls himself a Brahmana (though his origin be uncertain), may, at the king's pleasure, interpret the law to him, but never a Sudra.

Report an error

यस्य शूद्रस्तु कुरुते राज्ञो धर्मविवेचनम् । तस्य सीदति तद्राष्ट्रं पङ्के गौरिव पश्यतः ॥ २१ ॥

yasya śūdrastu kurute rājño dharmavivecanam | tasya sīdati tadrāṣṭraṃ paṅke gauriva paśyataḥ || 21 ||

The kingdom of that monarch, who looks on while a Sudra settles the law, will sink (low), like a cow in a morass.

Report an error

यद्राष्ट्रं शूद्रभूयिष्ठं नास्तिकाक्रान्तं अद्विजम् । विनश्यत्याशु तत्कृत्स्नं दुर्भिक्षव्याधिपीडितम् ॥ २२ ॥

yadrāṣṭraṃ śūdrabhūyiṣṭhaṃ nāstikākrāntaṃ advijam | vinaśyatyāśu tatkṛtsnaṃ durbhikṣavyādhipīḍitam || 22 ||

That kingdom where Sudras are very numerous, which is infested by atheists and destitute of twice-born (inhabitants), soon entirely perishes, afflicted by famine and disease.

Report an error

धर्मासनं अधिष्ठाय संवीताङ्गः समाहितः । प्रणम्य लोकपालेभ्यः कार्यदर्शनं आरभेत् ॥ २३ ॥

dharmāsanaṃ adhiṣṭhāya saṃvītāṅgaḥ samāhitaḥ | praṇamya lokapālebhyaḥ kāryadarśanaṃ ārabhet || 23 ||

Having occupied the seat of justice, having covered his body, and having worshipped the guardian deities of the world, let him, with a collected mind, begin the trial of causes.

Report an error

अर्थानर्थावुभौ बुद्ध्वा धर्माधर्मौ च केवलौ । वर्णक्रमेण सर्वाणि पश्येत्कार्याणि कार्यिणाम् ॥ २४ ॥

arthānarthāvubhau buddhvā dharmādharmau ca kevalau | varṇakrameṇa sarvāṇi paśyetkāryāṇi kāryiṇām || 24 ||

Knowing what is expedient or inexpedient, what is pure justice or injustice, let him examine the causes of suitors according to the order of the castes (varna).

Report an error

बाह्यैर्विभावयेल्लिङ्गैर्भावं अन्तर्गतं नृणाम् । स्वरवर्णेङ्गिताकारैश्चक्षुषा चेष्टितेन च ॥ २५ ॥

bāhyairvibhāvayelliṅgairbhāvaṃ antargataṃ nṛṇām | svaravarṇeṅgitākāraiścakṣuṣā ceṣṭitena ca || 25 ||

By external signs let him discover the internal disposition of men, by their voice, their colour, their motions, their aspect, their eyes, and their gestures.

Report an error

आकारैरिङ्गितैर्गत्या चेष्टया भाषितेन च । नेत्रवक्त्रविकारैश्च गृह्यतेऽन्तर्गतं मनः ॥ २६ ॥

ākārairiṅgitairgatyā ceṣṭayā bhāṣitena ca | netravaktravikāraiśca gṛhyate'ntargataṃ manaḥ || 26 ||

The internal (working of the) mind is perceived through the aspect, the motions, the gait, the gestures, the speech, and the changes in the eye and of the face.

Report an error

बालदायादिकं रिक्थं तावद्राजानुपालयेत् । यावत्स स्यात्समावृत्तो यावच्चातीतशैशवः ॥ २७ ॥

bāladāyādikaṃ rikthaṃ tāvadrājānupālayet | yāvatsa syātsamāvṛtto yāvaccātītaśaiśavaḥ || 27 ||

The king shall protect the inherited (and other) property of a minor, until he has returned (from his teacher's house) or until he has passed his minority.

Report an error

वशापुत्रासु चैवं स्याद्रक्षणं निष्कुलासु च । पतिव्रतासु च स्त्रीषु विधवास्वातुरासु च ॥ २८ ॥

vaśāputrāsu caivaṃ syādrakṣaṇaṃ niṣkulāsu ca | pativratāsu ca strīṣu vidhavāsvāturāsu ca || 28 ||

In like manner care must be taken of barren women, of those who have no sons, of those whose family is extinct, of wives and widows faithful to their lords, and of women afflicted with diseases.

Report an error

जीवन्तीनां तु तासां ये तद्धरेयुः स्वबान्धवाः । ताञ् शिष्याच्चौरदण्डेन धार्मिकः पृथिवीपतिः ॥ २९ ॥

jīvantīnāṃ tu tāsāṃ ye taddhareyuḥ svabāndhavāḥ | tāñ śiṣyāccauradaṇḍena dhārmikaḥ pṛthivīpatiḥ || 29 ||

A righteous king must punish like thieves those relatives who appropriate the property of such females during their lifetime.

Report an error

प्रणष्टस्वामिकं रिक्थं राजा त्र्यब्दं निधापयेत् । अर्वाक्त्र्यब्दाद्धरेत्स्वामी परेण नृपतिर्हरेत् ॥ ३० ॥

praṇaṣṭasvāmikaṃ rikthaṃ rājā tryabdaṃ nidhāpayet | arvāktryabdāddharetsvāmī pareṇa nṛpatirharet || 30 ||

Property, the owner of which has disappeared, the king shall cause to be kept as a deposit during three years; within the period of three years the owner may claim it, after (that term) the king may take it.

Report an error

ममेदं इति यो ब्रूयात्सोऽनुयोज्यो यथाविधि । संवाद्य रूपसंख्यादीन्स्वामी तद्द्रव्यं अर्हति ॥ ३१ ॥

mamedaṃ iti yo brūyātso'nuyojyo yathāvidhi | saṃvādya rūpasaṃkhyādīnsvāmī taddravyaṃ arhati || 31 ||

He who says, 'This belongs to me,' must be examined according to the rule; if he accurately describes the shape, and the number (of the articles found) and so forth, (he is) the owner, (and) ought (to receive) that property.

Report an error

अवेदयानो नष्टस्य देशं कालं च तत्त्वतः । वर्णं रूपं प्रमाणं च तत्समं दण्डं अर्हति ॥ ३२ ॥

avedayāno naṣṭasya deśaṃ kālaṃ ca tattvataḥ | varṇaṃ rūpaṃ pramāṇaṃ ca tatsamaṃ daṇḍaṃ arhati || 32 ||

But if he does not really know the time and the place (where it was) lost, its colour, shape, and size, he is worthy of a fine equal (in value) to the (object claimed).

Report an error

आददीताथ षड्भागं प्रनष्टाधिगतान्नृपः । दशमं द्वादशं वापि सतां धर्मं अनुस्मरन् ॥ ३३ ॥

ādadītātha ṣaḍbhāgaṃ pranaṣṭādhigatānnṛpaḥ | daśamaṃ dvādaśaṃ vāpi satāṃ dharmaṃ anusmaran || 33 ||

Now the king, remembering the duty of good men, may take one-sixth part of property lost and afterwards found, or one-tenth, or at least one-twelfth.

Report an error

प्रनष्टाधिगतं द्रव्यं तिष्ठेद्युक्तैरधिष्ठितम् । यांस्तत्र चौरान्गृह्णीयात्तान्राजेभेन घातयेत् ॥ ३४ ॥

pranaṣṭādhigataṃ dravyaṃ tiṣṭhedyuktairadhiṣṭhitam | yāṃstatra caurāngṛhṇīyāttānrājebhena ghātayet || 34 ||

Property lost and afterwards found (by the king's servants) shall remain in the keeping of (special) officials; those whom the king may convict of stealing it, he shall cause to be slain by an elephant.

Report an error

ममायं इति यो ब्रूयान्निधिं सत्येन मानवः । तस्याददीत षड्भागं राजा द्वादशं एव वा ॥ ३५ ॥

mamāyaṃ iti yo brūyānnidhiṃ satyena mānavaḥ | tasyādadīta ṣaḍbhāgaṃ rājā dvādaśaṃ eva vā || 35 ||

From that man who shall truly say with respect to treasure-trove, 'This belongs to me,' the king may take one-sixth or one-twelfth part.

Report an error

अनृतं तु वदन्दण्ड्यः स्ववित्तस्यांशं अष्टमम् । तस्यैव वा निधानस्य संख्ययाल्पीयसीं कलाम् ॥ ३६ ॥

anṛtaṃ tu vadandaṇḍyaḥ svavittasyāṃśaṃ aṣṭamam | tasyaiva vā nidhānasya saṃkhyayālpīyasīṃ kalām || 36 ||

But he who falsely says (so), shall be fined in one-eighth of his property, or, a calculation of (the value of) the treasure having been made, in some smaller portion (of that).

Report an error

विद्वांस्तु ब्राह्मणो दृष्ट्वा पूर्वोपनिहितं निधिम् । अशेषतोऽप्याददीत सर्वस्याधिपतिर्हि सः ॥ ३७ ॥

vidvāṃstu brāhmaṇo dṛṣṭvā pūrvopanihitaṃ nidhim | aśeṣato'pyādadīta sarvasyādhipatirhi saḥ || 37 ||

When a learned Brahmana has found treasure, deposited in former (times), he may take even the whole (of it); for he is master of everything.

Report an error

यं तु पश्येन्निधिं राजा पुराणं निहितं क्षितौ । तस्माद्द्विजेभ्यो दत्त्वार्धं अर्धं कोशे प्रवेशयेत् ॥ ३८ ॥

yaṃ tu paśyennidhiṃ rājā purāṇaṃ nihitaṃ kṣitau | tasmāddvijebhyo dattvārdhaṃ ardhaṃ kośe praveśayet || 38 ||

When the king finds treasure of old concealed in the ground let him give one half to Brahmanas and place the (other) half in his treasury.

Report an error

निधीनां तु पुराणानां धातूनां एव च क्षितौ । अर्धभाग्रक्षणाद्राजा भूमेरधिपतिर्हि सः ॥ ३९ ॥

nidhīnāṃ tu purāṇānāṃ dhātūnāṃ eva ca kṣitau | ardhabhāgrakṣaṇādrājā bhūmeradhipatirhi saḥ || 39 ||

The king obtains one half of ancient hoards and metals (found) in the ground, by reason of (his giving) protection, (and) because he is the lord of the soil.

Report an error

दातव्यं सर्ववर्णेभ्यो राज्ञा चौरैर्हृतं धनम् । राजा तदुपयुञ्जानश्चौरस्याप्नोति किल्बिषम् ॥ ४० ॥

dātavyaṃ sarvavarṇebhyo rājñā caurairhṛtaṃ dhanam | rājā tadupayuñjānaścaurasyāpnoti kilbiṣam || 40 ||

Property stolen by thieves must be restored by the king to (men of) all castes (varna); a king who uses such (property) for himself incurs the guilt of a thief.

Report an error

जातिजानपदान्धर्मान्श्रेणीधर्मांश्च धर्मवित् । समीक्ष्य कुलधर्मांश्च स्वधर्मं प्रतिपादयेत् ॥ ४१ ॥

jātijānapadāndharmānśreṇīdharmāṃśca dharmavit | samīkṣya kuladharmāṃśca svadharmaṃ pratipādayet || 41 ||

(A king) who knows the sacred law, must inquire into the laws of castes (gati), of districts, of guilds, and of families, and (thus) settle the peculiar law of each.

Report an error

स्वानि कर्माणि कुर्वाणा दूरे सन्तोऽपि मानवाः । प्रिया भवन्ति लोकस्य स्वे स्वे कर्मण्यवस्थिताः ॥ ४२ ॥

svāni karmāṇi kurvāṇā dūre santo'pi mānavāḥ | priyā bhavanti lokasya sve sve karmaṇyavasthitāḥ || 42 ||

For men who follow their particular occupations and abide by their particular duty, become dear to people, though they may live at a distance.

Report an error

नोत्पादयेत्स्वयं कार्यं राजा नाप्यस्य पुरुषः । न च प्रापितं अन्येन ग्रसेदर्थं कथं चन ॥ ४३ ॥

notpādayetsvayaṃ kāryaṃ rājā nāpyasya puruṣaḥ | na ca prāpitaṃ anyena grasedarthaṃ kathaṃ cana || 43 ||

Neither the king nor any servant of his shall themselves cause a lawsuit to be begun, or hush up one that has been brought (before them) by (some) other (man).

Report an error

यथा नयत्यसृक्पातैर्मृगस्य मृगयुः पदम् । नयेत्तथानुमानेन धर्मस्य नृपतिः पदम् ॥ ४४ ॥

yathā nayatyasṛkpātairmṛgasya mṛgayuḥ padam | nayettathānumānena dharmasya nṛpatiḥ padam || 44 ||

As a hunter traces the lair of a (wounded) deer by the drops of blood, even so the king shall discover on which side the right lies, by inferences (from the facts).

Report an error

सत्यं अर्थं च संपश्येदात्मानं अथ साक्षिणः । देशं रूपं च कालं च व्यवहारविधौ स्थितः ॥ ४५ ॥

satyaṃ arthaṃ ca saṃpaśyedātmānaṃ atha sākṣiṇaḥ | deśaṃ rūpaṃ ca kālaṃ ca vyavahāravidhau sthitaḥ || 45 ||

When engaged in judicial proceedings he must pay full attention to the truth, to the object (of the dispute), (and) to himself, next to the witnesses, to the place, to the time, and to the aspect.

Report an error

सद्भिराचरितं यत्स्याद्धार्मिकैश्च द्विजातिभिः । तद्देशकुलजातीनां अविरुद्धं प्रकल्पयेत् ॥ ४६ ॥

sadbhirācaritaṃ yatsyāddhārmikaiśca dvijātibhiḥ | taddeśakulajātīnāṃ aviruddhaṃ prakalpayet || 46 ||

What may have been practised by the virtuous, by such twice-born men as are devoted to the law, that he shall establish as law, if it be not opposed to the (customs of) countries, families, and castes (gati).

Report an error

अधमर्णार्थसिद्ध्यर्थं उत्तमर्णेन चोदितः । दापयेद्धनिकस्यार्थं अधमर्णाद्विभावितम् ॥ ४७ ॥

adhamarṇārthasiddhyarthaṃ uttamarṇena coditaḥ | dāpayeddhanikasyārthaṃ adhamarṇādvibhāvitam || 47 ||

When a creditor sues (before the king) for the recovery of money from a debtor, let him make the debtor pay the sum which the creditor proves (to be due).

Report an error

यैर्यैरुपायैरर्थं स्वं प्राप्नुयादुत्तमर्णिकः । तैर्तैरुपायैः संगृह्य दापयेदधमर्णिकम् ॥ ४८ ॥

yairyairupāyairarthaṃ svaṃ prāpnuyāduttamarṇikaḥ | tairtairupāyaiḥ saṃgṛhya dāpayedadhamarṇikam || 48 ||

By whatever means a creditor may be able to obtain possession of his property, even by those means may he force the debtor and make him pay.

Report an error

धर्मेण व्यवहारेण छलेनाचरितेन च । प्रयुक्तं साधयेदर्थं पञ्चमेन बलेन च ॥ ४९ ॥

dharmeṇa vyavahāreṇa chalenācaritena ca | prayuktaṃ sādhayedarthaṃ pañcamena balena ca || 49 ||

By moral suasion, by suit of law, by artful management, or by the customary proceeding, a creditor may recover property lent; and fifthly, by force.

Report an error

यः स्वयं साधयेदर्थं उत्तमर्णोऽधमर्णिकात् । न स राज्ञाभियोक्तव्यः स्वकं संसाधयन्धनम् ॥ ५० ॥

yaḥ svayaṃ sādhayedarthaṃ uttamarṇo'dhamarṇikāt | na sa rājñābhiyoktavyaḥ svakaṃ saṃsādhayandhanam || 50 ||

A creditor who himself recovers his property from his debtor, must not be blamed by the king for retaking what is his own.

Report an error

अर्थेऽपव्ययमानं तु करणेन विभावितम् । दापयेद्धनिकस्यार्थं दण्डलेशं च शक्तितः ॥ ५१ ॥

arthe'pavyayamānaṃ tu karaṇena vibhāvitam | dāpayeddhanikasyārthaṃ daṇḍaleśaṃ ca śaktitaḥ || 51 ||

But him who denies a debt which is proved by good evidence, he shall order to pay that debt to the creditor and a small fine according to his circumstances.

Report an error

अपह्नवेऽधमर्णस्य देहीत्युक्तस्य संसदि । अभियोक्ता दिशेद्देश्यं करणं वान्यदुद्दिशेत् ॥ ५२ ॥

apahnave'dhamarṇasya dehītyuktasya saṃsadi | abhiyoktā diśeddeśyaṃ karaṇaṃ vānyaduddiśet || 52 ||

On the denial (of a debt) by a debtor who has been required in court to pay it, the complainant must call (a witness) who was present (when the loan was made), or adduce other evidence.

Report an error

अदेश्यं यश्च दिशति निर्दिश्यापह्नुते च यः । यश्चाधरोत्तरानर्थान्विगीतान्नावबुध्यते ॥ ५३ ॥

adeśyaṃ yaśca diśati nirdiśyāpahnute ca yaḥ | yaścādharottarānarthānvigītānnāvabudhyate || 53 ||

(The plaintiff) who calls a witness not present at the transaction, who retracts his statements, or does not perceive that his statements (are) confused or contradictory;

Report an error

अपदिश्यापदेश्यं च पुनर्यस्त्वपधावति । सम्यक्प्रणिहितं चार्थं पृष्टः सन्नाभिनन्दति ॥ ५४ ॥

apadiśyāpadeśyaṃ ca punaryastvapadhāvati | samyakpraṇihitaṃ cārthaṃ pṛṣṭaḥ sannābhinandati || 54 ||

Or who having stated what he means to prove afterwards varies (his case), or who being questioned on a fact duly stated by himself does not abide by it;

Report an error

असंभाष्ये साक्षिभिश्च देशे संभाषते मिथः । निरुच्यमानं प्रश्नं च नेच्छेद्यश्चापि निष्पतेत् ॥ ५५ ॥

asaṃbhāṣye sākṣibhiśca deśe saṃbhāṣate mithaḥ | nirucyamānaṃ praśnaṃ ca necchedyaścāpi niṣpatet || 55 ||

Or who converses with the witnesses in a place improper for such conversation; or who declines to answer a question, properly put, or leaves (the court);

Report an error

ब्रूहीत्युक्तश्च न ब्रूयादुक्तं च न विभावयेत् । न च पूर्वापरं विद्यात्तस्मादर्थात्स हीयते ॥ ५६ ॥

brūhītyuktaśca na brūyāduktaṃ ca na vibhāvayet | na ca pūrvāparaṃ vidyāttasmādarthātsa hīyate || 56 ||

Or who, being ordered to speak, does not answer, or does not prove what he has alleged; or who does not know what is the first (point), and what the second, fails in his suit.

Report an error

साक्षिणः सन्ति मेत्युक्त्वा दिशेत्युक्तो दिशेन्न यः । धर्मस्थः कारणैरेतैर्हीनं तं अपि निर्दिशेत् ॥ ५७ ॥

sākṣiṇaḥ santi metyuktvā diśetyukto diśenna yaḥ | dharmasthaḥ kāraṇairetairhīnaṃ taṃ api nirdiśet || 57 ||

Him also who says 'I have witnesses,' and, being ordered to produce them, produces them not, the judge must on these (same) grounds declare to be non-suited.

Report an error

अभियोक्ता न चेद्ब्रूयाद्बध्यो दण्ड्यश्च धर्मतः । न चेत्त्रिपक्षात्प्रब्रूयाद्धर्मं प्रति पराजितः ॥ ५८ ॥

abhiyoktā na cedbrūyādbadhyo daṇḍyaśca dharmataḥ | na cettripakṣātprabrūyāddharmaṃ prati parājitaḥ || 58 ||

If a plaintiff does not speak, he may be punished corporally or fined according to the law; if (a defendant) does not plead within three fortnights, he has lost his cause.

Report an error

यो यावन्निह्नुवीतार्थं मिथ्या यावति वा वदेत् । तौ नृपेण ह्यधर्मज्ञौ दाप्यो तद्द्विगुणं दमम् ॥ ५९ ॥

yo yāvannihnuvītārthaṃ mithyā yāvati vā vadet | tau nṛpeṇa hyadharmajñau dāpyo taddviguṇaṃ damam || 59 ||

In the double of that sum which (a defendant) falsely denies or on which (the plaintiff) falsely declares, shall those two (men) offending against justice be fined by the king.

Report an error

पृष्टोऽपव्ययमानस्तु कृतावस्थो धनैषिणा । त्र्यवरैः साक्षिभिर्भाव्यो नृपब्राह्मणसंनिधौ ॥ ६० ॥

pṛṣṭo'pavyayamānastu kṛtāvastho dhanaiṣiṇā | tryavaraiḥ sākṣibhirbhāvyo nṛpabrāhmaṇasaṃnidhau || 60 ||

(A defendant) who, being brought (into court) by the creditor, (and) being questioned, denies (the debt), shall be convicted (of his falsehood) by at least three witnesses (who must depose) in the presence of the Brahmana (appointed by) the king.

Report an error

यादृशा धनिभिः कार्या व्यवहारेषु साक्षिणः । तादृशान्संप्रवक्ष्यामि यथा वाच्यं ऋतं च तैः ॥ ६१ ॥

yādṛśā dhanibhiḥ kāryā vyavahāreṣu sākṣiṇaḥ | tādṛśānsaṃpravakṣyāmi yathā vācyaṃ ṛtaṃ ca taiḥ || 61 ||

I will fully declare what kind of men may be made witnesses in suits by creditors, and in what manner those (witnesses) must give true (evidence).

Report an error

गृहिणः पुत्रिणो मौलाः क्षत्रविश्शूद्रयोनयः । अर्थ्युक्ताः साक्ष्यं अर्हन्ति न ये के चिदनापदि ॥ ६२ ॥

gṛhiṇaḥ putriṇo maulāḥ kṣatraviśśūdrayonayaḥ | arthyuktāḥ sākṣyaṃ arhanti na ye ke cidanāpadi || 62 ||

Householders, men with male issue, and indigenous (inhabitants of the country, be they) Kshatriyas, Vaisyas, or Sudras, are competent, when called by a suitor, to give evidence, not any persons whatever (their condition may be) except in cases of urgency.

Report an error

आप्ताः सर्वेषु वर्णेषु कार्याः कार्येषु साक्षिणः । सर्वधर्मविदोऽलुब्धा विपरीतांस्तु वर्जयेत् ॥ ६३ ॥

āptāḥ sarveṣu varṇeṣu kāryāḥ kāryeṣu sākṣiṇaḥ | sarvadharmavido'lubdhā viparītāṃstu varjayet || 63 ||

Trustworthy men of all the (four) castes (varna) may be made witnesses in lawsuits, (men) who know (their) whole duty, and are free from covetousness; but let him reject those (of an) opposite (character).

Report an error

नार्थसंबन्धिनो नाप्ता न सहाया न वैरिणः । न दृष्टदोषाः कर्तव्या न व्याध्यार्ता न दूषिताः ॥ ६४ ॥

nārthasaṃbandhino nāptā na sahāyā na vairiṇaḥ | na dṛṣṭadoṣāḥ kartavyā na vyādhyārtā na dūṣitāḥ || 64 ||

Those must not be made (witnesses) who have an interest in the suit, nor familiar (friends), companions, and enemies (of the parties), nor (men) formerly convicted (of perjury), nor (persons) suffering under (severe) illness, nor (those) tainted (by mortal sin).

Report an error

न साक्षी नृपतिः कार्यो न कारुककुशीलवौ । न श्रोत्रियो न लिङ्गस्थो न सङ्गेभ्यो विनिर्गतः ॥ ६५ ॥

na sākṣī nṛpatiḥ kāryo na kārukakuśīlavau | na śrotriyo na liṅgastho na saṅgebhyo vinirgataḥ || 65 ||

The king cannot be made a witness, nor mechanics and actors, nor a: Srotriya, nor a student of the Veda, nor (an ascetic) who has given up (all) connexion (with the world),

Report an error

नाध्यधीनो न वक्तव्यो न दस्युर्न विकर्मकृत् । न वृद्धो न शिशुर्नैको नान्त्यो न विकलेन्द्रियः ॥ ६६ ॥

nādhyadhīno na vaktavyo na dasyurna vikarmakṛt | na vṛddho na śiśurnaiko nāntyo na vikalendriyaḥ || 66 ||

Nor one wholly dependent, nor one of bad fame, nor a Dasyu, nor one who follows forbidden occupations, nor an aged (man), nor an infant, nor one (man alone), nor a man of the lowest castes, nor one deficient in organs of sense,

Report an error

नार्तो न मत्तो नोन्मत्तो न क्षुत्तृष्णोपपीडितः । न श्रमार्तो न कामार्तो न क्रुद्धो नापि तस्करः ॥ ६७ ॥

nārto na matto nonmatto na kṣuttṛṣṇopapīḍitaḥ | na śramārto na kāmārto na kruddho nāpi taskaraḥ || 67 ||

Nor one extremely grieved, nor one intoxicated, nor a madman, nor one tormented by hunger or thirst, nor one oppressed by fatigue, nor one tormented by desire, nor a wrathful man, nor a thief.

Report an error

स्त्रीणां साक्ष्यं स्त्रियः कुर्युर्द्विजानां सदृशा द्विजाः । शूद्राश्च सन्तः शूद्राणां अन्त्यानां अन्त्ययोनयः ॥ ६८ ॥

strīṇāṃ sākṣyaṃ striyaḥ kuryurdvijānāṃ sadṛśā dvijāḥ | śūdrāśca santaḥ śūdrāṇāṃ antyānāṃ antyayonayaḥ || 68 ||

Women should give evidence for women, and for twice-born men twice-born men (of the) same (kind), virtuous Sudras for Sudras, and men of the lowest castes for the lowest.

Report an error

अनुभावी तु यः कश्चित्कुर्यात्साक्ष्यं विवादिनाम् । अन्तर्वेश्मन्यरण्ये वा शरीरस्यापि चात्यये ॥ ६९ ॥

anubhāvī tu yaḥ kaścitkuryātsākṣyaṃ vivādinām | antarveśmanyaraṇye vā śarīrasyāpi cātyaye || 69 ||

But any person whatsoever, who has personal knowledge (of an act committed) in the interior apartments (of a house), or in a forest, or of (a crime causing) loss of life, may give evidence between the parties.

Report an error

स्त्रियाप्यसंभावे कार्यं बालेन स्थविरेण वा । शिष्येण बन्धुना वापि दासेन भृतकेन वा ॥ ७० ॥

striyāpyasaṃbhāve kāryaṃ bālena sthavireṇa vā | śiṣyeṇa bandhunā vāpi dāsena bhṛtakena vā || 70 ||

On failure (of qualified witnesses, evidence) may given (in such cases) by a woman, by an infant, by an aged man, by a pupil, by a relative, by a slave, or by a hired servant.

Report an error

बालवृद्धातुराणां च साक्ष्येषु वदतां मृषा । जानीयादस्थिरां वाचं उत्सिक्तमनसां तथा ॥ ७१ ॥

bālavṛddhāturāṇāṃ ca sākṣyeṣu vadatāṃ mṛṣā | jānīyādasthirāṃ vācaṃ utsiktamanasāṃ tathā || 71 ||

But the (judge) should consider the evidence of infants, aged and diseased men, who (are apt to) speak untruly, as untrustworthy, likewise that of men with disordered minds.

Report an error

साहसेषु च सर्वेषु स्तेयसंग्रहणेषु च । वाग्दण्डयोश्च पारुष्ये न परीक्षेत साक्षिणः ॥ ७२ ॥

sāhaseṣu ca sarveṣu steyasaṃgrahaṇeṣu ca | vāgdaṇḍayośca pāruṣye na parīkṣeta sākṣiṇaḥ || 72 ||

In all cases of violence, of theft and adultery, of defamation and assault, he must not examine the (competence of) witnesses (too strictly).

Report an error

बहुत्वं परिगृह्णीयात्साक्षिद्वैधे नराधिपः । समेषु तु गुणोत्कृष्टान्गुणिद्वैधे द्विजोत्तमान् ॥ ७३ ॥

bahutvaṃ parigṛhṇīyātsākṣidvaidhe narādhipaḥ | sameṣu tu guṇotkṛṣṭānguṇidvaidhe dvijottamān || 73 ||

On a conflict of the witnesses the king shall accept (as true) the evidence of the) majority; if (the conflicting parties are) equal in number, (that of) those distinguished by good qualities; on a difference between (equally) distinguished (witnesses, that of) the best among the twice-born.

Report an error

समक्षदर्शनात्साक्ष्यं श्रवणाच्चैव सिध्यति । तत्र सत्यं ब्रुवन्साक्षी धर्मार्थाभ्यां न हीयते ॥ ७४ ॥

samakṣadarśanātsākṣyaṃ śravaṇāccaiva sidhyati | tatra satyaṃ bruvansākṣī dharmārthābhyāṃ na hīyate || 74 ||

Evidence in accordance with what has actually been seen or heard, is admissible; a witness who speaks truth in those (cases), neither loses spiritual merit nor wealth.

Report an error

साक्षी दृष्टश्रुतादन्यद्विब्रुवन्नार्यसंसदि । अवाङ्नरकं अभ्येति प्रेत्य स्वर्गाच्च हीयते ॥ ७५ ॥

sākṣī dṛṣṭaśrutādanyadvibruvannāryasaṃsadi | avāṅnarakaṃ abhyeti pretya svargācca hīyate || 75 ||

A witness who deposes in an assembly of honourable men (Arya) anything else but what he has seen or heard, falls after death headlong into hell and loses heaven.

Report an error

यत्रानिबद्धोऽपीक्षेत शृणुयाद्वापि किं चन । पृष्टस्तत्रापि तद्ब्रूयाद्यथादृष्टं यथाश्रुतम् ॥ ७६ ॥

yatrānibaddho'pīkṣeta śṛṇuyādvāpi kiṃ cana | pṛṣṭastatrāpi tadbrūyādyathādṛṣṭaṃ yathāśrutam || 76 ||

When a man (originally) not appointed to be a witness sees or hears anything and is (afterwards) examined regarding it, he must declare it (exactly) as he saw or heard it.

Report an error

एकोऽलुब्धस्तु साक्षी स्याद्बह्व्यः शुच्योऽपि न स्त्रियः । स्त्रीबुद्धेरस्थिरत्वात्तु दोषैश्चान्येऽपि ये वृताः ॥ ७७ ॥

eko'lubdhastu sākṣī syādbahvyaḥ śucyo'pi na striyaḥ | strībuddherasthiratvāttu doṣaiścānye'pi ye vṛtāḥ || 77 ||

One man who is free from covetousness may be (accepted as) witness; but not even many pure women, because the understanding of females is apt to waver, nor even many other men, who are tainted with sin.

Report an error

स्वभावेनैव यद्ब्रूयुस्तद्ग्राह्यं व्यावहारिकम् । अतो यदन्यद्विब्रूयुर्धर्मार्थं तदपार्थकम् ॥ ७८ ॥

svabhāvenaiva yadbrūyustadgrāhyaṃ vyāvahārikam | ato yadanyadvibrūyurdharmārthaṃ tadapārthakam || 78 ||

What witnesses declare quite naturally, that must be received on trials; (depositions) differing from that, which they make improperly, are worthless for (the purposes of) justice.

Report an error

सभान्तः साक्षिणः प्राप्तानर्थिप्रत्यर्थिसंनिधौ । प्राड्विवाकोऽनुयुञ्जीत विधिनानेन सान्त्वयन् ॥ ७९ ॥

sabhāntaḥ sākṣiṇaḥ prāptānarthipratyarthisaṃnidhau | prāḍvivāko'nuyuñjīta vidhinānena sāntvayan || 79 ||

The witnesses being assembled in the court in the presence of the plaintiff and of the defendant, let the judge examine them, kindly exhorting them in the following manner:

Report an error

यद्द्वयोरनयोर्वेत्थ कार्येऽस्मिंश्चेष्टितं मिथः । तद्ब्रूत सर्वं सत्येन युष्माकं ह्यत्र साक्षिता ॥ ८० ॥

yaddvayoranayorvettha kārye'smiṃśceṣṭitaṃ mithaḥ | tadbrūta sarvaṃ satyena yuṣmākaṃ hyatra sākṣitā || 80 ||

'What ye know to have been mutually transacted in this matter between the two men before us, declare all that in accordance with the truth; for ye are witnesses in this (cause).

Report an error

सत्यं साक्ष्ये ब्रुवन्साक्षी लोकानाप्नोति पुष्कलान् । इह चानुत्तमां कीर्तिं वागेषा ब्रह्मपूजिता ॥ ८१ ॥

satyaṃ sākṣye bruvansākṣī lokānāpnoti puṣkalān | iha cānuttamāṃ kīrtiṃ vāgeṣā brahmapūjitā || 81 ||

'A witness who speaks the truth in his evidence, gains (after death) the most excellent regions (of bliss) and here (below) unsurpassable fame; such testimony is revered by Brahman (himself).

Report an error

साक्ष्येऽनृतं वदन्पाशैर्बध्यते वारुणैर्भृशम् । विवशः शतं आजातीस्तस्मात्साक्ष्यं वदेदृतम् ॥ ८२ ॥

sākṣye'nṛtaṃ vadanpāśairbadhyate vāruṇairbhṛśam | vivaśaḥ śataṃ ājātīstasmātsākṣyaṃ vadedṛtam || 82 ||

'He who gives false evidence is firmly bound by Varuna's fetters, helpless during one hundred existences; let (men therefore) give true evidence.

Report an error

सत्येन पूयते साक्षी धर्मः सत्येन वर्धते । तस्मात्सत्यं हि वक्तव्यं सर्ववर्णेषु साक्षिभिः ॥ ८३ ॥

satyena pūyate sākṣī dharmaḥ satyena vardhate | tasmātsatyaṃ hi vaktavyaṃ sarvavarṇeṣu sākṣibhiḥ || 83 ||

'By truthfulness a witness is purified, through truthfulness his merit grows, truth must, therefore, be spoken by witnesses of all castes (varna).

Report an error

आत्मैव ह्यात्मनः साक्षी गतिरात्मा तथात्मनः । मावमंस्थाः स्वं आत्मानं नृणां साक्षिणं उत्तमम् ॥ ८४ ॥

ātmaiva hyātmanaḥ sākṣī gatirātmā tathātmanaḥ | māvamaṃsthāḥ svaṃ ātmānaṃ nṛṇāṃ sākṣiṇaṃ uttamam || 84 ||

'The Soul itself is the witness of the Soul, and the Soul is the refuge of the Soul; despise not thy own Soul, the supreme witness of men.

Report an error

मन्यन्ते वै पापकृतो न कश्चित्पश्यतीति नः । तांस्तु देवाः प्रपश्यन्ति स्वस्यैवान्तरपूरुषः ॥ ८५ ॥

manyante vai pāpakṛto na kaścitpaśyatīti naḥ | tāṃstu devāḥ prapaśyanti svasyaivāntarapūruṣaḥ || 85 ||

'The wicked, indeed, say in their hearts, "Nobody sees us;" but the gods distinctly see them and the male within their own breasts.

Report an error

द्यौर्भूमिरापो हृदयं चन्द्रार्काग्नियमानिलाः । रात्रिः संध्ये च धर्मश्च वृत्तज्ञाः सर्वदेहिनाम् ॥ ८६ ॥

dyaurbhūmirāpo hṛdayaṃ candrārkāgniyamānilāḥ | rātriḥ saṃdhye ca dharmaśca vṛttajñāḥ sarvadehinām || 86 ||

'The sky, the earth, the waters, (the male in) the heart, the moon, the sun, the fire, Yama and the wind, the night, the two twilights, and justice know the conduct of all corporeal beings.'

Report an error

देवब्राह्मणसांनिध्ये साक्ष्यं पृच्छेदृतं द्विजान् । उदङ्मुखान्प्राङ्मुखान्वा पूर्वाह्णे वै शुचिः शुचीन् ॥ ८७ ॥

devabrāhmaṇasāṃnidhye sākṣyaṃ pṛcchedṛtaṃ dvijān | udaṅmukhānprāṅmukhānvā pūrvāhṇe vai śuciḥ śucīn || 87 ||

The (judge), being purified, shall ask in the forenoon the twice-born (witnesses) who (also have been) purified, (and stand) facing the north or the east, to give true evidence in the presence of (images of) the gods and of Brahmanas.

Report an error

ब्रूहीति ब्राह्मणं पृच्छेत्सत्यं ब्रूहीति पार्थिवम् । गोबीजकाञ्चनैर्वैश्यं शूद्रं सर्वैस्तु पातकैः ॥ ८८ ॥

brūhīti brāhmaṇaṃ pṛcchetsatyaṃ brūhīti pārthivam | gobījakāñcanairvaiśyaṃ śūdraṃ sarvaistu pātakaiḥ || 88 ||

Let him examine a Brahmana (beginning with) 'Speak,' a Kshatriya (beginning with) 'Speak the truth,' a Vaisya (admonishing him) by (mentioning) his kine, grain, and gold, a Sudra (threatening him) with (the guilt of) every crime that causes loss of caste;

Report an error

ब्रह्मघ्नो ये स्मृता लोका ये च स्त्रीबालघातिनः । मित्रद्रुहः कृतघ्नस्य ते ते स्युर्ब्रुवतो मृषा ॥ ८९ ॥

brahmaghno ye smṛtā lokā ye ca strībālaghātinaḥ | mitradruhaḥ kṛtaghnasya te te syurbruvato mṛṣā || 89 ||

(Saying), 'Whatever places (of torment) are assigned (by the sages) to the slayer of a Brahmana, to the murderer of women and children, to him who betrays a friend, and to an ungrateful man, those shall be thy (portion), if thou speakest falsely.

Report an error

जन्मप्रभृति यत्किं चित्पुण्यं भद्र त्वया कृतम् । तत्ते सर्वं शुनो गच्छेद्यदि ब्रूयास्त्वं अन्यथा ॥ ९० ॥

janmaprabhṛti yatkiṃ citpuṇyaṃ bhadra tvayā kṛtam | tatte sarvaṃ śuno gacchedyadi brūyāstvaṃ anyathā || 90 ||

'(The reward) of all meritorious deeds which thou, good man, hast done since thy birth, shall become the share of the dogs, if in thy speech thou departest from the truth.

Report an error

एकोऽहं अस्मीत्यात्मानं यस्त्वं कल्याण मन्यसे । नित्यं स्थितस्ते हृद्येष पुण्यपापेक्षिता मुनिः ॥ ९१ ॥

eko'haṃ asmītyātmānaṃ yastvaṃ kalyāṇa manyase | nityaṃ sthitaste hṛdyeṣa puṇyapāpekṣitā muniḥ || 91 ||

'If thou thinkest, O friend of virtue, with respect to thyself, "I am alone," (know that) that sage who witnesses all virtuous acts and all crimes, ever resides in thy heart.

Report an error

यमो वैवस्वतो देवो यस्तवैष हृदि स्थितः । तेन चेदविवादस्ते मा गङ्गां मा कुरून्गमः ॥ ९२ ॥

yamo vaivasvato devo yastavaiṣa hṛdi sthitaḥ | tena cedavivādaste mā gaṅgāṃ mā kurūngamaḥ || 92 ||

'If thou art not at variance with that divine Yama, the son of Vivasvat, who dwells in thy heart, thou needest neither visit the Ganges nor the (land of the) Kurus.

Report an error

नग्नो मुण्डः कपालेन च भिक्षार्थी क्षुत्पिपासितः । अन्धः शत्रुकुलं गच्छेद्यः साक्ष्यं अनृतं वदेत् ॥ ९३ ॥

nagno muṇḍaḥ kapālena ca bhikṣārthī kṣutpipāsitaḥ | andhaḥ śatrukulaṃ gacchedyaḥ sākṣyaṃ anṛtaṃ vadet || 93 ||

'Naked and shorn, tormented with hunger and thirst, and deprived of sight, shall the man who gives false evidence, go with a potsherd to beg food at the door of his enemy.

Report an error

अवाक्शिरास्तमस्यन्धे किल्बिषी नरकं व्रजेत् । यः प्रश्नं वितथं ब्रूयात्पृष्टः सन्धर्मनिश्चये ॥ ९४ ॥

avākśirāstamasyandhe kilbiṣī narakaṃ vrajet | yaḥ praśnaṃ vitathaṃ brūyātpṛṣṭaḥ sandharmaniścaye || 94 ||

'Headlong, in utter darkness shall the sinful man tumble into hell, who being interrogated in a judicial inquiry answers one question falsely.

Report an error

अन्धो मत्स्यानिवाश्नाति स नरः कण्टकैः सह । यो भाषतेऽर्थवैकल्यं अप्रत्यक्षं सभां गतः ॥ ९५ ॥

andho matsyānivāśnāti sa naraḥ kaṇṭakaiḥ saha | yo bhāṣate'rthavaikalyaṃ apratyakṣaṃ sabhāṃ gataḥ || 95 ||

'That man who in a court (of justice) gives an untrue account of a transaction (or asserts a fact) of which he was not an eye-witness, resembles a blind man who swallows fish with the bones.

Report an error

यस्य विद्वान्हि वदतः क्षेत्रज्ञो नाभिशङ्कते । तस्मान्न देवाः श्रेयांसं लोकेऽन्यं पुरुषं विदुः ॥ ९६ ॥

yasya vidvānhi vadataḥ kṣetrajño nābhiśaṅkate | tasmānna devāḥ śreyāṃsaṃ loke'nyaṃ puruṣaṃ viduḥ || 96 ||

'The gods are acquainted with no better man in this world than him, of whom his conscious Soul has no distrust, when he gives evidence.

Report an error

यावतो बान्धवान्यस्मिन्हन्ति साक्ष्येऽनृतं वदन् । तावतः संख्यया तस्मिन्शृणु सौम्यानुपूर्वशः ॥ ९७ ॥

yāvato bāndhavānyasminhanti sākṣye'nṛtaṃ vadan | tāvataḥ saṃkhyayā tasminśṛṇu saumyānupūrvaśaḥ || 97 ||

'Learn now, O friend, from an enumeration in due order, how many relatives he destroys who gives false evidence in several particular cases.

Report an error

पञ्च पश्वनृते हन्ति दश हन्ति गवानृते । शतं अश्वानृते हन्ति सहस्रं पुरुषानृते ॥ ९८ ॥

pañca paśvanṛte hanti daśa hanti gavānṛte | śataṃ aśvānṛte hanti sahasraṃ puruṣānṛte || 98 ||

'He kills five by false Testimony regarding (small) cattle, he kills ten by false testimony regarding kine, he kills a hundred by false evidence concerning horses, and a thousand by false evidence concerning men.

Report an error

हन्ति जातानजातांश्च हिरण्यार्थेऽनृतं वदन् । सर्वं भूम्यनृते हन्ति मा स्म भूम्यनृतं वदीः ॥ ९९ ॥

hanti jātānajātāṃśca hiraṇyārthe'nṛtaṃ vadan | sarvaṃ bhūmyanṛte hanti mā sma bhūmyanṛtaṃ vadīḥ || 99 ||

'By speaking falsely in a cause regarding gold, he kills the born and the unborn; by false evidence concerning land, he kills everything; beware, therefore, of false evidence concerning land.

Report an error

अप्सु भूमिवदित्याहुः स्त्रीणां भोगे च मैथुने । अब्जेषु चैव रत्नेषु सर्वेष्वश्ममयेषु च ॥ १०० ॥

apsu bhūmivadityāhuḥ strīṇāṃ bhoge ca maithune | abjeṣu caiva ratneṣu sarveṣvaśmamayeṣu ca || 100 ||

'They declare (false evidence) concerning water, concerning the carnal enjoyment of women, and concerning all gems, produced in water, or consisting of stones (to be) equally (wicked) as a lie concerning land.

Report an error

एतान्दोषानवेक्ष्य त्वं सर्वाननृतभाषणे । यथाश्रुतं यथादृष्टं सर्वं एवाञ्जसा वद ॥ १०१ ॥

etāndoṣānavekṣya tvaṃ sarvānanṛtabhāṣaṇe | yathāśrutaṃ yathādṛṣṭaṃ sarvaṃ evāñjasā vada || 101 ||

'Marking well all the evils (which are produced) by perjury, declare thou openly everything as (thou hast) heard or seen (it).'

Report an error

गोरक्षकान्वाणिजिकांस्तथा कारुकुशीलवान् । प्रेष्यान्वार्धुषिकांश्चैव विप्रान्शूद्रवदाचरेत् ॥ १०२ ॥

gorakṣakānvāṇijikāṃstathā kārukuśīlavān | preṣyānvārdhuṣikāṃścaiva viprānśūdravadācaret || 102 ||

Brahmanas who tend cattle, who trade, who are mechanics, actors (or singers), menial servants or usurers, the (judge) shall treat like Sudras.

Report an error

तद्वदन्धर्मतोऽर्थेषु जानन्नप्यन्य्था नरः । न स्वर्गाच्च्यवते लोकाद्दैवीं वाचं वदन्ति ताम् ॥ १०३ ॥

tadvadandharmato'rtheṣu jānannapyanythā naraḥ | na svargāccyavate lokāddaivīṃ vācaṃ vadanti tām || 103 ||

In (some) cases a man who, though knowing (the facts to be) different, gives such (false evidence) from a pious motive, does not lose heaven; such (evidence) they call the speech of the gods.

Report an error

शूद्रविट्क्षत्रविप्राणां यत्र र्तोक्तौ भवेद्वधः । तत्र वक्तव्यं अनृतं तद्धि सत्याद्विशिष्यते ॥ १०४ ॥

śūdraviṭkṣatraviprāṇāṃ yatra rtoktau bhavedvadhaḥ | tatra vaktavyaṃ anṛtaṃ taddhi satyādviśiṣyate || 104 ||

Whenever the death of a Sudra, of a Vaisya, of a Kshatriya, or of a Brahmana would be (caused) by a declaration of the truth, a falsehood may be spoken; for such (falsehood) is preferable to the truth.

Report an error

वाग्गैवत्यैश्च चरुभिर्यजेरंस्ते सरस्वतीम् । अनृतस्यैनसस्तस्य कुर्वाणा निष्कृतिं पराम् ॥ १०५ ॥

vāggaivatyaiśca carubhiryajeraṃste sarasvatīm | anṛtasyainasastasya kurvāṇā niṣkṛtiṃ parām || 105 ||

Such (witnesses) must offer to Sarasvati oblations of boiled rice (karu) which are sacred to the goddess of speech, (thus) performing the best penance in order to expiate the guilt of that falsehood.

Report an error

कूष्माण्डैर्वापि जुहुयाद्घृतं अग्नौ यथाविधि । उदित्यृचा वा वारुण्या तृचेनाब्दैवतेन वा ॥ १०६ ॥

kūṣmāṇḍairvāpi juhuyādghṛtaṃ agnau yathāvidhi | udityṛcā vā vāruṇyā tṛcenābdaivatena vā || 106 ||

Or such (a witness) may offer according to the rule, clarified butter in the fire, reciting the Kushmanda texts, or the Rik, sacred to Varuna, 'Untie, O Varuna, the uppermost fetter,' or the three verses addressed to the Waters.

Report an error

त्रिपक्षादब्रुवन्साक्ष्यं ऋणादिषु नरोऽगदः । तदृणं प्राप्नुयात्सर्वं दशबन्धं च सर्वतः ॥ १०७ ॥

tripakṣādabruvansākṣyaṃ ṛṇādiṣu naro'gadaḥ | tadṛṇaṃ prāpnuyātsarvaṃ daśabandhaṃ ca sarvataḥ || 107 ||

A man who, without being ill, does not give evidence in (cases of) loans and the like within three fortnights (after the summons), shall become responsible for the whole debt and (pay) a tenth part of the whole (as a fine to the king).

Report an error

यस्य दृश्येत सप्ताहादुक्तवाक्यस्य साक्षिणः । रोगोऽग्निर्ज्ञातिमरणं ऋणं दाप्यो दमं च सः ॥ १०८ ॥

yasya dṛśyeta saptāhāduktavākyasya sākṣiṇaḥ | rogo'gnirjñātimaraṇaṃ ṛṇaṃ dāpyo damaṃ ca saḥ || 108 ||

The witness to whom, within seven days after he has given evidence, happens (a misfortune through) sickness, a fire, or the death of a relative, shall be made to pay the debt and a fine.

Report an error

असाक्षिकेषु त्वर्थेषु मिथो विवादमानयोः । अविन्दंस्तत्त्वतः सत्यं शपथेनापि लम्भयेत् ॥ १०९ ॥

asākṣikeṣu tvartheṣu mitho vivādamānayoḥ | avindaṃstattvataḥ satyaṃ śapathenāpi lambhayet || 109 ||

If two (parties) dispute about matters for which no witnesses are available, and the (judge) is unable to really ascertain the truth, he may cause it to be discovered even by an oath.

Report an error

महर्षिभिश्च देवैश्च कार्यार्थं शपथाः कृताः । वसिष्ठश्चापि शपथं शेपे पैजवने नृपे ॥ ११० ॥

maharṣibhiśca devaiśca kāryārthaṃ śapathāḥ kṛtāḥ | vasiṣṭhaścāpi śapathaṃ śepe paijavane nṛpe || 110 ||

Both by the great sages and the gods oaths have been taken for the purpose of (deciding doubtful) matters; and Vasishtha even swore an oath before king (Sudas), the son of Pigavana.

Report an error

न वृथा शपथं कुर्यात्स्वल्पेऽप्यर्थे नरो बुधः । वृथा हि शपथं कुर्वन्प्रेत्य चेह च नश्यति ॥ १११ ॥

na vṛthā śapathaṃ kuryātsvalpe'pyarthe naro budhaḥ | vṛthā hi śapathaṃ kurvanpretya ceha ca naśyati || 111 ||

Let no wise man swear an oath falsely, even in a trifling matter; for he who swears an oath falsely is lost in this (world) and after death.

Report an error

कामिनीषु विवाहेषु गवां भक्ष्ये तथेन्धने । ब्राह्मणाभ्युपपत्तौ च शपथे नास्ति पातकम् ॥ ११२ ॥

kāminīṣu vivāheṣu gavāṃ bhakṣye tathendhane | brāhmaṇābhyupapattau ca śapathe nāsti pātakam || 112 ||

No crime, causing loss of caste, is committed by swearing (falsely) to women, the objects of one's desire, at marriages, for the sake of fodder for a cow, or of fuel, and in (order to show) favour to a Brahmana.

Report an error

सत्येन शापयेद्विप्रं क्षत्रियं वाहनायुधैः । गोबीजकाञ्चनैर्वैश्यं शूद्रं सर्वैस्तु पातकैः ॥ ११३ ॥

satyena śāpayedvipraṃ kṣatriyaṃ vāhanāyudhaiḥ | gobījakāñcanairvaiśyaṃ śūdraṃ sarvaistu pātakaiḥ || 113 ||

Let the (judge) cause a Brahmana to swear by his veracity, a Kshatriya by his chariot or the animal he rides on and by his weapons, a Vaisya by his kine, grain, and gold, and a Sudra by (imprecating on his own head the guilt) of all grievous offences (pataka).

Report an error

अग्निं वाहारयेदेनं अप्सु चैनं निमज्जयेत् । पुत्रदारस्य वाप्येनं शिरांसि स्पर्शयेत्पृथक् ॥ ११४ ॥

agniṃ vāhārayedenaṃ apsu cainaṃ nimajjayet | putradārasya vāpyenaṃ śirāṃsi sparśayetpṛthak || 114 ||

Or the (judge) may cause the (party) to carry fire or to dive under water, or severally to touch the heads of his wives and children.

Report an error

यं इद्धो न दहत्यग्निरापो नोन्मज्जयन्ति च । न चार्तिं ऋच्छति क्षिप्रं स ज्ञेयः शपथे शुचिः ॥ ११५ ॥

yaṃ iddho na dahatyagnirāpo nonmajjayanti ca | na cārtiṃ ṛcchati kṣipraṃ sa jñeyaḥ śapathe śuciḥ || 115 ||

He whom the blazing fire burns not, whom the water forces not to come (quickly) up, who meets with no speedy misfortune, must be held innocent on (the strength of) his oath.

Report an error

वत्सस्य ह्यभिशस्तस्य पुरा भ्रात्रा यवीयसा । नाग्निर्ददाह रोमापि सत्येन जगतः स्पशः ॥ ११६ ॥

vatsasya hyabhiśastasya purā bhrātrā yavīyasā | nāgnirdadāha romāpi satyena jagataḥ spaśaḥ || 116 ||

For formerly when Vatsa was accused by his younger brother, the fire, the spy of the world, burned not even a hair (of his) by reason of his veracity.

Report an error

यस्मिन्यस्मिन्विवादे तु कौटसाक्ष्यं कृतं भवेत् । तत्तत्कार्यं निवर्तेत कृतं चाप्यकृतं भवेत् ॥ ११७ ॥

yasminyasminvivāde tu kauṭasākṣyaṃ kṛtaṃ bhavet | tattatkāryaṃ nivarteta kṛtaṃ cāpyakṛtaṃ bhavet || 117 ||

Whenever false evidence has been given in any suit, let the (judge) reverse the judgment, and whatever has been done must be (considered as) undone.

Report an error

लोभान्मोहाद्भयान्मैत्रात्कामात्क्रोधात्तथैव च । अज्ञानाद्बालभावाच्च साक्ष्यं वितथं उच्यते ॥ ११८ ॥

lobhānmohādbhayānmaitrātkāmātkrodhāttathaiva ca | ajñānādbālabhāvācca sākṣyaṃ vitathaṃ ucyate || 118 ||

Evidence (given) from covetousness, distraction, terror, friendship, lust, wrath, ignorance, and childishness is declared (to be) invalid.

Report an error

एषां अन्यतमे स्थाने यः साक्ष्यं अनृतं वदेत् । तस्य दण्डविशेषांस्तु प्रवक्ष्याम्यनुपूर्वशः ॥ ११९ ॥

eṣāṃ anyatame sthāne yaḥ sākṣyaṃ anṛtaṃ vadet | tasya daṇḍaviśeṣāṃstu pravakṣyāmyanupūrvaśaḥ || 119 ||

I will propound in (due) order the particular punishments for him who gives false evidence from any one of these motives.

Report an error

लोभात्सहस्रं दण्ड्यस्तु मोहात्पूर्वं तु साहसम् । भयाद्द्वौ मध्यमौ दण्डौ मैत्रात्पूर्वं चतुर्गुणम् ॥ १२० ॥

lobhātsahasraṃ daṇḍyastu mohātpūrvaṃ tu sāhasam | bhayāddvau madhyamau daṇḍau maitrātpūrvaṃ caturguṇam || 120 ||

(He who commits perjury) through covetousness shall be fined one thousand (panas), (he who does it) through distraction, in the lowest amercement; (if a man does it) through fear, two middling amercements shall be paid as a fine, (if he does it) through friendship, four times the amount of the lowest (amercement).

Report an error

कामाद्दशगुणं पूर्वं क्रोधात्तु त्रिगुणं परम् । अज्ञानाद्द्वे शते पूर्णे बालिश्याच्छतं एव तु ॥ १२१ ॥

kāmāddaśaguṇaṃ pūrvaṃ krodhāttu triguṇaṃ param | ajñānāddve śate pūrṇe bāliśyācchataṃ eva tu || 121 ||

(He who does it) through lust, (shall pay) ten times the lowest amercement, but (he who does it) through wrath, three times the next (or second amercement); (he who does it) through ignorance, two full hundreds, but (he who does it) through childishness, one hundred (panas).

Report an error

एतानाहुः कौटसाक्ष्ये प्रोक्तान्दण्डान्मनीषिभिः । धर्मस्याव्यभिचारार्थं अधर्मनियमाय च ॥ १२२ ॥

etānāhuḥ kauṭasākṣye proktāndaṇḍānmanīṣibhiḥ | dharmasyāvyabhicārārthaṃ adharmaniyamāya ca || 122 ||

They declare that the wise have prescribed these fines for perjury, in order to prevent a failure of justice, and in order to restrain injustice.

Report an error

कौटसाक्ष्यं तु कुर्वाणांस्त्रीन्वर्णान्धार्मिको नृपः । प्रवासयेद्दण्डयित्वा ब्राह्मणं तु विवासयेत् ॥ १२३ ॥

kauṭasākṣyaṃ tu kurvāṇāṃstrīnvarṇāndhārmiko nṛpaḥ | pravāsayeddaṇḍayitvā brāhmaṇaṃ tu vivāsayet || 123 ||

But a just king shall fine and banish (men of) the three (lower) castes (varna) who have given false evidence, but a Brahmana he shall (only) banish.

Report an error

दश स्थानानि दण्डस्य मनुः स्वयंभुवोऽब्रवीत् । त्रिषु वर्णेषु यानि स्युरक्षतो ब्राह्मणो व्रजेत् ॥ १२४ ॥

daśa sthānāni daṇḍasya manuḥ svayaṃbhuvo'bravīt | triṣu varṇeṣu yāni syurakṣato brāhmaṇo vrajet || 124 ||

Manu, the son of the Self-existent (Svayambhu), has named ten places on which punishment may be (made to fall) in the cases of the three (lower) castes (varna); but a Brahmana shall depart unhurt (from the country).

Report an error

उपस्थं उदरं जिह्वा हस्तौ पादौ च पञ्चमम् । चक्षुर्नासा च कर्णौ च धनं देहस्तथैव च ॥ १२५ ॥

upasthaṃ udaraṃ jihvā hastau pādau ca pañcamam | cakṣurnāsā ca karṇau ca dhanaṃ dehastathaiva ca || 125 ||

(These are) the organ, the belly, the tongue, the two hands, and fifthly the two feet, the eye, the nose, the two ears, likewise the (whole) body.

Report an error

अनुबन्धं परिज्ञाय देशकालौ च तत्त्वतः । सारापराधो चालोक्य दण्डं दण्ड्येषु पातयेत् ॥ १२६ ॥

anubandhaṃ parijñāya deśakālau ca tattvataḥ | sārāparādho cālokya daṇḍaṃ daṇḍyeṣu pātayet || 126 ||

Let the (king), having fully ascertained the motive, the time and place (of the offence), and having considered the ability (of the criminal to suffer) and the (nature of the) crime, cause punishment to fall on those who deserve it.

Report an error

अधर्मदण्डनं लोके यशोघ्नं कीर्तिनाशनम् । अस्वर्ग्यं च परत्रापि तस्मात्तत्परिवर्जयेत् ॥ १२७ ॥

adharmadaṇḍanaṃ loke yaśoghnaṃ kīrtināśanam | asvargyaṃ ca paratrāpi tasmāttatparivarjayet || 127 ||

Unjust punishment destroys reputation among men, and fame (after death), and causes even in the next world the loss of heaven; let him, therefore, beware of (inflicting) it.

Report an error

अदण्ड्यान्दण्डयन्राजा दण्ड्यांश्चैवाप्यदण्डयन् । अयशो महदाप्नोति नरकं चैव गच्छति ॥ १२८ ॥

adaṇḍyāndaṇḍayanrājā daṇḍyāṃścaivāpyadaṇḍayan | ayaśo mahadāpnoti narakaṃ caiva gacchati || 128 ||

A king who punishes those who do not deserve it, and punishes not those who deserve it, brings great infamy on himself and (after death) sinks into hell.

Report an error

वाग्दण्डं प्रथमं कुर्याद्धिग्दण्डं तदनन्तरम् । तृतीयं धनदण्डं तु वधदण्डं अतः परम् ॥ १२९ ॥

vāgdaṇḍaṃ prathamaṃ kuryāddhigdaṇḍaṃ tadanantaram | tṛtīyaṃ dhanadaṇḍaṃ tu vadhadaṇḍaṃ ataḥ param || 129 ||

Let him punish first by (gentle) admonition, afterwards by (harsh) reproof, thirdly by a fine, after that by corporal chastisement.

Report an error

वधेनापि यदा त्वेतान्निग्रहीतुं न शक्नुयात् । तदैषु सर्वं अप्येतत्प्रयुञ्जीत चतुष्टयम् ॥ १३० ॥

vadhenāpi yadā tvetānnigrahītuṃ na śaknuyāt | tadaiṣu sarvaṃ apyetatprayuñjīta catuṣṭayam || 130 ||

But when he cannot restrain such (offenders) even by corporal punishment, then let him apply to them even all the four (modes cojointly).

Report an error

लोकसंव्यवहारार्थं याः संज्ञाः प्रथिता भुवि । ताम्ररूप्यसुवर्णानां ताः प्रवक्ष्याम्यशेषतः ॥ १३१ ॥

lokasaṃvyavahārārthaṃ yāḥ saṃjñāḥ prathitā bhuvi | tāmrarūpyasuvarṇānāṃ tāḥ pravakṣyāmyaśeṣataḥ || 131 ||

Those technical names of (certain quantities of) copper, silver, and gold, which are generally used on earth for the purpose of business transactions among men, I will fully declare.

Report an error

जालान्तरगते भानौ यत्सूक्ष्मं दृश्यते रजः । प्रथमं तत्प्रमाणानां त्रसरेणुं प्रचक्षते ॥ १३२ ॥

jālāntaragate bhānau yatsūkṣmaṃ dṛśyate rajaḥ | prathamaṃ tatpramāṇānāṃ trasareṇuṃ pracakṣate || 132 ||

The very small mote which is seen when the sun shines through a lattice, they declare (to be) the least of (all) quantities and (to be called) a trasarenu (a floating particle of dust).

Report an error

त्रसरेणवोऽष्टौ विज्ञेया लिक्षैका परिमाणतः । ता राजसर्षपस्तिस्रस्ते त्रयो गौरसर्षपः ॥ १३३ ॥

trasareṇavo'ṣṭau vijñeyā likṣaikā parimāṇataḥ | tā rājasarṣapastisraste trayo gaurasarṣapaḥ || 133 ||

Know (that) eight trasarenus (are equal) in bulk (to) a liksha (the egg of a louse), three of those to one grain of black mustard (ragasarshapa), and three of the latter to a white mustard-seed.

Report an error

सर्षपाः षड्यवो मध्यस्त्रियवं त्वेककृष्णलम् । पञ्चकृष्णलको माषस्ते सुवर्णस्तु षोडश ॥ १३४ ॥

sarṣapāḥ ṣaḍyavo madhyastriyavaṃ tvekakṛṣṇalam | pañcakṛṣṇalako māṣaste suvarṇastu ṣoḍaśa || 134 ||

Six grains of white mustard are one middle-sized barley-corn, and three barley-corns one krishnala (raktika, or gunga-berry); five krishnalas are one masha (bean), and sixteen of those one suvarna.

Report an error

पलं सुवर्णाश्चत्वारः पलानि धरणं दश । द्वे कृष्णले समधृते विज्ञेयो रौप्यमाषकः ॥ १३५ ॥

palaṃ suvarṇāścatvāraḥ palāni dharaṇaṃ daśa | dve kṛṣṇale samadhṛte vijñeyo raupyamāṣakaḥ || 135 ||

Four suvarnas are one pala, and ten palas one dharana; two krishnalas (of silver), weighed together, must be considered one mashaka of silver.

Report an error

ते षोडश स्याद्धरणं पुराणश्चैव राजतः । कार्षापणस्तु विज्ञेयस्ताम्रिकः कार्षिकः पणः ॥ १३६ ॥

te ṣoḍaśa syāddharaṇaṃ purāṇaścaiva rājataḥ | kārṣāpaṇastu vijñeyastāmrikaḥ kārṣikaḥ paṇaḥ || 136 ||

Sixteen of those make a silver dharana, or purana; but know (that) a karsha of copper is a karshapana, or pana.

Report an error

धरणानि दश ज्ञेयः शतमानस्तु राजतः । चतुःसौवर्णिको निष्को विज्ञेयस्तु प्रमाणतः ॥ १३७ ॥

dharaṇāni daśa jñeyaḥ śatamānastu rājataḥ | catuḥsauvarṇiko niṣko vijñeyastu pramāṇataḥ || 137 ||

Know (that) ten dharanas of silver make one satamana; four suvarnas must be considered (equal) in weight to a nishka.

Report an error

पणानां द्वे शते सार्धे प्रथमः साहसः स्मृतः । मध्यमः पञ्च विज्ञेयः सहस्रं त्वेव चोत्तमः ॥ १३८ ॥

paṇānāṃ dve śate sārdhe prathamaḥ sāhasaḥ smṛtaḥ | madhyamaḥ pañca vijñeyaḥ sahasraṃ tveva cottamaḥ || 138 ||

Two hundred and fifty panas are declared (to be) the first (or lowest) amercement, five (hundred) are considered as the mean (or middlemost), but one thousand as the highest.

Report an error

ऋणे देये प्रतिज्ञाते पञ्चकं शतं अर्हति । अपह्नवे तद्द्विगुणं तन्मनोरनुशासनम् ॥ १३९ ॥

ṛṇe deye pratijñāte pañcakaṃ śataṃ arhati | apahnave taddviguṇaṃ tanmanoranuśāsanam || 139 ||

A debt being admitted as due, (the defendant) shall pay five in the hundred (as a fine), if it be denied (and proved) twice as much; that is the teaching of Manu.

Report an error

वसिष्ठविहितां वृद्धिं सृजेद्वित्तविवर्धिनीम् । अशीतिभागं गृह्णीयान्मासाद्वार्धुषिकः शते ॥ १४० ॥

vasiṣṭhavihitāṃ vṛddhiṃ sṛjedvittavivardhinīm | aśītibhāgaṃ gṛhṇīyānmāsādvārdhuṣikaḥ śate || 140 ||

A money-lender may stipulate as an increase of his capital, for the interest, allowed by Vasishtha, and take monthly the eightieth part of a hundred.

Report an error

द्विकं शतं वा गृह्णीयात्सतां धर्मं अनुस्मरन् । द्विकं शतं हि गृह्णानो न भवत्यर्थकिल्बिषी ॥ १४१ ॥

dvikaṃ śataṃ vā gṛhṇīyātsatāṃ dharmaṃ anusmaran | dvikaṃ śataṃ hi gṛhṇāno na bhavatyarthakilbiṣī || 141 ||

Or, remembering the duty of good men, he may take two in the hundred (by the month), for he who takes two in the hundred becomes not a sinner for gain.

Report an error

द्विकं त्रिकं चतुष्कं च पञ्चकं च शतं समम् । मासस्य वृद्धिं गृह्णीयाद्वर्णानां अनुपूर्वशः ॥ १४२ ॥

dvikaṃ trikaṃ catuṣkaṃ ca pañcakaṃ ca śataṃ samam | māsasya vṛddhiṃ gṛhṇīyādvarṇānāṃ anupūrvaśaḥ || 142 ||

Just two in the hundred, three, four, and five (and not more), he may take as monthly interest according to the order of the castes (varna).

Report an error

न त्वेवाधौ सोपकारे कौसीदीं वृद्धिं आप्नुयात् । न चाधेः कालसंरोधान्निसर्गोऽस्ति न विक्रयः ॥ १४३ ॥

na tvevādhau sopakāre kausīdīṃ vṛddhiṃ āpnuyāt | na cādheḥ kālasaṃrodhānnisargo'sti na vikrayaḥ || 143 ||

But if a beneficial pledge (i.e. one from which profit accrues, has been given), he shall receive no interest on the loan; nor can he, after keeping (such) a pledge for a very long time, give or sell it.

Report an error

न भोक्तव्यो बलादाधिर्भुञ्जानो वृद्धिं उत्सृजेत् । मूल्येन तोषयेच्चैनं आधिस्तेनोऽन्यथा भवेत् ॥ १४४ ॥

na bhoktavyo balādādhirbhuñjāno vṛddhiṃ utsṛjet | mūlyena toṣayeccainaṃ ādhisteno'nyathā bhavet || 144 ||

A pledge (to be kept only) must not be used by force, (the creditor), so using it, shall give up his (whole) interest, or, (if it has been spoilt by use) he shall satisfy the (owner) by (paying its) original price; else he commits a theft of the pledge.

Report an error

आधिश्चोपनिधिश्चोभौ न कालात्ययं अर्हतः । अवहार्यौ भवेतां तौ दीर्घकालं अवस्थितौ ॥ १४५ ॥

ādhiścopanidhiścobhau na kālātyayaṃ arhataḥ | avahāryau bhavetāṃ tau dīrghakālaṃ avasthitau || 145 ||

Neither a pledge nor a deposit can be lost by lapse of time; they are both recoverable, though they have remained long (with the bailee).

Report an error

संप्रीत्या भुज्यमानानि न नश्यन्ति कदा चन । धेनुरुष्ट्रो वहन्नश्वो यश्च दम्यः प्रयुज्यते ॥ १४६ ॥

saṃprītyā bhujyamānāni na naśyanti kadā cana | dhenuruṣṭro vahannaśvo yaśca damyaḥ prayujyate || 146 ||

Things used with friendly assent, a cow, a camel, a riding-horse, and (a beast) made over for breaking in, are never lost (to the owner).

Report an error

यत्किं चिद्दशवर्षाणि संनिधौ प्रेक्षते धनी । भुज्यमानं परैस्तूष्णीं न स तल्लब्धुं अर्हति ॥ १४७ ॥

yatkiṃ ciddaśavarṣāṇi saṃnidhau prekṣate dhanī | bhujyamānaṃ paraistūṣṇīṃ na sa tallabdhuṃ arhati || 147 ||

(But in general) whatever (chattel) an owner sees enjoyed by others during ten years, while, though present, he says nothing, that (chattel) he shall not recover.

Report an error

अजडश्चेदपोगण्डो विषये चास्य भुज्यते । भग्नं तद्व्यवहारेण भोक्ता तद्द्रव्यं अर्हति ॥ १४८ ॥

ajaḍaścedapogaṇḍo viṣaye cāsya bhujyate | bhagnaṃ tadvyavahāreṇa bhoktā taddravyaṃ arhati || 148 ||

If (the owner is) neither an idiot nor a minor and if (his chattel) is enjoyed (by another) before his eyes, it is lost to him by law; the adverse possessor shall retain that property.

Report an error

आधिः सीमा बालधनं निक्षेपोपनिधिः स्त्रियः । राजस्वं श्रोत्रियस्वं च न भोगेन प्रणश्यति ॥ १४९ ॥

ādhiḥ sīmā bāladhanaṃ nikṣepopanidhiḥ striyaḥ | rājasvaṃ śrotriyasvaṃ ca na bhogena praṇaśyati || 149 ||

A pledge, a boundary, the property of infants, an (open) deposit, a sealed deposit, women, the property of the king and the wealth of a Srotriya are not lost in consequence of (adverse) enjoyment.

Report an error

यः स्वामिनाननुज्ञातं आधिं भूङ्क्तेऽविचक्षणः । तेनार्धवृद्धिर्मोक्तव्या तस्य भोगस्य निष्कृतिः ॥ १५० ॥

yaḥ svāminānanujñātaṃ ādhiṃ bhūṅkte'vicakṣaṇaḥ | tenārdhavṛddhirmoktavyā tasya bhogasya niṣkṛtiḥ || 150 ||

The fool who uses a pledge without the permission of the owner, shall remit half of his interest, as a compensation for (such) use.

Report an error

कुसीदवृद्धिर्द्वैगुण्यं नात्येति सकृदाहृता । धान्ये सदे लवे वाह्ये नातिक्रामति पञ्चताम् ॥ १५१ ॥

kusīdavṛddhirdvaiguṇyaṃ nātyeti sakṛdāhṛtā | dhānye sade lave vāhye nātikrāmati pañcatām || 151 ||

In money transactions interest paid at one time (not by instalments) shall never exceed the double (of the principal); on grain, fruit, wool or hair, (and) beasts of burden it must not be more than five times (the original amount).

Report an error

कृतानुसारादधिका व्यतिरिक्ता न सिध्यति । कुसीदपथं आहुस्तं पञ्चकं शतं अर्हति ॥ १५२ ॥

kṛtānusārādadhikā vyatiriktā na sidhyati | kusīdapathaṃ āhustaṃ pañcakaṃ śataṃ arhati || 152 ||

Stipulated interest beyond the legal rate, being against (the law), cannot be recovered; they call that a usurious way (of lending); (the lender) is (in no case) entitled to (more than) five in the hundred.

Report an error

नातिसांवत्सरीं वृद्धिं न चादृष्टां पुनर्हरेत् । चक्रवृद्धिः कालवृद्धिः कारिता कायिका च या ॥ १५३ ॥

nātisāṃvatsarīṃ vṛddhiṃ na cādṛṣṭāṃ punarharet | cakravṛddhiḥ kālavṛddhiḥ kāritā kāyikā ca yā || 153 ||

Let him not take interest beyond the year, nor such as is unapproved, nor compound interest, periodical interest, stipulated interest, and corporal interest.

Report an error

ऋणं दातुं अशक्तो यः कर्तुं इच्छेत्पुनः क्रियाम् । स दत्त्वा निर्जितां वृद्धिं करणं परिवर्तयेत् ॥ १५४ ॥

ṛṇaṃ dātuṃ aśakto yaḥ kartuṃ icchetpunaḥ kriyām | sa dattvā nirjitāṃ vṛddhiṃ karaṇaṃ parivartayet || 154 ||

He who, unable to pay a debt (at the fixed time), wishes to make a new contract, may renew the agreement, after paying the interest which is due.

Report an error

अदर्शयित्वा तत्रैव हिरण्यं परिवर्तयेत् । यावती संभवेद्वृद्धिस्तावतीं दातुं अर्हति ॥ १५५ ॥

adarśayitvā tatraiva hiraṇyaṃ parivartayet | yāvatī saṃbhavedvṛddhistāvatīṃ dātuṃ arhati || 155 ||

If he cannot pay the money (due as interest), he may insert it in the renewed (agreement); he must pay as much interest as may be due.

Report an error

चक्रवृद्धिं समारूढो देशकालव्यवस्थितः । अतिक्रामन्देशकालौ न तत्फलं अवाप्नुयात् ॥ १५६ ॥

cakravṛddhiṃ samārūḍho deśakālavyavasthitaḥ | atikrāmandeśakālau na tatphalaṃ avāpnuyāt || 156 ||

He who has made a contract to carry goods by a wheeled carriage for money and has agreed to a certain place or time, shall not reap that reward, if he does not keep to the place and the time (stipulated).

Report an error

समुद्रयानकुशला देशकालार्थदर्शिनः । स्थापयन्ति तु यां वृद्धिं सा तत्राधिगमं प्रति ॥ १५७ ॥

samudrayānakuśalā deśakālārthadarśinaḥ | sthāpayanti tu yāṃ vṛddhiṃ sā tatrādhigamaṃ prati || 157 ||

Whatever rate men fix, who are expert in sea-voyages and able to calculate (the profit) according to the place, the time, and the objects (carried), that (has legal force) in such cases with respect to the payment (to be made).

Report an error

यो यस्य प्रतिभूस्तिष्ठेद्दर्शनायेह मानवः । अदर्शयन्स तं तस्य प्रयच्छेत्स्वधनादृणम् ॥ १५८ ॥

yo yasya pratibhūstiṣṭheddarśanāyeha mānavaḥ | adarśayansa taṃ tasya prayacchetsvadhanādṛṇam || 158 ||

The man who becomes a surety in this (world) for the appearance of a (debtor), and produces him not, shall pay the debt out of his own property.

Report an error

प्रातिभाव्यं वृथादानं आक्षिकं सौरिकां च यत् । दण्डशुल्कावशेषं च न पुत्रो दातुं अर्हति ॥ १५९ ॥

prātibhāvyaṃ vṛthādānaṃ ākṣikaṃ saurikāṃ ca yat | daṇḍaśulkāvaśeṣaṃ ca na putro dātuṃ arhati || 159 ||

But money due by a surety, or idly promised, or lost at play, or due for spirituous liquor, or what remains unpaid of a fine and a tax or duty, the son (of the party owing it) shall not be obliged to pay.

Report an error

दर्शनप्रातिभाव्ये तु विधिः स्यात्पूर्वचोदितः । दानप्रतिभुवि प्रेते दायादानपि दापयेत् ॥ १६० ॥

darśanaprātibhāvye tu vidhiḥ syātpūrvacoditaḥ | dānapratibhuvi prete dāyādānapi dāpayet || 160 ||

This just mentioned rule shall apply to the case of a surety for appearance (only); if a surety for payment should die, the (judge) may compel even his heirs to discharge the debt.

Report an error

अदातरि पुनर्दाता विज्ञातप्रकृतावृणम् । पश्चात्प्रतिभुवि प्रेते परीप्सेत्केन हेतुना ॥ १६१ ॥

adātari punardātā vijñātaprakṛtāvṛṇam | paścātpratibhuvi prete parīpsetkena hetunā || 161 ||

On what account then is it that after the death of a surety other than for payment, whose affairs are fully known, the creditor may (in some cases) afterwards demand the debt (of the heirs)?

Report an error

निरादिष्टधनश्चेत्तु प्रतिभूः स्यादलंधनः । स्वधनादेव तद्दद्यान्निरादिष्ट इति स्थितिः ॥ १६२ ॥

nirādiṣṭadhanaścettu pratibhūḥ syādalaṃdhanaḥ | svadhanādeva taddadyānnirādiṣṭa iti sthitiḥ || 162 ||

If the surety had received money (from him for whom he stood bail) and had money enough (to pay), then (the heir of him) who received it, shall pay (the debt) out of his property; that is the settled rule.

Report an error

मत्तोन्मत्तार्ताध्यधीनैर्बालेन स्थविरेण वा । असंबद्धकृतश्चैव व्यावहारो न सिध्यति ॥ १६३ ॥

mattonmattārtādhyadhīnairbālena sthavireṇa vā | asaṃbaddhakṛtaścaiva vyāvahāro na sidhyati || 163 ||

A contract made by a person intoxicated, or insane, or grievously disordered (by disease and so forth), or wholly dependent, by an infant or very aged man, or by an unauthorised (party) is invalid.

Report an error

सत्या न भाषा भवति यद्यपि स्यात्प्रतिष्ठिता । बहिश्चेद्भाष्यते धर्मान्नियताद्व्यवहारिकात् ॥ १६४ ॥

satyā na bhāṣā bhavati yadyapi syātpratiṣṭhitā | bahiścedbhāṣyate dharmānniyatādvyavahārikāt || 164 ||

That agreement which has been made contrary to the law or to the settled usage (of the virtuous), can have no legal force, though it be established (by proofs).

Report an error

योगाधमनविक्रीतं योगदानप्रतिग्रहम् । यत्र वाप्युपधिं पश्येत्तत्सर्वं विनिवर्तयेत् ॥ १६५ ॥

yogādhamanavikrītaṃ yogadānapratigraham | yatra vāpyupadhiṃ paśyettatsarvaṃ vinivartayet || 165 ||

A fraudulent mortgage or sale, a fraudulent gift or acceptance, and (any transaction) where he detects fraud, the (judge) shall declare null and void.

Report an error

ग्रहीता यदि नष्टः स्यात्कुटुम्बार्थे कृतो व्ययः । दातव्यं बान्धवैस्तत्स्यात्प्रविभक्तैरपि स्वतः ॥ १६६ ॥

grahītā yadi naṣṭaḥ syātkuṭumbārthe kṛto vyayaḥ | dātavyaṃ bāndhavaistatsyātpravibhaktairapi svataḥ || 166 ||

If the debtor be dead and (the money borrowed) was expended for the family, it must be paid by the relatives out of their own estate even if they are divided.

Report an error

कुटुम्बार्थेऽध्यधीनोऽपि व्यवहारं यं आचरेत् । स्वदेशे वा विदेशे वा तं ज्यायान्न विचालयेत् ॥ १६७ ॥

kuṭumbārthe'dhyadhīno'pi vyavahāraṃ yaṃ ācaret | svadeśe vā videśe vā taṃ jyāyānna vicālayet || 167 ||

Should even a person wholly dependent make a contract for the behoof of the family, the master (of the house), whether (living) in his own country or abroad, shall not rescind it.

Report an error

बलाद्दत्तं बलाद्भुक्तं बलाद्यच्चापि लेखितम् । सर्वान्बलकृतानर्थानकृतान्मनुरब्रवीत् ॥ १६८ ॥

balāddattaṃ balādbhuktaṃ balādyaccāpi lekhitam | sarvānbalakṛtānarthānakṛtānmanurabravīt || 168 ||

What is given by force, what is enjoyed by force, also what has been caused to be written by force, and all other transactions done by force, Manu has declared void.

Report an error

त्रयः परार्थे क्लिश्यन्ति साक्षिणः प्रतिभूः कुलम् । चत्वारस्तूपचीयन्ते विप्र आढ्यो वणिङ्नृपः ॥ १६९ ॥

trayaḥ parārthe kliśyanti sākṣiṇaḥ pratibhūḥ kulam | catvārastūpacīyante vipra āḍhyo vaṇiṅnṛpaḥ || 169 ||

Three suffer for the sake of others, witnesses, a surety, and judges; but four enrich themselves (through others), a Brahmana, a money-lender, a merchant, and a king.

Report an error

अनादेयं नाददीत परिक्षीणोऽपि पार्थिवः । न चादेयं समृद्धोऽपि सूक्ष्मं अप्यर्थं उत्सृजेत् ॥ १७० ॥

anādeyaṃ nādadīta parikṣīṇo'pi pārthivaḥ | na cādeyaṃ samṛddho'pi sūkṣmaṃ apyarthaṃ utsṛjet || 170 ||

No king, however indigent, shall take anything that ought not to be taken, nor shall he, however wealthy, decline taking that which he ought to take, be it ever so small.

Report an error

अनादेयस्य चादानादादेयस्य च वर्जनात् । दौर्बल्यं ख्याप्यते राज्ञः स प्रेत्येह च नश्यति ॥ १७१ ॥

anādeyasya cādānādādeyasya ca varjanāt | daurbalyaṃ khyāpyate rājñaḥ sa pretyeha ca naśyati || 171 ||

In consequence of his taking what ought not to be taken, or of his refusing what ought to be received, a king will be accused of weakness and perish in this (world) and after death.

Report an error

स्वादानाद्वर्णसंसर्गात्त्वबलानां च रक्षणात् । बलं संजायते राज्ञः स प्रेत्येह च वर्धते ॥ १७२ ॥

svādānādvarṇasaṃsargāttvabalānāṃ ca rakṣaṇāt | balaṃ saṃjāyate rājñaḥ sa pretyeha ca vardhate || 172 ||

By taking his due, by preventing the confusion of the castes (varna), and by protecting the weak, the power of the king grows, and he prospers in this (world) and after death.

Report an error

तस्माद्यम इव स्वामी स्वयं हित्वा प्रियाप्रिये । वर्तेत याम्यया वृत्त्या जितक्रोधो जितेन्द्रियः ॥ १७३ ॥

tasmādyama iva svāmī svayaṃ hitvā priyāpriye | varteta yāmyayā vṛttyā jitakrodho jitendriyaḥ || 173 ||

Let the prince, therefore, like Yama, not heeding his own likings and dislikings, behave exactly like Yama, suppressing his anger and controlling himself.

Report an error

यस्त्वधर्मेण कार्याणि मोहात्कुर्यान्नराधिपः । अचिरात्तं दुरात्मानं वशे कुर्वन्ति शत्रवः ॥ १७४ ॥

yastvadharmeṇa kāryāṇi mohātkuryānnarādhipaḥ | acirāttaṃ durātmānaṃ vaśe kurvanti śatravaḥ || 174 ||

But that evil-minded king who in his folly decides causes unjustly, his enemies soon subjugate.

Report an error

कामक्रोधौ तु संयम्य योऽर्थान्धर्मेण पश्यति । प्रजास्तं अनुवर्तन्ते समुद्रं इव सिन्धवः ॥ १७५ ॥

kāmakrodhau tu saṃyamya yo'rthāndharmeṇa paśyati | prajāstaṃ anuvartante samudraṃ iva sindhavaḥ || 175 ||

If, subduing love and hatred, he decides the causes according to the law, (the hearts of) his subjects turn towards him as the rivers (run) towards the ocean.

Report an error

यः साधयन्तं छन्देन वेदयेद्धनिकं नृपे । स राज्ञा तच्चतुर्भागं दाप्यस्तस्य च तद्धनम् ॥ १७६ ॥

yaḥ sādhayantaṃ chandena vedayeddhanikaṃ nṛpe | sa rājñā taccaturbhāgaṃ dāpyastasya ca taddhanam || 176 ||

(The debtor) who complains to the king that his creditor recovers (the debt) independently (of the court), shall be compelled by the king to pay (as a fine) one quarter (of the sum) and to his (creditor) the money (due).

Report an error

कर्मणापि समं कुर्याद्धनिकायाधमर्णिकः । समोऽवकृष्टजातिस्तु दद्याच्छ्रेयांस्तु तच्छनैः ॥ १७७ ॥

karmaṇāpi samaṃ kuryāddhanikāyādhamarṇikaḥ | samo'vakṛṣṭajātistu dadyācchreyāṃstu tacchanaiḥ || 177 ||

Even by (personal) labour shall the debtor make good (what he owes) to his creditor, if he be of the same caste or of a lower one; but a (debtor) of a higher caste shall pay it gradually (when he earns something).

Report an error

अनेन विधिना राजा मिथो विवदतां नृणाम् । साक्षिप्रत्ययसिद्धानि कार्याणि समतां नयेत् ॥ १७८ ॥

anena vidhinā rājā mitho vivadatāṃ nṛṇām | sākṣipratyayasiddhāni kāryāṇi samatāṃ nayet || 178 ||

According to these rules let the king equitably decide between men, who dispute with each other the matters, which are proved by witnesses and (other) evidence.

Report an error

कुलजे वृत्तसंपन्ने धर्मज्ञे सत्यवादिनि । महापक्षे धनिन्यार्ये निक्षेपं निक्षिपेद्बुधः ॥ १७९ ॥

kulaje vṛttasaṃpanne dharmajñe satyavādini | mahāpakṣe dhaninyārye nikṣepaṃ nikṣipedbudhaḥ || 179 ||

A sensible man should make a deposit (only) with a person of (good) family, of good conduct, well acquainted with the law, veracious, having many relatives, wealthy, and honourable (arya).

Report an error

यो यथा निक्षिपेद्धस्ते यं अर्थं यस्य मानवः । स तथैव ग्रहीतव्यो यथा दायस्तथा ग्रहः ॥ १८० ॥

yo yathā nikṣipeddhaste yaṃ arthaṃ yasya mānavaḥ | sa tathaiva grahītavyo yathā dāyastathā grahaḥ || 180 ||

In whatever manner a person shall deposit anything in the hands of another, in the same manner ought the same thing to be received back (by the owner); as the delivery (was, so must be) the re-delivery.

Report an error

यो निक्षेपं याच्यमानो निक्षेप्तुर्न प्रयच्छति । स याच्यः प्राड्विवाकेन तन्निक्षेप्तुरसंनिधौ ॥ १८१ ॥

yo nikṣepaṃ yācyamāno nikṣepturna prayacchati | sa yācyaḥ prāḍvivākena tannikṣepturasaṃnidhau || 181 ||

He who restores not his deposit to the depositor at his request, may be tried by the judge in the depositor's absence.

Report an error

साक्ष्यभावे प्रणिधिभिर्वयोरूपसमन्वितैः । अपदेशैश्च संन्यस्य हिरण्यं तस्य तत्त्वतः ॥ १८२ ॥

sākṣyabhāve praṇidhibhirvayorūpasamanvitaiḥ | apadeśaiśca saṃnyasya hiraṇyaṃ tasya tattvataḥ || 182 ||

On failure of witnesses let the (judge) actually deposit gold with that (defendant) under some pretext or other through spies of suitable age and appearance (and afterwards demand it back).

Report an error

स यदि प्रतिपद्येत यथान्यस्तं यथाकृतम् । न तत्र विद्यते किं चिद्यत्परैरभियुज्यते ॥ १८३ ॥

sa yadi pratipadyeta yathānyastaṃ yathākṛtam | na tatra vidyate kiṃ cidyatparairabhiyujyate || 183 ||

If the (defendant) restores it in the manner and shape in which it was bailed, there is nothing (of that description) in his hands, for which others accuse him.

Report an error

तेषां न दद्याद्यदि तु तद्धिरण्यं यथाविधि । उभौ निगृह्य दाप्यः स्यादिति धर्मस्य धारणा ॥ १८४ ॥

teṣāṃ na dadyādyadi tu taddhiraṇyaṃ yathāvidhi | ubhau nigṛhya dāpyaḥ syāditi dharmasya dhāraṇā || 184 ||

But if he restores not that gold, as be ought, to those (spies), then he shall be compelled by force to restore both (deposits); that is a settled rule of law.

Report an error

निक्षेपोपनिधी नित्यं न देयौ प्रत्यनन्तरे । नश्यतो विनिपाते तावनिपाते त्वनाशिनौ ॥ १८५ ॥

nikṣepopanidhī nityaṃ na deyau pratyanantare | naśyato vinipāte tāvanipāte tvanāśinau || 185 ||

An open or a sealed deposit must never be returned to a near relative (of the depositor during the latter's lifetime); for if (the recipient) dies (without delivering them), they are lost, but if he does not die, they are not lost.

Report an error

स्वयं एव तु यौ दद्यान्मृतस्य प्रत्यनन्तरे । न स राज्ञाभियोक्तव्यो न निक्षेप्तुश्च बन्धुभिः ॥ १८६ ॥

svayaṃ eva tu yau dadyānmṛtasya pratyanantare | na sa rājñābhiyoktavyo na nikṣeptuśca bandhubhiḥ || 186 ||

But (a depositary) who of his own accord returns them to a near relative of a deceased (depositor), must not be harassed (about them) by the king or by the depositor's relatives.

Report an error

अच्छलेनैव चान्विच्छेत्तं अर्थं प्रीतिपूर्वकम् । विचार्य तस्य वा वृत्तं साम्नैव परिसाधयेत् ॥ १८७ ॥

acchalenaiva cānvicchettaṃ arthaṃ prītipūrvakam | vicārya tasya vā vṛttaṃ sāmnaiva parisādhayet || 187 ||

And (in doubtful cases) he should try to obtain that object by friendly means, without (having recourse to) artifice, or having inquired into (depositary's) conduct, he should settle (the matter) with gentle means.

Report an error

निक्षेपेष्वेषु सर्वेषु विधिः स्यात्परिसाधने । समुद्रे नाप्नुयात्किं चिद्यदि तस्मान्न संहरेत् ॥ १८८ ॥

nikṣepeṣveṣu sarveṣu vidhiḥ syātparisādhane | samudre nāpnuyātkiṃ cidyadi tasmānna saṃharet || 188 ||

Such is the rule for obtaining back all those open deposits; in the case of a sealed deposit (the depositary) shall incur no (censure), unless he has taken out something.

Report an error

चौरैर्हृतं जलेनोढं अग्निना दग्धं एव वा । न दद्याद्यदि तस्मात्स न संहरति किं चन ॥ १८९ ॥

caurairhṛtaṃ jalenoḍhaṃ agninā dagdhaṃ eva vā | na dadyādyadi tasmātsa na saṃharati kiṃ cana || 189 ||

(A deposit) which has been stolen by thieves or washed away by water or burned by fire, (the bailee) shall not make it good, unless he took part of it (for himself).

Report an error

निक्षेपस्यापहर्तारं अनिक्षेप्तारं एव च । सर्वैरुपायैरन्विच्छेच्छपथैश्चैव वैदिकैः ॥ १९० ॥

nikṣepasyāpahartāraṃ anikṣeptāraṃ eva ca | sarvairupāyairanvicchecchapathaiścaiva vaidikaiḥ || 190 ||

Him who appropriates a deposit and him (who asks for it) without having made it, (the judge) shall try by all (sorts of) means, and by the oaths prescribed in the Veda.

Report an error

यो निक्षेपं नार्पयति यश्चानिक्षिप्य याचते । तावुभौ चौरवच्छास्यौ दाप्यौ वा तत्समं दमम् ॥ १९१ ॥

yo nikṣepaṃ nārpayati yaścānikṣipya yācate | tāvubhau cauravacchāsyau dāpyau vā tatsamaṃ damam || 191 ||

He who does not return a deposit and he who demands what he never bailed shall both be punished like thieves, or be compelled to pay a fine equal (to the value of the object retained or claimed).

Report an error

निक्षेपस्यापहर्तारं तत्समं दापयेद्दमम् । तथोपनिधिहर्तारं अविशेषेण पार्थिवः ॥ १९२ ॥

nikṣepasyāpahartāraṃ tatsamaṃ dāpayeddamam | tathopanidhihartāraṃ aviśeṣeṇa pārthivaḥ || 192 ||

The king should compel him who does not restore an open deposit, and in like manner him who retains a sealed deposit, to pay a fine equal (to its value).

Report an error

उपधाभिश्च यः कश्चित्परद्रव्यं हरेन्नरः । ससहायः स हन्तव्यः प्रकाशं विविधैर्वधैः ॥ १९३ ॥

upadhābhiśca yaḥ kaścitparadravyaṃ harennaraḥ | sasahāyaḥ sa hantavyaḥ prakāśaṃ vividhairvadhaiḥ || 193 ||

That man who by false pretences may possess himself of another's property, shall be publicly punished by various (modes of) corporal (or capital) chastisement, together with his accomplices.

Report an error

निक्षेपो यः कृतो येन यावांश्च कुलसंनिधौ । तावानेव स विज्ञेयो विब्रुवन्दण्डं अर्हति ॥ १९४ ॥

nikṣepo yaḥ kṛto yena yāvāṃśca kulasaṃnidhau | tāvāneva sa vijñeyo vibruvandaṇḍaṃ arhati || 194 ||

If a deposit of a particular description or quantity is bailed by anybody in the presence of a number (of witnesses), it must be known to be of that particular (description and quantity; the depositary) who makes a false statement (regarding it) is liable to a fine.

Report an error

मिथो दायः कृतो येन गृहीतो मिथ एव वा । मिथ एव प्रदातव्यो यथा दायस्तथा ग्रहः ॥ १९५ ॥

mitho dāyaḥ kṛto yena gṛhīto mitha eva vā | mitha eva pradātavyo yathā dāyastathā grahaḥ || 195 ||

But if anything is delivered or received privately, it must be privately returned; as the bailment (was, so should be) the re-delivery.

Report an error

निक्षिप्तस्य धनस्यैवं प्रीत्योपनिहितस्य च । राजा विनिर्णयं कुर्यादक्षिण्वन्न्यासधारिणम् ॥ १९६ ॥

nikṣiptasya dhanasyaivaṃ prītyopanihitasya ca | rājā vinirṇayaṃ kuryādakṣiṇvannyāsadhāriṇam || 196 ||

Thus let the king decide (causes) concerning a deposit and a friendly loan (for use) without showing (undue) rigour to the depositary.

Report an error

विक्रीणीते परस्य स्वं योऽस्वामी स्वाम्यसम्मतः । न तं नयेत साक्ष्यं तु स्तेनं अस्तेनमानिनम् ॥ १९७ ॥

vikrīṇīte parasya svaṃ yo'svāmī svāmyasammataḥ | na taṃ nayeta sākṣyaṃ tu stenaṃ astenamāninam || 197 ||

If anybody sells the property of another man, without being the owner and without the assent of the owner, the (judge) shall not admit him who is a thief, though he may not consider himself as a thief, as a witness (in any case).

Report an error

अवहार्यो भवेच्चैव सान्वयः षट्शतं दमम् । निरन्वयोऽनपसरः प्राप्तः स्याच्चौरकिल्बिषम् ॥ १९८ ॥

avahāryo bhaveccaiva sānvayaḥ ṣaṭśataṃ damam | niranvayo'napasaraḥ prāptaḥ syāccaurakilbiṣam || 198 ||

If the (offender) is a kinsman (of the owner), he shall be fined six hundred panas; if he is not a kinsman, nor has any excuse, he shall be guilty of theft.

Report an error

अस्वामिना कृतो यस्तु दायो विक्रय एव वा । अकृतः स तु विज्ञेयो व्यवहारे यथा स्थितिः ॥ १९९ ॥

asvāminā kṛto yastu dāyo vikraya eva vā | akṛtaḥ sa tu vijñeyo vyavahāre yathā sthitiḥ || 199 ||

A gift or sale, made by anybody else but the owner, must be considered as null and void, according to the rule in judicial proceedings.

Report an error

संभोगो दृश्यते यत्र न दृश्येतागमः क्व चित् । आगमः कारणं तत्र न संभोग इति स्थितिः ॥ २०० ॥

saṃbhogo dṛśyate yatra na dṛśyetāgamaḥ kva cit | āgamaḥ kāraṇaṃ tatra na saṃbhoga iti sthitiḥ || 200 ||

Where possession is evident, but no title is perceived, there the title (shall be) a proof (of ownership), not possession; such is the settled rule.

Report an error

विक्रयाद्यो धनं किं चिद्गृह्णीयत्कुलसंनिधौ । क्रयेण स विशुद्धं हि न्यायतो लभते धनम् ॥ २०१ ॥

vikrayādyo dhanaṃ kiṃ cidgṛhṇīyatkulasaṃnidhau | krayeṇa sa viśuddhaṃ hi nyāyato labhate dhanam || 201 ||

He who obtains a chattel in the market before a number (of witnesses), acquires that chattel with a clear legal title by purchase.

Report an error

अथ मूलं अनाहार्यं प्रकाशक्रयशोधितः । अदण्ड्यो मुच्यते राज्ञा नाष्टिको लभते धनम् ॥ २०२ ॥

atha mūlaṃ anāhāryaṃ prakāśakrayaśodhitaḥ | adaṇḍyo mucyate rājñā nāṣṭiko labhate dhanam || 202 ||

If the original (seller) be not producible, (the buyer) being exculpated by a public sale, must be dismissed by the king without punishment, but (the former owner) who lost the chattel shall receive it (back from the buyer).

Report an error

नान्यदन्येन संसृष्ट रूपं विक्रयं अर्हति । न चासारं न च न्यूनं न दूरेण तिरोहितम् ॥ २०३ ॥

nānyadanyena saṃsṛṣṭa rūpaṃ vikrayaṃ arhati | na cāsāraṃ na ca nyūnaṃ na dūreṇa tirohitam || 203 ||

One commodity mixed with another must not be sold (as pure), nor a bad one (as good), nor less (than the proper quantity or weight), nor anything that is not at hand or that is concealed.

Report an error

अन्यां चेद्दर्शयित्वान्या वोढुः कन्या प्रदीयते । उभे त एकशुल्केन वहेदित्यब्रवीन्मनुः ॥ २०४ ॥

anyāṃ ceddarśayitvānyā voḍhuḥ kanyā pradīyate | ubhe ta ekaśulkena vahedityabravīnmanuḥ || 204 ||

If, after one damsel has been shown, another be given to the bridegroom, he may marry them both for the same price; that Manu ordained.

Report an error

नोन्मत्ताया न कुष्ठिन्या न च या स्पृष्टमैथुना । पूर्वं दोषानभिख्याप्य प्रदाता दण्डं अर्हति ॥ २०५ ॥

nonmattāyā na kuṣṭhinyā na ca yā spṛṣṭamaithunā | pūrvaṃ doṣānabhikhyāpya pradātā daṇḍaṃ arhati || 205 ||

He who gives (a damsel in marriage), having first openly declared her blemishes, whether she be insane, or afflicted with leprosy, or have lost her virginity, is not liable to punishment.

Report an error

ऋत्विग्यदि वृतो यज्ञे स्वकर्म परिहापयेत् । तस्य कर्मानुरूपेण देयोऽंशः सहकर्तृभिः ॥ २०६ ॥

ṛtvigyadi vṛto yajñe svakarma parihāpayet | tasya karmānurūpeṇa deyo'ṃśaḥ sahakartṛbhiḥ || 206 ||

If an officiating priest, chosen to perform a sacrifice, abandons his work, a share only (of the fee) in proportion to the work (done) shall be given to him by those who work with him.

Report an error

दक्षिणासु च दत्तासु स्वकर्म परिहापयन् । कृत्स्नं एव लभेतांशं अन्येनैव च कारयेत् ॥ २०७ ॥

dakṣiṇāsu ca dattāsu svakarma parihāpayan | kṛtsnaṃ eva labhetāṃśaṃ anyenaiva ca kārayet || 207 ||

But he who abandons his work after the sacrificial fees have been given, shall obtain his full share and cause to be performed (what remains) by another (priest).

Report an error

यस्मिन्कर्मणि यास्तु स्युरुक्ताः प्रत्यङ्गदक्षिणाः । स एव ता आदिदीत भजेरन्सर्व एव वा ॥ २०८ ॥

yasminkarmaṇi yāstu syuruktāḥ pratyaṅgadakṣiṇāḥ | sa eva tā ādidīta bhajeransarva eva vā || 208 ||

But if (specific) fees are ordained for the several parts of a rite, shall he (who performs the part) receive them, or shall they all share them?

Report an error

रथं हरेत्चाध्वर्युर्ब्रह्माधाने च वाजिनम् । होता वापि हरेदश्वं उद्गाता चाप्यनः क्रये ॥ २०९ ॥

rathaṃ haretcādhvaryurbrahmādhāne ca vājinam | hotā vāpi haredaśvaṃ udgātā cāpyanaḥ kraye || 209 ||

The Adhvaryu priest shall take the chariot, and the Brahman at the kindling of the fires (Agnyadhana) a horse, the Hotri priest shall also take a horse, and the Udgatri the cart, (used) when (the Soma) is purchased.

Report an error

सर्वेषां अर्धिनो मुख्यास्तदर्धेनार्धिनोऽपरे । तृतीयिनस्तृतीयांशाश्चतुर्थांशाश्च पादिनः ॥ २१० ॥

sarveṣāṃ ardhino mukhyāstadardhenārdhino'pare | tṛtīyinastṛtīyāṃśāścaturthāṃśāśca pādinaḥ || 210 ||

The (four) chief priests among all (the sixteen), who are entitled to one half, shall receive a moiety (of the fee), the next (four) one half of that, the set entitled to a third share, one third, and those entitled to a fourth a quarter.

Report an error

Illustration: Verse & Place · AI-generated with ChatGPT (Generated for this project). Translation: G. Bühler, The Laws of Manu, Sacred Books of the East vol. 25, Oxford, 1886 (public domain).