Skip to content

अङ्कः २

Meruścalanniva yugakṣayasannikarṣe

Bhasa's play of the statue.

21 versesSanskrit with transliteration

Bharata seeing his father's statue in the gallery of royal images.

मेरुश्चलन्निव युगक्षयसन्निकर्षे । शोषं व्रजन्निव महोदधिरप्रमेय: । सूर्य: पतन्निव च मण्डलमात्रलक्ष्य: । शोकाद्भृशं शिथिलदेहमतिनरेन्द्र: ॥ १ ॥

meruścalanniva yugakṣayasannikarṣe | śoṣaṃ vrajanniva mahodadhiraprameya: | sūrya: patanniva ca maṇḍalamātralakṣya: | śokādbhṛśaṃ śithiladehamatinarendra: || 1 ||

Report an error

प्रतिहारि - हा हा एव्वंगओ महाराओ। (हा एवंगतो महाराज:।) । काञ्चुकीय: - भवति! गच्छ । प्रतिहारी: - अय्य! तह। (आर्य! तथा।) (निष्कान्ता।) । काञ्चुकीय:- (सर्वतो विलोक्य।) अहो नु खलु रामनिर्गमनदिनादाभ्य शून्यैवेयमयोध्या संलक्ष्यते। कुत:, । नागेन्द्रा यवसाभिलाषविमुखा: सास्रेक्षणा वाजिनो । हेषा शून्यमुखा: सवृद्धवनिताबालाश्च पौरा जना: । त्यक्ताहारकथा: सुदीनवदना: क्रन्दन्त उच्चैर्दिशा । रामो याति यया सदारसहजस्तामेव पश्यन्त्यमी ॥ २ ॥

pratihāri - hā hā evvaṃgao mahārāo| (hā evaṃgato mahārāja:|) | kāñcukīya: - bhavati! gaccha | pratihārī: - ayya! taha| (ārya! tathā|) (niṣkāntā|) | kāñcukīya:- (sarvato vilokya|) aho nu khalu rāmanirgamanadinādābhya śūnyaiveyamayodhyā saṃlakṣyate| kuta:, | nāgendrā yavasābhilāṣavimukhā: sāsrekṣaṇā vājino | heṣā śūnyamukhā: savṛddhavanitābālāśca paurā janā: | tyaktāhārakathā: sudīnavadanā: krandanta uccairdiśā | rāmo yāti yayā sadārasahajastāmeva paśyantyamī || 2 ||

Report an error

पतत्युत्थाय चोत्थाय हा हेत्युच्चैर्लपन् मुहु: । दिशं पश्यति तामे व यया यातो रघूद्वह: ॥ ३ ॥

patatyutthāya cotthāya hā hetyuccairlapan muhu: | diśaṃ paśyati tāme va yayā yāto raghūdvaha: || 3 ||

Report an error

(निष्क्रान्त:।) । मिश्रविष्कम्भक: । (तत: प्रविशति यथानिर्दिष्टो राजा देव्यौ च।) । राजा - हा वत्स! राम! जगतां नयनाभिराम ! । हा वत्स! लक्ष्मण! सुलक्षणसर्वगात्र! । हा साध्वि! मैथिलि! पतिस्थितचित्तवृत्ते । हा हा गता: किल वनं बत मे तनूजा: ॥ ४ ॥

(niṣkrānta:|) | miśraviṣkambhaka: | (tata: praviśati yathānirdiṣṭo rājā devyau ca|) | rājā - hā vatsa! rāma! jagatāṃ nayanābhirāma ! | hā vatsa! lakṣmaṇa! sulakṣaṇasarvagātra! | hā sādhvi! maithili! patisthitacittavṛtte | hā hā gatā: kila vanaṃ bata me tanūjā: || 4 ||

Report an error

चित्रमिदं भो:! यद् भ्रातृस्नेहात् पितरि विमुक्तस्नेहमपि तावल्लक्ष्मणं द्रष्टुमिच्छमि। वधु वैदेहि । रामेणापि परित्यक्तो लक्ष्मणेन च गर्हित: । अयशोभाजनं लोके परित्यत्क्तस्त्वयाप्यहम् ॥ ५ ॥

citramidaṃ bho:! yad bhrātṛsnehāt pitari vimuktasnehamapi tāvallakṣmaṇaṃ draṣṭumicchami| vadhu vaidehi | rāmeṇāpi parityakto lakṣmaṇena ca garhita: | ayaśobhājanaṃ loke parityatktastvayāpyaham || 5 ||

Report an error

सत्यसन्ध! जितक्रोध! विमत्सर! जगत्प्रिय! । गुरुशुश्रूषणे युक्त! प्रतिवाक्यं प्रयच्छ मे ॥ ६ ॥

satyasandha! jitakrodha! vimatsara! jagatpriya! | guruśuśrūṣaṇe yukta! prativākyaṃ prayaccha me || 6 ||

Report an error

हा क्वासौ सर्वजनहृदयनयनाभिरामो रामः, क्वासौ मयि गुर्वनुवृत्तिः। क्वासौ शोकार्तेष्वनुकम्पा। क्वासौ तृणवदगणितराज्यैश्वर्यः। पुत्र! । राम! वृद्धं पितरं मां परित्यज्य किमसम्वद्धेन धर्मेण ते कृत्यम् हा धिक्। कष्टं भो! । सूर्य इव गतो राम: सूर्यं दिवस इव लक्ष्मणोऽनुगत: । सूर्यदिवसावसाने छायेव न दृश्यते सीता ॥ ७ ॥

hā kvāsau sarvajanahṛdayanayanābhirāmo rāmaḥ, kvāsau mayi gurvanuvṛttiḥ| kvāsau śokārteṣvanukampā| kvāsau tṛṇavadagaṇitarājyaiśvaryaḥ| putra! | rāma! vṛddhaṃ pitaraṃ māṃ parityajya kimasamvaddhena dharmeṇa te kṛtyam hā dhik| kaṣṭaṃ bho! | sūrya iva gato rāma: sūryaṃ divasa iva lakṣmaṇo'nugata: | sūryadivasāvasāne chāyeva na dṛśyate sītā || 7 ||

Report an error

(ऊध्र्वमवलोक्य।) भोः कृतान्तहतक । अनपत्या वयं राम: पुत्रोऽन्यस्य महीपते: । वने व्याघ्री च कैकेयी त्वया किं न कृतं त्रयम् ॥ ८ ॥

(ūdhrvamavalokya|) bhoḥ kṛtāntahataka | anapatyā vayaṃ rāma: putro'nyasya mahīpate: | vane vyāghrī ca kaikeyī tvayā kiṃ na kṛtaṃ trayam || 8 ||

Report an error

कौसल्या - (सरुदितम्) अळं दाणि महारआ अदिमत्तं सन्तप्पिअ परवसं अत्ताणं कादुं । णं सा ते अ कुमारा महाराअस्स समआवसाणे पेक्खिदव्वा । भविस्सन्ति(अलमिदानीं महाराजोऽतिमात्रं सन्तप्य परवशमात्मानं कर्तुम्। ननु सा तौ च कुमारौ महाराजस्य समयावसाने प्रेक्षितव्या । भविष्यन्ति।) । राजा - का त्वं भो: । कौसल्या - असिणिद्धपुत्तपसविणीं खु अहं (अस्निग्धपुत्रप्रसविनी खल्वहम्।) । राजा - किं किं सर्वजनहृदयनयनाभिरामस्य रामस्य जननीं त्वमसि कौसल्यानी । कौसल्या - महाराअ! सा एव मन्दभाइणी खु अहं। (महाराज! सैव मन्दभागिनी खल्वहम्।) । राजा - कौसल्ये सारवती खल्वसि। त्वत्या हि खलु रामो गर्भे धृत: । अहं हि दु:खमत्यन्तमसह्यज्वलनोपमम् । नैव सोढुं न संहर्तु शक्नोमि मुषितेन्द्रिय: ॥ ९ ॥

kausalyā - (saruditam) al̤aṃ dāṇi mahāraā adimattaṃ santappia paravasaṃ attāṇaṃ kāduṃ | ṇaṃ sā te a kumārā mahārāassa samaāvasāṇe pekkhidavvā | bhavissanti(alamidānīṃ mahārājo'timātraṃ santapya paravaśamātmānaṃ kartum| nanu sā tau ca kumārau mahārājasya samayāvasāne prekṣitavyā | bhaviṣyanti|) | rājā - kā tvaṃ bho: | kausalyā - asiṇiddhaputtapasaviṇīṃ khu ahaṃ (asnigdhaputraprasavinī khalvaham|) | rājā - kiṃ kiṃ sarvajanahṛdayanayanābhirāmasya rāmasya jananīṃ tvamasi kausalyānī | kausalyā - mahārāa! sā eva mandabhāiṇī khu ahaṃ| (mahārāja! saiva mandabhāginī khalvaham|) | rājā - kausalye sāravatī khalvasi| tvatyā hi khalu rāmo garbhe dhṛta: | ahaṃ hi du:khamatyantamasahyajvalanopamam | naiva soḍhuṃ na saṃhartu śaknomi muṣitendriya: || 9 ||

Report an error

(सुमित्रां विलोक्य।) इयमपरा का । कौसल्या - महाराअ! वच्छळक्खण। (महाराज! वत्सलक्षमण -) (इत्यर्धोक्ते) । राजा - (सहसोत्थाय -) क्वासौ क्वासौ लक्ष्मण:। न दृश्यते। भो: कष्टम् । (देव्यौ ससम्भ्रममुत्थाय राजानमवलम्बेते।) । कौसल्या - महाराअ! वच्छळक्खणस्स जणणी सुमित्तत्ति वत्तुं मए उवक्कन्दं। (महाराज! वत्सलक्षणस्य जननी सुमित्रेति वक्तुं मयोपक्रान्तम्।) । राजा - अयि सुमित्रे । तवैव पुत्र: सत्पुत्रो येन नक्तन्दिवं वने । रामो रघुकुलश्रेष्ठश्छाययेवानुगम्य़ते ॥ १० ॥

(sumitrāṃ vilokya|) iyamaparā kā | kausalyā - mahārāa! vacchal̤akkhaṇa| (mahārāja! vatsalakṣamaṇa -) (ityardhokte) | rājā - (sahasotthāya -) kvāsau kvāsau lakṣmaṇa:| na dṛśyate| bho: kaṣṭam | (devyau sasambhramamutthāya rājānamavalambete|) | kausalyā - mahārāa! vacchal̤akkhaṇassa jaṇaṇī sumittatti vattuṃ mae uvakkandaṃ| (mahārāja! vatsalakṣaṇasya jananī sumitreti vaktuṃ mayopakrāntam|) | rājā - ayi sumitre | tavaiva putra: satputro yena naktandivaṃ vane | rāmo raghukulaśreṣṭhaśchāyayevānugamya़te || 10 ||

Report an error

(प्रविश्य) । काञ्चुकीय: - जयतु महाराज:। एष खलु तत्र भवान् सुमन्त्र: प्राप्त: । राजा- (सहसोत्थाय सहर्षम्।) अपि रामेण । काञ्चुकीय: - न खलु, रथेन । राजा - कथं कथं रथेन केवलेन। (इति मूÐच्छत: पतति।) । देव्यौ - महाराअ! समस्ससिहि समस्ससिहि। (गात्राणि परामृशत:।) (महाराज!समाश्वसिहि समाश्वसिहि।) । काञ्चुकीय: - कष्टम्। ईर्दृग्विधा: पुरुषविशेषा ईध्शीमापदं प्राप्नुवन्तीति विधिरनतिक्रमणीय:. महाराज! समाश्वसिहि, समाश्वसिहि । राजा - (किञ्चित्् समाश्वस्य।) बालाके! सुंत्र एक एव ननु प्राप्त: । काञ्चुकीय: - महाराज! अथ किम् । राजा - कष्टं भो: । शून्य: प्राप्तो यदि रथो भग्नो मम मनोरथ: । नूनं दशरथं नेतुं कालेन प्रेषितो रथ: ॥ ११ ॥

(praviśya) | kāñcukīya: - jayatu mahārāja:| eṣa khalu tatra bhavān sumantra: prāpta: | rājā- (sahasotthāya saharṣam|) api rāmeṇa | kāñcukīya: - na khalu, rathena | rājā - kathaṃ kathaṃ rathena kevalena| (iti mūÐcchata: patati|) | devyau - mahārāa! samassasihi samassasihi| (gātrāṇi parāmṛśata:|) (mahārāja!samāśvasihi samāśvasihi|) | kāñcukīya: - kaṣṭam| īrdṛgvidhā: puruṣaviśeṣā īdhśīmāpadaṃ prāpnuvantīti vidhiranatikramaṇīya:. mahārāja! samāśvasihi, samāśvasihi | rājā - (kiñcit samāśvasya|) bālāke! suṃtra eka eva nanu prāpta: | kāñcukīya: - mahārāja! atha kim | rājā - kaṣṭaṃ bho: | śūnya: prāpto yadi ratho bhagno mama manoratha: | nūnaṃ daśarathaṃ netuṃ kālena preṣito ratha: || 11 ||

Report an error

तेन हि शीघ्रं प्रवेश्यताम् । काञ्चुकीय: - यदाज्ञापयति महाराज: । (निष्कान्त:।) । राजा - धन्या: खलु वने वातास्तटाकपरिवर्तिन: । विचरन्तं वने रामं ये स्पृशन्ति यथासुखम् ॥ १२ ॥

tena hi śīghraṃ praveśyatām | kāñcukīya: - yadājñāpayati mahārāja: | (niṣkānta:|) | rājā - dhanyā: khalu vane vātāstaṭākaparivartina: | vicarantaṃ vane rāmaṃ ye spṛśanti yathāsukham || 12 ||

Report an error

(तत: प्रविशति सुमन्त्र:) । सुमन्त्र: - (सर्वतो विलोक्य सशोकम्।) । एते भृत्या: स्वानि कर्माणि हित्वा । स्नेहाद् रामे जातबाष्पाकुलाक्षा: । चिन्तादीना: शोकसंदग्धदेहा । विक्रोशन्तं पार्थिवं गर्हयन्ति ॥ १३ ॥

(tata: praviśati sumantra:) | sumantra: - (sarvato vilokya saśokam|) | ete bhṛtyā: svāni karmāṇi hitvā | snehād rāme jātabāṣpākulākṣā: | cintādīnā: śokasaṃdagdhadehā | vikrośantaṃ pārthivaṃ garhayanti || 13 ||

Report an error

राजा - भ्रात:। सुमन्त्र! क्व मे ज्येष्ठो राम: - नहि नहि युक्तमभिहितं मया । क्व ते ज्येष्ठो राम: प्रियसुत । सा क्व दुहिता । विदेहानां भर्तुर्निरतिशयभक्तिर्गुरुजने । क्व वा सौमित्रिर्मां हतपितृकमासन्नमरणं । किमप्याहु: किं ते सकलजनशोकार्णवकरम् ॥ १४ ॥

rājā - bhrāta:| sumantra! kva me jyeṣṭho rāma: - nahi nahi yuktamabhihitaṃ mayā | kva te jyeṣṭho rāma: priyasuta | sā kva duhitā | videhānāṃ bharturniratiśayabhaktirgurujane | kva vā saumitrirmāṃ hatapitṛkamāsannamaraṇaṃ | kimapyāhu: kiṃ te sakalajanaśokārṇavakaram || 14 ||

Report an error

सुमन्त्र: - महाराज! मा मैवममङ्गलवचनानि भाषिष्ठा:। अचिरादेव तान् द्रक्ष्यसि । राजा - सत्यमयुक्तमभिहितं मया। नायं तपस्विनामुचित: प्रश्न:। तत् कथ्यताम्। अपि तपस्विनां तपो वर्धते। अप्यरण्यानि स्वाधीनानि विचरन्ती । वैदेही न परिखिद्यते । सुमित्रा - सुमन्त! वहुवक्कळाशङ्किदसरीरा वाळा वि अवाशचरिता भत्तुणो सहधम्मआरिणि अम्हे महाराअं च किञ्चि णाळवदि। (समुन्त्र! । बहुवल्कलालङ्कृतशरीरा बालाप्यबालचारित्रा भर्तु: सहधर्मचारिणी अस्मान् महाराजं च किच्चिन्नालपति।) । सुमन्त्र: - सर्व एव महाराजम् -- । राजा - न न । श्रोत्ररसायनैर्मम हृदयातुरौषधैस्तेषां नामधेयैरेव श्रावय । सुमन्त्र: - यदाज्ञापयति महाराज:। आयुष्मान् राम: । राजा: - राम इति। अयं राम:। तन्नामश्रवणात् स्पृष्ट इव मे प्रतिभाति।ततस्तत: । सुमन्त्र: - आयुष्मान् लक्ष्मण: । राजा - अयं लक्ष्मण: । ततस्तत: । सुमन्त्र: - आयुष्मती सीता जनकराजपुत्री । राजा - इयं वैदेही। रामो लक्ष्मणो वैदेहीत्ययमक्रम: । सुमन्त्र: - अत क: क्रम: । राजा - रामो वैदेही लक्ष्मण इत्याभिधीयताम् । रामलक्ष्मणयोर्मध्ये तिष्ठत्वत्रापि मैथिली । बहुदोषाण्यरण्यानि सनाथैषा भविष्यति ॥ १५ ॥

sumantra: - mahārāja! mā maivamamaṅgalavacanāni bhāṣiṣṭhā:| acirādeva tān drakṣyasi | rājā - satyamayuktamabhihitaṃ mayā| nāyaṃ tapasvināmucita: praśna:| tat kathyatām| api tapasvināṃ tapo vardhate| apyaraṇyāni svādhīnāni vicarantī | vaidehī na parikhidyate | sumitrā - sumanta! vahuvakkal̤āśaṅkidasarīrā vāl̤ā vi avāśacaritā bhattuṇo sahadhammaāriṇi amhe mahārāaṃ ca kiñci ṇāl̤avadi| (samuntra! | bahuvalkalālaṅkṛtaśarīrā bālāpyabālacāritrā bhartu: sahadharmacāriṇī asmān mahārājaṃ ca kiccinnālapati|) | sumantra: - sarva eva mahārājam -- | rājā - na na | śrotrarasāyanairmama hṛdayāturauṣadhaisteṣāṃ nāmadheyaireva śrāvaya | sumantra: - yadājñāpayati mahārāja:| āyuṣmān rāma: | rājā: - rāma iti| ayaṃ rāma:| tannāmaśravaṇāt spṛṣṭa iva me pratibhāti|tatastata: | sumantra: - āyuṣmān lakṣmaṇa: | rājā - ayaṃ lakṣmaṇa: | tatastata: | sumantra: - āyuṣmatī sītā janakarājaputrī | rājā - iyaṃ vaidehī| rāmo lakṣmaṇo vaidehītyayamakrama: | sumantra: - ata ka: krama: | rājā - rāmo vaidehī lakṣmaṇa ityābhidhīyatām | rāmalakṣmaṇayormadhye tiṣṭhatvatrāpi maithilī | bahudoṣāṇyaraṇyāni sanāthaiṣā bhaviṣyati || 15 ||

Report an error

सुमन्त्र: - यदाज्ञापयति महाराज:। आयुष्मान राम: । राजा - अयं राम: । सुमन्त्र: - आयुष्मती जनकराजपुत्री । राजा - अयं लक्ष्मण:। राम! वैदेहि! लक्ष्मण! परिष्वजध्वं मां पुत्रका:! । सकृत् स्पृशामि वा रामं सकृत् पश्यामि वा पुन: । गतायुरमृतेनेव जीवामीति मतिर्मम ॥ १६ ॥

sumantra: - yadājñāpayati mahārāja:| āyuṣmāna rāma: | rājā - ayaṃ rāma: | sumantra: - āyuṣmatī janakarājaputrī | rājā - ayaṃ lakṣmaṇa:| rāma! vaidehi! lakṣmaṇa! pariṣvajadhvaṃ māṃ putrakā:! | sakṛt spṛśāmi vā rāmaṃ sakṛt paśyāmi vā puna: | gatāyuramṛteneva jīvāmīti matirmama || 16 ||

Report an error

सुमन्त्र: - श्रृङ्गिवेरपूरे रथादवतीर्यायोध्याभिमुख: स्थित्वा सर्व एव महाराजं शिरसा प्रणम्य विज्ञापयितुमारब्धा । कमप्यर्थं चिरं ध्यात्वा वक्तुं प्रस्फुरिताधरा: । बाष्पस्तम्भितकण्ठत्वादनुक्त्वैव वनं गता: ॥ १७ ॥

sumantra: - śrṛṅgiverapūre rathādavatīryāyodhyābhimukha: sthitvā sarva eva mahārājaṃ śirasā praṇamya vijñāpayitumārabdhā | kamapyarthaṃ ciraṃ dhyātvā vaktuṃ prasphuritādharā: | bāṣpastambhitakaṇṭhatvādanuktvaiva vanaṃ gatā: || 17 ||

Report an error

राजा - कथमनुक्त्वैव वनं गता:। (इति द्विगुणं मोहमुपगत:।) । सुमन्त्र: - (ससम्भ्रमम्) बालाके! उच्यताममात्येभ्य: अप्रतीकारायां दशायां वर्तते महाराज इति । काञ्चुकीय: - तथा । देव्यौ - महाराअ ! समस्ससिहि समस्स्ससिहि। (महाराज! समाश्वसिहि समाश्वसिहि।) । राजा - (किञ्च्त् िसमाश्वस्य।) । अङ्गं मे स्पृश कौसल्ये ! न त्वां पश्यामि चक्षुषा । रामं प्रति गता बुद्धिरद्यापि न निवर्तते ॥ १८ ॥

rājā - kathamanuktvaiva vanaṃ gatā:| (iti dviguṇaṃ mohamupagata:|) | sumantra: - (sasambhramam) bālāke! ucyatāmamātyebhya: apratīkārāyāṃ daśāyāṃ vartate mahārāja iti | kāñcukīya: - tathā | devyau - mahārāa ! samassasihi samasssasihi| (mahārāja! samāśvasihi samāśvasihi|) | rājā - (kiñct isamāśvasya|) | aṅgaṃ me spṛśa kausalye ! na tvāṃ paśyāmi cakṣuṣā | rāmaṃ prati gatā buddhiradyāpi na nivartate || 18 ||

Report an error

पुत्र!राम! यत् खलु मया सन्ततं चिन्तितम् । राज्ये त्वामभिषिच्य सन्नरपतेर्लाभात् कृतार्था: प्रजा: । कृत्वा त्वत्सहजान् समानविभवान् कुर्वात्मन: सन्ततम् । इत्यादिश्य च ते तपोवनमितो गन्तव्यमित्येतया । कैकेय्या हि तदन्यथा कृतमहो नि:शेषमेकक्षणे ॥ १९ ॥

putra!rāma! yat khalu mayā santataṃ cintitam | rājye tvāmabhiṣicya sannarapaterlābhāt kṛtārthā: prajā: | kṛtvā tvatsahajān samānavibhavān kurvātmana: santatam | ityādiśya ca te tapovanamito gantavyamityetayā | kaikeyyā hi tadanyathā kṛtamaho ni:śeṣamekakṣaṇe || 19 ||

Report an error

सुमन्त्र! उच्यतां कैकेय्या: - । गतो राम: प्रियं तेऽस्तु त्यक्तोऽहमपि जीवितै: । क्षिप्रमनीयतां पुत्र: पापं सफलमस्त्विति ॥ २० ॥

sumantra! ucyatāṃ kaikeyyā: - | gato rāma: priyaṃ te'stu tyakto'hamapi jīvitai: | kṣipramanīyatāṃ putra: pāpaṃ saphalamastviti || 20 ||

Report an error

सुमन्त्र: - यदाज्ञापयति महाराज: । राजा - (ऊध्र्वमवलोक्य।) अये रामकथाश्रवणसन्दर्धहृदयं मामाश्वसयितुमागता: पितर:। कोऽत्र । (प्रविश्य) । काञ्चुकीय: - जयतु महाराज: । राजा - आपस्तावत् । काञ्चुकीय: - यदाज्ञापयति महाराज:। (निष्क्रम्य प्रविश्य।) जयतु महाराज: । राजा - (आचम्यालोक्य) । अयममरपते: सखा दिलीपो । रघुरयमत्रभवानज: पिता मे । किमभिगमनकारणं भवद्भि । सह वसने समयो ममापि तत्र ॥ २१ ॥

sumantra: - yadājñāpayati mahārāja: | rājā - (ūdhrvamavalokya|) aye rāmakathāśravaṇasandardhahṛdayaṃ māmāśvasayitumāgatā: pitara:| ko'tra | (praviśya) | kāñcukīya: - jayatu mahārāja: | rājā - āpastāvat | kāñcukīya: - yadājñāpayati mahārāja:| (niṣkramya praviśya|) jayatu mahārāja: | rājā - (ācamyālokya) | ayamamarapate: sakhā dilīpo | raghurayamatrabhavānaja: pitā me | kimabhigamanakāraṇaṃ bhavadbhi | saha vasane samayo mamāpi tatra || 21 ||

Report an error

Illustration: Verse & Place (Project-owned).