इक नाहीं इक पीर, हिय रहीम होती रहै। कबहुँ न भई सरीर, प्रीति बेदना एक-सी॥१॥
ika nāhīṃ ika pīra, hiya rahīma hotī rahai| kabahum̐ na bhaī sarīra, prīti bedanā eka-sī||1||
सोरठे · सोरठे
soraṭhe
Rahim's Sorathas: 9 verses.
9 versesBraj with transliteration
इक नाहीं इक पीर, हिय रहीम होती रहै। कबहुँ न भई सरीर, प्रीति बेदना एक-सी॥१॥
ika nāhīṃ ika pīra, hiya rahīma hotī rahai| kabahum̐ na bhaī sarīra, prīti bedanā eka-sī||1||
ओछे को सतसंग, रहिमन तजहु अँगार ज्यों। तातो जारै अंग, सीरे पै कारो करै॥२॥
oche ko satasaṃga, rahimana tajahu am̐gāra jyoṃ| tāto jārai aṃga, sīre pai kāro karai||2||
गई आगि उर लाय, आगि लैन आई जु तिय। लागी नाहिं बुझाय, भभकि-भभकि बरि-बरि उठै॥३॥ चूल्हा दीन्हो बारि, नातो रह्यो सो जरि गयो। रहिमन उतरे पार, भार झोंकि सब भार में॥४॥
gaī āgi ura lāya, āgi laina āī ju tiya| lāgī nāhiṃ bujhāya, bhabhaki-bhabhaki bari-bari uṭhai||3|| cūlhā dīnho bāri, nāto rahyo so jari gayo| rahimana utare pāra, bhāra jhoṃki saba bhāra meṃ||4||
दीपक हिए छिपाइ, नवल बधू घर लै चली। कर बिहीन पछिताइ, कुच लखि निज सीसै धुनै॥५॥
dīpaka hie chipāi, navala badhū ghara lai calī| kara bihīna pachitāi, kuca lakhi nija sīsai dhunai||5||
पलटि चली मुसकाइ, द्युति रहीम उपजाइ अति। बाती सी उसकाइ, मानौ दीन्ही दीप की॥६॥
palaṭi calī musakāi, dyuti rahīma upajāi ati| bātī sī usakāi, mānau dīnhī dīpa kī||6||
बिन्दु में सिन्धु समान, को कासों अचरज कहै। हेरनहार हिरान, रहिमन आपुहि आपु मैं॥७॥ रहिमन नीर पखान, बूड़ै पै सीजै नहीं॥ तैसे मूरुख ज्ञान, बूझै पै सूझै नहीं॥८॥
bindu meṃ sindhu samāna, ko kāsoṃ acaraja kahai| heranahāra hirāna, rahimana āpuhi āpu maiṃ||7|| rahimana nīra pakhāna, būṛai pai sījai nahīṃ|| taise mūrukha jñāna, būjhai pai sūjhai nahīṃ||8||
रहिमन कीन्ही प्रीत, साहब को भावै नहीं। जिनके अनगन मीत, हमैं गरीबन को गनै॥९॥
rahimana kīnhī prīta, sāhaba ko bhāvai nahīṃ| jinake anagana mīta, hamaiṃ garībana ko ganai||9||
रहिमन पुतरी स्याम, मनौ जलज मधुकर लसै। कै धौं सालिकराम, रूपे के अरघा धरे॥१०॥
rahimana putarī syāma, manau jalaja madhukara lasai| kai dhauṃ sālikarāma, rūpe ke araghā dhare||10||
रहिमन जग की रीति, मैं देखा रस ऊख मैं। ताहू मैं परतीति, जहाँ गाँठि तहँ रस नहीं॥११॥
rahimana jaga kī rīti, maiṃ dekhā rasa ūkha maiṃ| tāhū maiṃ paratīti, jahām̐ gām̐ṭhi taham̐ rasa nahīṃ||11||
Keys: ← → turn the page, J K step through the verses.
Illustration: Verse & Place (Project-owned).