బొలుపార సంసారభూరివారాశి మలయుచు వర్తించు మాయావధూటి
bolupāra saṃsārabhūrivārāśi malayucu vartiṃcu māyāvadhūṭi
యుద్ధకాండము · మకరి హనుమఁగబళించుట · యుద్ధకాండము · మకరి హనుమఁగబళించుట
yuddhakāṃḍamu · makari hanumam̐gabaḷiṃcuṭa
Yuddha Kanda, section 128: the complete selected Telugu original, with ISO 15919 transliteration.
39 passagesTelugu with transliteration
బొలుపార సంసారభూరివారాశి మలయుచు వర్తించు మాయావధూటి
bolupāra saṃsārabhūrivārāśi malayucu vartiṃcu māyāvadhūṭi
విషయరసంబులు వేడ్కతోఁగ్రోలు తృషితునిఁగబళించు తెఱఁగు దీపింప
viṣayarasaṃbulu vēḍkatōm̐grōlu tr̥ṣitunim̐gabaḷiṃcu teṟam̐gu dīpiṃpa
నురువడి నందుండి యొక మహామకరి హరినాథుపాదంబు లలమి పట్టుటయుఁ
nuruvaḍi naṃduṃḍi yoka mahāmakari harināthupādaṃbu lalami paṭṭuṭayum̐
దగిలిన యంఘ్రులుద్ధతశక్తిఁదిగిచి తిగువఁజాలక చాలధీరుఁడై నిలిచి
dagilina yaṃghruluddhataśaktim̐digici tiguvam̐jālaka cāladhīrum̐ḍai nilici
యిదియెట్టిదో యని యేర్పడఁజూచి మది వాయుసూనుండు మకరిగా నెఱిఁగి
yidiyeṭṭidō yani yērpaḍam̐jūci madi vāyusūnuṃḍu makarigā neṟim̐gi
యంతకంతకు మది నలుక రెట్టింప నంతలో నతినిష్ఠురాకారుఁడగుచు
yaṃtakaṃtaku madi naluka reṭṭiṃpa naṃtalō natiniṣṭhurākārum̐ḍagucu
వేవేగ రఘురామవిజయవల్లరుల కావాలమై వాలు నా వాల మెత్తి
vēvēga raghurāmavijayavallarula kāvālamai vālu nā vāla metti
రాగరసోద్రేక రావణయోగ భోగసంచితపాపములు డుల్చుపగిది
rāgarasōdrēka rāvaṇayōga bhōgasaṃcitapāpamulu ḍulcupagidi
వాలమంకించి దుర్వారుఁడై విజయ లోలుఁడై మకరిపండ్లును డుల్ల నేసె.
vālamaṃkiṃci durvārum̐ḍai vijaya lōlum̐ḍai makaripaṃḍlunu ḍulla nēse.
సంతతముని వరశాపరోగమున కంత మీ యౌషధ మని మ్రింగుకరణి
saṃtatamuni varaśāparōgamuna kaṃta mī yauṣadha mani mriṃgukaraṇi
నఱిముఱి మకరి మహారోష మెత్తి మెఱసి యా హనుమంతు మ్రింగఁ జొచ్చుటయు,
naṟimuṟi makari mahārōṣa metti meṟasi yā hanumaṃtu mriṃgam̐ joccuṭayu,
“నక్కటా! రాము కార్యము చిక్కువడియె నిక్కడ దీనిచే నిట్టి చందమునఁ
“nakkaṭā! rāmu kāryamu cikkuvaḍiye nikkaḍa dīnicē niṭṭi caṃdamunam̐
దెగిపోదునో? యింకఁదెఱఁగేది?”యనుచుఁ దగ విచారించి యుద్ధతి వాయుసుతుఁడు
degipōdunō? yiṃkam̐deṟam̐gēdi?”yanucum̐ daga vicāriṃci yuddhati vāyusutum̐ḍu
“కడుపులోపలఁజొచ్చి కడతేర్తు.”ననుచు నొడిసి మ్రింగుచునున్న నూరక యుండి
“kaḍupulōpalam̐jocci kaḍatērtu.”nanucu noḍisi mriṃgucununna nūraka yuṃḍi
పదిలుఁడై యంధకూపముఁబోనిమకరి యుదరంబుఁజొచ్చె నా యురుబాహుబలుఁడు
padilum̐ḍai yaṃdhakūpamum̐bōnimakari yudaraṃbum̐jocce nā yurubāhubalum̐ḍu
అంత నా మకరియు నాహారబుద్ధి సంతోషమునఁబోయె జలమధ్యమునకు.
aṃta nā makariyu nāhārabuddhi saṃtōṣamunam̐bōye jalamadhyamunaku.
నా వీరవరుఁడంత నలుకతో దాని ప్రేవులు నరములు పెనఁచి త్రెంచుచును
nā vīravarum̐ḍaṃta nalukatō dāni prēvulu naramulu penam̐ci treṃcucunu
నడరినకడఁకతో నమ్మహామకరి కడుపులోపల విషకబళంబువోలె
naḍarinakaḍam̐katō nammahāmakari kaḍupulōpala viṣakabaḷaṃbuvōle
నఱుగక తిరుగుచు ననలంబు భంగిఁ జుఱువుచ్చఁదొడఁగిన స్రుక్కి యమ్మకరి
naṟugaka tirugucu nanalaṃbu bhaṃgim̐ juṟuvuccam̐doḍam̐gina srukki yammakari
దేహంబులోపల ధృతి దీర డించి దాహంబుపెంపున ధరియింప రాక
dēhaṃbulōpala dhr̥ti dīra ḍiṃci dāhaṃbupeṃpuna dhariyiṃpa rāka
వఱువట్లువట్టెడు వదనగహ్వరము తెఱచి నిల్పుటయు నత్తెరువున వచ్చి
vaṟuvaṭluvaṭṭeḍu vadanagahvaramu teṟaci nilpuṭayu natteruvuna vacci
క్రూరునక్రగ్రాహఘోరప్రవాహ వారిపైఁబడుటయు వాయునందనుఁడు
krūrunakragrāhaghōrapravāha vāripaim̐baḍuṭayu vāyunaṃdanum̐ḍu
పెనఁచి త్రెంచిన దాని ప్రేవులు ముద్ద గొని వచ్చి చెచ్చెఱఁగుత్తుకఁదుఱిమె.
penam̐ci treṃcina dāni prēvulu mudda goni vacci cecceṟam̐guttukam̐duṟime.
నా లోన మకరియు“నాహార మఱుగఁ బోలదు పొ.”మ్మని బుద్ధిఁజింతించి
nā lōna makariyu“nāhāra maṟugam̐ bōladu po.”mmani buddhim̐jiṃtiṃci
పరవశ యగుటయుఁ బవననందనుఁడు దరిఁజేర్చి మకరి నుద్ధతి వ్రచ్చి వెడలి
paravaśa yaguṭayum̐ bavananaṃdanum̐ḍu darim̐jērci makari nuddhati vracci veḍali
కోరి చూడఁగ నొప్పె ఘోరాంధకార దారుణనిర్ముక్తతరుణార్కు పగిదిఁ.
kōri cūḍam̐ga noppe ghōrāṃdhakāra dāruṇanirmuktataruṇārku pagidim̐.
బ్రళయారుణోదగ్రబడబాగ్ని శిఖలు కలయఁబర్విన నాఁటి ఘనపయోరాశి
braḷayāruṇōdagrabaḍabāgni śikhalu kalayam̐barvina nām̐ṭi ghanapayōrāśi
కరణి నమ్మకరి రక్తములతోఁబెరసి యరుణమై కనుపట్టె నప్పు డా సరసి.
karaṇi nammakari raktamulatōm̐berasi yaruṇamai kanupaṭṭe nappu ḍā sarasi.
యంత నా మకరియు నమరియై యమరి యంతరిక్షమున నుద్యద్విమానమున
yaṃta nā makariyu namariyai yamari yaṃtarikṣamuna nudyadvimānamuna
జలదంబులోపలఁ జపలత మాని మెలపొందు తిరమైన మెఱుపుచందమున
jaladaṃbulōpalam̐ japalata māni melapoṃdu tiramaina meṟupucaṃdamuna
నిలిచి మారుతిచేత నిజశాపముక్తి గలిగిన ముదమంది కపిముఖ్యుఁజూచి
nilici māruticēta nijaśāpamukti galigina mudamaṃdi kapimukhyum̐jūci
“యో కపికుంజర! యో వానరేంద్ర! నీ కతంబున శాపనిర్ముక్తిఁగంటి;
“yō kapikuṃjara! yō vānarēṃdra! nī kataṃbuna śāpanirmuktim̐gaṃṭi;
నే నింకఁబోయెద నింద్రలోకమున; కేను నీ కొకవార్త యెఱిఁగింపవలయు.’
nē niṃkam̐bōyeda niṃdralōkamuna; kēnu nī kokavārta yeṟim̐giṃpavalayu.’
నని మున్ను హనుమంతు నాకొలనికినిఁ బనిచిన కృతకతాపసిఁజూపి పలికె:
nani munnu hanumaṃtu nākolanikinim̐ banicina kr̥takatāpasim̐jūpi palike:
“వానరోత్తమ! మునివరుఁడు గాఁడితఁడు; వీని నమ్మకుమయ్య; వీఁడు రాక్షసుఁడు.
“vānarōttama! munivarum̐ḍu gām̐ḍitam̐ḍu; vīni nammakumayya; vīm̐ḍu rākṣasum̐ḍu.
చలమున దానవేశ్వరుని యోగమున బలియుఁడై నినుఁజంపఁబనిపూని వచ్చి
calamuna dānavēśvaruni yōgamuna baliyum̐ḍai ninum̐jaṃpam̐banipūni vacci
యే నిందులో నున్కి యెఱిఁగి నాచేతఁ బూని నిన్ జంపింపఁ బుత్తెంచినాఁడు.
yē niṃdulō nunki yeṟim̐gi nācētam̐ būni nin jaṃpiṃpam̐ butteṃcinām̐ḍu.
వీఁడువధ్యుఁడు నీకు; వీని నమ్మకుము; వీఁడొప్పఁ;డిట వీని వేవేగ చంపి
vīm̐ḍuvadhyum̐ḍu nīku; vīni nammakumu; vīm̐ḍoppam̐;ḍiṭa vīni vēvēga caṃpi
పొ మ్మౌషధములకు భుజశక్తి మెఱసి; యిమ్ముల ద్రోణాద్రి కిదె త్రోవ నీకు.”
po mmauṣadhamulaku bhujaśakti meṟasi; yimmula drōṇādri kide trōva nīku.”
Keys: ← → turn the page, J K step through the verses.
Illustration: Verse & Place (Project-owned).