திருச்சிற்றம்பலம்
tirucciṟṟampalam
Editor's note: Traditional opening material, separate from the numbered poems.
திருமுறை 3 — திருவிசயமங்கை · திருவிசயமங்கை
tiruvicayamaṅkai
tiruvicayamaṅkai, from book 3 of the Tirumurai.
11 passagesTamil with transliteration
Invocation
திருச்சிற்றம்பலம்
tirucciṟṟampalam
Editor's note: Traditional opening material, separate from the numbered poems.
மருவமர் குழலுமை பங்கர் வார்சடை அரவமர் கொள்கையெம் அடிகள் கோயிலாங் குரவமர் சுரபுன்னை கோங்கு வேங்கைகள் விரவிய பொழிலணி விசய மங்கையே.
maruvamar kuḻalumai paṅkar vārcaṭai aravamar koḷkaiyem aṭikaḷ kōyilāṅ kuravamar curapuṉṉai kōṅku vēṅkaikaḷ viraviya poḻilaṇi vicaya maṅkaiyē.
கீதமுன் இசைதரக் கிளரும் வீணையர் பூதமுன் இயல்புடைப் புனிதர் பொன்னகர் கோதனம் வழிபடக் குலவு நான்மறை வேதியர் தொழுதெழு விசய மங்கையே.
kītamuṉ icaitarak kiḷarum vīṇaiyar pūtamuṉ iyalpuṭaip puṉitar poṉṉakar kōtaṉam vaḻipaṭak kulavu nāṉmaṟai vētiyar toḻuteḻu vicaya maṅkaiyē.
அக்கர வரையினர் அரிவை பாகமாத் தொக்கநல் விடையுடைச் சோதி தொன்னகர் தக்கநல் வானவர் தலைவர் நாடொறும் மிக்கவர் தொழுதெழு விசய மங்கையே.
akkara varaiyiṉar arivai pākamāt tokkanal viṭaiyuṭaic cōti toṉṉakar takkanal vāṉavar talaivar nāṭoṟum mikkavar toḻuteḻu vicaya maṅkaiyē.
தொடைமலி இதழியுந் துன்எ ருக்கொடு புடைமலி சடைமுடி யடிகள் பொன்னகர் படைமலி மழுவினர் பைங்கண் மூரிவெள் விடைமலி கொடியணல் விசய மங்கையே.
toṭaimali itaḻiyun tuṉe rukkoṭu puṭaimali caṭaimuṭi yaṭikaḷ poṉṉakar paṭaimali maḻuviṉar paiṅkaṇ mūriveḷ viṭaimali koṭiyaṇal vicaya maṅkaiyē.
தோடமர் காதினன் துதைந்த நீற்றினன் ஏடமர் கோதையோ டினித மர்விடங் காடமர் மாகரி கதறப் போர்த்ததோர் வேடம துடையணல் விசய மங்கையே.
tōṭamar kātiṉaṉ tutainta nīṟṟiṉaṉ ēṭamar kōtaiyō ṭiṉita marviṭaṅ kāṭamar mākari kataṟap pōrttatōr vēṭama tuṭaiyaṇal vicaya maṅkaiyē.
மைப்புரை கண்ணுமை பங்கன் வண்டழல் ஒப்புரை மேனியெம் முடைய வன்னகர் அப்பொடு மலர்கொடங் கிறைஞ்சி வானவர் மெய்ப்பட அருள்புரி விசய மங்கையே.
maippurai kaṇṇumai paṅkaṉ vaṇṭaḻal oppurai mēṉiyem muṭaiya vaṉṉakar appoṭu malarkoṭaṅ kiṟaiñci vāṉavar meyppaṭa aruḷpuri vicaya maṅkaiyē.
இரும்பொனின் மலைவிலின் எரிச ரத்தினால் வரும்புரங் களைப்பொடி செய்த மைந்தனூர் சுரும்பமர் கொன்றையுந் தூய மத்தமும் விரும்பிய சடையணல் விசய மங்கையே.
irumpoṉiṉ malaiviliṉ erica rattiṉāl varumpuraṅ kaḷaippoṭi ceyta maintaṉūr curumpamar koṉṟaiyun tūya mattamum virumpiya caṭaiyaṇal vicaya maṅkaiyē.
உளங்கையி லிருபதோ டொருப துங்கொடாங் களந்தரும் வரையெடுத் திடும்அ ரக்கனைத் தளர்ந்துடல் நெரிதர அடர்த்த தன்மையன் விளங்கிழை யொடும்புகும் விசய மங்கையே.
uḷaṅkaiyi lirupatō ṭorupa tuṅkoṭāṅ kaḷantarum varaiyeṭut tiṭuma rakkaṉait taḷarntuṭal neritara aṭartta taṉmaiyaṉ viḷaṅkiḻai yoṭumpukum vicaya maṅkaiyē.
மண்ணினை யுண்டவன் மலரின் மேலுறை அண்ணல்கள் தமக்களப் பரிய அத்தனூர் தண்ணறுஞ் சாந்தமும் பூவும் நீர்கொடு விண்ணவர் தொழுதெழு விசய மங்கையே.
maṇṇiṉai yuṇṭavaṉ malariṉ mēluṟai aṇṇalkaḷ tamakkaḷap pariya attaṉūr taṇṇaṟuñ cāntamum pūvum nīrkoṭu viṇṇavar toḻuteḻu vicaya maṅkaiyē.
கஞ்சியுங் கவளமுண் கவணர் கட்டுரை நஞ்சினுங் கொடியன நமர்கள் தேர்கிலார் செஞ்சடை முடியுடைத் தேவன் நன்னகர் விஞ்சையர் தொழுதெழு விசய மங்கையே.
kañciyuṅ kavaḷamuṇ kavaṇar kaṭṭurai nañciṉuṅ koṭiyaṉa namarkaḷ tērkilār ceñcaṭai muṭiyuṭait tēvaṉ naṉṉakar viñcaiyar toḻuteḻu vicaya maṅkaiyē.
விண்ணவர் தொழுதெழு விசய மங்கையை நண்ணிய புகலியுள் ஞான சம்பந்தன் பண்ணிய செந்தமிழ் பத்தும் வல்லவர் புண்ணியர் சிவகதி புகுதல் திண்ணமே.
viṇṇavar toḻuteḻu vicaya maṅkaiyai naṇṇiya pukaliyuḷ ñāṉa campantaṉ paṇṇiya centamiḻ pattum vallavar puṇṇiyar civakati pukutal tiṇṇamē.
Keys: ← → turn the page, J K step through the verses.
Illustration: Verse & Place (Project-owned).