Skip to content

திருமுறை 3 — திருவெண்டுறை · திருவெண்டுறை

tiruveṇṭuṟai

tiruveṇṭuṟai

tiruveṇṭuṟai, from book 3 of the Tirumurai.

11 passagesTamil with transliteration

An oil lamp beneath an arch for book 3 of the Tirumurai.

Invocation

3.61.opening

திருச்சிற்றம்பலம்

tirucciṟṟampalam

Editor's note: Traditional opening material, separate from the numbered poems.

ஆதியன் ஆதிரையன் னனலாடிய ஆரழகன் பாதியோர் மாதினொடும் பயிலும்பர மாபரமன் போதிய லும்முடிமேற் புனலோடர வம்புனைந்த வேதியன் மாதிமையால் விரும்பும்மிடம் வெண்டுறையே.

ātiyaṉ ātiraiyaṉ ṉaṉalāṭiya āraḻakaṉ pātiyōr mātiṉoṭum payilumpara māparamaṉ pōtiya lummuṭimēṟ puṉalōṭara vampuṉainta vētiyaṉ mātimaiyāl virumpummiṭam veṇṭuṟaiyē.

Report an error

காலனை யோருதையில் உயிர்வீடுசெய் வார்கழலான் பாலொடு நெய்தயிரும் பயின்றாடிய பண்டரங்கன் மாலைம தியொடுநீர் அரவம்புனை வார்சடையான் வேலன கண்ணியொடும் விரும்பும்மிடம் வெண்டுறையே.

kālaṉai yōrutaiyil uyirvīṭucey vārkaḻalāṉ pāloṭu neytayirum payiṉṟāṭiya paṇṭaraṅkaṉ mālaima tiyoṭunīr aravampuṉai vārcaṭaiyāṉ vēlaṉa kaṇṇiyoṭum virumpummiṭam veṇṭuṟaiyē.

Report an error

படைநவில் வெண்மழுவான் பலபூதப் படையுடையான் கடைநவில் மும்மதிலும் எரியூட்டிய கண்ணுதலான் உடைநவி லும்புலித்தோல் உடையாடையி னான்கடிய விடைநவிலுங் கொடியான் விரும்பும்மிடம் வெண்டுறையே.

paṭainavil veṇmaḻuvāṉ palapūtap paṭaiyuṭaiyāṉ kaṭainavil mummatilum eriyūṭṭiya kaṇṇutalāṉ uṭainavi lumpulittōl uṭaiyāṭaiyi ṉāṉkaṭiya viṭainaviluṅ koṭiyāṉ virumpummiṭam veṇṭuṟaiyē.

Report an error

பண்ணமர் வீணையினான் பரவிப்பணி தொண்டர்கள்தம் எண்ணமர் சிந்தையினான் இமையோர்க்கும் அறிவரியான் பெண்ணமர் கூறுடையான் பிரமன்தலை யிற்பலியான் விண்ணவர் தம்பெருமான் விரும்பும்மிடம் வெண்டுறையே.

paṇṇamar vīṇaiyiṉāṉ paravippaṇi toṇṭarkaḷtam eṇṇamar cintaiyiṉāṉ imaiyōrkkum aṟivariyāṉ peṇṇamar kūṟuṭaiyāṉ piramaṉtalai yiṟpaliyāṉ viṇṇavar tamperumāṉ virumpummiṭam veṇṭuṟaiyē.

Report an error

பாரிய லும்பலியான் படியார்க்கும் அறிவரியான் சீரிய லும்மலையாள் ஒருபாகமுஞ் சேரவைத்தான் போரிய லும்புரமூன் றுடன்பொன்மலை யேசிலையா வீரிய நின்றுசெய்தான் விரும்பும்மிடம் வெண்டுறையே.

pāriya lumpaliyāṉ paṭiyārkkum aṟivariyāṉ cīriya lummalaiyāḷ orupākamuñ cēravaittāṉ pōriya lumpuramūṉ ṟuṭaṉpoṉmalai yēcilaiyā vīriya niṉṟuceytāṉ virumpummiṭam veṇṭuṟaiyē.

Report an error

ஊழிக ளாயுலகா யொருவர்க்கும் உணர்வரியான் போழிள வெண்மதியும் புனலும்மணி புன்சடையான் யாழின்மொ ழியுமையாள் வெருவவ்வெழில் வெண்மருப்பின் வேழமு ரித்தபிரான் விரும்பும்மிடம் வெண்டுறையே.

ūḻika ḷāyulakā yoruvarkkum uṇarvariyāṉ pōḻiḷa veṇmatiyum puṉalummaṇi puṉcaṭaiyāṉ yāḻiṉmo ḻiyumaiyāḷ veruvavveḻil veṇmaruppiṉ vēḻamu rittapirāṉ virumpummiṭam veṇṭuṟaiyē.

Report an error

கன்றிய காலனையும் முருளக்கனல் வாயலறிப் பொன்றமுன் நின்றபிரான் பொடியாடிய மேனியினான் சென்றிமை யோர்பரவுந் திகழ்சேவடி யான்புலன்கள் வென்றவன் எம்மிறைவன் விரும்பும்மிடம் வெண்டுறையே.

kaṉṟiya kālaṉaiyum muruḷakkaṉal vāyalaṟip poṉṟamuṉ niṉṟapirāṉ poṭiyāṭiya mēṉiyiṉāṉ ceṉṟimai yōrparavun tikaḻcēvaṭi yāṉpulaṉkaḷ veṉṟavaṉ emmiṟaivaṉ virumpummiṭam veṇṭuṟaiyē.

Report an error

கரமிரு பத்தினாலுங் கடுவன்சின மாயெடுத்த சிரமொரு பத்துமுடை அரக்கன்வலி செற்றுகந்தான் பரவவல் லார்வினைகள் அறுப்பானொரு பாகமும்பெண் விரவிய வேடத்தினான் விரும்பும்மிடம் வெண்டுறையே.

karamiru pattiṉāluṅ kaṭuvaṉciṉa māyeṭutta ciramoru pattumuṭai arakkaṉvali ceṟṟukantāṉ paravaval lārviṉaikaḷ aṟuppāṉoru pākamumpeṇ viraviya vēṭattiṉāṉ virumpummiṭam veṇṭuṟaiyē.

Report an error

கோலம லரயனுங் குளிர்கொண்டல் நிறத்தவனுஞ் சீலம றிவரிதாய்த் திகழ்ந்தோங்கிய செந்தழலான் மூலம தாகிநின்றான் முதிர்புன்சடை வெண்பிறையான் வேலைவி டமிடற்றான் விரும்பும்மிடம் வெண்டுறையே.

kōlama larayaṉuṅ kuḷirkoṇṭal niṟattavaṉuñ cīlama ṟivaritāyt tikaḻntōṅkiya centaḻalāṉ mūlama tākiniṉṟāṉ mutirpuṉcaṭai veṇpiṟaiyāṉ vēlaivi ṭamiṭaṟṟāṉ virumpummiṭam veṇṭuṟaiyē.

Report an error

நக்குரு வாயவருந் துவராடைந யந்துடையாம் பொக்கர்கள் தம்முரைகள் ளவைபொய்யென எம்மிறைவன் திக்குநி றைபுகழார் தருதேவர்பி ரான்கனகம் மிக்குயர் சோதியவன் விரும்பும்மிடம் வெண்டுறையே.

nakkuru vāyavarun tuvarāṭaina yantuṭaiyām pokkarkaḷ tammuraikaḷ ḷavaipoyyeṉa emmiṟaivaṉ tikkuni ṟaipukaḻār tarutēvarpi rāṉkaṉakam mikkuyar cōtiyavaṉ virumpummiṭam veṇṭuṟaiyē.

Report an error

திண்ணம ரும்புரிசைத் திருவெண்டுறை மேயவனைத் தண்ணம ரும்பொழில்சூழ் தருசண்பையர் தந்தலைவன் எண்ணமர் பல்கலையான் இசைஞானசம் பந்தன்சொன்ன பண்ணமர் பாடல்வல்லார் வினையாயின பற்றறுமே.

tiṇṇama rumpuricait tiruveṇṭuṟai mēyavaṉait taṇṇama rumpoḻilcūḻ tarucaṇpaiyar tantalaivaṉ eṇṇamar palkalaiyāṉ icaiñāṉacam pantaṉcoṉṉa paṇṇamar pāṭalvallār viṉaiyāyiṉa paṟṟaṟumē.

Report an error

Illustration: Verse & Place (Project-owned).