Skip to content

திருமுறை 1 — திருப்பழையனூர்-திரு ஆலங்காடு · திருப்பழையனூர்-திரு ஆலங்காடு

tiruppaḻaiyaṉūr-tiru ālaṅkāṭu

tiruppaḻaiyaṉūr-tiru ālaṅkāṭu

tiruppaḻaiyaṉūr-tiru ālaṅkāṭu, from book 1 of the Tirumurai.

12 passagesTamil with transliteration

An oil lamp beneath an arch for book 1 of the Tirumurai.

துஞ்ச வருவாருந் தொழுவிப்பாரும் வழுவிப்போய் நெஞ்சம் புகுந்தென்னை நினைவிப்பாரும் முனைநட்பாய் வஞ்சப் படுத்தொருத்தி வாழ்நாள்கொள்ளும் வகைகேட் டஞ்சும் பழையனூர் ஆலங்காட்டெம் அடிகளே.

tuñca varuvārun toḻuvippārum vaḻuvippōy neñcam pukunteṉṉai niṉaivippārum muṉainaṭpāy vañcap paṭuttorutti vāḻnāḷkoḷḷum vakaikēṭ ṭañcum paḻaiyaṉūr ālaṅkāṭṭem aṭikaḷē.

Report an error

கேடும் பிறவியும் ஆக்கினாருங் கேடிலா வீடு மாநெறி விளம்பினாரெம் விகிர்தனார் காடுஞ் சுடலையும் கைக்கொண்டெல்லிக் கணப்பேயோ டாடும் பழையனூர் ஆலங்காட்டெம் அடிகளே.

kēṭum piṟaviyum ākkiṉāruṅ kēṭilā vīṭu māneṟi viḷampiṉārem vikirtaṉār kāṭuñ cuṭalaiyum kaikkoṇṭellik kaṇappēyō ṭāṭum paḻaiyaṉūr ālaṅkāṭṭem aṭikaḷē.

Report an error

கந்தங் கமழ்கொன்றைக் கண்ணிசூடி கனலாடி வெந்த பொடிநீற்றை விளங்கப்பூசும் விகிர்தனார் கொந்தண் பொழிற்சோலை யரவின்தோன்றிக் கோடல்பூத் தந்தண் பழையனூர் ஆலங்காட்டெம் அடிகளே.

kantaṅ kamaḻkoṉṟaik kaṇṇicūṭi kaṉalāṭi venta poṭinīṟṟai viḷaṅkappūcum vikirtaṉār kontaṇ poḻiṟcōlai yaraviṉtōṉṟik kōṭalpūt tantaṇ paḻaiyaṉūr ālaṅkāṭṭem aṭikaḷē.

Report an error

பால மதிசென்னி படரச்சூடி பழியோராக் கால னுயிர்செற்ற காலனாய கருத்தனார் கோலம் பொழிற்சோலைப் பெடையோடாடி மடமஞ்ஞை ஆலும் பழையனூர் ஆலங்காட்டெம் அடிகளே.

pāla maticeṉṉi paṭaraccūṭi paḻiyōrāk kāla ṉuyirceṟṟa kālaṉāya karuttaṉār kōlam poḻiṟcōlaip peṭaiyōṭāṭi maṭamaññai ālum paḻaiyaṉūr ālaṅkāṭṭem aṭikaḷē.

Report an error

ஈர்க்கும் புனல்சூடி இளவெண்டிங்கள் முதிரவே பார்க்கு மரவம்பூண் டாடிவேடம் பயின்றாருங் கார்க்கொள் கொடிமுல்லை குருந்தமேறிக் கருந்தேன்மொய்த் தார்க்கும் பழையனூர் ஆலங்காட்டெம் அடிகளே.

īrkkum puṉalcūṭi iḷaveṇṭiṅkaḷ mutiravē pārkku maravampūṇ ṭāṭivēṭam payiṉṟāruṅ kārkkoḷ koṭimullai kuruntamēṟik karuntēṉmoyt tārkkum paḻaiyaṉūr ālaṅkāṭṭem aṭikaḷē.

Report an error

பறையுஞ் சிறுகுழலும் யாழும்பூதம் பயிற்றவே மறையும் பலபாடி மயானத்துறையும் மைந்தனார் பிறையும் பெரும்புனல்சேர் சடையினாரும் பேடைவண் டறையும் பழையனூர் ஆலங்காட்டெம் அடிகளே.

paṟaiyuñ ciṟukuḻalum yāḻumpūtam payiṟṟavē maṟaiyum palapāṭi mayāṉattuṟaiyum maintaṉār piṟaiyum perumpuṉalcēr caṭaiyiṉārum pēṭaivaṇ ṭaṟaiyum paḻaiyaṉūr ālaṅkāṭṭem aṭikaḷē.

Report an error

நுணங்கு மறைபாடி யாடிவேடம் பயின்றாரும் இணங்கு மலைமகளோ டிருகூறொன்றாய் இசைந்தாரும் வணங்குஞ் சிறுத்தொண்டர் வைகலேத்தும் வாழ்த்துங்கேட் டணங்கும் பழையனூர் ஆலங்காட்டெம் அடிகளே.

nuṇaṅku maṟaipāṭi yāṭivēṭam payiṉṟārum iṇaṅku malaimakaḷō ṭirukūṟoṉṟāy icaintārum vaṇaṅkuñ ciṟuttoṇṭar vaikalēttum vāḻttuṅkēṭ ṭaṇaṅkum paḻaiyaṉūr ālaṅkāṭṭem aṭikaḷē.

Report an error

கணையும் வரிசிலையும் எரியுங்கூடிக் கவர்ந்துண்ண இணையில் எயின்மூன்றும் எரித்திட்டாரெம் இறைவனார் பிணையுஞ் சிறுமறியுங் கலையுமெல்லாங் கங்குல்சேர்ந் தணையும் பழையனூர் ஆலங்காட்டெம் அடிகளே.

kaṇaiyum varicilaiyum eriyuṅkūṭik kavarntuṇṇa iṇaiyil eyiṉmūṉṟum erittiṭṭārem iṟaivaṉār piṇaiyuñ ciṟumaṟiyuṅ kalaiyumellāṅ kaṅkulcērn taṇaiyum paḻaiyaṉūr ālaṅkāṭṭem aṭikaḷē.

Report an error

கவிழ மலைதரளக் கடகக்கையால் எடுத்தான்றோள் பவழ நுனைவிரலாற் பையவூன்றிப் பரிந்தாரும் தவழுங் கொடிமுல்லை புறவஞ்சேர நறவம்பூத் தவிழும் பழையனூர் ஆலங்காட்டெம் அடிகளே.

kaviḻa malaitaraḷak kaṭakakkaiyāl eṭuttāṉṟōḷ pavaḻa nuṉaiviralāṟ paiyavūṉṟip parintārum tavaḻuṅ koṭimullai puṟavañcēra naṟavampūt taviḻum paḻaiyaṉūr ālaṅkāṭṭem aṭikaḷē.

Report an error

பகலும் இரவுஞ்சேர் பண்பினாரும் நண்போரா திகலும் இருவர்க்கும் எரியாய்த்தோன்றி நிமிர்ந்தாரும் புகலும் வழிபாடு வல்லார்க்கென்றுந் தீயபோய் அகலும் பழையனூர் ஆலங்காட்டெம் அடிகளே.

pakalum iravuñcēr paṇpiṉārum naṇpōrā tikalum iruvarkkum eriyāyttōṉṟi nimirntārum pukalum vaḻipāṭu vallārkkeṉṟun tīyapōy akalum paḻaiyaṉūr ālaṅkāṭṭem aṭikaḷē.

Report an error

போழம் பலபேசிப் போதுசாற்றித் திரிவாரும் வேழம் வருமளவும் வெயிலேதுற்றித் திரிவாரும் கேழல் வினைபோகக் கேட்பிப்பாரும் கேடிலா ஆழ்வர் பழையனூர் ஆலங்காட்டெம் அடிகளே.

pōḻam palapēcip pōtucāṟṟit tirivārum vēḻam varumaḷavum veyilētuṟṟit tirivārum kēḻal viṉaipōkak kēṭpippārum kēṭilā āḻvar paḻaiyaṉūr ālaṅkāṭṭem aṭikaḷē.

Report an error

சாந்தங் கமழ்மறுகிற் சண்பைஞான சம்பந்தன் ஆந்தண் பழையனூர் ஆலங்காட்டெம் அடிகளை வேந்த னருளாலே விரித்தபாடல் இவைவல்லார் சேர்ந்த விடமெல்லாந் தீர்த்தமாகச் சேர்வாரே.

cāntaṅ kamaḻmaṟukiṟ caṇpaiñāṉa campantaṉ āntaṇ paḻaiyaṉūr ālaṅkāṭṭem aṭikaḷai vēnta ṉaruḷālē virittapāṭal ivaivallār cērnta viṭamellān tīrttamākac cērvārē.

Report an error

Illustration: Verse & Place (Project-owned).