Skip to content

திருமுறை 1 — திருத்தோணிபுரம் · திருத்தோணிபுரம்

tiruttōṇipuram

tiruttōṇipuram

tiruttōṇipuram, from book 1 of the Tirumurai.

11 passagesTamil with transliteration

An oil lamp beneath an arch for book 1 of the Tirumurai.

வண்டரங்கப் புனற்கமல மதுமாந்திப் பெடையினொடும் ஒண்டரங்க இசைபாடும் அளிஅரசே ஒளிமதியத் துண்டரங்கப் பூண்மார்பர் திருத்தோணி புரத்துறையும் பண்டரங்கர்க் கென்நிலைமை பரிந்தொருகால் பகராயே.

vaṇṭaraṅkap puṉaṟkamala matumāntip peṭaiyiṉoṭum oṇṭaraṅka icaipāṭum aḷiaracē oḷimatiyat tuṇṭaraṅkap pūṇmārpar tiruttōṇi purattuṟaiyum paṇṭaraṅkark keṉnilaimai parintorukāl pakarāyē.

Report an error

எறிசுறவங் கழிக்கானல் இளங்குருகே என்பயலை அறிவுறா தொழிவதுவும் அருவினையேன் பயனன்றே செறிசிறார் பதமோதுந் திருத்தோணி புரத்துறையும் வெறிநிறார் மலர்க்கண்ணி வேதியர்க்கு விளம்பாயே.

eṟicuṟavaṅ kaḻikkāṉal iḷaṅkurukē eṉpayalai aṟivuṟā toḻivatuvum aruviṉaiyēṉ payaṉaṉṟē ceṟiciṟār patamōtun tiruttōṇi purattuṟaiyum veṟiniṟār malarkkaṇṇi vētiyarkku viḷampāyē.

Report an error

பண்பழனக் கோட்டகத்து வாட்டமிலாச் செஞ்சூட்டுக் கண்பகத்தின் வாரணமே கடுவினையேன் உறுபயலை செண்பகஞ்சேர் பொழில்புடைசூழ் திருத்தோணி புரத்துறையும் பண்பனுக்கென் பரிசுரைத்தால் பழியாமோ மொழியாயே.

paṇpaḻaṉak kōṭṭakattu vāṭṭamilāc ceñcūṭṭuk kaṇpakattiṉ vāraṇamē kaṭuviṉaiyēṉ uṟupayalai ceṇpakañcēr poḻilpuṭaicūḻ tiruttōṇi purattuṟaiyum paṇpaṉukkeṉ paricuraittāl paḻiyāmō moḻiyāyē.

Report an error

காண்டகைய செங்காலொண் கழிநாராய் காதலாற் பூண்டகைய முலைமெலிந்து பொன்பயந்தா ளென்றுவளர் சேண்டகைய மணிமாடத் திருத்தோணி புரத்துறையும் ஆண்டகையாற் கின்றேசென் றடியறிய உணர்த்தாயே.

kāṇṭakaiya ceṅkāloṇ kaḻinārāy kātalāṟ pūṇṭakaiya mulaimelintu poṉpayantā ḷeṉṟuvaḷar cēṇṭakaiya maṇimāṭat tiruttōṇi purattuṟaiyum āṇṭakaiyāṟ kiṉṟēceṉ ṟaṭiyaṟiya uṇarttāyē.

Report an error

பாராரே யெனையொருகால் தொழுகின்றேன் பாங்கமைந்த காராரும் செழுநிறத்துப் பவளக்கால் கபோதகங்காள் தேராரும் நெடுவீதித் திருத்தோணி புரத்துறையும் நீராருஞ் சடையாருக் கென்நிலைமை நிகழ்த்தீரே.

pārārē yeṉaiyorukāl toḻukiṉṟēṉ pāṅkamainta kārārum ceḻuniṟattup pavaḷakkāl kapōtakaṅkāḷ tērārum neṭuvītit tiruttōṇi purattuṟaiyum nīrāruñ caṭaiyāruk keṉnilaimai nikaḻttīrē.

Report an error

சேற்றெழுந்த மலர்க்கமலச் செஞ்சாலிக் கதிர்வீச வீற்றிருந்த அன்னங்காள் விண்ணோடு மண்மறைகள் தோற்றுவித்த திருத்தோணி புரத்தீசன் துளங்காத கூற்றுதைத்த திருவடியே கூடுமா கூறீரே.

cēṟṟeḻunta malarkkamalac ceñcālik katirvīca vīṟṟirunta aṉṉaṅkāḷ viṇṇōṭu maṇmaṟaikaḷ tōṟṟuvitta tiruttōṇi purattīcaṉ tuḷaṅkāta kūṟṟutaitta tiruvaṭiyē kūṭumā kūṟīrē.

Report an error

முன்றில்வாய் மடல்பெண்ணைக் குரம்பைவாழ் முயங்குசிறை அன்றில்காள் பிரிவுறும்நோய் அறியாதீர் மிகவல்லீர் தென்றலார் புகுந்துலவுந் திருத்தோணி புரத்துறையுங் கொன்றைவார் சடையார்க்கென் கூர்பயலை கூறீரே.

muṉṟilvāy maṭalpeṇṇaik kurampaivāḻ muyaṅkuciṟai aṉṟilkāḷ pirivuṟumnōy aṟiyātīr mikavallīr teṉṟalār pukuntulavun tiruttōṇi purattuṟaiyuṅ koṉṟaivār caṭaiyārkkeṉ kūrpayalai kūṟīrē.

Report an error

பானாறு மலர்ச்சூதப் பல்லவங்க ளவைகோதி ஏனோர்க்கும் இனிதாக மொழியுமெழில் இளங்குயிலே தேனாரும் பொழில்புடைசூழ் திருத்தோணி புரத்தமரர் கோனாரை என்னிடத்தே வரவொருகாற் கூவாயே.

pāṉāṟu malarccūtap pallavaṅka ḷavaikōti ēṉōrkkum iṉitāka moḻiyumeḻil iḷaṅkuyilē tēṉārum poḻilpuṭaicūḻ tiruttōṇi purattamarar kōṉārai eṉṉiṭattē varavorukāṟ kūvāyē.

Report an error

நற்பதங்கள் மிகஅறிவாய் நானுன்னை வேண்டுகின்றேன் பொற்பமைந்த வாயலகின் பூவைநல்லாய் போற்றுகின்றேன் சொற்பதஞ்சேர் மறையாளர் திருத்தோணி புரத்துறையும் விற்பொலிதோள் விகிர்தனுக்கென் மெய்ப்பயலை விளம்பாயே.

naṟpataṅkaḷ mikaaṟivāy nāṉuṉṉai vēṇṭukiṉṟēṉ poṟpamainta vāyalakiṉ pūvainallāy pōṟṟukiṉṟēṉ coṟpatañcēr maṟaiyāḷar tiruttōṇi purattuṟaiyum viṟpolitōḷ vikirtaṉukkeṉ meyppayalai viḷampāyē.

Report an error

சிறையாரும் மடக்கிளியே இங்கேவா தேனொடுபால் முறையாலே உணத்தருவேன் மொய்பவளத் தொடுதரளந் துறையாருங் கடற்றோணி புரத்தீசன் துளங்குமிளம் பிறையாளன் திருநாமம் எனக்கொருகாற் பேசாயே.

ciṟaiyārum maṭakkiḷiyē iṅkēvā tēṉoṭupāl muṟaiyālē uṇattaruvēṉ moypavaḷat toṭutaraḷan tuṟaiyāruṅ kaṭaṟṟōṇi purattīcaṉ tuḷaṅkumiḷam piṟaiyāḷaṉ tirunāmam eṉakkorukāṟ pēcāyē.

Report an error

போர்மிகுத்த வயற்றோணி புரத்துறையும் புரிசடையெங் கார்மிகுத்த கறைக்கண்டத் திறையவனை வண்கமலத் தார்மிகுத்த வரைமார்பன் சம்பந்தன் உரைசெய்த சீர்மிகுத்த தமிழ்வல்லார் சிவலோகஞ் சேர்வாரே.

pōrmikutta vayaṟṟōṇi purattuṟaiyum puricaṭaiyeṅ kārmikutta kaṟaikkaṇṭat tiṟaiyavaṉai vaṇkamalat tārmikutta varaimārpaṉ campantaṉ uraiceyta cīrmikutta tamiḻvallār civalōkañ cērvārē.

Report an error

Illustration: Verse & Place (Project-owned).