திருமுறை 1 — திருச்செங்காட்டங்குடி · திருச்செங்காட்டங்குடி
tirucceṅkāṭṭaṅkuṭi
tirucceṅkāṭṭaṅkuṭi
॥
tirucceṅkāṭṭaṅkuṭi, from book 1 of the Tirumurai.
11 passages·Tamil with transliteration
நறைகொண்ட மலர்தூவி விரையளிப்ப நாடோ றும்
முறைகொண்டு நின்றடியார் முட்டாமே பணிசெய்யச்
சிறைகொண்ட வண்டறையுஞ் செங்காட்டங் குடியதனுள்
கறைகொண்ட கண்டத்தான் கணபதீச் சரத்தானே.
naṟaikoṇṭa malartūvi viraiyaḷippa nāṭō ṟum
muṟaikoṇṭu niṉṟaṭiyār muṭṭāmē paṇiceyyac
ciṟaikoṇṭa vaṇṭaṟaiyuñ ceṅkāṭṭaṅ kuṭiyataṉuḷ
kaṟaikoṇṭa kaṇṭattāṉ kaṇapatīc carattāṉē.
வாரேற்ற பறையொலியுஞ் சங்கொலியும் வந்தியம்ப
ஊரேற்ற செல்வத்தோ டோ ங்கியசீர் விழவோவாச்
சீரேற்ற முடைத்தாய செங்காட்டங் குடியதனுள்
காரேற்ற கொன்றையான் கணபதீச் சரத்தானே.
vārēṟṟa paṟaiyoliyuñ caṅkoliyum vantiyampa
ūrēṟṟa celvattō ṭō ṅkiyacīr viḻavōvāc
cīrēṟṟa muṭaittāya ceṅkāṭṭaṅ kuṭiyataṉuḷ
kārēṟṟa koṉṟaiyāṉ kaṇapatīc carattāṉē.
வரந்தையான் சோபுரத்தான் மந்திரத்தான் தந்திரத்தான்
கிரந்தையான் கோவணத்தான் கிண்கிணியான் கையதோர்
சிரந்தையான் செங்காட்டங் குடியான்செஞ் சடைசேருங்
கரந்தையான் வெண்ணீற்றான் கணபதீச் சரத்தானே.
varantaiyāṉ cōpurattāṉ mantirattāṉ tantirattāṉ
kirantaiyāṉ kōvaṇattāṉ kiṇkiṇiyāṉ kaiyatōr
cirantaiyāṉ ceṅkāṭṭaṅ kuṭiyāṉceñ caṭaicēruṅ
karantaiyāṉ veṇṇīṟṟāṉ kaṇapatīc carattāṉē.
தொங்கலுங் கமழ்சாந்தும் அகிற்புகையுந் தொண்டர்கொண்
டங்கையால் தொழுதேத்த அருச்சுனற்கன் றருள்செய்தான்
செங்கயல்பாய் வயலுடுத்த செங்காட்டங் குடியதனுள்
கங்கைசேர் வார்சடையான் கணபதீச் சரத்தானே.
toṅkaluṅ kamaḻcāntum akiṟpukaiyun toṇṭarkoṇ
ṭaṅkaiyāl toḻutētta aruccuṉaṟkaṉ ṟaruḷceytāṉ
ceṅkayalpāy vayaluṭutta ceṅkāṭṭaṅ kuṭiyataṉuḷ
kaṅkaicēr vārcaṭaiyāṉ kaṇapatīc carattāṉē.
பாலினால் நறுநெய்யாற் பழத்தினாற் பயின்றாட்டி
நூலினால் மணமாலை கொணர்ந்தடியார் புரிந்தேத்தச்
சேலினார் வயல்புடைசூழ் செங்காட்டங் குடியதனுள்
காலினாற் கூற்றுதைத்தான் கணபதீச் சரத்தானே.
pāliṉāl naṟuneyyāṟ paḻattiṉāṟ payiṉṟāṭṭi
nūliṉāl maṇamālai koṇarntaṭiyār purintēttac
cēliṉār vayalpuṭaicūḻ ceṅkāṭṭaṅ kuṭiyataṉuḷ
kāliṉāṟ kūṟṟutaittāṉ kaṇapatīc carattāṉē.
நுண்ணியான் மிகப்பெரியான் ஓவுளார் வாயுளான்
தண்ணியான் வெய்யான்நந் தலைமேலான் மனத்துளான்
திண்ணியான் செங்காட்டங் குடியான்செஞ் சடைமதியக்
கண்ணியான் கண்ணுதலான் கணபதீச் சரத்தானே.
nuṇṇiyāṉ mikapperiyāṉ ōvuḷār vāyuḷāṉ
taṇṇiyāṉ veyyāṉnan talaimēlāṉ maṉattuḷāṉ
tiṇṇiyāṉ ceṅkāṭṭaṅ kuṭiyāṉceñ caṭaimatiyak
kaṇṇiyāṉ kaṇṇutalāṉ kaṇapatīc carattāṉē.
மையினார் மலர்நெடுங்கண் மலைமகளோர் பாகமாம்
மெய்யினான் பையரவம் அரைக்கசைத்தான் மீன்பிறழச்
செய்யினார் தண்கழனிச் செங்காட்டங் குடியதனுள்
கையினார் கூரெரியான் கணபதீச் சரத்தானே.
maiyiṉār malarneṭuṅkaṇ malaimakaḷōr pākamām
meyyiṉāṉ paiyaravam araikkacaittāṉ mīṉpiṟaḻac
ceyyiṉār taṇkaḻaṉic ceṅkāṭṭaṅ kuṭiyataṉuḷ
kaiyiṉār kūreriyāṉ kaṇapatīc carattāṉē.
தோடுடையான் குழையுடையான் அரக்கன்றன் தோளடர்த்த
பீடுடையான் போர்விடையான் பெண்பாகம் மிகப்பெரியான்
சேடுடையான் செங்காட்டாங் குடியுடையான் சேர்ந்தாடுங்
காடுடையான் நாடுடையான் கணபதீச் சரத்தானே.
tōṭuṭaiyāṉ kuḻaiyuṭaiyāṉ arakkaṉṟaṉ tōḷaṭartta
pīṭuṭaiyāṉ pōrviṭaiyāṉ peṇpākam mikapperiyāṉ
cēṭuṭaiyāṉ ceṅkāṭṭāṅ kuṭiyuṭaiyāṉ cērntāṭuṅ
kāṭuṭaiyāṉ nāṭuṭaiyāṉ kaṇapatīc carattāṉē.
ஆனூரா வுழிதருவான் அன்றிருவர் தேர்ந்துணரா
வானூரான் வையகத்தான் வாழ்த்துவார் மனத்துளான்
தேனூரான் செங்காட்டாங் குடியான்சிற் றம்பலத்தான்
கானூரான் கழுமலத்தான் கணபதீச் சரத்தானே.
āṉūrā vuḻitaruvāṉ aṉṟiruvar tērntuṇarā
vāṉūrāṉ vaiyakattāṉ vāḻttuvār maṉattuḷāṉ
tēṉūrāṉ ceṅkāṭṭāṅ kuṭiyāṉciṟ ṟampalattāṉ
kāṉūrāṉ kaḻumalattāṉ kaṇapatīc carattāṉē.
செடிநுகருஞ் சமணர்களுஞ் சீவரத்த சாக்கியரும்
படிநுகரா தயருழப்பார்க் கருளாத பண்பினான்
பொடிநுகருஞ் சிறுத்தொண்டர்க் கருள்செய்யும் பொருட்டாகக்
கடிநகராய் வீற்றிருந்தான் கணபதீச் சரத்தானே.
ceṭinukaruñ camaṇarkaḷuñ cīvaratta cākkiyarum
paṭinukarā tayaruḻappārk karuḷāta paṇpiṉāṉ
poṭinukaruñ ciṟuttoṇṭark karuḷceyyum poruṭṭākak
kaṭinakarāy vīṟṟiruntāṉ kaṇapatīc carattāṉē.
கறையிலங்கு மலர்க்குவளை கண்காட்டக் கடிபொழிலின்
நறையிலங்கு வயல்காழித் தமிழ்ஞான சம்பந்தன்
சிறையிலங்கு புனற்படப்பைச் செங்காட்டங் குடிசேர்த்தும்
மறையிலங்கு தமிழ்வல்லார் வானுலகத் திருப்பாரே.
kaṟaiyilaṅku malarkkuvaḷai kaṇkāṭṭak kaṭipoḻiliṉ
naṟaiyilaṅku vayalkāḻit tamiḻñāṉa campantaṉ
ciṟaiyilaṅku puṉaṟpaṭappaic ceṅkāṭṭaṅ kuṭicērttum
maṟaiyilaṅku tamiḻvallār vāṉulakat tiruppārē.
Keys: ← → turn the page, J K step through the verses.
Illustration: Verse & Place (Project-owned).