Skip to content

திருமுறை 6 — திருஆவடுதுறை - திருத்தாண்டகம் · திருஆவடுதுறை - திருத்தாண்டகம்

tiruāvaṭutuṟai - tiruttāṇṭakam

tiruāvaṭutuṟai - tiruttāṇṭakam

tiruāvaṭutuṟai - tiruttāṇṭakam, from book 6 of the Tirumurai.

10 passagesTamil with transliteration

An oil lamp beneath an arch for book 6 of the Tirumurai.

Invocation

6.47.opening

திருச்சிற்றம்பலம்

tirucciṟṟampalam

Editor's note: Traditional opening material, separate from the numbered poems.

திருவேயென் செல்வமே தேனே வானோர் செழுஞ்சுடரே செழுஞ்சுடர்நற் சோதி மிக்க உருவேயென் னுறவே யென்னூனே ஊனின் உள்ளமே உள்ளத்தி னுள்ளே நின்ற கருவேயென் கற்பகமே கண்ணே கண்ணிற் கருமணியே மணியாடு பாவாய் காவாய் அருவாய வல்வினைநோ யடையா வண்ணம் ஆவடுதண் டுறையுறையும் அமர ரேறே.

tiruvēyeṉ celvamē tēṉē vāṉōr ceḻuñcuṭarē ceḻuñcuṭarnaṟ cōti mikka uruvēyeṉ ṉuṟavē yeṉṉūṉē ūṉiṉ uḷḷamē uḷḷatti ṉuḷḷē niṉṟa karuvēyeṉ kaṟpakamē kaṇṇē kaṇṇiṟ karumaṇiyē maṇiyāṭu pāvāy kāvāy aruvāya valviṉainō yaṭaiyā vaṇṇam āvaṭutaṇ ṭuṟaiyuṟaiyum amara rēṟē.

Report an error

மாற்றேன் எழுத்தஞ்சு மென்றன் நாவின் மறவேன் திருவருள்கள் வஞ்ச நெஞ்சின் ஏற்றேன் பிறதெய்வம் எண்ணா நாயேன் எம்பெருமான் திருவடியே எண்ணி னல்லால் மேற்றான்நீ செய்வனகள் செய்யக் கண்டு வேதனைக்கே இடங்கொடுத்து நாளு நாளும் ஆற்றேன் அடியேனை அஞ்சே லென்னாய் ஆவடுதண் டுறையுறையும் அமர ரேறே.

māṟṟēṉ eḻuttañcu meṉṟaṉ nāviṉ maṟavēṉ tiruvaruḷkaḷ vañca neñciṉ ēṟṟēṉ piṟateyvam eṇṇā nāyēṉ emperumāṉ tiruvaṭiyē eṇṇi ṉallāl mēṟṟāṉnī ceyvaṉakaḷ ceyyak kaṇṭu vētaṉaikkē iṭaṅkoṭuttu nāḷu nāḷum āṟṟēṉ aṭiyēṉai añcē leṉṉāy āvaṭutaṇ ṭuṟaiyuṟaiyum amara rēṟē.

Report an error

வரையார் மடமங்கை பங்கா கங்கை மணவாளா வார்சடையாய் நின்றன் நாமம் உரையா வுயிர்போகப் பெறுவே னாகில் உறுநோய்வந் தெத்தனையு முற்றா லென்னே கரையா நினைந்துருகிக் கண்ணீர் மல்கிக் காதலித்து நின்கழலே யேத்து மன்பர்க் கரையா அடியேனை அஞ்சே லென்னாய் ஆவடுதண் டுறையுறையும் அமர ரேறே.

varaiyār maṭamaṅkai paṅkā kaṅkai maṇavāḷā vārcaṭaiyāy niṉṟaṉ nāmam uraiyā vuyirpōkap peṟuvē ṉākil uṟunōyvan tettaṉaiyu muṟṟā leṉṉē karaiyā niṉainturukik kaṇṇīr malkik kātalittu niṉkaḻalē yēttu maṉpark karaiyā aṭiyēṉai añcē leṉṉāy āvaṭutaṇ ṭuṟaiyuṟaiyum amara rēṟē.

Report an error

சிலைத்தார் திரிபுரங்கள் தீயில் வேவச் சிலைவளைவித் துமையவளை அஞ்ச நோக்கிக் கலித்தாங் கிரும்பிடிமேற் கைவைத் தோடுங் களிறுரித்த கங்காளா எங்கள் கோவே நிலத்தார் அவர்தமக்கே பொறையாய் நாளும் நில்லா வுயிரோம்பு நீத னேனான் அலுத்தேன் அடியேனை அஞ்சே லென்னாய் ஆவடுதண் டுறையுறையும் அமர ரேறே.

cilaittār tiripuraṅkaḷ tīyil vēvac cilaivaḷaivit tumaiyavaḷai añca nōkkik kalittāṅ kirumpiṭimēṟ kaivait tōṭuṅ kaḷiṟuritta kaṅkāḷā eṅkaḷ kōvē nilattār avartamakkē poṟaiyāy nāḷum nillā vuyirōmpu nīta ṉēṉāṉ aluttēṉ aṭiyēṉai añcē leṉṉāy āvaṭutaṇ ṭuṟaiyuṟaiyum amara rēṟē.

Report an error

நறுமா மலர்கொய்து நீரின் மூழ்கி நாடோறும் நின்கழலே யேத்தி வாழ்த்தித் துறவாத துன்பந் துறந்தேன் றன்னைச் சூழுலகில் ஊழ்வினைவந் துற்றா லென்னே உறவாகி வானவர்கள் முற்றும் வேண்ட ஒலிதிரைநீர்க் கடல்நஞ்சுண் டுய்யக் கொண்ட அறவா அடியேனை அஞ்சே லென்னாய் ஆவடுதண் டுறையுறையும் அமர ரேறே.

naṟumā malarkoytu nīriṉ mūḻki nāṭōṟum niṉkaḻalē yētti vāḻttit tuṟavāta tuṉpan tuṟantēṉ ṟaṉṉaic cūḻulakil ūḻviṉaivan tuṟṟā leṉṉē uṟavāki vāṉavarkaḷ muṟṟum vēṇṭa olitirainīrk kaṭalnañcuṇ ṭuyyak koṇṭa aṟavā aṭiyēṉai añcē leṉṉāy āvaṭutaṇ ṭuṟaiyuṟaiyum amara rēṟē.

Report an error

கோனா ரணன்அங்கந் தோள்மேற் கொண்டு கொழுமலரான் றன்சிரத்தைக் கையி லேந்திக் கானார் களிற்றுரிவைப் போர்வை மூடிக் கங்காள வேடராய் எங்குஞ் செல்வீர் நானார் உமக்கோர் வினைக்கே டனேன் நல்வினையுந் தீவினையு மெல்லாம் முன்னே ஆனாய் அடியேனை அஞ்சே லென்னாய் ஆவடுதண் டுறையுறையும் அமர ரேறே.

kōṉā raṇaṉaṅkan tōḷmēṟ koṇṭu koḻumalarāṉ ṟaṉcirattaik kaiyi lēntik kāṉār kaḷiṟṟurivaip pōrvai mūṭik kaṅkāḷa vēṭarāy eṅkuñ celvīr nāṉār umakkōr viṉaikkē ṭaṉēṉ nalviṉaiyun tīviṉaiyu mellām muṉṉē āṉāy aṭiyēṉai añcē leṉṉāy āvaṭutaṇ ṭuṟaiyuṟaiyum amara rēṟē.

Report an error

உழையுரித்த மானுரிதோ லாடை யானே உமையவள்தம் பெருமானே இமையோ ரேறே கழையிறுத்த கருங்கடல்நஞ் சுண்ட கண்டா கயிலாய மலையானே உன்பா லன்பர் பிழைபொறுத்தி என்பதுவும் பெரியோய் நின்றன் கடனன்றே பேரருளுன் பால தன்றே அழையுறுத்து மாமயில்கள் ஆலுஞ் சோலை ஆவடுதண் டுறையுறையும் அமர ரேறே.

uḻaiyuritta māṉuritō lāṭai yāṉē umaiyavaḷtam perumāṉē imaiyō rēṟē kaḻaiyiṟutta karuṅkaṭalnañ cuṇṭa kaṇṭā kayilāya malaiyāṉē uṉpā laṉpar piḻaipoṟutti eṉpatuvum periyōy niṉṟaṉ kaṭaṉaṉṟē pēraruḷuṉ pāla taṉṟē aḻaiyuṟuttu māmayilkaḷ āluñ cōlai āvaṭutaṇ ṭuṟaiyuṟaiyum amara rēṟē.

Report an error

உலந்தார் தலைகலனொன் றேந்தி வானோர் உலகம் பலிதிரிவாய் உன்பா லன்பு கலந்தார் மனங்கவருங் காத லானே கனலாடுங் கையவனே ஐயா மெய்யே மலந்தாங் குயிர்ப்பிறவி மாயக் காய மயக்குளே விழுந்தழுந்தி நாளு நாளும் அலந்தேன் அடியேனை அஞ்சே லென்னாய் ஆவடுதண் டுறையுறையும் அமர ரேறே.

ulantār talaikalaṉoṉ ṟēnti vāṉōr ulakam palitirivāy uṉpā laṉpu kalantār maṉaṅkavaruṅ kāta lāṉē kaṉalāṭuṅ kaiyavaṉē aiyā meyyē malantāṅ kuyirppiṟavi māyak kāya mayakkuḷē viḻuntaḻunti nāḷu nāḷum alantēṉ aṭiyēṉai añcē leṉṉāy āvaṭutaṇ ṭuṟaiyuṟaiyum amara rēṟē.

Report an error

பல்லார்ந்த வெண்டலை கையி லேந்திப் பசுவேறி யூரூரன் பலிகொள் வானே கல்லார்ந்த மலைமகளும் நீயு மெல்லாங் கரிகாட்டி லாட்டுகந்தீர் கருதீ ராகில் எல்லாரு மென்றன்னை இகழ்வர் போலும் ஏழையமண் குண்டர்சாக் கியர்க ளொன்றுக் கல்லாதார் திறத்தொழிந்தேன் அஞ்சே லென்னாய் ஆவடுதண் டுறையுறையும் அமர ரேறே.

pallārnta veṇṭalai kaiyi lēntip pacuvēṟi yūrūraṉ palikoḷ vāṉē kallārnta malaimakaḷum nīyu mellāṅ karikāṭṭi lāṭṭukantīr karutī rākil ellāru meṉṟaṉṉai ikaḻvar pōlum ēḻaiyamaṇ kuṇṭarcāk kiyarka ḷoṉṟuk kallātār tiṟattoḻintēṉ añcē leṉṉāy āvaṭutaṇ ṭuṟaiyuṟaiyum amara rēṟē.

Report an error

துறந்தார்தந் தூநெறிக்கட் சென்றே னல்லேன் துணைமாலை சூட்டநான் தூயே னல்லேன் பிறந்தேன் நின்றிருவருளே பேசி னல்லாற் பேசாத நாளெல்லாம் பிறவா நாளே செறிந்தார் மதிலிலங்கைக் கோமான் றன்னைச் செறுவரைக்கீ ழடர்த்தருளிச் செய்கை யெல்லாம் அறிந்தேன் அடியேனை அஞ்சே லென்னாய் ஆவடுதண் டுறையுறையும் அமர ரேறே.

tuṟantārtan tūneṟikkaṭ ceṉṟē ṉallēṉ tuṇaimālai cūṭṭanāṉ tūyē ṉallēṉ piṟantēṉ niṉṟiruvaruḷē pēci ṉallāṟ pēcāta nāḷellām piṟavā nāḷē ceṟintār matililaṅkaik kōmāṉ ṟaṉṉaic ceṟuvaraikkī ḻaṭarttaruḷic ceykai yellām aṟintēṉ aṭiyēṉai añcē leṉṉāy āvaṭutaṇ ṭuṟaiyuṟaiyum amara rēṟē.

Report an error

Illustration: Verse & Place (Project-owned).