திருமுறை 8 — குயிற்பத்து - ஆத்தும இரக்கம் · குயிற்பத்து - ஆத்தும இரக்கம்
kuyiṟpattu - āttuma irakkam
kuyiṟpattu - āttuma irakkam
॥
kuyiṟpattu - āttuma irakkam, from book 8 of the Tirumurai.
10 passages·Tamil with transliteration
கீத மினிய குயிலே கேட்டியேல் எங்கள் பெருமான்
பாத மிரண்டும் வினவில் பாதாளம் ஏழினுக் கப்பால்
சோதி மணிமுடி சொல்லிற் சொல்லிறந்து நின்ற தொன்மை
ஆதிகுண மொன்று மில்லான் அந்தமி லான்வரக் கூவாய்.
kīta miṉiya kuyilē kēṭṭiyēl eṅkaḷ perumāṉ
pāta miraṇṭum viṉavil pātāḷam ēḻiṉuk kappāl
cōti maṇimuṭi colliṟ colliṟantu niṉṟa toṉmai
ātikuṇa moṉṟu millāṉ antami lāṉvarak kūvāy.
ஏர்தரும் ஏழுல கேத்த எவ்வுரு வுந்தன் னுருவாய்
ஆர்கலி சூழ்தென் னிலங்கை அழகமர் வண்டோ தரிக்குப்
பேரருளின்ப மளித்த பெருந்துறை மேய பிரானைச்
சீரிய வாயாற் குயிலே தென்பாண்டி நாடனைக் கூவாய்.
ērtarum ēḻula kētta evvuru vuntaṉ ṉuruvāy
ārkali cūḻteṉ ṉilaṅkai aḻakamar vaṇṭō tarikkup
pēraruḷiṉpa maḷitta peruntuṟai mēya pirāṉaic
cīriya vāyāṟ kuyilē teṉpāṇṭi nāṭaṉaik kūvāy.
நீல வுருவிற் குயிலே நீள்மணி மாடம் நிலாவுங்
கோல அழகில் திகழுங் கொடிமங்கை உள்ளுறை கோயில்
சீலம் பெரிதும் இனிய திருவுத் தரகோச மங்கை
ஞாலம் விளங்க இருந்த நாயக னைவரக் கூவாய்.
nīla vuruviṟ kuyilē nīḷmaṇi māṭam nilāvuṅ
kōla aḻakil tikaḻuṅ koṭimaṅkai uḷḷuṟai kōyil
cīlam peritum iṉiya tiruvut tarakōca maṅkai
ñālam viḷaṅka irunta nāyaka ṉaivarak kūvāy.
தேன்பழச் சோலை பயிலுஞ் சிறுகுயி லேயிது கேள்நீ
வான்பழித் திம்மண் புகுந்து மனிதரை ஆட்கொண்ட வள்ளல்
ஊன்பழித் துள்ளம் புகுந்தென் உணர்வது வாய வொருத்தன்
மான்பழித் தாண்டமெல் நோக்கி மணாளனை நீவரக் கூவாய்.
tēṉpaḻac cōlai payiluñ ciṟukuyi lēyitu kēḷnī
vāṉpaḻit timmaṇ pukuntu maṉitarai āṭkoṇṭa vaḷḷal
ūṉpaḻit tuḷḷam pukunteṉ uṇarvatu vāya voruttaṉ
māṉpaḻit tāṇṭamel nōkki maṇāḷaṉai nīvarak kūvāy.
சுந்தரத் தின்பக் குயிலே சூழ்சுடர் ஞாயிறு போல
அந்தரத் தேநின் றிழிந்திங் கடியவ ராசை அறுப்பான்
முந்தும் நடுவும் முடிவு மாகிய மூவ ரறியாச்
சிந்தூரச் சேவடி யானைச் சேவக னைவரக் கூவாய்.
cuntarat tiṉpak kuyilē cūḻcuṭar ñāyiṟu pōla
antarat tēniṉ ṟiḻintiṅ kaṭiyava rācai aṟuppāṉ
muntum naṭuvum muṭivu mākiya mūva raṟiyāc
cintūrac cēvaṭi yāṉaic cēvaka ṉaivarak kūvāy.
இன்பந் தருவன் குயிலே ஏழுல கும்முழு தாளி
அன்பன் அமுதளித் தூறும் ஆனந்தன் வான்வந்த தேவன்
நன்பொன் மணிச்சுவ டொத்த நற்பரி மேல்வரு வானைக்
கொம்பின் மிழற்றுங் குயிலே கோகழி நாதனைக் கூவாய்.
iṉpan taruvaṉ kuyilē ēḻula kummuḻu tāḷi
aṉpaṉ amutaḷit tūṟum āṉantaṉ vāṉvanta tēvaṉ
naṉpoṉ maṇiccuva ṭotta naṟpari mēlvaru vāṉaik
kompiṉ miḻaṟṟuṅ kuyilē kōkaḻi nātaṉaik kūvāy.
உன்னை உகப்பன் குயிலே உன்துணைத் தோழியும் ஆவன்
பொன்னை அழிந்தநன் மேனிப் புகழில் திகழும் அழகன்
மன்னன் பரிமிசை வந்த வள்ளல் பெருந்துறை மேய
தென்னவன் சேரவன் சோழன் சீரப்புயங் கன்வரக் கூவாய்.
uṉṉai ukappaṉ kuyilē uṉtuṇait tōḻiyum āvaṉ
poṉṉai aḻintanaṉ mēṉip pukaḻil tikaḻum aḻakaṉ
maṉṉaṉ parimicai vanta vaḷḷal peruntuṟai mēya
teṉṉavaṉ cēravaṉ cōḻaṉ cīrappuyaṅ kaṉvarak kūvāy.
வாயிங்கே நீகுயிற் பிள்ளாய் மாலொடு நான்முகன் தேடி
ஓவியவ ருன்னி நிற்ப ஒண்தழல் விண்பிளந் தோங்கி
மேவிஅன் றண்டங் கடந்து விரிசுட ராய்நின்ற மெய்யன்
தாவி வரும்பரிப் பாகன் தாழ்சடை யோன்வரக் கூவாய்.
vāyiṅkē nīkuyiṟ piḷḷāy māloṭu nāṉmukaṉ tēṭi
ōviyava ruṉṉi niṟpa oṇtaḻal viṇpiḷan tōṅki
mēviaṉ ṟaṇṭaṅ kaṭantu viricuṭa rāyniṉṟa meyyaṉ
tāvi varumparip pākaṉ tāḻcaṭai yōṉvarak kūvāy.
காருடைப் பொன்திகழ் மேனிக் கடிபொழில் வாழுங் குயிலே
சீருடைச் செங்கமலத்தில் திகழுரு வாகிய செல்வன்
பாரிடைப் பாதங்கள் காட்டிப் பாசம் அறுத்தெனை யாண்ட
ஆருடை அம்பொனின் மேனி அமுதினை நீவரக் கூவாய்.
kāruṭaip poṉtikaḻ mēṉik kaṭipoḻil vāḻuṅ kuyilē
cīruṭaic ceṅkamalattil tikaḻuru vākiya celvaṉ
pāriṭaip pātaṅkaḷ kāṭṭip pācam aṟutteṉai yāṇṭa
āruṭai ampoṉiṉ mēṉi amutiṉai nīvarak kūvāy.
கொந்தண வும்பொழிற் சோலைக் கூங்குயி லேயிது கேள்நீ
அந்தண னாகிவந்திங்கே அழகிய சேவடி காட்டி
எந்தம ராம்இவ னென்றிங் கென்னையும் ஆட்கொண்டருளும்
செந்தழல் போல்திரு மேனித் தேவர்பி ரான்வரக் கூவாய்.
kontaṇa vumpoḻiṟ cōlaik kūṅkuyi lēyitu kēḷnī
antaṇa ṉākivantiṅkē aḻakiya cēvaṭi kāṭṭi
entama rāmiva ṉeṉṟiṅ keṉṉaiyum āṭkoṇṭaruḷum
centaḻal pōltiru mēṉit tēvarpi rāṉvarak kūvāy.
Keys: ← → turn the page, J K step through the verses.
Illustration: Verse & Place (Project-owned).