திருமுறை 8 — திருத்தசாங்கம் - அடிமை கொண்ட முறைமை · திருத்தசாங்கம் - அடிமை கொண்ட முறைமை
tiruttacāṅkam - aṭimai koṇṭa muṟaimai
tiruttacāṅkam - aṭimai koṇṭa muṟaimai
॥
tiruttacāṅkam - aṭimai koṇṭa muṟaimai, from book 8 of the Tirumurai.
10 passages·Tamil with transliteration
ஏரார் இளங்கிளியே எங்கள் பெருந்துறைக்கோன்
சீரார் திருநாமம் தேர்ந்துரையாய் - ஆரூரன்
செம்பெருமான் வெண்மலாரான் பாற்கடலான் செப்புவபோல்
எம்பெருமான் தேவர்பிரான் என்று.
ērār iḷaṅkiḷiyē eṅkaḷ peruntuṟaikkōṉ
cīrār tirunāmam tērnturaiyāy - ārūraṉ
cemperumāṉ veṇmalārāṉ pāṟkaṭalāṉ ceppuvapōl
emperumāṉ tēvarpirāṉ eṉṟu.
ஏதமிலா இன்சொல் மரகதமே ஏழ்பொழிற்கும்
நாதன்மை ஆளுடையான் நாடுரையாய் - காதலவர்க்கு
அன்பாண்டு மீளா அருள்புரிவான் நாடென்றும்
தென்பாண்டி நாடே தெளி.
ētamilā iṉcol marakatamē ēḻpoḻiṟkum
nātaṉmai āḷuṭaiyāṉ nāṭuraiyāy - kātalavarkku
aṉpāṇṭu mīḷā aruḷpurivāṉ nāṭeṉṟum
teṉpāṇṭi nāṭē teḷi.
தாதாடு பூஞ்சோலைத் தத்தாய் நமையாளும்
மாதாடும் பாகத்தான் வாழ்பதியென் - கோதட்டிப்
பத்தரெல்லாம் பார்மேற் சிவபுரம்போற் கொண்டாடும்
உத்தர கோசமங்கை யூர்.
tātāṭu pūñcōlait tattāy namaiyāḷum
mātāṭum pākattāṉ vāḻpatiyeṉ - kōtaṭṭip
pattarellām pārmēṟ civapurampōṟ koṇṭāṭum
uttara kōcamaṅkai yūr.
செய்யவாய்ப் பைஞ்சிறகிற் செல்வீநஞ் சிந்தைசேர்
ஐயன் பெருந்துறையான் ஆறுரையாய் - தையலாய்
வான்வந்த சிந்தை மலங்கழுவ வந்திழியும்
ஆனந்தங் காணுடையான் ஆறு.
ceyyavāyp paiñciṟakiṟ celvīnañ cintaicēr
aiyaṉ peruntuṟaiyāṉ āṟuraiyāy - taiyalāy
vāṉvanta cintai malaṅkaḻuva vantiḻiyum
āṉantaṅ kāṇuṭaiyāṉ āṟu.
கிஞ்சுகவாய் அஞ்சுகமே கேடில் பெருந்துறைக்கோன்
மஞ்சன் மருவும் மலைபகராய் - நெஞ்சத்து
இருளகல வாள்வீசி இன்பமரும் முத்தி
அருளுமலை என்பதுகாண் ஆய்ந்து.
kiñcukavāy añcukamē kēṭil peruntuṟaikkōṉ
mañcaṉ maruvum malaipakarāy - neñcattu
iruḷakala vāḷvīci iṉpamarum mutti
aruḷumalai eṉpatukāṇ āyntu.
இப்பாடே வந்தியம்பு கூடுபுகல் என்கிளியே
ஒப்பாடாச் சீருடையான் ஊர்வதென்னே - எப்போதும்
தேன்புரையுஞ் சிந்தையராய்த் தெய்வப்பெண் ணேத்திசைப்ப
வான்புரவி யூரும் மகிழ்ந்து.
ippāṭē vantiyampu kūṭupukal eṉkiḷiyē
oppāṭāc cīruṭaiyāṉ ūrvateṉṉē - eppōtum
tēṉpuraiyuñ cintaiyarāyt teyvappeṇ ṇētticaippa
vāṉpuravi yūrum makiḻntu.
கோற்றேன் மொழிக்கிள்ளாய் கோதில் பெருந்துறைக்கோள்
மாற்றாறை வெல்லும் படைபகராய் - ஏற்றார்
அழுக்கடையா நெஞ்சுருக மும்மலங்கள் பாயுங்
கழுக்கடைகாண் கைக்கொள் படை.
kōṟṟēṉ moḻikkiḷḷāy kōtil peruntuṟaikkōḷ
māṟṟāṟai vellum paṭaipakarāy - ēṟṟār
aḻukkaṭaiyā neñcuruka mummalaṅkaḷ pāyuṅ
kaḻukkaṭaikāṇ kaikkoḷ paṭai.
இன்பால் மொழிக்கிள்ளாய் எங்கள் பெருந்துறைக்கோள்
முன்பால் முழங்கும் முரசியம்பாய் - அன்பாற்
பிறவிப் பகைகலங்கப் பேரின்பத் தோங்கும்
பருமிக்க நாதப் பறை.
iṉpāl moḻikkiḷḷāy eṅkaḷ peruntuṟaikkōḷ
muṉpāl muḻaṅkum muraciyampāy - aṉpāṟ
piṟavip pakaikalaṅkap pēriṉpat tōṅkum
parumikka nātap paṟai.
ஆய மொழிக்கிள்ளாய் அள்ளூரும் அன்பர்பால்
மேய பெருந்துறையான் மெய்த்தாரென் - தீயவினை
நாளுமணு காவண்ணம் நாயேனை ஆளுடையான்
தாளிஅறு காம் உவந்த தார்.
āya moḻikkiḷḷāy aḷḷūrum aṉparpāl
mēya peruntuṟaiyāṉ meyttāreṉ - tīyaviṉai
nāḷumaṇu kāvaṇṇam nāyēṉai āḷuṭaiyāṉ
tāḷiaṟu kām uvanta tār.
சோலைப் பசுங்கிளியே தூநீர்ப் பெருந்துறைக்கோன்
கோலம் பொலியுங் கொடிகூறாய் - சாலவும்
ஏதிலார் துண்ணென்ன மேல்விளங்கி ஏர்காட்டும்
கோதிலா ஏறாம் கொடி.
cōlaip pacuṅkiḷiyē tūnīrp peruntuṟaikkōṉ
kōlam poliyuṅ koṭikūṟāy - cālavum
ētilār tuṇṇeṉṉa mēlviḷaṅki ērkāṭṭum
kōtilā ēṟām koṭi.
Keys: ← → turn the page, J K step through the verses.
Illustration: Verse & Place (Project-owned).