திருமுறை 1 — திருநல்லம் · திருநல்லம்
tirunallam
tirunallam
॥
tirunallam, from book 1 of the Tirumurai.
11 passages·Tamil with transliteration
கல்லால் நிழல்மேய கறைசேர் கண்டாவென்
றெல்லா மொழியாலும் இமையோர் தொழுதேத்த
வில்லால் அரண்மூன்றும் வெந்து விழவெய்த
நல்லான் நமையாள்வான் நல்லம் நகரானே.
kallāl niḻalmēya kaṟaicēr kaṇṭāveṉ
ṟellā moḻiyālum imaiyōr toḻutētta
villāl araṇmūṉṟum ventu viḻaveyta
nallāṉ namaiyāḷvāṉ nallam nakarāṉē.
தக்கன் பெருவேள்வி தன்னில் அமரரைத்
துக்கம் பலசெய்து சுடர்பொற் சடைதாழக்
கொக்கின் இறகோடு குளிர்வெண் பிறைசூடும்
நக்கன் நமையாள்வான் நல்லம் நகரானே.
takkaṉ peruvēḷvi taṉṉil amararait
tukkam palaceytu cuṭarpoṟ caṭaitāḻak
kokkiṉ iṟakōṭu kuḷirveṇ piṟaicūṭum
nakkaṉ namaiyāḷvāṉ nallam nakarāṉē.
அந்தி மதியோடும் அரவச் சடைதாழ
முந்தி யனலேந்தி முதுகாட் டெரியாடி
சிந்தித் தெழவல்லார் தீரா வினைதீர்க்கும்
நந்தி நமையாள்வான் நல்லம் நகரானே.
anti matiyōṭum aravac caṭaitāḻa
munti yaṉalēnti mutukāṭ ṭeriyāṭi
cintit teḻavallār tīrā viṉaitīrkkum
nanti namaiyāḷvāṉ nallam nakarāṉē.
குளிரும் மதிசூடிக் கொன்றைச் சடைதாழ
மிளிரும் மரவோடு வெண்ணூல் திகழ்மார்பில்
தளிருந் திகழ்மேனித் தையல் பாகமாய்
நளிரும் வயல்சூழ்ந்த நல்லம் நகரானே.
kuḷirum maticūṭik koṉṟaic caṭaitāḻa
miḷirum maravōṭu veṇṇūl tikaḻmārpil
taḷirun tikaḻmēṉit taiyal pākamāy
naḷirum vayalcūḻnta nallam nakarāṉē.
மணியார் திகழ்கண்டம் முடையான் மலர்மல்கு
பிணிவார் சடையெந்தை பெருமான் கழல்பேணித்
துணிவார் மலர்கொண்டு தொண்டர் தொழுதேத்த
நணியான் நமையாள்வான் நல்லம் நகரானே.
maṇiyār tikaḻkaṇṭam muṭaiyāṉ malarmalku
piṇivār caṭaiyentai perumāṉ kaḻalpēṇit
tuṇivār malarkoṇṭu toṇṭar toḻutētta
naṇiyāṉ namaiyāḷvāṉ nallam nakarāṉē.
வாசம் மலர்மல்கு மலையான் மகளோடும்
பூசுஞ் சுடுநீறு புனைந்தான் விரிகொன்றை
ஈச னெனவுள்கி யெழுவார் வினைகட்கு
நாசன் நமையாள்வான் நல்லம் நகரானே.
vācam malarmalku malaiyāṉ makaḷōṭum
pūcuñ cuṭunīṟu puṉaintāṉ virikoṉṟai
īca ṉeṉavuḷki yeḻuvār viṉaikaṭku
nācaṉ namaiyāḷvāṉ nallam nakarāṉē.
அங்கோல் வளைமங்கை காண அனலேந்திக்
கொங்கார் நறுங்கொன்றை சூடிக் குழகாக
வெங்கா டிடமாக வெந்தீ விளையாடும்
நங்கோன் நமையாள்வான் நல்லம் நகரானே.
aṅkōl vaḷaimaṅkai kāṇa aṉalēntik
koṅkār naṟuṅkoṉṟai cūṭik kuḻakāka
veṅkā ṭiṭamāka ventī viḷaiyāṭum
naṅkōṉ namaiyāḷvāṉ nallam nakarāṉē.
பெண்ணார் திருமேனிப் பெருமான் பிறைமல்கு
கண்ணார் நுதலினான் கயிலை கருத்தினால்
எண்ணா தெடுத்தானை இறையே விரலூன்றி
நண்ணார் புரமெய்தான் நல்லம் நகரானே.
peṇṇār tirumēṉip perumāṉ piṟaimalku
kaṇṇār nutaliṉāṉ kayilai karuttiṉāl
eṇṇā teṭuttāṉai iṟaiyē viralūṉṟi
naṇṇār purameytāṉ nallam nakarāṉē.
நாகத் தணையானும் நளிர்மா மலரானும்
போகத் தியல்பினாற் பொலிய அழகாகும்
ஆகத் தவளோடும் அமர்ந்தங் கழகாரும்
நாகம் மரையார்த்தான் நல்லம் நகரானே.
nākat taṇaiyāṉum naḷirmā malarāṉum
pōkat tiyalpiṉāṟ poliya aḻakākum
ākat tavaḷōṭum amarntaṅ kaḻakārum
nākam maraiyārttāṉ nallam nakarāṉē.
குறியில் சமணோடு குண்டர் வண்தேரர்
அறிவில் லுரைகேட்டங் கவமே கழியாதே
பொறிகொள் ளரவார்த்தான் பொல்லா வினைதீர்க்கும்
நறைகொள் பொழில்சூழ்ந்த நல்லம் நகரானே.
kuṟiyil camaṇōṭu kuṇṭar vaṇtērar
aṟivil luraikēṭṭaṅ kavamē kaḻiyātē
poṟikoḷ ḷaravārttāṉ pollā viṉaitīrkkum
naṟaikoḷ poḻilcūḻnta nallam nakarāṉē.
நலமார் மறையோர்வாழ் நல்லம் நகர்மேய
கொலைசேர் மழுவானைக் கொச்சை யமர்ந்தோங்கு
தலமார் தமிழ்ஞான சம்பந் தன்சொன்ன
கலைக ளிவைவல்லார் கவலை கழிவாரே.
nalamār maṟaiyōrvāḻ nallam nakarmēya
kolaicēr maḻuvāṉaik koccai yamarntōṅku
talamār tamiḻñāṉa campan taṉcoṉṉa
kalaika ḷivaivallār kavalai kaḻivārē.
Keys: ← → turn the page, J K step through the verses.
Illustration: Verse & Place (Project-owned).