Skip to content

Vikramorvashiya 3.2

(परिक्रम्य ) आदिष्टोऽस्मि सनियमया काशिराजपुत्र्या-यथा---- । "व्रतसम्पादनाय मया मानमुत्सृज्य निपुणिकामुखेन पूर्व याचितो । महाराजः। तदेव मद्वचनाद्विज्ञापय” इति यावदहमवसितसन्ध्याकार्यं महाराजं पश्यामि । (परिक्रम्यावलोक्य च) । रमणीयः खलु दिवसावसानवृत्तान्तो राजवेश्मनि----- । उत्कीर्णा इव वासयष्टिषु निशानिद्रालसा बर्हिणो । धूपैर्जालविनिःसृतैर्बलभयः सन्दिग्धपारावताः । आचारप्रयतः सपुष्पबलिषु स्थानेषु चार्चिष्मतीः । सन्ध्यामङ्गलदीपिका विभजते शुद्धान्तवृद्धो जनः ॥ २ ॥

(parikramya ) ādiṣṭo'smi saniyamayā kāśirājaputryā-yathā---- | "vratasampādanāya mayā mānamutsṛjya nipuṇikāmukhena pūrva yācito | mahārājaḥ| tadeva madvacanādvijñāpaya” iti yāvadahamavasitasandhyākāryaṃ mahārājaṃ paśyāmi | (parikramyāvalokya ca) | ramaṇīyaḥ khalu divasāvasānavṛttānto rājaveśmani----- | utkīrṇā iva vāsayaṣṭiṣu niśānidrālasā barhiṇo | dhūpairjālaviniḥsṛtairbalabhayaḥ sandigdhapārāvatāḥ | ācāraprayataḥ sapuṣpabaliṣu sthāneṣu cārciṣmatīḥ | sandhyāmaṅgaladīpikā vibhajate śuddhāntavṛddho janaḥ || 2 ||

Report an error