Skip to content

Vikramorvashiya 3.8

विदूषकः-भो वम्हणसंकामिदक्खरेण दे पिदामहेण अब्भणुण्णादो सि । ता आसणगदो होहि जेण अहं वि सुहासीणो । होमि।[भोः ब्राह्मणसंक्रामिताक्षरेण ते पितामहेनाभ्यनुज्ञातोऽसि । तदासनगतो भव येनाहमपि सुखासीनो भवामि ।] । राजा-(विदूषकवचनं परिगृह्योपविष्टः परिजनं विलोक्य ) अभिव्यक्तायां चन्द्रिकायां किं दीपिकापौनरुक्त्येन । तद्विश्राम्यन्तु भवत्यः । परिजन: -जं देव आणवेदि । [ यद्देव आज्ञापयति ।] । (इति निष्कान्तः ।) । राजा-(चन्द्रमवलोक्य ) वयस्य ! परं मुहूर्तादागमनं देव्याः । तद्विविक्ते कथयामि स्वामवस्थाम् । विदूषकः -भो, ण दीसदि एसा । किं दु ताए तारिसं अणुराअं । पेक्खिअ सकं क्खु आसाबंधेण अत्ताणअं धारिदुम् । [भोः ! । न दृश्यत एषा । किं तु तस्यास्तादृशमनुरागं प्रेक्ष्य शक्यं खल्वाशाबन्धेनात्मानं धारयितुम् ।] । राजा-एवमेतत् । बलवान् पुनर्मम मनसोऽभितापः । नद्या इव प्रवाहो विषमशिलासङ्कटस्खलितवेगः । विघ्नितसमागममुखो मनसिशयस्त्वनुगुणो भवति ॥ ८ ॥

vidūṣakaḥ-bho vamhaṇasaṃkāmidakkhareṇa de pidāmaheṇa abbhaṇuṇṇādo si | tā āsaṇagado hohi jeṇa ahaṃ vi suhāsīṇo | homi|[bhoḥ brāhmaṇasaṃkrāmitākṣareṇa te pitāmahenābhyanujñāto'si | tadāsanagato bhava yenāhamapi sukhāsīno bhavāmi |] | rājā-(vidūṣakavacanaṃ parigṛhyopaviṣṭaḥ parijanaṃ vilokya ) abhivyaktāyāṃ candrikāyāṃ kiṃ dīpikāpaunaruktyena | tadviśrāmyantu bhavatyaḥ | parijana: -jaṃ deva āṇavedi | [ yaddeva ājñāpayati |] | (iti niṣkāntaḥ |) | rājā-(candramavalokya ) vayasya ! paraṃ muhūrtādāgamanaṃ devyāḥ | tadvivikte kathayāmi svāmavasthām | vidūṣakaḥ -bho, ṇa dīsadi esā | kiṃ du tāe tārisaṃ aṇurāaṃ | pekkhia sakaṃ kkhu āsābaṃdheṇa attāṇaaṃ dhāridum | [bhoḥ ! | na dṛśyata eṣā | kiṃ tu tasyāstādṛśamanurāgaṃ prekṣya śakyaṃ khalvāśābandhenātmānaṃ dhārayitum |] | rājā-evametat | balavān punarmama manaso'bhitāpaḥ | nadyā iva pravāho viṣamaśilāsaṅkaṭaskhalitavegaḥ | vighnitasamāgamamukho manasiśayastvanuguṇo bhavati || 8 ||

Report an error