Avimaraka 3.7
धात्री - सा एव इमं उम्मादेदि। सैवेममुन्मादयति।) । नलिनिका - सुट्ठु भणिदं-एसो वि किळिस्शिदि त्ति। (सुष्ठु भणितम् एषोऽपि क्लिश्यत इति।) । धात्री - सुट्ठु विञ्ञादं तुए। सुहं अय्यस्स। (सुष्ठु विज्ञातं त्वया। सुखमार्यस्य।) । अविमारकः - (विलोक्य सव्रीडम्) स्वागतं भवतीभ्याम् । उभे - अवि सुहं। (अपि सुखम्।) । अविमारकः - भविष्यति वां दर्शनेन । धात्री - अय्य! किं चिन्तीअदि। (आर्य! किं चिन्त्यते।) । अविमारकः - भवति! शास्त्रं चिन्त्यते । धात्री - किं णाम एदं रमणीअं सत्थं विवत्थे चिन्तीअदि। (किं नामैतद् रमणीयं शास्त्रं विविक्ते चिन्त्यते।) । अविमारकः - भवति! योगशास्त्रं चिन्त्यते । धात्री - (सस्मितम्) पडिग्गाहिदं मङगळवअणं। जोअसत्थं एव्व होदु। (प्रतिगृहीतं मङ्गलवचनम्। योगशास्त्रमेव भवतु।) । अविमारकः - (आत्मगतम्) को नु खलु वाक्यार्थः। अन्यदप्यभिलाषवशादन्यथा सङ्कल्पयामि। (प्रकाशम्) किमभिप्रेतं भवत्याः । धात्री - जोअं इच्छन्तीओ आअदम्ह। अणुमदो अय्येण जोओ त्ति णं णिट्ठिदं कय्यं अम्हाअं राअउळे विवत्ते अवआसे। तहिं पि को वि । जणो अहिअदरं जोअं चिन्तअन्तो अच्छदि। तेण सह तहिं एव अय्येण सुट्ठु जोअविहाणं चिन्तीअदु त्ति। (योगमिच्छन्त्यावागते । स्वः। अनुमत आर्येण योग इति ननु निष्ठितं कार्यमस्माकं राजकुले विविक्त अवकाशे। तत्रापि कोऽपि जनोऽधिकतरं योगं । चिन्तयन्नस्ति। तेन सह तत्रैवार्येण सुष्ठु योगविधानं चिन्त्यतामिति।) । अविमारकः - कथमद्यापि सावशेषाणि मे भाग्यानि। (आसनादुत्थाय) भवति ! । पुनर्दत्ता इव मे प्राणाः । कुतः, । तस्या भयाकुलितदृष्टिविषं मनोज्ञं । सौम्यप्रकारमतितीक्ष्णमवेक्ष्य वक्त्रम् । उन्मादयभ्युपगतोऽस्मि चिरं भवत्यो- । र्वाक्यामृतेन पुनरद्य कृतः ससंज्ञः ॥ ७ ॥
dhātrī - sā eva imaṃ ummādedi| saivemamunmādayati|) | nalinikā - suṭṭhu bhaṇidaṃ-eso vi kil̤isśidi tti| (suṣṭhu bhaṇitam eṣo'pi kliśyata iti|) | dhātrī - suṭṭhu viññādaṃ tue| suhaṃ ayyassa| (suṣṭhu vijñātaṃ tvayā| sukhamāryasya|) | avimārakaḥ - (vilokya savrīḍam) svāgataṃ bhavatībhyām | ubhe - avi suhaṃ| (api sukham|) | avimārakaḥ - bhaviṣyati vāṃ darśanena | dhātrī - ayya! kiṃ cintīadi| (ārya! kiṃ cintyate|) | avimārakaḥ - bhavati! śāstraṃ cintyate | dhātrī - kiṃ ṇāma edaṃ ramaṇīaṃ satthaṃ vivatthe cintīadi| (kiṃ nāmaitad ramaṇīyaṃ śāstraṃ vivikte cintyate|) | avimārakaḥ - bhavati! yogaśāstraṃ cintyate | dhātrī - (sasmitam) paḍiggāhidaṃ maṅagal̤avaaṇaṃ| joasatthaṃ evva hodu| (pratigṛhītaṃ maṅgalavacanam| yogaśāstrameva bhavatu|) | avimārakaḥ - (ātmagatam) ko nu khalu vākyārthaḥ| anyadapyabhilāṣavaśādanyathā saṅkalpayāmi| (prakāśam) kimabhipretaṃ bhavatyāḥ | dhātrī - joaṃ icchantīo āadamha| aṇumado ayyeṇa joo tti ṇaṃ ṇiṭṭhidaṃ kayyaṃ amhāaṃ rāaul̤e vivatte avaāse| tahiṃ pi ko vi | jaṇo ahiadaraṃ joaṃ cintaanto acchadi| teṇa saha tahiṃ eva ayyeṇa suṭṭhu joavihāṇaṃ cintīadu tti| (yogamicchantyāvāgate | svaḥ| anumata āryeṇa yoga iti nanu niṣṭhitaṃ kāryamasmākaṃ rājakule vivikta avakāśe| tatrāpi ko'pi jano'dhikataraṃ yogaṃ | cintayannasti| tena saha tatraivāryeṇa suṣṭhu yogavidhānaṃ cintyatāmiti|) | avimārakaḥ - kathamadyāpi sāvaśeṣāṇi me bhāgyāni| (āsanādutthāya) bhavati ! | punardattā iva me prāṇāḥ | kutaḥ, | tasyā bhayākulitadṛṣṭiviṣaṃ manojñaṃ | saumyaprakāramatitīkṣṇamavekṣya vaktram | unmādayabhyupagato'smi ciraṃ bhavatyo- | rvākyāmṛtena punaradya kṛtaḥ sasaṃjñaḥ || 7 ||