Avimaraka 3.8
धात्री - दिट्ठिआ अय्येण परिपाळिदो अअं जणो। अळमदिप्पसङ्गेण। अज्ज एव पविसिदव्वं कण्णाउरं। अमच्चो अय्यमूदिओ कण्णा । उरखओ कासिराअदूदेण सह अम्हाअं महाराएण पूइदो पत्थिदो अ। (दिष्ट्यार्येण परिपालितोऽयं जनः। अलमतिप्रसङ्गेन। अद्यैव । प्रवेष्टव्यं कन्यापुरम्। अमात्य आर्यभूतिकः कन्यापुररक्षकः काशिराजदूतेन सहास्माकं महाराजेन पूजितः प्रस्थितश्च।) । अविमारकः - बाढम्। प्रथमः कल्पः। भवति! कस्तावदौषधमुपलभ्य मन्दीभवत्यातुरः । धात्री - पवेसमत्तं एव्व दुळळहं। सक्कं अब्भन्तरे चिरं वसिदुं। (प्रवेशमात्रमेव दुर्लभम्। शक्यमभ्यन्तरे चिरं वस्तुम्।) । अविमारकः - प्रविष्ट एवाहं चिन्तयितव्यः। क्रियतामनर्गलविशाला प्रासादमाला । धात्री - एवं करेम्ह। सव्वं अब्भन्तरकरणीअं संपादेम्ह। अप्पमत्तो एव पविसदु अय्यो। (एवं कुर्वः। सर्वमभ्यन्तरकरणीयं संपादयावः । अप्रमत्त एव प्रविशत्वार्यः।) । अविमारकः - भवति! सकृदभिधीयतां राजकुलस्य विधानम् । धात्री - एवं विअ। (एवमिव।) । अविमारकः - हन्त भोः! । श्रुत्वा तु राज्ञो गृहसंविधानं । प्रविष्टमात्मानमवैति बुद्धिः । न पौरुषं वै परदूषणीयं । न चेद् विसंवादमुपैति दैवम् ॥ ८ ॥
dhātrī - diṭṭhiā ayyeṇa paripāl̤ido aaṃ jaṇo| al̤amadippasaṅgeṇa| ajja eva pavisidavvaṃ kaṇṇāuraṃ| amacco ayyamūdio kaṇṇā | urakhao kāsirāadūdeṇa saha amhāaṃ mahārāeṇa pūido patthido a| (diṣṭyāryeṇa paripālito'yaṃ janaḥ| alamatiprasaṅgena| adyaiva | praveṣṭavyaṃ kanyāpuram| amātya āryabhūtikaḥ kanyāpurarakṣakaḥ kāśirājadūtena sahāsmākaṃ mahārājena pūjitaḥ prasthitaśca|) | avimārakaḥ - bāḍham| prathamaḥ kalpaḥ| bhavati! kastāvadauṣadhamupalabhya mandībhavatyāturaḥ | dhātrī - pavesamattaṃ evva dul̤al̤ahaṃ| sakkaṃ abbhantare ciraṃ vasiduṃ| (praveśamātrameva durlabham| śakyamabhyantare ciraṃ vastum|) | avimārakaḥ - praviṣṭa evāhaṃ cintayitavyaḥ| kriyatāmanargalaviśālā prāsādamālā | dhātrī - evaṃ karemha| savvaṃ abbhantarakaraṇīaṃ saṃpādemha| appamatto eva pavisadu ayyo| (evaṃ kurvaḥ| sarvamabhyantarakaraṇīyaṃ saṃpādayāvaḥ | apramatta eva praviśatvāryaḥ|) | avimārakaḥ - bhavati! sakṛdabhidhīyatāṃ rājakulasya vidhānam | dhātrī - evaṃ via| (evamiva|) | avimārakaḥ - hanta bhoḥ! | śrutvā tu rājño gṛhasaṃvidhānaṃ | praviṣṭamātmānamavaiti buddhiḥ | na pauruṣaṃ vai paradūṣaṇīyaṃ | na ced visaṃvādamupaiti daivam || 8 ||