मायाप्राबल्यवर्णनम् । नारद उवाच । मां दृष्ट्वा नारदं विप्रं विस्मितोऽसौ महीपतिः । क्व गता मम भार्या सा कुतोऽयं मुनिसत्तमः ॥ १ ॥ विललाप नृपस्तत्र हा प्रियेति मुहुर्मुहुः । क्व गता मां परित्यज्य विलपन्तं वियोगिनम् ॥ २ ॥ विना त्वां विपुलश्रोणि वृथा मे जीवितं गृहम् । राज्यं कमलपत्राक्षि किं करोमि शुचिस्मिते ॥ ३ ॥ न प्राणा मे बहिर्यान्ति विरहेण तवाधुना । गतो वै प्रीतिधर्मस्तु त्वामृते प्राणधारणात् ॥ ४ ॥ विलपामि विशालाक्षि देहि प्रत्युत्तरं प्रियम् । क्व गता सा मयि प्रीतिर्याभूत्प्रथमसङ्गमे ॥ ५ ॥ निमग्ना किं जले सुभ्रूर्भक्षिता मत्स्यकच्छपैः । गृहीता वरुणेनाशु मम दौर्भाग्ययोगतः ॥ ६ ॥ धन्या सुचारुसर्वाङ्गि या त्वं पुत्रैः समागता । अकृत्रिमस्तु पुत्रेषु स्नेहस्तेऽमृतभाषिणि ॥ ७ ॥ न युक्तमधुना यन्मां विहाय त्रिदिवं गता । विलपन्तं पतिं दीनं पुत्रस्नेहेन यन्त्रिता ॥ ८ ॥ उभयं मे गतं कान्ते पुत्रास्त्वं प्राणवल्लभा । तथापि मरणं नास्ति दुःखितस्य भृशं प्रिये ॥ ९ ॥ किं करोमि क्व गच्छामि रामो नास्ति महीतले । रामाविरहजं दुःखं जानाति रघुनन्दनः ॥ १० ॥ विधिना निष्ठुरेणात्र विपरीतं कृतं भुवि । दम्पत्योर्मरणं भिन्नं सर्वथा समचित्तयोः ॥ ११ ॥ उपकारस्तु नारीणां मुनिभिर्विहितः किल । यदुक्तं धर्मशास्त्रेषु ज्वलनं पतिना सह ॥ १२ ॥ एवं विलपमानं तं राजानं भगवान्हरिः । निवारयामास तदा वचनैर्युक्तियोजितैः ॥ १३ ॥ श्रीभगवानुवाच । किं विषीदसि राजेन्द्र क्व गता ते प्रियाङ्गना । न श्रुतं किं त्वया शास्त्रं न कृतोऽसौ बुधाश्रयः ॥ १४ ॥
māyāprābalyavarṇanam | nārada uvāca | māṃ dṛṣṭvā nāradaṃ vipraṃ vismito'sau mahīpatiḥ | kva gatā mama bhāryā sā kuto'yaṃ munisattamaḥ || 1 || vilalāpa nṛpastatra hā priyeti muhurmuhuḥ | kva gatā māṃ parityajya vilapantaṃ viyoginam || 2 || vinā tvāṃ vipulaśroṇi vṛthā me jīvitaṃ gṛham | rājyaṃ kamalapatrākṣi kiṃ karomi śucismite || 3 || na prāṇā me bahiryānti viraheṇa tavādhunā | gato vai prītidharmastu tvāmṛte prāṇadhāraṇāt || 4 || vilapāmi viśālākṣi dehi pratyuttaraṃ priyam | kva gatā sā mayi prītiryābhūtprathamasaṅgame || 5 || nimagnā kiṃ jale subhrūrbhakṣitā matsyakacchapaiḥ | gṛhītā varuṇenāśu mama daurbhāgyayogataḥ || 6 || dhanyā sucārusarvāṅgi yā tvaṃ putraiḥ samāgatā | akṛtrimastu putreṣu snehaste'mṛtabhāṣiṇi || 7 || na yuktamadhunā yanmāṃ vihāya tridivaṃ gatā | vilapantaṃ patiṃ dīnaṃ putrasnehena yantritā || 8 || ubhayaṃ me gataṃ kānte putrāstvaṃ prāṇavallabhā | tathāpi maraṇaṃ nāsti duḥkhitasya bhṛśaṃ priye || 9 || kiṃ karomi kva gacchāmi rāmo nāsti mahītale | rāmāvirahajaṃ duḥkhaṃ jānāti raghunandanaḥ || 10 || vidhinā niṣṭhureṇātra viparītaṃ kṛtaṃ bhuvi | dampatyormaraṇaṃ bhinnaṃ sarvathā samacittayoḥ || 11 || upakārastu nārīṇāṃ munibhirvihitaḥ kila | yaduktaṃ dharmaśāstreṣu jvalanaṃ patinā saha || 12 || evaṃ vilapamānaṃ taṃ rājānaṃ bhagavānhariḥ | nivārayāmāsa tadā vacanairyuktiyojitaiḥ || 13 || śrībhagavānuvāca | kiṃ viṣīdasi rājendra kva gatā te priyāṅganā | na śrutaṃ kiṃ tvayā śāstraṃ na kṛto'sau budhāśrayaḥ || 14 ||
Nārada said :—O Best of Munis! The King was greatly astonished to see me dip in the tank in a female figure and get up from the tank in a male figure and thought, Where is my dearest wife? And how is this Nārada Muni suddenly come here! The King, not seeing his wife, lamented very much and cried frequently, O my dear Wife! Where have you gone, leaving me here thus. Without you, O One of spacious hips! My life, palace and kingdom, all, are quite useless. O Lotus-eyed one! What shall I do? O Smiling One! Why is not my life getting out of my body, suffering thus from thy separation? Without you, my sentiment of love has left me for ever. O Large-eyed One! Now I am lamenting for you. O Dear! Better give me your sweet reply; the love that you expressed at our first union, where has it gone now? O One with good eyebrows! Are you sunk in the water and have you given up your life? Or are you devoured by fishes or crocodiles? Or are you carried away by Varuṇa, the Deva of the waters, to my great misfortune? O One of beautiful limbs! You are blessed, as you have gone away with your sons; O sweet-speaking One! Your affection for them was not artificial. Is it right for you to go up to the Heavens, attached by affection for your sons, leaving me your distressed husband alone, thus weeping for your separation? O Dear! I have lost both, you and my sons; yet death is not carrying me away; O! How hard is my lot! What to do? Where to go? Rāma is not now in this world. He knew what was the pain caused by the separation from one’s dearest wife. Oh! The cruel Fate has ordained very unwisely with great inconsistency the periods of parting from one another at different periods; when their minds and all other things are exactly the same in all circumstances of pleasure and pain. The practice of Satī (burning with one’s deceased husband), as ordained by the Munis, is certainly for the good of the chaste women; but it would have been good no doubt, were there such practices allowed for the men to burn themselves with their deceased wives. Bhagavān Hari then spoke to the lamenting King in reasonable words and consoled him thus :—O King! Why are you thus troubling yourself with pain and sorrow? Where has gone your dearest wife? Have you not heard anything of Śāstras? or Have you not taken any shelter of any wise man!