Skip to content

Devi Bhagavata Purana 6.30.38–53

विष्णुरुवाच । पश्य नारद मायावी विलासोऽयं महामते । देहेषु सर्वजन्तूनां दशाभेदा ह्यनेकशः ॥ ३८ ॥ जाग्रत्स्वप्नसुषुप्तिश्च तुरीया देहिनां दशा । तथा देहान्तरे प्राप्ते सन्देहः कीदृशः पुनः ॥ ३९ ॥ सुप्तो नरो न जानाति न शृणोति वदत्यपि । पुनः प्रबुद्धो जानाति सर्वं ज्ञातमशेषतः ॥ ४० ॥ निद्रया चाल्यते चित्तं भवन्ति स्वप्नसम्भवाः । नानाविधा मनोभेदा मनोभावा ह्यनेकशः ॥ ४१ ॥ गजो मां हन्तुमायाति न शक्तोऽस्मि पलायने । किं करोमि न मे स्थानं यत्र गच्छामि सत्वरः ॥ ४२ ॥ मृतं पितामहं स्वप्ने पश्यति स्वगृहागतम् । संयोगस्तेन वार्ता च भोजनं सह मन्यते ॥ ४३ ॥ प्रबुद्धः खलु जानाति स्वप्ने दृष्टं सुखासुखम् । स्मृत्वा सर्वं जनेभ्यस्तु विस्तरात्प्रवदत्यपि ॥ ४४ ॥ स्वप्नेकोऽपि न जानाति भ्रमोऽयमिति निश्चयः । तथा तथैव विभवो मायाया दुर्गमः किल ॥ ४५ ॥ नाहं नारद जानामि पारं परमदुर्घटम् । गुणानां किल मायाया नैव शम्भुर्न पद्मजः ॥ ४६ ॥ कोऽन्यो ज्ञातुं समर्थोऽभून्मानतो मन्दधीः पुनः । मायागुणपरिज्ञानं न कस्यापि भवेदिह ॥ ४७ ॥ गुणत्रयकृतं सर्वं जगत्स्थावरजङ्गमम् । विना गुणैर्न संसारो वर्तते किञ्चिदप्यदः ॥ ४८ ॥ अहं सत्त्वप्रधानोऽस्मि रजस्तमसमन्वितः । न कदाचित्त्रिभिर्हीनो भवामि भुवनेश्वरः ॥ ४९ ॥ तथा ब्रह्मा पिता तेऽत्र रजोमुख्यः प्रकीर्तितः । तमःसत्त्वसमायुक्तो न ताभ्यामुज्झितः किल ॥ ५० ॥ शिवस्तथा तमोमुख्यो रजःसत्त्वसमावृतः । गुणत्रयविहीनस्तु नैव कोऽपि मया श्रुतः ॥ ५१ ॥ तस्मान्मोहो न कर्तव्यः संसारेऽस्मिन्मुनीश्वर । मायाविनिर्मितेऽसारेऽपारे परमदुर्घटे ॥ ५२ ॥ दृष्टा माया त्वयाद्यैव भुक्ता भोगा ह्यनेकशः । किं पृच्छसि महाभाग तस्याश्चरितमद्भुतम् ॥ ५३ ॥

viṣṇuruvāca | paśya nārada māyāvī vilāso'yaṃ mahāmate | deheṣu sarvajantūnāṃ daśābhedā hyanekaśaḥ || 38 || jāgratsvapnasuṣuptiśca turīyā dehināṃ daśā | tathā dehāntare prāpte sandehaḥ kīdṛśaḥ punaḥ || 39 || supto naro na jānāti na śṛṇoti vadatyapi | punaḥ prabuddho jānāti sarvaṃ jñātamaśeṣataḥ || 40 || nidrayā cālyate cittaṃ bhavanti svapnasambhavāḥ | nānāvidhā manobhedā manobhāvā hyanekaśaḥ || 41 || gajo māṃ hantumāyāti na śakto'smi palāyane | kiṃ karomi na me sthānaṃ yatra gacchāmi satvaraḥ || 42 || mṛtaṃ pitāmahaṃ svapne paśyati svagṛhāgatam | saṃyogastena vārtā ca bhojanaṃ saha manyate || 43 || prabuddhaḥ khalu jānāti svapne dṛṣṭaṃ sukhāsukham | smṛtvā sarvaṃ janebhyastu vistarātpravadatyapi || 44 || svapneko'pi na jānāti bhramo'yamiti niścayaḥ | tathā tathaiva vibhavo māyāyā durgamaḥ kila || 45 || nāhaṃ nārada jānāmi pāraṃ paramadurghaṭam | guṇānāṃ kila māyāyā naiva śambhurna padmajaḥ || 46 || ko'nyo jñātuṃ samartho'bhūnmānato mandadhīḥ punaḥ | māyāguṇaparijñānaṃ na kasyāpi bhavediha || 47 || guṇatrayakṛtaṃ sarvaṃ jagatsthāvarajaṅgamam | vinā guṇairna saṃsāro vartate kiñcidapyadaḥ || 48 || ahaṃ sattvapradhāno'smi rajastamasamanvitaḥ | na kadācittribhirhīno bhavāmi bhuvaneśvaraḥ || 49 || tathā brahmā pitā te'tra rajomukhyaḥ prakīrtitaḥ | tamaḥsattvasamāyukto na tābhyāmujjhitaḥ kila || 50 || śivastathā tamomukhyo rajaḥsattvasamāvṛtaḥ | guṇatrayavihīnastu naiva ko'pi mayā śrutaḥ || 51 || tasmānmoho na kartavyaḥ saṃsāre'sminmunīśvara | māyāvinirmite'sāre'pāre paramadurghaṭe || 52 || dṛṣṭā māyā tvayādyaiva bhuktā bhogā hyanekaśaḥ | kiṃ pṛcchasi mahābhāga tasyāścaritamadbhutam || 53 ||

Viṣṇu said :—“Know, O Intelligent Nārada! That all this is merely the Pastime of Māyā. There are many states going on in the bodies of all the living beings. The embodied beings have got their waking, dream, deep sleep and Tūriya (beyond all the three above-mentioned) states; then why you doubt that when there is another body, there would be also the change in the states? When a man sleeps, he knows not anything, he does not hear anything; but when he gets awake, he again comes to know everything completely. The Chitta gets itself moved by sleep; then mind gets different states by dreams and there arises a variety of feelings. A mad elephant is coming to kill me, and I am not able to fly away. What to do? Where to go? There is no place where I can quickly go; thus, in dreams, there arise different mental states. Sometimes we see in dreams that our departed grandfathers are come in our houses. I am seeing them, talking with them and I am dining with them. Whatever pain and pleasure are felt in dreams, when they awake, they know of what happened in their dreams and can also describe in details, recollecting what had then happened. O Nārada! Know the power of Māyā incomprehensible as the things seen in dreams cannot be certainly known that all those are false. O Muni! Neither I, nor Śambhu, nor Brahmā can measure the power wielded by Māyā and Her three Guṇas, very hard to fathom. How, then, can any ordinary mortal know them! Therefore, O Nārada! None is able to fathom the Māyā. This world, moving and non-moving, is fashioned out of the triple Guṇas of the Māyā; nothing whatsoever can exist without them. The predominant Guṇa in Me is Sāttva; but Rājas and Tāmas exist in me; being the Lord of this world, I cannot override the three Guṇas. So your father, Brahmā, is predominant in Rājo Guṇa; but Sāttva and Tāmas never leave Him, Our Mahā Deva is predominant in Tāmo Guṇa, but Sāttva and Rājo are always with him. Therefore, no being can exist as separate from the three Guṇas; this point I have settled in Śruti. Therefore, O Lord of the Munis! Quit this endless Moha for the world, caused by Māyā, and very hard to get over and worship Bhagavatī, Who is of the nature of Brāhmaṇ. O Intelligent One! Now you have seen the power of Māyā; and you have enjoyed many things produced by Māyā and you have realised the extremely wonderful nature of Her. Then why do you ask me further on this point?” Here ends the Thirtieth Chapter of the Sixth Book on the glory of Mahā Māyā in the Mahāpurāṇam Śrī Mad Devi Bhāgavatam of 18,000 verses by Maharṣi Veda Vyāsa.

Report an error