திருமுறை 8 — ஆசைப்பத்து - ஆத்தும இலக்கணம் · ஆசைப்பத்து - ஆத்தும இலக்கணம்
ācaippattu - āttuma ilakkaṇam
ācaippattu - āttuma ilakkaṇam
॥
ācaippattu - āttuma ilakkaṇam, from book 8 of the Tirumurai.
10 passages·Tamil with transliteration
கருடக்கொடியோன் காணமாட்டாக் கழற்சே வடியென்னும்
பொருளைத் தந்திங் கென்னை யாண்ட பொல்லா மணியையோ
இருளைத் துரந்திட் டிங்கே வாவென்றங்கே கூவும்
அருளைப் பெறுவான் ஆசைப்பட்டேன் கண்டாய் அம்மானே.
karuṭakkoṭiyōṉ kāṇamāṭṭāk kaḻaṟcē vaṭiyeṉṉum
poruḷait tantiṅ keṉṉai yāṇṭa pollā maṇiyaiyō
iruḷait turantiṭ ṭiṅkē vāveṉṟaṅkē kūvum
aruḷaip peṟuvāṉ ācaippaṭṭēṉ kaṇṭāy ammāṉē.
மொய்ப்பால் நரம்பு கயிறாக மூளை என்பு தோல் போர்த்த
குப்பாயம்புக் கிருக்க கில்லேன் கூவிக்கொள்ளாய் கோவேயோ
எப்பா லவர்க்கும் அப்பாலாம் என்னாரமுதேயோ
அப்பா காண ஆசைப்பட்டேன் கண்டாய் அம்மானே.
moyppāl narampu kayiṟāka mūḷai eṉpu tōl pōrtta
kuppāyampuk kirukka killēṉ kūvikkoḷḷāy kōvēyō
eppā lavarkkum appālām eṉṉāramutēyō
appā kāṇa ācaippaṭṭēṉ kaṇṭāy ammāṉē.
சீவார்ந் தீமொய்த் தழுக்கொடு திரயுஞ் சிறுகுடில் இது சிதையக்
கூவாய் கோவே கூத்தா காத்தாட் கொள்ளுங் குருமணியே
தேவா தேவர்க் கரியானே சிவனே சிறிதென் முகநோக்கி
ஆவா வென்ன ஆசைப்பட்டேன் கண்டாய் அம்மானே.
cīvārn tīmoyt taḻukkoṭu tirayuñ ciṟukuṭil itu citaiyak
kūvāy kōvē kūttā kāttāṭ koḷḷuṅ kurumaṇiyē
tēvā tēvark kariyāṉē civaṉē ciṟiteṉ mukanōkki
āvā veṉṉa ācaippaṭṭēṉ kaṇṭāy ammāṉē.
மிடைந்தெலும் பூத்தை மிகக்கழுக் கூறல் வீறிலி நடைக்கூடம்
தொடர்ந்தெனை நலியத் துயருறு கின்றேன் சோத்தம் எம்பெருமானே
உடைந்துநைந் துருகி உன்னொளி நோக்கி உன்திரு மலர்ப்பாதம்
அடைந்து நின்றிடவும் ஆசைப்பட்டேன் கண்டாய் அம்மானே.
miṭaintelum pūttai mikakkaḻuk kūṟal vīṟili naṭaikkūṭam
toṭarnteṉai naliyat tuyaruṟu kiṉṟēṉ cōttam emperumāṉē
uṭaintunain turuki uṉṉoḷi nōkki uṉtiru malarppātam
aṭaintu niṉṟiṭavum ācaippaṭṭēṉ kaṇṭāy ammāṉē.
அளிபுண்ணகத்துப் புறந்தோல் மூடி அடியேனுடையாக்கை
புளியம் பழமொத் திருந்தேன் இருந்தும்விடையாய் பொடியாடி
எளிவந்தென்னை ஆண்டுகொண்ட என்னாரமுதேயோ
அளியேன் என்ன ஆசைப்பட்டேன் கண்டாய் அம்மானே.
aḷipuṇṇakattup puṟantōl mūṭi aṭiyēṉuṭaiyākkai
puḷiyam paḻamot tiruntēṉ iruntumviṭaiyāy poṭiyāṭi
eḷivanteṉṉai āṇṭukoṇṭa eṉṉāramutēyō
aḷiyēṉ eṉṉa ācaippaṭṭēṉ kaṇṭāy ammāṉē.
எய்த்தேன் நாயேன் இனியிங் கிருக்ககில்லேன் இவ்வாழ்க்கை
வைத்தாய் வாங்காய் வானோர் அறியா மலர்ச்சே வடியானே
முத்தா உன்றன் முகவொளி நோக்கி முறுவல் நகைகாண
அத்தா சால ஆசைப்பட்டேன் கண்டாய் அம்மானே.
eyttēṉ nāyēṉ iṉiyiṅ kirukkakillēṉ ivvāḻkkai
vaittāy vāṅkāy vāṉōr aṟiyā malarccē vaṭiyāṉē
muttā uṉṟaṉ mukavoḷi nōkki muṟuval nakaikāṇa
attā cāla ācaippaṭṭēṉ kaṇṭāy ammāṉē.
பாரோர் விண்ணோர் பரவியேத்தும் பரனே பரஞ்சோதி
வாராய் வாரா வுலகந்தந்து வந்தாட்கொள்வானே
பேராயிரமும் பரவித் திரிந்தெம் பெருமான் என ஏத்த
ஆரா அமுதே ஆசைப்பட்டேன் கண்டாய் அம்மானே.
pārōr viṇṇōr paraviyēttum paraṉē parañcōti
vārāy vārā vulakantantu vantāṭkoḷvāṉē
pērāyiramum paravit tirintem perumāṉ eṉa ētta
ārā amutē ācaippaṭṭēṉ kaṇṭāy ammāṉē.
கையால் தொழுதென் கழற்சே வடிகள் கழுமத் தழுவிக்கொண்டு
எய்யா தென்றன்தலைமேல் வைத்தெம்பெருமான் பெருமானென்று
ஐயா என்றன் வாயா லரற்றி அழல்சேர மெமுகொப்ப
ஐயாற் றரசே ஆசைப்பட்டேன் கண்டாய் அம்மானே.
kaiyāl toḻuteṉ kaḻaṟcē vaṭikaḷ kaḻumat taḻuvikkoṇṭu
eyyā teṉṟaṉtalaimēl vaittemperumāṉ perumāṉeṉṟu
aiyā eṉṟaṉ vāyā laraṟṟi aḻalcēra memukoppa
aiyāṟ ṟaracē ācaippaṭṭēṉ kaṇṭāy ammāṉē.
செடியா ராக்கைத் திறமற வீசிச் சிவபுரநகர்புக்குக்
கடியார் சோதி கண்டுகொண்டென் கண்ணினை களிகூரப்
படிதா னில்லாப் பரம்பரனே உன்பழஅடியார் கூட்டம்
அடியேன் காண ஆசைப்பட்டேன் கண்டாய் அம்மானே.
ceṭiyā rākkait tiṟamaṟa vīcic civapuranakarpukkuk
kaṭiyār cōti kaṇṭukoṇṭeṉ kaṇṇiṉai kaḷikūrap
paṭitā ṉillāp paramparaṉē uṉpaḻaaṭiyār kūṭṭam
aṭiyēṉ kāṇa ācaippaṭṭēṉ kaṇṭāy ammāṉē.
வெஞ்சேலனைய கண்ணார்தம் வெகுளிவலையில் அகப்பட்டு
நைஞ்சேன் நாயேன் ஞானச் சுடரே நானோர் துணைகாணேன்
பஞ்சேரடியாள் பாகத்தொருவா பவளத் திருவாயால்
அஞ்சேல் என்ன ஆசைப்பட்டேன் கண்டாய் அம்மானே.
veñcēlaṉaiya kaṇṇārtam vekuḷivalaiyil akappaṭṭu
naiñcēṉ nāyēṉ ñāṉac cuṭarē nāṉōr tuṇaikāṇēṉ
pañcēraṭiyāḷ pākattoruvā pavaḷat tiruvāyāl
añcēl eṉṉa ācaippaṭṭēṉ kaṇṭāy ammāṉē.
Keys: ← → turn the page, J K step through the verses.
Illustration: Verse & Place (Project-owned).