பாயிரம் / உற்பத்திக் காண்டம் — அவையடக்கம் · அவையடக்கம்
avaiyaṭakkam
avaiyaṭakkam
॥
avaiyaṭakkam, from Pāyiram and Uṟpatti Kāṇṭam; poems 1.31–1.50.
20 verses·Tamil with transliteration
இறைநில மெழுதுமு னிளைய பாலகன்
முறைவரை வேனென முயல்வ தொக்குமால்
அறுமுக முடையவோ ரமலன் மாக்கதை
சிறியதோ ரறிவினேன் செப்ப நின்றதே.
iṟainila meḻutumu ṉiḷaiya pālakaṉ
muṟaivarai vēṉeṉa muyalva tokkumāl
aṟumuka muṭaiyavō ramalaṉ mākkatai
ciṟiyatō raṟiviṉēṉ ceppa niṉṟatē.
ஆன சொற்றமிழ் வல்ல வறிஞர்முன்
யானு மிக்கதை கூறுதற் கெண்ணுதல்
வான கத்தெழும் வான்கதி ரோன்புடை
மீனி மைப்ப விரும்பிய போலுமால்.
āṉa coṟṟamiḻ valla vaṟiñarmuṉ
yāṉu mikkatai kūṟutaṟ keṇṇutal
vāṉa katteḻum vāṉkati rōṉpuṭai
mīṉi maippa virumpiya pōlumāl.
முன்சொல் கின்ற முனிவட நூறெரீஇத்
தென்சொ லாற்சிறி யேனுரை செய்தலான்
மென்சொ லேனும் வெளிற்றுரை யேனும்வீண்
புன்சொ லேனு மிகழார் புலமையோர்.
muṉcol kiṉṟa muṉivaṭa nūṟerīit
teṉco lāṟciṟi yēṉurai ceytalāṉ
meṉco lēṉum veḷiṟṟurai yēṉumvīṇ
puṉco lēṉu mikaḻār pulamaiyōr.
சிந்து மென்பு சிரம்பிறை தாங்கினோன்
மைந்த னாதலின் மற்றவன் றானுமென்
சந்த மிலுரை யுந்தரிப் பானெனாக்
கந்த னுக்குரைத் தெனிக் கதையினை.
cintu meṉpu cirampiṟai tāṅkiṉōṉ
mainta ṉātaliṉ maṟṟavaṉ ṟāṉumeṉ
canta milurai yuntarip pāṉeṉāk
kanta ṉukkurait teṉik kataiyiṉai.
வெற்றெ னத்தொடுத் தீர்த்து வெளிற்றுரை
முற்று மாக மொழிந்தவென் பாடலிற்
குற்ற நாடினர் கூறுப தொல்லைநூல்
கற்று ணர்ந்த கலைஞரல் லோர்களே.
veṟṟe ṉattoṭut tīrttu veḷiṟṟurai
muṟṟu māka moḻintaveṉ pāṭaliṟ
kuṟṟa nāṭiṉar kūṟupa tollainūl
kaṟṟu ṇarnta kalaiñaral lōrkaḷē.
குற்ற மேதெரி வார்குறு மாமுனி
சொற்ற பாவினு மோர்குறை சொல்வரால்
கற்றி லாவென் கவிவழு வாயினும்
முன்று நாடிவல் லோருய்த் துரைக்கவே.
kuṟṟa mēteri vārkuṟu māmuṉi
coṟṟa pāviṉu mōrkuṟai colvarāl
kaṟṟi lāveṉ kavivaḻu vāyiṉum
muṉṟu nāṭival lōruyt turaikkavē.
குறைபல மாமதி கொளினு மன்னதால்
உறுபய னோக்கியே யுலகம் போற்றல்போற்
சிறியவென் வெளிற்றுரை சிறப்பின் றாயினும்
அறுமுகன் கதையிதென் றறிஞர் கொள்வரே.
kuṟaipala māmati koḷiṉu maṉṉatāl
uṟupaya ṉōkkiyē yulakam pōṟṟalpōṟ
ciṟiyaveṉ veḷiṟṟurai ciṟappiṉ ṟāyiṉum
aṟumukaṉ kataiyiteṉ ṟaṟiñar koḷvarē.
நாதனா ரருள்பெறு நந்தி தந்திடக்
கேரதிலா துணர்சனற் குமரன் கூறிட
வாதரா யணமுனி வகுப்ப வோர்ந்துணர்
சூதனோ தியதுமூ வாறு தொல்கதை.
nātaṉā raruḷpeṟu nanti tantiṭak
kēratilā tuṇarcaṉaṟ kumaraṉ kūṟiṭa
vātarā yaṇamuṉi vakuppa vōrntuṇar
cūtaṉō tiyatumū vāṟu tolkatai.
சொல்லிய புராணமாந் தொகையு ளீசனை
அல்லவர் காதைக ளனையர் செய்கையுள்
நல்லன விரித்திடு நவைகண் மாற்றிடும்
இல்லது முகமனா லெடுத்துக் கூறுமே.
colliya purāṇamān tokaiyu ḷīcaṉai
allavar kātaika ḷaṉaiyar ceykaiyuḷ
nallaṉa virittiṭu navaikaṇ māṟṟiṭum
illatu mukamaṉā leṭuttuk kūṟumē.
பிறையணி சடைமுடிப் பிரான்றன் காதைகள்
இறையுமோர் மறுவில யாவு மேன்மையே
மறைபல சான்றுள வாய்மை யேயவை
அறிஞர்க ணாடியே யவறறைக் காண்கவே.
piṟaiyaṇi caṭaimuṭip pirāṉṟaṉ kātaikaḷ
iṟaiyumōr maṟuvila yāvu mēṉmaiyē
maṟaipala cāṉṟuḷa vāymai yēyavai
aṟiñarka ṇāṭiyē yavaṟaṟaik kāṇkavē.
புவியின ரேனையர் புராணந் தேரினுஞ்
சிவகதை யுணர்கில ரென்னிற் றீருமோ
அவர்மய லரசனை யடைந்தி டாரெனில்
எவரெவ ராக்கமு மினிது போலுமால்.
puviyiṉa rēṉaiyar purāṇan tēriṉuñ
civakatai yuṇarkila reṉṉiṟ ṟīrumō
avarmaya laracaṉai yaṭainti ṭāreṉil
evareva rākkamu miṉitu pōlumāl.
மங்கையோர் பங்குடை வான நாயகற்
கிங்குள பலபுரா ணத்துள் எஃகவேற்
புங்கவன் சீர்புகழ் புராண மொன்றுள
தங்கதி லொருசில வடைவிற் கூறுகேன்.
maṅkaiyōr paṅkuṭai vāṉa nāyakaṟ
kiṅkuḷa palapurā ṇattuḷ eḵkavēṟ
puṅkavaṉ cīrpukaḻ purāṇa moṉṟuḷa
taṅkati lorucila vaṭaiviṟ kūṟukēṉ.
புதுமயி லூர்பரன் புராணத் துற்றிடாக்
கதையிலை யன்னது கணித மின்றரோ
அதுமுழு தறையவெற் கமைதற் பாலதோ
துதியுறு புலமைசேர் சூதற் கல்லதே.
putumayi lūrparaṉ purāṇat tuṟṟiṭāk
kataiyilai yaṉṉatu kaṇita miṉṟarō
atumuḻu taṟaiyaveṟ kamaitaṟ pālatō
tutiyuṟu pulamaicēr cūtaṟ kallatē.
காந்தமா கியபெருங் கடலும் கந்தவேள்
போந்திடு நிமித்தமும் புனிதன் கண்ணிடை
ஏந்தல்வந் தவுணர்கள் யாரு மல்வழி
மாய்ந்திட வடர்த்தது மற்றுங் கூறுகேன்.
kāntamā kiyaperuṅ kaṭalum kantavēḷ
pōntiṭu nimittamum puṉitaṉ kaṇṇiṭai
ēntalvan tavuṇarkaḷ yāru malvaḻi
māyntiṭa vaṭarttatu maṟṟuṅ kūṟukēṉ.
ஏதி லாக்கற்ப மெண்ணில சென்றன
ஆத லாலிக் கதையு மனந்தமாம்
பேத மாகுமப் பேதத்தி னுள்விரித்
தோது காந்தத்தி னுண்மையைக் கூறுகேன்.
ēti lākkaṟpa meṇṇila ceṉṟaṉa
āta lālik kataiyu maṉantamām
pēta mākumap pētatti ṉuḷvirit
tōtu kāntatti ṉuṇmaiyaik kūṟukēṉ.
முன்பு சூதன் மொழிவட நூற்கதை
பின்பி யான்றமிழ்ப் பெற்றியிற் செப்புகேன்
என்ப யன்னெனி லின்றமிழ்த் தேசிகர்
நன்பு லத்தவை காட்டு நயப்பினால்.
muṉpu cūtaṉ moḻivaṭa nūṟkatai
piṉpi yāṉṟamiḻp peṟṟiyiṟ ceppukēṉ
eṉpa yaṉṉeṉi liṉṟamiḻt tēcikar
naṉpu lattavai kāṭṭu nayappiṉāl.
தோற்ற மீறின்றித் தோற்யி சூர்ப்பகைக்
கேற்ற காதைக் கெவன்பெய ரென்றிடின்
ஆற்று மைம்புலத் தாறுசென் மேலையோர்
போற்று கந்த புராணம் தென்பதே.
tōṟṟa mīṟiṉṟit tōṟyi cūrppakaik
kēṟṟa kātaik kevaṉpeya reṉṟiṭiṉ
āṟṟu maimpulat tāṟuceṉ mēlaiyōr
pōṟṟu kanta purāṇam teṉpatē.
பகுதி கொண்டிடு பாக்களி னத்திலுண்
மிகுதி கொண்ட விருத்தத் தொகைகளால்
தொகுதி கொண்டிடு சூர்கிளை சாய்த்தவன்
தகுதி கொண்ட தனிக்கதை சாற்றுகேன்.
pakuti koṇṭiṭu pākkaḷi ṉattiluṇ
mikuti koṇṭa viruttat tokaikaḷāl
tokuti koṇṭiṭu cūrkiḷai cāyttavaṉ
takuti koṇṭa taṉikkatai cāṟṟukēṉ.
செந்த மிழ்க்கு வரம்பெனச் செப்பிய
முந்து காஞ்சியின் முற்றுணர் மேலவர்
கந்த னெந்தை கதையினை நூன்முறை
தந்தி டென்னத் தமிய னியம்புகேன்.
centa miḻkku varampeṉac ceppiya
muntu kāñciyiṉ muṟṟuṇar mēlavar
kanta ṉentai kataiyiṉai nūṉmuṟai
tanti ṭeṉṉat tamiya ṉiyampukēṉ.
வெம்பு சூர்முதல் வீட்டிய வேற்படை
நம்பி காதையை நற்றமிழ்ப் பாடலால்
உம்பர் போற்ற வுமையுடன் மேவிய
கம்பர் காஞ்சியிற் கட்டுரைத் தேனியான்.
vempu cūrmutal vīṭṭiya vēṟpaṭai
nampi kātaiyai naṟṟamiḻp pāṭalāl
umpar pōṟṟa vumaiyuṭaṉ mēviya
kampar kāñciyiṟ kaṭṭurait tēṉiyāṉ.
Keys: ← → turn the page, J K step through the verses.
Illustration: Verse & Place (Project-owned).