Skip to content

अयोध्याकाण्ड · अयोध्याकाण्ड

Ayodhya Kanda

Part 10 of 10: verses 2656–2947 of 2,947Awadhi with transliteration

रामु सनेह सकोच बस कह ससोच सुरराज । रचहु प्रपंचहि पंच मिलि नाहिं त भयउ अकाजु ॥ २९४ ॥

rāmu saneha sakoca basa kaha sasoca surarāja | racahu prapaṃcahi paṃca mili nāhiṃ ta bhayau akāju || 294 ||

Report an error

सुरन्ह सुमिरि सारदा सराही। देबि देव सरनागत पाही

suranha sumiri sāradā sarāhī| debi deva saranāgata pāhī

Report an error

फेरि भरत मति करि निज माया। पालु बिबुध कुल करि छल छाया

pheri bharata mati kari nija māyā| pālu bibudha kula kari chala chāyā

Report an error

बिबुध बिनय सुनि देबि सयानी। बोली सुर स्वारथ जड़ जानी

bibudha binaya suni debi sayānī| bolī sura svāratha jar̤a jānī

Report an error

मो सन कहहु भरत मति फेरू। लोचन सहस न सूझ सुमेरू

mo sana kahahu bharata mati pherū| locana sahasa na sūjha sumerū

Report an error

बिधि हरि हर माया बड़ि भारी। सोउ न भरत मति सकइ निहारी

bidhi hari hara māyā bar̤i bhārī| sou na bharata mati sakai nihārī

Report an error

सो मति मोहि कहत करु भोरी। चंदिनि कर कि चंडकर चोरी

so mati mohi kahata karu bhorī| caṃdini kara ki caṃḍakara corī

Report an error

भरत हृदयँ सिय राम निवासू। तहँ कि तिमिर जहँ तरनि प्रकासू

bharata hṛdaya~ siya rāma nivāsū| taha~ ki timira jaha~ tarani prakāsū

Report an error

अस कहि सारद गइ बिधि लोका। बिबुध बिकल निसि मानहुँ कोका

asa kahi sārada gai bidhi lokā| bibudha bikala nisi mānahu~ kokā

Report an error

सुर स्वारथी मलीन मन कीन्ह कुमंत्र कुठाटु । रचि प्रपंच माया प्रबल भय भ्रम अरति उचाटु ॥ २९५ ॥

sura svārathī malīna mana kīnha kumaṃtra kuṭhāṭu | raci prapaṃca māyā prabala bhaya bhrama arati ucāṭu || 295 ||

Report an error

करि कुचालि सोचत सुरराजू। भरत हाथ सबु काजु अकाजू

kari kucāli socata surarājū| bharata hātha sabu kāju akājū

Report an error

गए जनकु रघुनाथ समीपा। सनमाने सब रबिकुल दीपा

gae janaku raghunātha samīpā| sanamāne saba rabikula dīpā

Report an error

समय समाज धरम अबिरोधा। बोले तब रघुबंस पुरोधा

samaya samāja dharama abirodhā| bole taba raghubaṃsa purodhā

Report an error

जनक भरत संबादु सुनाई। भरत कहाउति कही सुहाई

janaka bharata saṃbādu sunāī| bharata kahāuti kahī suhāī

Report an error

तात राम जस आयसु देहू। सो सबु करै मोर मत एहू

tāta rāma jasa āyasu dehū| so sabu karai mora mata ehū

Report an error

सुनि रघुनाथ जोरि जुग पानी। बोले सत्य सरल मृदु बानी

suni raghunātha jori juga pānī| bole satya sarala mṛdu bānī

Report an error

बिद्यमान आपुनि मिथिलेसू। मोर कहब सब भाँति भदेसू

bidyamāna āpuni mithilesū| mora kahaba saba bhā~ti bhadesū

Report an error

राउर राय रजायसु होई। राउरि सपथ सही सिर सोई

rāura rāya rajāyasu hoī| rāuri sapatha sahī sira soī

Report an error

राम सपथ सुनि मुनि जनकु सकुचे सभा समेत । सकल बिलोकत भरत मुखु बनइ न उतरु देत ॥ २९६ ॥

rāma sapatha suni muni janaku sakuce sabhā sameta | sakala bilokata bharata mukhu banai na utaru deta || 296 ||

Report an error

सभा सकुच बस भरत निहारी। रामबंधु धरि धीरजु भारी

sabhā sakuca basa bharata nihārī| rāmabaṃdhu dhari dhīraju bhārī

Report an error

कुसमउ देखि सनेहु सँभारा। बढ़त बिंधि जिमि घटज निवारा

kusamau dekhi sanehu sa~bhārā| bar̤hata biṃdhi jimi ghaṭaja nivārā

Report an error

सोक कनकलोचन मति छोनी। हरी बिमल गुन गन जगजोनी

soka kanakalocana mati chonī| harī bimala guna gana jagajonī

Report an error

भरत बिबेक बराहँ बिसाला। अनायास उधरी तेहि काला

bharata bibeka barāha~ bisālā| anāyāsa udharī tehi kālā

Report an error

करि प्रनामु सब कहँ कर जोरे। रामु राउ गुर साधु निहोरे

kari pranāmu saba kaha~ kara jore| rāmu rāu gura sādhu nihore

Report an error

छमब आजु अति अनुचित मोरा। कहउँ बदन मृदु बचन कठोरा

chamaba āju ati anucita morā| kahau~ badana mṛdu bacana kaṭhorā

Report an error

हियँ सुमिरी सारदा सुहाई। मानस तें मुख पंकज आई

hiya~ sumirī sāradā suhāī| mānasa teṃ mukha paṃkaja āī

Report an error

बिमल बिबेक धरम नय साली। भरत भारती मंजु मराली

bimala bibeka dharama naya sālī| bharata bhāratī maṃju marālī

Report an error

निरखि बिबेक बिलोचनन्हि सिथिल सनेहँ समाजु । करि प्रनामु बोले भरतु सुमिरि सीय रघुराजु ॥ २९७ ॥

nirakhi bibeka bilocananhi sithila saneha~ samāju | kari pranāmu bole bharatu sumiri sīya raghurāju || 297 ||

Report an error

प्रभु पितु मातु सुह्रद गुर स्वामी। पूज्य परम हित अतंरजामी

prabhu pitu mātu suhrada gura svāmī| pūjya parama hita ataṃrajāmī

Report an error

सरल सुसाहिबु सील निधानू। प्रनतपाल सर्बग्य सुजानू

sarala susāhibu sīla nidhānū| pranatapāla sarbagya sujānū

Report an error

समरथ सरनागत हितकारी। गुनगाहकु अवगुन अघ हारी

samaratha saranāgata hitakārī| gunagāhaku avaguna agha hārī

Report an error

स्वामि गोसाँइहि सरिस गोसाई। मोहि समान मैं साइँ दोहाई

svāmi gosā~ihi sarisa gosāī| mohi samāna maiṃ sāi~ dohāī

Report an error

प्रभु पितु बचन मोह बस पेली। आयउँ इहाँ समाजु सकेली

prabhu pitu bacana moha basa pelī| āyau~ ihā~ samāju sakelī

Report an error

जग भल पोच ऊँच अरु नीचू। अमिअ अमरपद माहुरु मीचू

jaga bhala poca ū~ca aru nīcū| amia amarapada māhuru mīcū

Report an error

राम रजाइ मेट मन माहीं। देखा सुना कतहुँ कोउ नाहीं

rāma rajāi meṭa mana māhīṃ| dekhā sunā katahu~ kou nāhīṃ

Report an error

सो मैं सब बिधि कीन्हि ढिठाई। प्रभु मानी सनेह सेवकाई

so maiṃ saba bidhi kīnhi ḍhiṭhāī| prabhu mānī saneha sevakāī

Report an error

कृपाँ भलाई आपनी नाथ कीन्ह भल मोर । दूषन भे भूषन सरिस सुजसु चारु चहु ओर ॥ २९८ ॥

kṛpā~ bhalāī āpanī nātha kīnha bhala mora | dūṣana bhe bhūṣana sarisa sujasu cāru cahu ora || 298 ||

Report an error

राउरि रीति सुबानि बड़ाई। जगत बिदित निगमागम गाई

rāuri rīti subāni bar̤āī| jagata bidita nigamāgama gāī

Report an error

कूर कुटिल खल कुमति कलंकी। नीच निसील निरीस निसंकी

kūra kuṭila khala kumati kalaṃkī| nīca nisīla nirīsa nisaṃkī

Report an error

तेउ सुनि सरन सामुहें आए। सकृत प्रनामु किहें अपनाए

teu suni sarana sāmuheṃ āe| sakṛta pranāmu kiheṃ apanāe

Report an error

देखि दोष कबहुँ न उर आने। सुनि गुन साधु समाज बखाने

dekhi doṣa kabahu~ na ura āne| suni guna sādhu samāja bakhāne

Report an error

को साहिब सेवकहि नेवाजी। आपु समाज साज सब साजी

ko sāhiba sevakahi nevājī| āpu samāja sāja saba sājī

Report an error

निज करतूति न समुझिअ सपनें। सेवक सकुच सोचु उर अपनें

nija karatūti na samujhia sapaneṃ| sevaka sakuca socu ura apaneṃ

Report an error

सो गोसाइँ नहि दूसर कोपी। भुजा उठाइ कहउँ पन रोपी

so gosāi~ nahi dūsara kopī| bhujā uṭhāi kahau~ pana ropī

Report an error

पसु नाचत सुक पाठ प्रबीना। गुन गति नट पाठक आधीना

pasu nācata suka pāṭha prabīnā| guna gati naṭa pāṭhaka ādhīnā

Report an error

यों सुधारि सनमानि जन किए साधु सिरमोर । को कृपाल बिनु पालिहै बिरिदावलि बरजोर ॥ २९९ ॥

yoṃ sudhāri sanamāni jana kie sādhu siramora | ko kṛpāla binu pālihai biridāvali barajora || 299 ||

Report an error

सोक सनेहँ कि बाल सुभाएँ। आयउँ लाइ रजायसु बाएँ

soka saneha~ ki bāla subhāe~| āyau~ lāi rajāyasu bāe~

Report an error

तबहुँ कृपाल हेरि निज ओरा। सबहि भाँति भल मानेउ मोरा

tabahu~ kṛpāla heri nija orā| sabahi bhā~ti bhala māneu morā

Report an error

देखेउँ पाय सुमंगल मूला। जानेउँ स्वामि सहज अनुकूला

dekheu~ pāya sumaṃgala mūlā| jāneu~ svāmi sahaja anukūlā

Report an error

बड़ें समाज बिलोकेउँ भागू। बड़ीं चूक साहिब अनुरागू

bar̤eṃ samāja bilokeu~ bhāgū| bar̤īṃ cūka sāhiba anurāgū

Report an error

कृपा अनुग्रह अंगु अघाई। कीन्हि कृपानिधि सब अधिकाई

kṛpā anugraha aṃgu aghāī| kīnhi kṛpānidhi saba adhikāī

Report an error

राखा मोर दुलार गोसाईं। अपनें सील सुभायँ भलाईं

rākhā mora dulāra gosāīṃ| apaneṃ sīla subhāya~ bhalāīṃ

Report an error

नाथ निपट मैं कीन्हि ढिठाई। स्वामि समाज सकोच बिहाई

nātha nipaṭa maiṃ kīnhi ḍhiṭhāī| svāmi samāja sakoca bihāī

Report an error

अबिनय बिनय जथारुचि बानी। छमिहि देउ अति आरति जानी

abinaya binaya jathāruci bānī| chamihi deu ati ārati jānī

Report an error

सुह्रद सुजान सुसाहिबहि बहुत कहब बड़ि खोरि । आयसु देइअ देव अब सबइ सुधारी मोरि ॥ ३०० ॥

suhrada sujāna susāhibahi bahuta kahaba bar̤i khori | āyasu deia deva aba sabai sudhārī mori || 300 ||

Report an error

प्रभु पद पदुम पराग दोहाई। सत्य सुकृत सुख सीवँ सुहाई

prabhu pada paduma parāga dohāī| satya sukṛta sukha sīva~ suhāī

Report an error

सो करि कहउँ हिए अपने की। रुचि जागत सोवत सपने की

so kari kahau~ hie apane kī| ruci jāgata sovata sapane kī

Report an error

सहज सनेहँ स्वामि सेवकाई। स्वारथ छल फल चारि बिहाई

sahaja saneha~ svāmi sevakāī| svāratha chala phala cāri bihāī

Report an error

अग्या सम न सुसाहिब सेवा। सो प्रसादु जन पावै देवा

agyā sama na susāhiba sevā| so prasādu jana pāvai devā

Report an error

अस कहि प्रेम बिबस भए भारी। पुलक सरीर बिलोचन बारी

asa kahi prema bibasa bhae bhārī| pulaka sarīra bilocana bārī

Report an error

प्रभु पद कमल गहे अकुलाई। समउ सनेहु न सो कहि जाई

prabhu pada kamala gahe akulāī| samau sanehu na so kahi jāī

Report an error

कृपासिंधु सनमानि सुबानी। बैठाए समीप गहि पानी

kṛpāsiṃdhu sanamāni subānī| baiṭhāe samīpa gahi pānī

Report an error

भरत बिनय सुनि देखि सुभाऊ। सिथिल सनेहँ सभा रघुराऊ

bharata binaya suni dekhi subhāū| sithila saneha~ sabhā raghurāū

Report an error

रघुराउ सिथिल सनेहँ साधु समाज मुनि मिथिला धनी । मन महुँ सराहत भरत भायप भगति की महिमा घनी । भरतहि प्रसंसत बिबुध बरषत सुमन मानस मलिन से । तुलसी बिकल सब लोग सुनि सकुचे निसागम नलिन से

raghurāu sithila saneha~ sādhu samāja muni mithilā dhanī | mana mahu~ sarāhata bharata bhāyapa bhagati kī mahimā ghanī | bharatahi prasaṃsata bibudha baraṣata sumana mānasa malina se | tulasī bikala saba loga suni sakuce nisāgama nalina se

Report an error

देखि दुखारी दीन दुहु समाज नर नारि सब । मघवा महा मलीन मुए मारि मंगल चहत ॥ ३०१ ॥

dekhi dukhārī dīna duhu samāja nara nāri saba | maghavā mahā malīna mue māri maṃgala cahata || 301 ||

Report an error

कपट कुचालि सीवँ सुरराजू। पर अकाज प्रिय आपन काजू

kapaṭa kucāli sīva~ surarājū| para akāja priya āpana kājū

Report an error

काक समान पाकरिपु रीती। छली मलीन कतहुँ न प्रतीती

kāka samāna pākaripu rītī| chalī malīna katahu~ na pratītī

Report an error

प्रथम कुमत करि कपटु सँकेला। सो उचाटु सब कें सिर मेला

prathama kumata kari kapaṭu sa~kelā| so ucāṭu saba keṃ sira melā

Report an error

सुरमायाँ सब लोग बिमोहे। राम प्रेम अतिसय न बिछोहे

suramāyā~ saba loga bimohe| rāma prema atisaya na bichohe

Report an error

भय उचाट बस मन थिर नाहीं। छन बन रुचि छन सदन सोहाहीं

bhaya ucāṭa basa mana thira nāhīṃ| chana bana ruci chana sadana sohāhīṃ

Report an error

दुबिध मनोगति प्रजा दुखारी। सरित सिंधु संगम जनु बारी

dubidha manogati prajā dukhārī| sarita siṃdhu saṃgama janu bārī

Report an error

दुचित कतहुँ परितोषु न लहहीं। एक एक सन मरमु न कहहीं

ducita katahu~ paritoṣu na lahahīṃ| eka eka sana maramu na kahahīṃ

Report an error

लखि हियँ हँसि कह कृपानिधानू। सरिस स्वान मघवान जुबानू

lakhi hiya~ ha~si kaha kṛpānidhānū| sarisa svāna maghavāna jubānū

Report an error

भरतु जनकु मुनिजन सचिव साधु सचेत बिहाइ । लागि देवमाया सबहि जथाजोगु जनु पाइ ॥ ३०२ ॥

bharatu janaku munijana saciva sādhu saceta bihāi | lāgi devamāyā sabahi jathājogu janu pāi || 302 ||

Report an error

कृपासिंधु लखि लोग दुखारे। निज सनेहँ सुरपति छल भारे

kṛpāsiṃdhu lakhi loga dukhāre| nija saneha~ surapati chala bhāre

Report an error

सभा राउ गुर महिसुर मंत्री। भरत भगति सब कै मति जंत्री

sabhā rāu gura mahisura maṃtrī| bharata bhagati saba kai mati jaṃtrī

Report an error

रामहि चितवत चित्र लिखे से। सकुचत बोलत बचन सिखे से

rāmahi citavata citra likhe se| sakucata bolata bacana sikhe se

Report an error

भरत प्रीति नति बिनय बड़ाई। सुनत सुखद बरनत कठिनाई

bharata prīti nati binaya bar̤āī| sunata sukhada baranata kaṭhināī

Report an error

जासु बिलोकि भगति लवलेसू। प्रेम मगन मुनिगन मिथिलेसू

jāsu biloki bhagati lavalesū| prema magana munigana mithilesū

Report an error

महिमा तासु कहै किमि तुलसी। भगति सुभायँ सुमति हियँ हुलसी

mahimā tāsu kahai kimi tulasī| bhagati subhāya~ sumati hiya~ hulasī

Report an error

आपु छोटि महिमा बड़ि जानी। कबिकुल कानि मानि सकुचानी

āpu choṭi mahimā bar̤i jānī| kabikula kāni māni sakucānī

Report an error

कहि न सकति गुन रुचि अधिकाई। मति गति बाल बचन की नाई

kahi na sakati guna ruci adhikāī| mati gati bāla bacana kī nāī

Report an error

भरत बिमल जसु बिमल बिधु सुमति चकोरकुमारि । उदित बिमल जन हृदय नभ एकटक रही निहारि ॥ ३०३ ॥

bharata bimala jasu bimala bidhu sumati cakorakumāri | udita bimala jana hṛdaya nabha ekaṭaka rahī nihāri || 303 ||

Report an error

भरत सुभाउ न सुगम निगमहूँ। लघु मति चापलता कबि छमहूँ

bharata subhāu na sugama nigamahū~| laghu mati cāpalatā kabi chamahū~

Report an error

कहत सुनत सति भाउ भरत को। सीय राम पद होइ न रत को

kahata sunata sati bhāu bharata ko| sīya rāma pada hoi na rata ko

Report an error

सुमिरत भरतहि प्रेमु राम को। जेहि न सुलभ तेहि सरिस बाम को

sumirata bharatahi premu rāma ko| jehi na sulabha tehi sarisa bāma ko

Report an error

देखि दयाल दसा सबही की। राम सुजान जानि जन जी की

dekhi dayāla dasā sabahī kī| rāma sujāna jāni jana jī kī

Report an error

धरम धुरीन धीर नय नागर। सत्य सनेह सील सुख सागर

dharama dhurīna dhīra naya nāgara| satya saneha sīla sukha sāgara

Report an error

देसु काल लखि समउ समाजू। नीति प्रीति पालक रघुराजू

desu kāla lakhi samau samājū| nīti prīti pālaka raghurājū

Report an error

बोले बचन बानि सरबसु से। हित परिनाम सुनत ससि रसु से

bole bacana bāni sarabasu se| hita parināma sunata sasi rasu se

Report an error

तात भरत तुम्ह धरम धुरीना। लोक बेद बिद प्रेम प्रबीना

tāta bharata tumha dharama dhurīnā| loka beda bida prema prabīnā

Report an error

करम बचन मानस बिमल तुम्ह समान तुम्ह तात । गुर समाज लघु बंधु गुन कुसमयँ किमि कहि जात ॥ ३०४ ॥

karama bacana mānasa bimala tumha samāna tumha tāta | gura samāja laghu baṃdhu guna kusamaya~ kimi kahi jāta || 304 ||

Report an error

जानहु तात तरनि कुल रीती। सत्यसंध पितु कीरति प्रीती

jānahu tāta tarani kula rītī| satyasaṃdha pitu kīrati prītī

Report an error

समउ समाजु लाज गुरुजन की। उदासीन हित अनहित मन की

samau samāju lāja gurujana kī| udāsīna hita anahita mana kī

Report an error

तुम्हहि बिदित सबही कर करमू। आपन मोर परम हित धरमू

tumhahi bidita sabahī kara karamū| āpana mora parama hita dharamū

Report an error

मोहि सब भाँति भरोस तुम्हारा। तदपि कहउँ अवसर अनुसारा

mohi saba bhā~ti bharosa tumhārā| tadapi kahau~ avasara anusārā

Report an error

तात तात बिनु बात हमारी। केवल गुरुकुल कृपाँ सँभारी

tāta tāta binu bāta hamārī| kevala gurukula kṛpā~ sa~bhārī

Report an error

नतरु प्रजा परिजन परिवारू। हमहि सहित सबु होत खुआरू

nataru prajā parijana parivārū| hamahi sahita sabu hota khuārū

Report an error

जौं बिनु अवसर अथवँ दिनेसू। जग केहि कहहु न होइ कलेसू

jauṃ binu avasara athava~ dinesū| jaga kehi kahahu na hoi kalesū

Report an error

तस उतपातु तात बिधि कीन्हा। मुनि मिथिलेस राखि सबु लीन्हा

tasa utapātu tāta bidhi kīnhā| muni mithilesa rākhi sabu līnhā

Report an error

राज काज सब लाज पति धरम धरनि धन धाम । गुर प्रभाउ पालिहि सबहि भल होइहि परिनाम ॥ ३०५ ॥

rāja kāja saba lāja pati dharama dharani dhana dhāma | gura prabhāu pālihi sabahi bhala hoihi parināma || 305 ||

Report an error

सहित समाज तुम्हार हमारा। घर बन गुर प्रसाद रखवारा

sahita samāja tumhāra hamārā| ghara bana gura prasāda rakhavārā

Report an error

मातु पिता गुर स्वामि निदेसू। सकल धरम धरनीधर सेसू

mātu pitā gura svāmi nidesū| sakala dharama dharanīdhara sesū

Report an error

सो तुम्ह करहु करावहु मोहू। तात तरनिकुल पालक होहू

so tumha karahu karāvahu mohū| tāta taranikula pālaka hohū

Report an error

साधक एक सकल सिधि देनी। कीरति सुगति भूतिमय बेनी

sādhaka eka sakala sidhi denī| kīrati sugati bhūtimaya benī

Report an error

सो बिचारि सहि संकटु भारी। करहु प्रजा परिवारु सुखारी

so bicāri sahi saṃkaṭu bhārī| karahu prajā parivāru sukhārī

Report an error

बाँटी बिपति सबहिं मोहि भाई। तुम्हहि अवधि भरि बड़ि कठिनाई

bā~ṭī bipati sabahiṃ mohi bhāī| tumhahi avadhi bhari bar̤i kaṭhināī

Report an error

जानि तुम्हहि मृदु कहउँ कठोरा। कुसमयँ तात न अनुचित मोरा

jāni tumhahi mṛdu kahau~ kaṭhorā| kusamaya~ tāta na anucita morā

Report an error

होहिं कुठायँ सुबंधु सुहाए। ओड़िअहिं हाथ असनिहु के घाए

hohiṃ kuṭhāya~ subaṃdhu suhāe| or̤iahiṃ hātha asanihu ke ghāe

Report an error

सेवक कर पद नयन से मुख सो साहिबु होइ । तुलसी प्रीति कि रीति सुनि सुकबि सराहहिं सोइ ॥ ३०६ ॥

sevaka kara pada nayana se mukha so sāhibu hoi | tulasī prīti ki rīti suni sukabi sarāhahiṃ soi || 306 ||

Report an error

सभा सकल सुनि रघुबर बानी। प्रेम पयोधि अमिअ जनु सानी

sabhā sakala suni raghubara bānī| prema payodhi amia janu sānī

Report an error

सिथिल समाज सनेह समाधी। देखि दसा चुप सारद साधी

sithila samāja saneha samādhī| dekhi dasā cupa sārada sādhī

Report an error

भरतहि भयउ परम संतोषू। सनमुख स्वामि बिमुख दुख दोषू

bharatahi bhayau parama saṃtoṣū| sanamukha svāmi bimukha dukha doṣū

Report an error

मुख प्रसन्न मन मिटा बिषादू। भा जनु गूँगेहि गिरा प्रसादू

mukha prasanna mana miṭā biṣādū| bhā janu gū~gehi girā prasādū

Report an error

कीन्ह सप्रेम प्रनामु बहोरी। बोले पानि पंकरुह जोरी

kīnha saprema pranāmu bahorī| bole pāni paṃkaruha jorī

Report an error

नाथ भयउ सुखु साथ गए को। लहेउँ लाहु जग जनमु भए को

nātha bhayau sukhu sātha gae ko| laheu~ lāhu jaga janamu bhae ko

Report an error

अब कृपाल जस आयसु होई। करौं सीस धरि सादर सोई

aba kṛpāla jasa āyasu hoī| karauṃ sīsa dhari sādara soī

Report an error

सो अवलंब देव मोहि देई। अवधि पारु पावौं जेहि सेई

so avalaṃba deva mohi deī| avadhi pāru pāvauṃ jehi seī

Report an error

देव देव अभिषेक हित गुर अनुसासनु पाइ । आनेउँ सब तीरथ सलिलु तेहि कहँ काह रजाइ ॥ ३०७ ॥

deva deva abhiṣeka hita gura anusāsanu pāi | āneu~ saba tīratha salilu tehi kaha~ kāha rajāi || 307 ||

Report an error

एकु मनोरथु बड़ मन माहीं। सभयँ सकोच जात कहि नाहीं

eku manorathu bar̤a mana māhīṃ| sabhaya~ sakoca jāta kahi nāhīṃ

Report an error

कहहु तात प्रभु आयसु पाई। बोले बानि सनेह सुहाई

kahahu tāta prabhu āyasu pāī| bole bāni saneha suhāī

Report an error

चित्रकूट सुचि थल तीरथ बन। खग मृग सर सरि निर्झर गिरिगन

citrakūṭa suci thala tīratha bana| khaga mṛga sara sari nirjhara girigana

Report an error

प्रभु पद अंकित अवनि बिसेषी। आयसु होइ त आवौं देखी

prabhu pada aṃkita avani biseṣī| āyasu hoi ta āvauṃ dekhī

Report an error

अवसि अत्रि आयसु सिर धरहू। तात बिगतभय कानन चरहू

avasi atri āyasu sira dharahū| tāta bigatabhaya kānana carahū

Report an error

मुनि प्रसाद बनु मंगल दाता। पावन परम सुहावन भ्राता

muni prasāda banu maṃgala dātā| pāvana parama suhāvana bhrātā

Report an error

रिषिनायकु जहँ आयसु देहीं। राखेहु तीरथ जलु थल तेहीं

riṣināyaku jaha~ āyasu dehīṃ| rākhehu tīratha jalu thala tehīṃ

Report an error

सुनि प्रभु बचन भरत सुख पावा। मुनि पद कमल मुदित सिरु नावा

suni prabhu bacana bharata sukha pāvā| muni pada kamala mudita siru nāvā

Report an error

भरत राम संबादु सुनि सकल सुमंगल मूल । सुर स्वारथी सराहि कुल बरषत सुरतरु फूल ॥ ३०८ ॥

bharata rāma saṃbādu suni sakala sumaṃgala mūla | sura svārathī sarāhi kula baraṣata surataru phūla || 308 ||

Report an error

धन्य भरत जय राम गोसाईं। कहत देव हरषत बरिआई

dhanya bharata jaya rāma gosāīṃ| kahata deva haraṣata bariāī

Report an error

मुनि मिथिलेस सभाँ सब काहू। भरत बचन सुनि भयउ उछाहू

muni mithilesa sabhā~ saba kāhū| bharata bacana suni bhayau uchāhū

Report an error

भरत राम गुन ग्राम सनेहू। पुलकि प्रसंसत राउ बिदेहू

bharata rāma guna grāma sanehū| pulaki prasaṃsata rāu bidehū

Report an error

सेवक स्वामि सुभाउ सुहावन। नेमु पेमु अति पावन पावन

sevaka svāmi subhāu suhāvana| nemu pemu ati pāvana pāvana

Report an error

मति अनुसार सराहन लागे। सचिव सभासद सब अनुरागे

mati anusāra sarāhana lāge| saciva sabhāsada saba anurāge

Report an error

सुनि सुनि राम भरत संबादू। दुहु समाज हियँ हरषु बिषादू

suni suni rāma bharata saṃbādū| duhu samāja hiya~ haraṣu biṣādū

Report an error

राम मातु दुखु सुखु सम जानी। कहि गुन राम प्रबोधीं रानी

rāma mātu dukhu sukhu sama jānī| kahi guna rāma prabodhīṃ rānī

Report an error

एक कहहिं रघुबीर बड़ाई। एक सराहत भरत भलाई

eka kahahiṃ raghubīra bar̤āī| eka sarāhata bharata bhalāī

Report an error

अत्रि कहेउ तब भरत सन सैल समीप सुकूप । राखिअ तीरथ तोय तहँ पावन अमिअ अनूप ॥ ३०९ ॥

atri kaheu taba bharata sana saila samīpa sukūpa | rākhia tīratha toya taha~ pāvana amia anūpa || 309 ||

Report an error

भरत अत्रि अनुसासन पाई। जल भाजन सब दिए चलाई

bharata atri anusāsana pāī| jala bhājana saba die calāī

Report an error

सानुज आपु अत्रि मुनि साधू। सहित गए जहँ कूप अगाधू

sānuja āpu atri muni sādhū| sahita gae jaha~ kūpa agādhū

Report an error

पावन पाथ पुन्यथल राखा। प्रमुदित प्रेम अत्रि अस भाषा

pāvana pātha punyathala rākhā| pramudita prema atri asa bhāṣā

Report an error

तात अनादि सिद्ध थल एहू। लोपेउ काल बिदित नहिं केहू

tāta anādi siddha thala ehū| lopeu kāla bidita nahiṃ kehū

Report an error

तब सेवकन्ह सरस थलु देखा। किन्ह सुजल हित कूप बिसेषा

taba sevakanha sarasa thalu dekhā| kinha sujala hita kūpa biseṣā

Report an error

बिधि बस भयउ बिस्व उपकारू। सुगम अगम अति धरम बिचारू

bidhi basa bhayau bisva upakārū| sugama agama ati dharama bicārū

Report an error

भरतकूप अब कहिहहिं लोगा। अति पावन तीरथ जल जोगा

bharatakūpa aba kahihahiṃ logā| ati pāvana tīratha jala jogā

Report an error

प्रेम सनेम निमज्जत प्रानी। होइहहिं बिमल करम मन बानी

prema sanema nimajjata prānī| hoihahiṃ bimala karama mana bānī

Report an error

कहत कूप महिमा सकल गए जहाँ रघुराउ । अत्रि सुनायउ रघुबरहि तीरथ पुन्य प्रभाउ ॥ ३१० ॥

kahata kūpa mahimā sakala gae jahā~ raghurāu | atri sunāyau raghubarahi tīratha punya prabhāu || 310 ||

Report an error

कहत धरम इतिहास सप्रीती। भयउ भोरु निसि सो सुख बीती

kahata dharama itihāsa saprītī| bhayau bhoru nisi so sukha bītī

Report an error

नित्य निबाहि भरत दोउ भाई। राम अत्रि गुर आयसु पाई

nitya nibāhi bharata dou bhāī| rāma atri gura āyasu pāī

Report an error

सहित समाज साज सब सादें। चले राम बन अटन पयादें

sahita samāja sāja saba sādeṃ| cale rāma bana aṭana payādeṃ

Report an error

कोमल चरन चलत बिनु पनहीं। भइ मृदु भूमि सकुचि मन मनहीं

komala carana calata binu panahīṃ| bhai mṛdu bhūmi sakuci mana manahīṃ

Report an error

कुस कंटक काँकरीं कुराईं। कटुक कठोर कुबस्तु दुराईं

kusa kaṃṭaka kā~karīṃ kurāīṃ| kaṭuka kaṭhora kubastu durāīṃ

Report an error

महि मंजुल मृदु मारग कीन्हे। बहत समीर त्रिबिध सुख लीन्हे

mahi maṃjula mṛdu māraga kīnhe| bahata samīra tribidha sukha līnhe

Report an error

सुमन बरषि सुर घन करि छाहीं। बिटप फूलि फलि तृन मृदुताहीं

sumana baraṣi sura ghana kari chāhīṃ| biṭapa phūli phali tṛna mṛdutāhīṃ

Report an error

मृग बिलोकि खग बोलि सुबानी। सेवहिं सकल राम प्रिय जानी

mṛga biloki khaga boli subānī| sevahiṃ sakala rāma priya jānī

Report an error

सुलभ सिद्धि सब प्राकृतहु राम कहत जमुहात । राम प्रान प्रिय भरत कहुँ यह न होइ बड़ि बात ॥ ३११ ॥

sulabha siddhi saba prākṛtahu rāma kahata jamuhāta | rāma prāna priya bharata kahu~ yaha na hoi bar̤i bāta || 311 ||

Report an error

एहि बिधि भरतु फिरत बन माहीं। नेमु प्रेमु लखि मुनि सकुचाहीं

ehi bidhi bharatu phirata bana māhīṃ| nemu premu lakhi muni sakucāhīṃ

Report an error

पुन्य जलाश्रय भूमि बिभागा। खग मृग तरु तृन गिरि बन बागा

punya jalāśraya bhūmi bibhāgā| khaga mṛga taru tṛna giri bana bāgā

Report an error

चारु बिचित्र पबित्र बिसेषी। बूझत भरतु दिब्य सब देखी

cāru bicitra pabitra biseṣī| būjhata bharatu dibya saba dekhī

Report an error

सुनि मन मुदित कहत रिषिराऊ। हेतु नाम गुन पुन्य प्रभाऊ

suni mana mudita kahata riṣirāū| hetu nāma guna punya prabhāū

Report an error

कतहुँ निमज्जन कतहुँ प्रनामा। कतहुँ बिलोकत मन अभिरामा

katahu~ nimajjana katahu~ pranāmā| katahu~ bilokata mana abhirāmā

Report an error

कतहुँ बैठि मुनि आयसु पाई। सुमिरत सीय सहित दोउ भाई

katahu~ baiṭhi muni āyasu pāī| sumirata sīya sahita dou bhāī

Report an error

देखि सुभाउ सनेहु सुसेवा। देहिं असीस मुदित बनदेवा

dekhi subhāu sanehu susevā| dehiṃ asīsa mudita banadevā

Report an error

फिरहिं गएँ दिनु पहर अढ़ाई। प्रभु पद कमल बिलोकहिं आई

phirahiṃ gae~ dinu pahara ar̤hāī| prabhu pada kamala bilokahiṃ āī

Report an error

देखे थल तीरथ सकल भरत पाँच दिन माझ । कहत सुनत हरि हर सुजसु गयउ दिवसु भइ साँझ ॥ ३१२ ॥

dekhe thala tīratha sakala bharata pā~ca dina mājha | kahata sunata hari hara sujasu gayau divasu bhai sā~jha || 312 ||

Report an error

भोर न्हाइ सबु जुरा समाजू। भरत भूमिसुर तेरहुति राजू

bhora nhāi sabu jurā samājū| bharata bhūmisura terahuti rājū

Report an error

भल दिन आजु जानि मन माहीं। रामु कृपाल कहत सकुचाहीं

bhala dina āju jāni mana māhīṃ| rāmu kṛpāla kahata sakucāhīṃ

Report an error

गुर नृप भरत सभा अवलोकी। सकुचि राम फिरि अवनि बिलोकी

gura nṛpa bharata sabhā avalokī| sakuci rāma phiri avani bilokī

Report an error

सील सराहि सभा सब सोची। कहुँ न राम सम स्वामि सँकोची

sīla sarāhi sabhā saba socī| kahu~ na rāma sama svāmi sa~kocī

Report an error

भरत सुजान राम रुख देखी। उठि सप्रेम धरि धीर बिसेषी

bharata sujāna rāma rukha dekhī| uṭhi saprema dhari dhīra biseṣī

Report an error

करि दंडवत कहत कर जोरी। राखीं नाथ सकल रुचि मोरी

kari daṃḍavata kahata kara jorī| rākhīṃ nātha sakala ruci morī

Report an error

मोहि लगि सहेउ सबहिं संतापू। बहुत भाँति दुखु पावा आपू

mohi lagi saheu sabahiṃ saṃtāpū| bahuta bhā~ti dukhu pāvā āpū

Report an error

अब गोसाइँ मोहि देउ रजाई। सेवौं अवध अवधि भरि जाई

aba gosāi~ mohi deu rajāī| sevauṃ avadha avadhi bhari jāī

Report an error

जेहिं उपाय पुनि पाय जनु देखै दीनदयाल । सो सिख देइअ अवधि लगि कोसलपाल कृपाल ॥ ३१३ ॥

jehiṃ upāya puni pāya janu dekhai dīnadayāla | so sikha deia avadhi lagi kosalapāla kṛpāla || 313 ||

Report an error

पुरजन परिजन प्रजा गोसाई। सब सुचि सरस सनेहँ सगाई

purajana parijana prajā gosāī| saba suci sarasa saneha~ sagāī

Report an error

राउर बदि भल भव दुख दाहू। प्रभु बिनु बादि परम पद लाहू

rāura badi bhala bhava dukha dāhū| prabhu binu bādi parama pada lāhū

Report an error

स्वामि सुजानु जानि सब ही की। रुचि लालसा रहनि जन जी की

svāmi sujānu jāni saba hī kī| ruci lālasā rahani jana jī kī

Report an error

प्रनतपालु पालिहि सब काहू। देउ दुहू दिसि ओर निबाहू

pranatapālu pālihi saba kāhū| deu duhū disi ora nibāhū

Report an error

अस मोहि सब बिधि भूरि भरोसो। किएँ बिचारु न सोचु खरो सो

asa mohi saba bidhi bhūri bharoso| kie~ bicāru na socu kharo so

Report an error

आरति मोर नाथ कर छोहू। दुहुँ मिलि कीन्ह ढीठु हठि मोहू

ārati mora nātha kara chohū| duhu~ mili kīnha ḍhīṭhu haṭhi mohū

Report an error

यह बड़ दोषु दूरि करि स्वामी। तजि सकोच सिखइअ अनुगामी

yaha bar̤a doṣu dūri kari svāmī| taji sakoca sikhaia anugāmī

Report an error

भरत बिनय सुनि सबहिं प्रसंसी। खीर नीर बिबरन गति हंसी

bharata binaya suni sabahiṃ prasaṃsī| khīra nīra bibarana gati haṃsī

Report an error

दीनबंधु सुनि बंधु के बचन दीन छलहीन । देस काल अवसर सरिस बोले रामु प्रबीन ॥ ३१४ ॥

dīnabaṃdhu suni baṃdhu ke bacana dīna chalahīna | desa kāla avasara sarisa bole rāmu prabīna || 314 ||

Report an error

तात तुम्हारि मोरि परिजन की। चिंता गुरहि नृपहि घर बन की

tāta tumhāri mori parijana kī| ciṃtā gurahi nṛpahi ghara bana kī

Report an error

माथे पर गुर मुनि मिथिलेसू। हमहि तुम्हहि सपनेहुँ न कलेसू

māthe para gura muni mithilesū| hamahi tumhahi sapanehu~ na kalesū

Report an error

मोर तुम्हार परम पुरुषारथु। स्वारथु सुजसु धरमु परमारथु

mora tumhāra parama puruṣārathu| svārathu sujasu dharamu paramārathu

Report an error

पितु आयसु पालिहिं दुहु भाई। लोक बेद भल भूप भलाई

pitu āyasu pālihiṃ duhu bhāī| loka beda bhala bhūpa bhalāī

Report an error

गुर पितु मातु स्वामि सिख पालें। चलेहुँ कुमग पग परहिं न खालें

gura pitu mātu svāmi sikha pāleṃ| calehu~ kumaga paga parahiṃ na khāleṃ

Report an error

अस बिचारि सब सोच बिहाई। पालहु अवध अवधि भरि जाई

asa bicāri saba soca bihāī| pālahu avadha avadhi bhari jāī

Report an error

देसु कोसु परिजन परिवारू। गुर पद रजहिं लाग छरुभारू

desu kosu parijana parivārū| gura pada rajahiṃ lāga charubhārū

Report an error

तुम्ह मुनि मातु सचिव सिख मानी। पालेहु पुहुमि प्रजा रजधानी

tumha muni mātu saciva sikha mānī| pālehu puhumi prajā rajadhānī

Report an error

मुखिआ मुखु सो चाहिऐ खान पान कहुँ एक । पालइ पोषइ सकल अँग तुलसी सहित बिबेक ॥ ३१५ ॥

mukhiā mukhu so cāhiai khāna pāna kahu~ eka | pālai poṣai sakala a~ga tulasī sahita bibeka || 315 ||

Report an error

राजधरम सरबसु एतनोई। जिमि मन माहँ मनोरथ गोई

rājadharama sarabasu etanoī| jimi mana māha~ manoratha goī

Report an error

बंधु प्रबोधु कीन्ह बहु भाँती। बिनु अधार मन तोषु न साँती

baṃdhu prabodhu kīnha bahu bhā~tī| binu adhāra mana toṣu na sā~tī

Report an error

भरत सील गुर सचिव समाजू। सकुच सनेह बिबस रघुराजू

bharata sīla gura saciva samājū| sakuca saneha bibasa raghurājū

Report an error

प्रभु करि कृपा पाँवरीं दीन्हीं। सादर भरत सीस धरि लीन्हीं

prabhu kari kṛpā pā~varīṃ dīnhīṃ| sādara bharata sīsa dhari līnhīṃ

Report an error

चरनपीठ करुनानिधान के। जनु जुग जामिक प्रजा प्रान के

caranapīṭha karunānidhāna ke| janu juga jāmika prajā prāna ke

Report an error

संपुट भरत सनेह रतन के। आखर जुग जुन जीव जतन के

saṃpuṭa bharata saneha ratana ke| ākhara juga juna jīva jatana ke

Report an error

कुल कपाट कर कुसल करम के। बिमल नयन सेवा सुधरम के

kula kapāṭa kara kusala karama ke| bimala nayana sevā sudharama ke

Report an error

भरत मुदित अवलंब लहे तें। अस सुख जस सिय रामु रहे तें

bharata mudita avalaṃba lahe teṃ| asa sukha jasa siya rāmu rahe teṃ

Report an error

मागेउ बिदा प्रनामु करि राम लिए उर लाइ । लोग उचाटे अमरपति कुटिल कुअवसरु पाइ ॥ ३१६ ॥

māgeu bidā pranāmu kari rāma lie ura lāi | loga ucāṭe amarapati kuṭila kuavasaru pāi || 316 ||

Report an error

सो कुचालि सब कहँ भइ नीकी। अवधि आस सम जीवनि जी की

so kucāli saba kaha~ bhai nīkī| avadhi āsa sama jīvani jī kī

Report an error

नतरु लखन सिय सम बियोगा। हहरि मरत सब लोग कुरोगा

nataru lakhana siya sama biyogā| hahari marata saba loga kurogā

Report an error

रामकृपाँ अवरेब सुधारी। बिबुध धारि भइ गुनद गोहारी

rāmakṛpā~ avareba sudhārī| bibudha dhāri bhai gunada gohārī

Report an error

भेंटत भुज भरि भाइ भरत सो। राम प्रेम रसु कहि न परत सो

bheṃṭata bhuja bhari bhāi bharata so| rāma prema rasu kahi na parata so

Report an error

तन मन बचन उमग अनुरागा। धीर धुरंधर धीरजु त्यागा

tana mana bacana umaga anurāgā| dhīra dhuraṃdhara dhīraju tyāgā

Report an error

बारिज लोचन मोचत बारी। देखि दसा सुर सभा दुखारी

bārija locana mocata bārī| dekhi dasā sura sabhā dukhārī

Report an error

मुनिगन गुर धुर धीर जनक से। ग्यान अनल मन कसें कनक से

munigana gura dhura dhīra janaka se| gyāna anala mana kaseṃ kanaka se

Report an error

जे बिरंचि निरलेप उपाए। पदुम पत्र जिमि जग जल जाए

je biraṃci niralepa upāe| paduma patra jimi jaga jala jāe

Report an error

तेउ बिलोकि रघुबर भरत प्रीति अनूप अपार । भए मगन मन तन बचन सहित बिराग बिचार ॥ ३१७ ॥

teu biloki raghubara bharata prīti anūpa apāra | bhae magana mana tana bacana sahita birāga bicāra || 317 ||

Report an error

जहाँ जनक गुर मति भोरी। प्राकृत प्रीति कहत बड़ि खोरी

jahā~ janaka gura mati bhorī| prākṛta prīti kahata bar̤i khorī

Report an error

बरनत रघुबर भरत बियोगू। सुनि कठोर कबि जानिहि लोगू

baranata raghubara bharata biyogū| suni kaṭhora kabi jānihi logū

Report an error

सो सकोच रसु अकथ सुबानी। समउ सनेहु सुमिरि सकुचानी

so sakoca rasu akatha subānī| samau sanehu sumiri sakucānī

Report an error

भेंटि भरत रघुबर समुझाए। पुनि रिपुदवनु हरषि हियँ लाए

bheṃṭi bharata raghubara samujhāe| puni ripudavanu haraṣi hiya~ lāe

Report an error

सेवक सचिव भरत रुख पाई। निज निज काज लगे सब जाई

sevaka saciva bharata rukha pāī| nija nija kāja lage saba jāī

Report an error

सुनि दारुन दुखु दुहूँ समाजा। लगे चलन के साजन साजा

suni dāruna dukhu duhū~ samājā| lage calana ke sājana sājā

Report an error

प्रभु पद पदुम बंदि दोउ भाई। चले सीस धरि राम रजाई

prabhu pada paduma baṃdi dou bhāī| cale sīsa dhari rāma rajāī

Report an error

मुनि तापस बनदेव निहोरी। सब सनमानि बहोरि बहोरी

muni tāpasa banadeva nihorī| saba sanamāni bahori bahorī

Report an error

लखनहि भेंटि प्रनामु करि सिर धरि सिय पद धूरि । चले सप्रेम असीस सुनि सकल सुमंगल मूरि ॥ ३१८ ॥

lakhanahi bheṃṭi pranāmu kari sira dhari siya pada dhūri | cale saprema asīsa suni sakala sumaṃgala mūri || 318 ||

Report an error

सानुज राम नृपहि सिर नाई। कीन्हि बहुत बिधि बिनय बड़ाई

sānuja rāma nṛpahi sira nāī| kīnhi bahuta bidhi binaya bar̤āī

Report an error

देव दया बस बड़ दुखु पायउ। सहित समाज काननहिं आयउ

deva dayā basa bar̤a dukhu pāyau| sahita samāja kānanahiṃ āyau

Report an error

पुर पगु धारिअ देइ असीसा। कीन्ह धीर धरि गवनु महीसा

pura pagu dhāria dei asīsā| kīnha dhīra dhari gavanu mahīsā

Report an error

मुनि महिदेव साधु सनमाने। बिदा किए हरि हर सम जाने

muni mahideva sādhu sanamāne| bidā kie hari hara sama jāne

Report an error

सासु समीप गए दोउ भाई। फिरे बंदि पग आसिष पाई

sāsu samīpa gae dou bhāī| phire baṃdi paga āsiṣa pāī

Report an error

कौसिक बामदेव जाबाली। पुरजन परिजन सचिव सुचाली

kausika bāmadeva jābālī| purajana parijana saciva sucālī

Report an error

जथा जोगु करि बिनय प्रनामा। बिदा किए सब सानुज रामा

jathā jogu kari binaya pranāmā| bidā kie saba sānuja rāmā

Report an error

नारि पुरुष लघु मध्य बड़ेरे। सब सनमानि कृपानिधि फेरे

nāri puruṣa laghu madhya bar̤ere| saba sanamāni kṛpānidhi phere

Report an error

भरत मातु पद बंदि प्रभु सुचि सनेहँ मिलि भेंटि । बिदा कीन्ह सजि पालकी सकुच सोच सब मेटि ॥ ३१९ ॥

bharata mātu pada baṃdi prabhu suci saneha~ mili bheṃṭi | bidā kīnha saji pālakī sakuca soca saba meṭi || 319 ||

Report an error

परिजन मातु पितहि मिलि सीता। फिरी प्रानप्रिय प्रेम पुनीता

parijana mātu pitahi mili sītā| phirī prānapriya prema punītā

Report an error

करि प्रनामु भेंटी सब सासू। प्रीति कहत कबि हियँ न हुलासू

kari pranāmu bheṃṭī saba sāsū| prīti kahata kabi hiya~ na hulāsū

Report an error

सुनि सिख अभिमत आसिष पाई। रही सीय दुहु प्रीति समाई

suni sikha abhimata āsiṣa pāī| rahī sīya duhu prīti samāī

Report an error

रघुपति पटु पालकीं मगाईं। करि प्रबोधु सब मातु चढ़ाई

raghupati paṭu pālakīṃ magāīṃ| kari prabodhu saba mātu car̤hāī

Report an error

बार बार हिलि मिलि दुहु भाई। सम सनेहँ जननी पहुँचाई

bāra bāra hili mili duhu bhāī| sama saneha~ jananī pahu~cāī

Report an error

साजि बाजि गज बाहन नाना। भरत भूप दल कीन्ह पयाना

sāji bāji gaja bāhana nānā| bharata bhūpa dala kīnha payānā

Report an error

हृदयँ रामु सिय लखन समेता। चले जाहिं सब लोग अचेता

hṛdaya~ rāmu siya lakhana sametā| cale jāhiṃ saba loga acetā

Report an error

बसह बाजि गज पसु हियँ हारें। चले जाहिं परबस मन मारें

basaha bāji gaja pasu hiya~ hāreṃ| cale jāhiṃ parabasa mana māreṃ

Report an error

गुर गुरतिय पद बंदि प्रभु सीता लखन समेत । फिरे हरष बिसमय सहित आए परन निकेत ॥ ३२० ॥

gura guratiya pada baṃdi prabhu sītā lakhana sameta | phire haraṣa bisamaya sahita āe parana niketa || 320 ||

Report an error

बिदा कीन्ह सनमानि निषादू। चलेउ हृदयँ बड़ बिरह बिषादू

bidā kīnha sanamāni niṣādū| caleu hṛdaya~ bar̤a biraha biṣādū

Report an error

कोल किरात भिल्ल बनचारी। फेरे फिरे जोहारि जोहारी

kola kirāta bhilla banacārī| phere phire johāri johārī

Report an error

प्रभु सिय लखन बैठि बट छाहीं। प्रिय परिजन बियोग बिलखाहीं

prabhu siya lakhana baiṭhi baṭa chāhīṃ| priya parijana biyoga bilakhāhīṃ

Report an error

भरत सनेह सुभाउ सुबानी। प्रिया अनुज सन कहत बखानी

bharata saneha subhāu subānī| priyā anuja sana kahata bakhānī

Report an error

प्रीति प्रतीति बचन मन करनी। श्रीमुख राम प्रेम बस बरनी

prīti pratīti bacana mana karanī| śrīmukha rāma prema basa baranī

Report an error

तेहि अवसर खग मृग जल मीना। चित्रकूट चर अचर मलीना

tehi avasara khaga mṛga jala mīnā| citrakūṭa cara acara malīnā

Report an error

बिबुध बिलोकि दसा रघुबर की। बरषि सुमन कहि गति घर घर की

bibudha biloki dasā raghubara kī| baraṣi sumana kahi gati ghara ghara kī

Report an error

प्रभु प्रनामु करि दीन्ह भरोसो। चले मुदित मन डर न खरो सो

prabhu pranāmu kari dīnha bharoso| cale mudita mana ḍara na kharo so

Report an error

सानुज सीय समेत प्रभु राजत परन कुटीर । भगति ग्यानु बैराग्य जनु सोहत धरें सरीर ॥ ३२१ ॥

sānuja sīya sameta prabhu rājata parana kuṭīra | bhagati gyānu bairāgya janu sohata dhareṃ sarīra || 321 ||

Report an error

मुनि महिसुर गुर भरत भुआलू। राम बिरहँ सबु साजु बिहालू

muni mahisura gura bharata bhuālū| rāma biraha~ sabu sāju bihālū

Report an error

प्रभु गुन ग्राम गनत मन माहीं। सब चुपचाप चले मग जाहीं

prabhu guna grāma ganata mana māhīṃ| saba cupacāpa cale maga jāhīṃ

Report an error

जमुना उतरि पार सबु भयऊ। सो बासरु बिनु भोजन गयऊ

jamunā utari pāra sabu bhayaū| so bāsaru binu bhojana gayaū

Report an error

उतरि देवसरि दूसर बासू। रामसखाँ सब कीन्ह सुपासू

utari devasari dūsara bāsū| rāmasakhā~ saba kīnha supāsū

Report an error

सई उतरि गोमतीं नहाए। चौथें दिवस अवधपुर आए

saī utari gomatīṃ nahāe| cautheṃ divasa avadhapura āe

Report an error

जनकु रहे पुर बासर चारी। राज काज सब साज सँभारी

janaku rahe pura bāsara cārī| rāja kāja saba sāja sa~bhārī

Report an error

सौंपि सचिव गुर भरतहि राजू। तेरहुति चले साजि सबु साजू

sauṃpi saciva gura bharatahi rājū| terahuti cale sāji sabu sājū

Report an error

नगर नारि नर गुर सिख मानी। बसे सुखेन राम रजधानी

nagara nāri nara gura sikha mānī| base sukhena rāma rajadhānī

Report an error

राम दरस लगि लोग सब करत नेम उपबास । तजि तजि भूषन भोग सुख जिअत अवधि कीं आस ॥ ३२२ ॥

rāma darasa lagi loga saba karata nema upabāsa | taji taji bhūṣana bhoga sukha jiata avadhi kīṃ āsa || 322 ||

Report an error

सचिव सुसेवक भरत प्रबोधे। निज निज काज पाइ पाइ सिख ओधे

saciva susevaka bharata prabodhe| nija nija kāja pāi pāi sikha odhe

Report an error

पुनि सिख दीन्ह बोलि लघु भाई। सौंपी सकल मातु सेवकाई

puni sikha dīnha boli laghu bhāī| sauṃpī sakala mātu sevakāī

Report an error

भूसुर बोलि भरत कर जोरे। करि प्रनाम बय बिनय निहोरे

bhūsura boli bharata kara jore| kari pranāma baya binaya nihore

Report an error

ऊँच नीच कारजु भल पोचू। आयसु देब न करब सँकोचू

ū~ca nīca kāraju bhala pocū| āyasu deba na karaba sa~kocū

Report an error

परिजन पुरजन प्रजा बोलाए। समाधानु करि सुबस बसाए

parijana purajana prajā bolāe| samādhānu kari subasa basāe

Report an error

सानुज गे गुर गेहँ बहोरी। करि दंडवत कहत कर जोरी

sānuja ge gura geha~ bahorī| kari daṃḍavata kahata kara jorī

Report an error

आयसु होइ त रहौं सनेमा। बोले मुनि तन पुलकि सपेमा

āyasu hoi ta rahauṃ sanemā| bole muni tana pulaki sapemā

Report an error

समुझव कहब करब तुम्ह जोई। धरम सारु जग होइहि सोई

samujhava kahaba karaba tumha joī| dharama sāru jaga hoihi soī

Report an error

सुनि सिख पाइ असीस बड़ि गनक बोलि दिनु साधि । सिंघासन प्रभु पादुका बैठारे निरुपाधि ॥ ३२३ ॥

suni sikha pāi asīsa bar̤i ganaka boli dinu sādhi | siṃghāsana prabhu pādukā baiṭhāre nirupādhi || 323 ||

Report an error

राम मातु गुर पद सिरु नाई। प्रभु पद पीठ रजायसु पाई

rāma mātu gura pada siru nāī| prabhu pada pīṭha rajāyasu pāī

Report an error

नंदिगावँ करि परन कुटीरा। कीन्ह निवासु धरम धुर धीरा

naṃdigāva~ kari parana kuṭīrā| kīnha nivāsu dharama dhura dhīrā

Report an error

जटाजूट सिर मुनिपट धारी। महि खनि कुस साँथरी सँवारी

jaṭājūṭa sira munipaṭa dhārī| mahi khani kusa sā~tharī sa~vārī

Report an error

असन बसन बासन ब्रत नेमा। करत कठिन रिषिधरम सप्रेमा

asana basana bāsana brata nemā| karata kaṭhina riṣidharama sapremā

Report an error

भूषन बसन भोग सुख भूरी। मन तन बचन तजे तिन तूरी

bhūṣana basana bhoga sukha bhūrī| mana tana bacana taje tina tūrī

Report an error

अवध राजु सुर राजु सिहाई। दसरथ धनु सुनि धनदु लजाई

avadha rāju sura rāju sihāī| dasaratha dhanu suni dhanadu lajāī

Report an error

तेहिं पुर बसत भरत बिनु रागा। चंचरीक जिमि चंपक बागा

tehiṃ pura basata bharata binu rāgā| caṃcarīka jimi caṃpaka bāgā

Report an error

रमा बिलासु राम अनुरागी। तजत बमन जिमि जन बड़भागी

ramā bilāsu rāma anurāgī| tajata bamana jimi jana bar̤abhāgī

Report an error

राम पेम भाजन भरतु बड़े न एहिं करतूति । चातक हंस सराहिअत टेंक बिबेक बिभूति ॥ ३२४ ॥

rāma pema bhājana bharatu bar̤e na ehiṃ karatūti | cātaka haṃsa sarāhiata ṭeṃka bibeka bibhūti || 324 ||

Report an error

देह दिनहुँ दिन दूबरि होई। घटइ तेजु बलु मुखछबि सोई

deha dinahu~ dina dūbari hoī| ghaṭai teju balu mukhachabi soī

Report an error

नित नव राम प्रेम पनु पीना। बढ़त धरम दलु मनु न मलीना

nita nava rāma prema panu pīnā| bar̤hata dharama dalu manu na malīnā

Report an error

जिमि जलु निघटत सरद प्रकासे। बिलसत बेतस बनज बिकासे

jimi jalu nighaṭata sarada prakāse| bilasata betasa banaja bikāse

Report an error

सम दम संजम नियम उपासा। नखत भरत हिय बिमल अकासा

sama dama saṃjama niyama upāsā| nakhata bharata hiya bimala akāsā

Report an error

ध्रुव बिस्वास अवधि राका सी। स्वामि सुरति सुरबीथि बिकासी

dhruva bisvāsa avadhi rākā sī| svāmi surati surabīthi bikāsī

Report an error

राम पेम बिधु अचल अदोषा। सहित समाज सोह नित चोखा

rāma pema bidhu acala adoṣā| sahita samāja soha nita cokhā

Report an error

भरत रहनि समुझनि करतूती। भगति बिरति गुन बिमल बिभूती

bharata rahani samujhani karatūtī| bhagati birati guna bimala bibhūtī

Report an error

बरनत सकल सुकचि सकुचाहीं। सेस गनेस गिरा गमु नाहीं

baranata sakala sukaci sakucāhīṃ| sesa ganesa girā gamu nāhīṃ

Report an error

नित पूजत प्रभु पाँवरी प्रीति न हृदयँ समाति । मागि मागि आयसु करत राज काज बहु भाँति ॥ ३२५ ॥

nita pūjata prabhu pā~varī prīti na hṛdaya~ samāti | māgi māgi āyasu karata rāja kāja bahu bhā~ti || 325 ||

Report an error

पुलक गात हियँ सिय रघुबीरू। जीह नामु जप लोचन नीरू

pulaka gāta hiya~ siya raghubīrū| jīha nāmu japa locana nīrū

Report an error

लखन राम सिय कानन बसहीं। भरतु भवन बसि तप तनु कसहीं

lakhana rāma siya kānana basahīṃ| bharatu bhavana basi tapa tanu kasahīṃ

Report an error

दोउ दिसि समुझि कहत सबु लोगू। सब बिधि भरत सराहन जोगू

dou disi samujhi kahata sabu logū| saba bidhi bharata sarāhana jogū

Report an error

सुनि ब्रत नेम साधु सकुचाहीं। देखि दसा मुनिराज लजाहीं

suni brata nema sādhu sakucāhīṃ| dekhi dasā munirāja lajāhīṃ

Report an error

परम पुनीत भरत आचरनू। मधुर मंजु मुद मंगल करनू

parama punīta bharata ācaranū| madhura maṃju muda maṃgala karanū

Report an error

हरन कठिन कलि कलुष कलेसू। महामोह निसि दलन दिनेसू

harana kaṭhina kali kaluṣa kalesū| mahāmoha nisi dalana dinesū

Report an error

पाप पुंज कुंजर मृगराजू। समन सकल संताप समाजू

pāpa puṃja kuṃjara mṛgarājū| samana sakala saṃtāpa samājū

Report an error

जन रंजन भंजन भव भारू। राम सनेह सुधाकर सारू

jana raṃjana bhaṃjana bhava bhārū| rāma saneha sudhākara sārū

Report an error

सिय राम प्रेम पियूष पूरन, होत जनम न भरत को । मुनि मन अगम जम नियम सम दम, बिषम ब्रत आचरत को॥ । दुख दाह दारिद दम्भ दूषन, सुजस मिस अपहरत को । कलिकाल तुलसी से सठन्हि हठि, राम सन्मुख करत को ॥ १३ ॥

siya rāma prema piyūṣa pūrana, hota janama na bharata ko | muni mana agama jama niyama sama dama, biṣama brata ācarata ko|| | dukha dāha dārida dambha dūṣana, sujasa misa apaharata ko | kalikāla tulasī se saṭhanhi haṭhi, rāma sanmukha karata ko || 13 ||

Report an error

भरत चरित करि नेम, तुलसी जे सादर सुनहिं । सीय-राम-पद प्रेम, अवसि होइ भव-रस बिरति ॥ ३२६ ॥

bharata carita kari nema, tulasī je sādara sunahiṃ | sīya-rāma-pada prema, avasi hoi bhava-rasa birati || 326 ||

Report an error

इति श्रीरामचरितमानसे सकल कलिकलुष विध्वंसने विमल विज्ञान वैराग्य सम्पादनो नाम द्वितीयः सोपानः समाप्तः

iti śrīrāmacaritamānase sakala kalikaluṣa vidhvaṃsane vimala vijñāna vairāgya sampādano nāma dvitīyaḥ sopānaḥ samāptaḥ

Report an error

Illustration: Verse & Place (Project-owned).