Skip to content

திருமுறை 6 — திருவாய்மூர் - திருத்தாண்டகம் · திருவாய்மூர் - திருத்தாண்டகம்

tiruvāymūr - tiruttāṇṭakam

tiruvāymūr - tiruttāṇṭakam

tiruvāymūr - tiruttāṇṭakam, from book 6 of the Tirumurai.

10 passagesTamil with transliteration

An oil lamp beneath an arch for book 6 of the Tirumurai.

Invocation

6.77.opening

திருச்சிற்றம்பலம்

tirucciṟṟampalam

Editor's note: Traditional opening material, separate from the numbered poems.

பாட வடியார் பரவக் கண்டேன் பத்தர் கணங்கண்டேன் மொய்த்த பூதம் ஆடல் முழவம் அதிரக் கண்டேன் அங்கை அனல்கண்டேன் கங்கை யாளைக் கோட லரவார் சடையிற் கண்டேன் கொக்கி னிதழ்கண்டேன் கொன்றை கண்டேன் வாடல் தலையொன்று கையிற் கண்டேன் வாய்மூர் அடிகளைநான் கண்ட வாறே.

pāṭa vaṭiyār paravak kaṇṭēṉ pattar kaṇaṅkaṇṭēṉ moytta pūtam āṭal muḻavam atirak kaṇṭēṉ aṅkai aṉalkaṇṭēṉ kaṅkai yāḷaik kōṭa laravār caṭaiyiṟ kaṇṭēṉ kokki ṉitaḻkaṇṭēṉ koṉṟai kaṇṭēṉ vāṭal talaiyoṉṟu kaiyiṟ kaṇṭēṉ vāymūr aṭikaḷaināṉ kaṇṭa vāṟē.

Report an error

பாலின் மொழியாளோர் பாகங் கண்டேன் பதினெண் கணமும் பயிலக் கண்டேன் நீல நிறமுண்ட கண்டங் கண்டேன் நெற்றி நுதல்கண்டேன் பெற்றங் கண்டேன் காலைக் கதிர்செய் மதியங் கண்டேன் கரந்தை திருமுடிமேல் தோன்றக் கண்டேன் மாலைச் சடையும் முடியுங் கண்டேன் வாய்மூர் அடிகளைநான் கண்ட வாறே.

pāliṉ moḻiyāḷōr pākaṅ kaṇṭēṉ patiṉeṇ kaṇamum payilak kaṇṭēṉ nīla niṟamuṇṭa kaṇṭaṅ kaṇṭēṉ neṟṟi nutalkaṇṭēṉ peṟṟaṅ kaṇṭēṉ kālaik katircey matiyaṅ kaṇṭēṉ karantai tirumuṭimēl tōṉṟak kaṇṭēṉ mālaic caṭaiyum muṭiyuṅ kaṇṭēṉ vāymūr aṭikaḷaināṉ kaṇṭa vāṟē.

Report an error

மண்ணைத் திகழ நடம தாடும் வரைசிலம் பார்க்கின்ற பாதங் கண்டேன் விண்ணிற் றிகழும் முடியுங் கண்டேன் வேடம் பலவாஞ் சரிதை கண்டேன் நண்ணிப் பிரியா மழுவுங் கண்டேன் நாலு மறையங்க மோதக் கண்டேன் வண்ணப் பொலிந்திலங்கு கோலங் கண்டேன் வாய்மூர் அடிகளைநான் கண்ட வாறே.

maṇṇait tikaḻa naṭama tāṭum varaicilam pārkkiṉṟa pātaṅ kaṇṭēṉ viṇṇiṟ ṟikaḻum muṭiyuṅ kaṇṭēṉ vēṭam palavāñ caritai kaṇṭēṉ naṇṇip piriyā maḻuvuṅ kaṇṭēṉ nālu maṟaiyaṅka mōtak kaṇṭēṉ vaṇṇap polintilaṅku kōlaṅ kaṇṭēṉ vāymūr aṭikaḷaināṉ kaṇṭa vāṟē.

Report an error

விளைத்த பெரும்பத்தி கூர நின்று மெய்யடியார் தம்மை விரும்பக் கண்டேன் இளைக்குங் கதநாக மேனி கண்டேன் என்பின் கலந்திகழ்ந்து தோன்றக் கண்டேன் திளைக்குந் திருமார்பில் நீறு கண்டேன் சேணார் மதின்மூன்றும் பொன்ற வன்று வளைத்த வரிசிலையுங் கையிற் கண்டேன் வாய்மூர் அடிகளைநான் கண்ட வாறே.

viḷaitta perumpatti kūra niṉṟu meyyaṭiyār tammai virumpak kaṇṭēṉ iḷaikkuṅ katanāka mēṉi kaṇṭēṉ eṉpiṉ kalantikaḻntu tōṉṟak kaṇṭēṉ tiḷaikkun tirumārpil nīṟu kaṇṭēṉ cēṇār matiṉmūṉṟum poṉṟa vaṉṟu vaḷaitta varicilaiyuṅ kaiyiṟ kaṇṭēṉ vāymūr aṭikaḷaināṉ kaṇṭa vāṟē.

Report an error

கான்மறையும் போதகத்தி னுரிவை கண்டேன் காலிற் கழல்கண்டேன் கரியின் றோல்கொண் டூன்மறையப் போர்த்த வடிவுங் கண்டேன் உள்க மனம்வைத்த உணர்வுங் கண்டேன் நான்மறை யானோடு நெடிய மாலும் நண்ணி வரக்கண்டேன் திண்ண மாக மான்மறி தங்கையின் மருவக் கண்டேன் வாய்மூர் அடிகளைநான் கண்ட வாறே.

kāṉmaṟaiyum pōtakatti ṉurivai kaṇṭēṉ kāliṟ kaḻalkaṇṭēṉ kariyiṉ ṟōlkoṇ ṭūṉmaṟaiyap pōrtta vaṭivuṅ kaṇṭēṉ uḷka maṉamvaitta uṇarvuṅ kaṇṭēṉ nāṉmaṟai yāṉōṭu neṭiya mālum naṇṇi varakkaṇṭēṉ tiṇṇa māka māṉmaṟi taṅkaiyiṉ maruvak kaṇṭēṉ vāymūr aṭikaḷaināṉ kaṇṭa vāṟē.

Report an error

அடியார் சிலம்பொலிக ளார்ப்பக் கண்டேன் அவ்வவர்க்கே ஈந்த கருணை கண்டேன் முடியார் சடைமேல் அரவ மூழ்க மூரிப் பிறைபோய் மறையக் கண்டேன் கொடியா ரதன்மேல் இடபங் கண்டேன் கோவணமுங் கீளுங் குலாவக் கண்டேன் வடியாரும் மூவிலைவேல் கையிற் கண்டேன் வாய்மூர் அடிகளைநான் கண்ட வாறே.

aṭiyār cilampolika ḷārppak kaṇṭēṉ avvavarkkē īnta karuṇai kaṇṭēṉ muṭiyār caṭaimēl arava mūḻka mūrip piṟaipōy maṟaiyak kaṇṭēṉ koṭiyā rataṉmēl iṭapaṅ kaṇṭēṉ kōvaṇamuṅ kīḷuṅ kulāvak kaṇṭēṉ vaṭiyārum mūvilaivēl kaiyiṟ kaṇṭēṉ vāymūr aṭikaḷaināṉ kaṇṭa vāṟē.

Report an error

குழையார் திருத்தோடு காதிற் கண்டேன் கொக்கரையுஞ் சச்சரியுங் கொள்கை கண்டேன் இழையார் புரிநூல் வலத்தே கண்டேன் ஏழிசை யாழ்வீணை முரலக் கண்டேன் தழையார் சடைகண்டேன் தன்மை கண்டேன் தக்கையொடு தாளங் கறங்கக் கண்டேன் மழையார் திருமிடறும் மற்றுங் கண்டேன் வாய்மூர் அடிகளைநான் கண்ட வாறே.

kuḻaiyār tiruttōṭu kātiṟ kaṇṭēṉ kokkaraiyuñ caccariyuṅ koḷkai kaṇṭēṉ iḻaiyār purinūl valattē kaṇṭēṉ ēḻicai yāḻvīṇai muralak kaṇṭēṉ taḻaiyār caṭaikaṇṭēṉ taṉmai kaṇṭēṉ takkaiyoṭu tāḷaṅ kaṟaṅkak kaṇṭēṉ maḻaiyār tirumiṭaṟum maṟṟuṅ kaṇṭēṉ vāymūr aṭikaḷaināṉ kaṇṭa vāṟē.

Report an error

பொருந்தாத செய்கை பொலியக் கண்டேன் போற்றிசைத்து விண்ணோர் புகழக் கண்டேன் பரிந்தார்க் கருளும் பரிசுங் கண்டேன் பாராகிப் புனலாகி நிற்கை கண்டேன் விருந்தாய்ப் பரந்த தொகுதி கண்டேன் மெல்லியலும் விநாயகனுந் தோன்றக் கண்டேன் மருந்தாய்ப் பிணிதீர்க்கு மாறு கண்டேன் வாய்மூர் அடிகளைநான் கண்ட வாறே.

poruntāta ceykai poliyak kaṇṭēṉ pōṟṟicaittu viṇṇōr pukaḻak kaṇṭēṉ parintārk karuḷum paricuṅ kaṇṭēṉ pārākip puṉalāki niṟkai kaṇṭēṉ viruntāyp paranta tokuti kaṇṭēṉ melliyalum vināyakaṉun tōṉṟak kaṇṭēṉ maruntāyp piṇitīrkku māṟu kaṇṭēṉ vāymūr aṭikaḷaināṉ kaṇṭa vāṟē.

Report an error

மெய்யன்ப ரானார்க் கருளுங் கண்டேன் வேடுவனாய் நின்ற நிலையுங் கண்டேன் கையம் பரனெரித்த காட்சி கண்டேன் கங்கணமும் அங்கைக் கனலுங் கண்டேன் ஐயம் பலவூர் திரியக் கண்டேன் அன்றவன் றன்வேள்வி அழித்து கந்து வையம் பரவ இருத்தல் கண்டேன் வாய்மூர் அடிகளைநான் கண்ட வாறே.

meyyaṉpa rāṉārk karuḷuṅ kaṇṭēṉ vēṭuvaṉāy niṉṟa nilaiyuṅ kaṇṭēṉ kaiyam paraṉeritta kāṭci kaṇṭēṉ kaṅkaṇamum aṅkaik kaṉaluṅ kaṇṭēṉ aiyam palavūr tiriyak kaṇṭēṉ aṉṟavaṉ ṟaṉvēḷvi aḻittu kantu vaiyam parava iruttal kaṇṭēṉ vāymūr aṭikaḷaināṉ kaṇṭa vāṟē.

Report an error

கலங்க இருவர்க் கழலாய் நீண்ட காரணமுங் கண்டேன் கருவாய் நின்று பலங்கள் தரித்துகந்த பண்புங் கண்டேன் பாடல் ஒலியெலாங் கூடக் கண்டேன் இலங்கைத் தலைவன் சிரங்கள் பத்தும் இறுத்தவனுக் கீந்த பெருமை கண்டேன் வலங்கைத் தலத்துள் அனலுங் கண்டேன் வாய்மூர் அடிகளைநான் கண்ட வாறே.

kalaṅka iruvark kaḻalāy nīṇṭa kāraṇamuṅ kaṇṭēṉ karuvāy niṉṟu palaṅkaḷ tarittukanta paṇpuṅ kaṇṭēṉ pāṭal oliyelāṅ kūṭak kaṇṭēṉ ilaṅkait talaivaṉ ciraṅkaḷ pattum iṟuttavaṉuk kīnta perumai kaṇṭēṉ valaṅkait talattuḷ aṉaluṅ kaṇṭēṉ vāymūr aṭikaḷaināṉ kaṇṭa vāṟē.

Report an error

Illustration: Verse & Place (Project-owned).