திருமுறை 9 — திருமுகத் தலை · திருமுகத் தலை
tirumukat talai
tirumukat talai
॥
tirumukat talai, from book 9 of the Tirumurai.
10 passages·Tamil with transliteration
புவனநா யகனே ! அகவுயிர்க்(கு) அமுதே
பூரணா ! ஆரணம் பொழியும்
பவளவாய் மணியே ! பணிசெய்வார்க்(கு) இரங்கும்
பசுபதீ ! பன்னகா பரணா !
அவனிஞா யிறுபோன்(று) அருள்புரிந்(து) அடியேன்
அகத்திலும் முகத்தலை மூதூர்த்
தவளமா மணிப்பூங் கோயிலும் அமர்ந்தாய்
தனியனேன் தனிமைநீங் குதற்கே.
puvaṉanā yakaṉē ! akavuyirk(ku) amutē
pūraṇā ! āraṇam poḻiyum
pavaḷavāy maṇiyē ! paṇiceyvārk(ku) iraṅkum
pacupatī ! paṉṉakā paraṇā !
avaṉiñā yiṟupōṉ(ṟu) aruḷpurin(tu) aṭiyēṉ
akattilum mukattalai mūtūrt
tavaḷamā maṇippūṅ kōyilum amarntāy
taṉiyaṉēṉ taṉimainīṅ kutaṟkē.
புழுங்குதீ வினையேன் விடைகெடப் புகுந்து
புணர்பொருள் உணர்வுநூல் வகையால்
வழங்குதேன் பொழியும் பவளவாய் முக்கண்
வளரொளி மணிநெடுங் குன்றே
முழங்குதீம் புனல்பாய்ந்(து) இளவரால் உகளும்
முகத்தலை அகத்தமர்ந்(து) அடியேன்
விழுங்குதீம் கனியாய் இனியஆ னந்த
வெள்ளமாய் உள்ளமா யினையே.
puḻuṅkutī viṉaiyēṉ viṭaikeṭap pukuntu
puṇarporuḷ uṇarvunūl vakaiyāl
vaḻaṅkutēṉ poḻiyum pavaḷavāy mukkaṇ
vaḷaroḷi maṇineṭuṅ kuṉṟē
muḻaṅkutīm puṉalpāyn(tu) iḷavarāl ukaḷum
mukattalai akattamarn(tu) aṭiyēṉ
viḻuṅkutīm kaṉiyāy iṉiyaā ṉanta
veḷḷamāy uḷḷamā yiṉaiyē.
கன்னெகா உள்ளக் கள்வனேன் நின்கண்
கசிவிலேன் கண்ணில்நீர் சொரியேன்
முன்னகா ஒழியேன் ஆயினும் செழுநீர்
முகத்தலை அகத்தமர்ந்(து) உறையும்
பன்னகா பரணா பவளவாய் மணியே !
பாவியேன் ஆவியுள் புகுந்த(து)
என்னகா ரணம்? நீ ஏழைநாய் அடியேற்கு
எளிமையோ பெருமையா வதுவே.
kaṉṉekā uḷḷak kaḷvaṉēṉ niṉkaṇ
kacivilēṉ kaṇṇilnīr coriyēṉ
muṉṉakā oḻiyēṉ āyiṉum ceḻunīr
mukattalai akattamarn(tu) uṟaiyum
paṉṉakā paraṇā pavaḷavāy maṇiyē !
pāviyēṉ āviyuḷ pukunta(tu)
eṉṉakā raṇam? nī ēḻaināy aṭiyēṟku
eḷimaiyō perumaiyā vatuvē.
கேடிலா மெய்ந்நூல் கெழுமியும் செழுநீர்க்
கிடையனா ருடையஎன் நெஞ்சில்
பாடிலா மணியே மணியுமிழ்ந்(து) ஒளிரும்
பரமனே ! பன்னகா பரணா !
மேடெலாம் செந்நெல் பசுங்கதிர் விளைந்து
மிகத்திகழ் முகத்தலை விளைந்து
நீடினாய் எனினும் உட்புகுந்(து) அடியேன்
நெஞ்செலாம் நிறைந்துநின் றாயே !
kēṭilā meynnūl keḻumiyum ceḻunīrk
kiṭaiyaṉā ruṭaiyaeṉ neñcil
pāṭilā maṇiyē maṇiyumiḻn(tu) oḷirum
paramaṉē ! paṉṉakā paraṇā !
mēṭelām cennel pacuṅkatir viḷaintu
mikattikaḻ mukattalai viḷaintu
nīṭiṉāy eṉiṉum uṭpukun(tu) aṭiyēṉ
neñcelām niṟaintuniṉ ṟāyē !
அக்கனா அனைய செல்வமே சிந்தித்(து)
ஐவரோ(டு) என்னொடும் விளைந்த
இக்கலாம் முழுதும் ஒழியவந்(து) உள்புக்(கு)
என்னைஆள் ஆண்டநாய கனே !
முக்கண்நா யகனே முழுதுல(கு) இறைஞ்ச
முகத்தலை அகத்தமர்ந்(து) அடியேன்
பக்கல்ஆ னந்தம் இடையறா வண்ணம்
பண்ணினாய் பவளவாய் மொழிந்தே.
akkaṉā aṉaiya celvamē cintit(tu)
aivarō(ṭu) eṉṉoṭum viḷainta
ikkalām muḻutum oḻiyavan(tu) uḷpuk(ku)
eṉṉaiāḷ āṇṭanāya kaṉē !
mukkaṇnā yakaṉē muḻutula(ku) iṟaiñca
mukattalai akattamarn(tu) aṭiyēṉ
pakkalā ṉantam iṭaiyaṟā vaṇṇam
paṇṇiṉāy pavaḷavāy moḻintē.
புனல்பட உருகி மண்டழல் வெதும்பிப்
பூம்புனல் பொதிந்துயிர் அளிக்கும்
வினைபடு நிறைபோல் நிறைந்தவே தகத்தென்
மனம்நெக மகிழ்ந்தபே ரொளியே
முனைபடு மதில்மூன்(று) எரித்தநா யகனே !
முகத்தலை அகத்தமர்ந்(து) அடியேன்
வினைபடும் உடல்நீ புகுந்துநின் றமையால்
விழுமிய விமானமா யினதே.
puṉalpaṭa uruki maṇṭaḻal vetumpip
pūmpuṉal potintuyir aḷikkum
viṉaipaṭu niṟaipōl niṟaintavē takatteṉ
maṉamneka makiḻntapē roḷiyē
muṉaipaṭu matilmūṉ(ṟu) erittanā yakaṉē !
mukattalai akattamarn(tu) aṭiyēṉ
viṉaipaṭum uṭalnī pukuntuniṉ ṟamaiyāl
viḻumiya vimāṉamā yiṉatē.
விரியநீர் ஆலக் கருமையும் சாந்தின்
வெண்மையும் செந்நிறத் தொளியும்
கரியும் நீறாடும் கனலும் ஒத் தொளிரும்
கழுத்திலோர் தனிவடங் கட்டி
முரியுமா றெல்லாம் முரிந்தழ கியையாய்
முகத்தலை அகத்தமர்ந் தாயைப்
பிரியுமா றுளதே பேய்களாம் செய்த
பிழைபொறுத்(து) ஆண்டபே ரொளியே.
viriyanīr ālak karumaiyum cāntiṉ
veṇmaiyum cenniṟat toḷiyum
kariyum nīṟāṭum kaṉalum ot toḷirum
kaḻuttilōr taṉivaṭaṅ kaṭṭi
muriyumā ṟellām murintaḻa kiyaiyāy
mukattalai akattamarn tāyaip
piriyumā ṟuḷatē pēykaḷām ceyta
piḻaipoṟut(tu) āṇṭapē roḷiyē.
என்னையுன் பாத பங்கயம் பணிவித்(து)
என்பெலாம் உருகநீ எளிவந்(து)
உன்னைஎன் பால்வைத்(து) எங்கும்எஞ் ஞான்றும்
ஒழிவற நிறைந்தஒண் சுடரே !
முன்னைஎன் பாசம் முழுவதும் அகல
முகத்தலை அகத்தமர்ந்(து) எனக்கே
கன்னலும் பாலும் தேனும்ஆ ரமுதும்
கனியுமாய் இனிமையாய் இனையே.
eṉṉaiyuṉ pāta paṅkayam paṇivit(tu)
eṉpelām urukanī eḷivan(tu)
uṉṉaieṉ pālvait(tu) eṅkumeñ ñāṉṟum
oḻivaṟa niṟaintaoṇ cuṭarē !
muṉṉaieṉ pācam muḻuvatum akala
mukattalai akattamarn(tu) eṉakkē
kaṉṉalum pālum tēṉumā ramutum
kaṉiyumāy iṉimaiyāy iṉaiyē.
அம்பரா அனலா; அனிலமே புவிநீ
அம்புவே இந்துவே இரவி
உம்பரால் ஒன்றும் அறிவொணா அணுவாய்
ஒழிவற நிறைந்தஒண் சுடரே
மொய்ம்பராய் நலஞ்சொல் மூதறி வாளர்
முகத்தலை அகத்தமர்ந்(து) எனக்கே
எம்பிரானாகி ஆண்டநீ மீண்டே
எந்தையும் தாயுமா யினையே.
amparā aṉalā; aṉilamē puvinī
ampuvē intuvē iravi
umparāl oṉṟum aṟivoṇā aṇuvāy
oḻivaṟa niṟaintaoṇ cuṭarē
moymparāy nalañcol mūtaṟi vāḷar
mukattalai akattamarn(tu) eṉakkē
empirāṉāki āṇṭanī mīṇṭē
entaiyum tāyumā yiṉaiyē.
மூலமாய் முடிவாய் முடிவிலா முதலாய்
முகத்தவை அகத்தமர்ந்(து) இனிய
பாலுமாய், அமுதாப் பன்னகா பரணன்
பனிமலர்த் திருவடி இணைமேல்
ஆலயம் பாகின் அனையசொற் கருவூர்
அமுதுறழ் தீந்தமிழ் மாலை
சீலமாப் பாடும் அடியவர் எல்லாம்
சிவபதம் குறுகிநின் றாரே.
mūlamāy muṭivāy muṭivilā mutalāy
mukattavai akattamarn(tu) iṉiya
pālumāy, amutāp paṉṉakā paraṇaṉ
paṉimalart tiruvaṭi iṇaimēl
ālayam pākiṉ aṉaiyacoṟ karuvūr
amutuṟaḻ tīntamiḻ mālai
cīlamāp pāṭum aṭiyavar ellām
civapatam kuṟukiniṉ ṟārē.
Keys: ← → turn the page, J K step through the verses.
Illustration: Verse & Place (Project-owned).