திருமுறை 11 — கயிலைபாதி காளத்திபாதி அந்தாதி · கயிலைபாதி காளத்திபாதி அந்தாதி
kayilaipāti kāḷattipāti antāti
kayilaipāti kāḷattipāti antāti
॥
kayilaipāti kāḷattipāti antāti, from book 11 of the Tirumurai.
100 passages·Tamil with transliteration
சொல்லும் பொருளுமே தூத்திரியும் நெய்யுமா
நல்லிடிஞ்சல் என்னுடைய நாவாகச் -சொல்லரிய
வெண்பா விளக்கா வியன்கயிலை மேலிருந்த
பெண்பாகர்க் கேற்றினேன் பெற்று.
collum poruḷumē tūttiriyum neyyumā
nalliṭiñcal eṉṉuṭaiya nāvākac -collariya
veṇpā viḷakkā viyaṉkayilai mēlirunta
peṇpākark kēṟṟiṉēṉ peṟṟu.
பெற்ற பயனிதுவே அன்றே பிறந்தியான்
கற்றவர்கள் ஏத்துஞ்சீர்க் காளத்திக் - கொற்றவர்க்குத்
தோளாகத் தாடவரம் சூழ்ந்தணிந்த அம்மானுக்
காளாகப் பெற்றேன் அடைந்து.
peṟṟa payaṉituvē aṉṟē piṟantiyāṉ
kaṟṟavarkaḷ ēttuñcīrk kāḷattik - koṟṟavarkkut
tōḷākat tāṭavaram cūḻntaṇinta ammāṉuk
kāḷākap peṟṟēṉ aṭaintu.
அடைந்துய்ம்மின் அம்மானை உம்ஆவி தன்னைக்
குடைந்துண்ண எண்ணியவெங் கூற்றம் - குடைந்துநும்
கண்ணுளே பார்க்கும் பொழுது கயிலாயத்
தண்ணலே கண்டீர் அரண்.
aṭaintuymmiṉ ammāṉai umāvi taṉṉaik
kuṭaintuṇṇa eṇṇiyaveṅ kūṟṟam - kuṭaintunum
kaṇṇuḷē pārkkum poḻutu kayilāyat
taṇṇalē kaṇṭīr araṇ.
அரணம் ஒருமூன்றும் ஆரழலாய் வீழ
முரணம்பு கோத்த முதல்வன் சரணமே
காணுமால் உற்றவன்றன் காளத்தி கைதொழுது
பேணுமால் உள்ளம் பெரிது.
araṇam orumūṉṟum āraḻalāy vīḻa
muraṇampu kōtta mutalvaṉ caraṇamē
kāṇumāl uṟṟavaṉṟaṉ kāḷatti kaitoḻutu
pēṇumāl uḷḷam peritu.
பெரியவர்கா ணீர்என் உள்ளத்தின் பெற்றி
தெரிவரிய தேவாதி தேவன் - பெரிதும்
திருத்தக்கோர் ஏத்துந் திருக்கயிலைக் கோனை
இருத்தத்தான் போந்த திடம்.
periyavarkā ṇīreṉ uḷḷattiṉ peṟṟi
terivariya tēvāti tēvaṉ - peritum
tiruttakkōr ēttun tirukkayilaik kōṉai
iruttattāṉ pōnta tiṭam.
இடப்பாகம் நீள்கோட் டிமவான் பயந்த
மடப்பாவை தன்வடிவே ஆனால் - விடப்பாற்
கருவடிசேர் கண்டத்தெங் காளத்தி ஆள்வார்க்
கொருவடிவே அன்றால் உரு.
iṭappākam nīḷkōṭ ṭimavāṉ payanta
maṭappāvai taṉvaṭivē āṉāl - viṭappāṟ
karuvaṭicēr kaṇṭatteṅ kāḷatti āḷvārk
koruvaṭivē aṉṟāl uru.
உருவு பலகொண் டுணர்வரிதாய் நிற்கும்
ஒருவன் ஒருபால் இருக்கை - மருவினிய
பூக்கையிற் கொண் டெப்பொழுதும் புத்தேளிர் வந்திறைஞ்சு
மாக்கயிலை என்னும் மலை.
uruvu palakoṇ ṭuṇarvaritāy niṟkum
oruvaṉ orupāl irukkai - maruviṉiya
pūkkaiyiṟ koṇ ṭeppoḻutum puttēḷir vantiṟaiñcu
mākkayilai eṉṉum malai.
மலைவரும்போல் வானவருந் தானவரும் எல்லாம்
அலைகடல்வாய் நஞ்செழல்கண் டஞ்சி -நிலைதளரக்
கண்டமையால் நண்சாரல் காளத்தி ஆள்வார்நஞ்
சுண்டமையால் உண்டிவ் வுலகு.
malaivarumpōl vāṉavarun tāṉavarum ellām
alaikaṭalvāy nañceḻalkaṇ ṭañci -nilaitaḷarak
kaṇṭamaiyāl naṇcāral kāḷatti āḷvārnañ
cuṇṭamaiyāl uṇṭiv vulaku.
உலகம் அனைத்தினுக்கும் ஒண்ணுதல்மேல் இட்ட
திலகம் எனப்பெறினுஞ் சீசீ - இலகியசீர்
ஈசா திருக்கயிலை எம்பெருமான் என்றென்றே
பேசா திருப்பார் பிறப்பு.
ulakam aṉaittiṉukkum oṇṇutalmēl iṭṭa
tilakam eṉappeṟiṉuñ cīcī - ilakiyacīr
īcā tirukkayilai emperumāṉ eṉṟeṉṟē
pēcā tiruppār piṟappu.
பிறப்புடையர் கற்றோர் பெருஞ்செல்வர் மற்றும்
சிறப்புடையர் ஆனாலுஞ் சீசீ - இறப்பில்
கடியார் நறுஞ்சோலைக் காளத்தி யாள்வார்
அடியாரைப் பேணா தவர்.
piṟappuṭaiyar kaṟṟōr peruñcelvar maṟṟum
ciṟappuṭaiyar āṉāluñ cīcī - iṟappil
kaṭiyār naṟuñcōlaik kāḷatti yāḷvār
aṭiyāraip pēṇā tavar.
அவரும் பிறந்தவராய்ப் போவார்கொல் ஆவி
எவரும் தொழுதேத்தும் எந்தை - சிவமன்னு
தேக்குவார் சோலைத் திருக்கயிலை ஏத்தாதே
போக்குவார் வாளா பொழது.
avarum piṟantavarāyp pōvārkol āvi
evarum toḻutēttum entai - civamaṉṉu
tēkkuvār cōlait tirukkayilai ēttātē
pōkkuvār vāḷā poḻatu.
வாளா பொழுது கழிக்கின்றார் மானுடவர்
கேளார்கொல் அந்தோ கிறிபட்டார் - கீளாடை
அண்ணற் கணுக்கராய்க் காளத்தி யுள்நின்ற
கண்ணப்ப ராவார் கதை.
vāḷā poḻutu kaḻikkiṉṟār māṉuṭavar
kēḷārkol antō kiṟipaṭṭār - kīḷāṭai
aṇṇaṟ kaṇukkarāyk kāḷatti yuḷniṉṟa
kaṇṇappa rāvār katai.
கதையிலே கேளீர் கயிலாயம் நோக்கிப்
புதையிருட்கண் மாலோடும் போகிச் - சிதையாச்சீர்த்
தீர்த்தன்பால் பாசுபதம் பெற்றுச் செருக்களத்தில்
பார்த்தன்போர் வென்றிலனோ பண்டு.
kataiyilē kēḷīr kayilāyam nōkkip
putaiyiruṭkaṇ mālōṭum pōkic - citaiyāccīrt
tīrttaṉpāl pācupatam peṟṟuc cerukkaḷattil
pārttaṉpōr veṉṟilaṉō paṇṭu.
பண்டு தொடங்கியும் பாவித்தும் நின்கழற்கே
தொண்டு படுவான் தொடர்வேனைக் - கண்டுகொண்டு
ஆளத் தயாவுண்டோ இல்லையோ சொல்லாயே
காளத்தி யாய்உன் கருத்து.
paṇṭu toṭaṅkiyum pāvittum niṉkaḻaṟkē
toṇṭu paṭuvāṉ toṭarvēṉaik - kaṇṭukoṇṭu
āḷat tayāvuṇṭō illaiyō collāyē
kāḷatti yāyuṉ karuttu.
கருத்துக்குச் சேயையாய்க் காண்தக்கோர் காண
இருத்தி திருக்கயிலை என்றால் - ஒருத்தர்
அறிவான் உறுவார்க் கறியுமா றுண்டோ
நெறிவார் சடையாய் நிலை.
karuttukkuc cēyaiyāyk kāṇtakkōr kāṇa
irutti tirukkayilai eṉṟāl - oruttar
aṟivāṉ uṟuvārk kaṟiyumā ṟuṇṭō
neṟivār caṭaiyāy nilai.
நிலையிற் பிறவி நெடுஞ்சுழியிற் பட்டுத்
தலைவ தடுமாறு கின்றேன் - தொலைவின்றிப்
போந்தேறக் கைதாராய் காளத்திப் புத்தேளிர்
வேந்தேஇப் பாசத்தை விட்டு.
nilaiyiṟ piṟavi neṭuñcuḻiyiṟ paṭṭut
talaiva taṭumāṟu kiṉṟēṉ - tolaiviṉṟip
pōntēṟak kaitārāy kāḷattip puttēḷir
vēntēip pācattai viṭṭu.
பாசத்தை விட்டுநின் பாதத்தின் கீழேஎன்
நேசத்தை வைக்க நினைகண்டாய் - பாசத்தை
நீக்குமா வல்ல கயிலாயா நீஎன்னைக்
காக்குமா றித்தனையே காண்.
pācattai viṭṭuniṉ pātattiṉ kīḻēeṉ
nēcattai vaikka niṉaikaṇṭāy - pācattai
nīkkumā valla kayilāyā nīeṉṉaik
kākkumā ṟittaṉaiyē kāṇ.
காணா தலக்கின்றார் வானோர்கள் காளத்திப்
பூணார மார்பன்தன் பொற்பாதம் - நாணாதே
கண்டிடுவான் யானிருந்தேன் காணீர் கடல்நஞ்சை
உண்டிடுவான் தன்னை ஒருங்கு.
kāṇā talakkiṉṟār vāṉōrkaḷ kāḷattip
pūṇāra mārpaṉtaṉ poṟpātam - nāṇātē
kaṇṭiṭuvāṉ yāṉiruntēṉ kāṇīr kaṭalnañcai
uṇṭiṭuvāṉ taṉṉai oruṅku.
ஒருங்கா துடனேநின் றோரைவர் எம்மை
நெருங்காமல் நித்தம் ஒருகால் -நெருங்கிக்
கருங்கலோங் கும்பல் கயிலாயம் மேயான்
வருங்கொலோ நம்பால் மதித்து.
oruṅkā tuṭaṉēniṉ ṟōraivar emmai
neruṅkāmal nittam orukāl -neruṅkik
karuṅkalōṅ kumpal kayilāyam mēyāṉ
varuṅkolō nampāl matittu.
நம்பால் மதித்துறையும் காளத்தி நண்ணாதே
வம்பார் மலர்தூய் வணங்காதே - நம்பாநின்
சீலங்கள் ஏத்தாதே தீவினையேன் யானிருந்தேன்
காலங்கள் போன கழிந்து.
nampāl matittuṟaiyum kāḷatti naṇṇātē
vampār malartūy vaṇaṅkātē - nampāniṉ
cīlaṅkaḷ ēttātē tīviṉaiyēṉ yāṉiruntēṉ
kālaṅkaḷ pōṉa kaḻintu.
கழிந்த கழிகிடாய் நெஞ்சே கழியா
தொழிந்தநாள் மேற்பட் டுயர்ந்தோர் - மொழிந்தசீர்க்
கண்ணுதலான் எந்தை கயிலாய மால்வரையை
நண்ணுதலாம் நன்மை நமக்கு.
kaḻinta kaḻikiṭāy neñcē kaḻiyā
toḻintanāḷ mēṟpaṭ ṭuyarntōr - moḻintacīrk
kaṇṇutalāṉ entai kayilāya mālvaraiyai
naṇṇutalām naṉmai namakku.
நமக்கிசைந்த வாநாமும் ஏத்தினால் நம்பர்
தமக்கழகு தாமே அறிவர் -அமைப்பொதும்பிற்
கல்லவா நீடருவிக் காளத்தி ஆள்வாரை
வல்லவா நெஞ்சமே வாழ்த்து.
namakkicainta vānāmum ēttiṉāl nampar
tamakkaḻaku tāmē aṟivar -amaippotumpiṟ
kallavā nīṭaruvik kāḷatti āḷvārai
vallavā neñcamē vāḻttu.
வாழ்த்துவாய் வாழ்த்தா தொழிவாய் மறுசுழியிட்
டாழ்த்துவாய் அஃதறிவாய் நீயன்றே - யாழ்த்தகைய
வண்டார் பொழிற்கயிலை வாழ்கென் றிருப்பதே
கண்டாய் அடியேன் கடன்.
vāḻttuvāy vāḻttā toḻivāy maṟucuḻiyiṭ
ṭāḻttuvāy aḵtaṟivāy nīyaṉṟē - yāḻttakaiya
vaṇṭār poḻiṟkayilai vāḻkeṉ ṟiruppatē
kaṇṭāy aṭiyēṉ kaṭaṉ.
கடநாகம் ஊடாடுங் காளத்திக் கோனைக்
கடனாகக் கைதொழுவார்க் கில்லை - இடம்நாடி
இந்நாட்டிற் கேவந்திங் கீண்டிற்றுக் கொண்டுபோய்
அந்நாட்டில் உண்டுழலு மாறு.
kaṭanākam ūṭāṭuṅ kāḷattik kōṉaik
kaṭaṉākak kaitoḻuvārk killai - iṭamnāṭi
innāṭṭiṟ kēvantiṅ kīṇṭiṟṟuk koṇṭupōy
annāṭṭil uṇṭuḻalu māṟu.
மாறிப் பிறந்து வழியிடை ஆற்றிடை
ஏறி இழியும் இதுவல்லால் -தேறித்
திருக்கயிலை ஏத்தீரேல் சேமத்தால் யார்க்கும்
இருக்கையிலை கண்டீர் இனிது.
māṟip piṟantu vaḻiyiṭai āṟṟiṭai
ēṟi iḻiyum ituvallāl -tēṟit
tirukkayilai ēttīrēl cēmattāl yārkkum
irukkaiyilai kaṇṭīr iṉitu.
இனிதே பிறவி இனமரங்கள் ஏறிக்
கனிதேர் கடுவன்கள் தம்மில் -முனிவாய்ப்
பிணங்கிவருந் தண்சாரற் காளத்தி பேணி
வணங்கவல்ல ராயின் மகிழ்ந்து.
iṉitē piṟavi iṉamaraṅkaḷ ēṟik
kaṉitēr kaṭuvaṉkaḷ tammil -muṉivāyp
piṇaṅkivarun taṇcāraṟ kāḷatti pēṇi
vaṇaṅkavalla rāyiṉ makiḻntu.
மகிழந்தலரும் வன்கொன்றை மேலே மனமாய்
நெகிழ்ந்து நெகிழ்ந்துள்ளே நெக்குத் - திகழ்ந்திலங்கும்
விண்ணிறங்கா ஓங்கும் வியன்கயிலை மேயாய்என்
பெண்ணுறங்காள் என்செய்கேன் பேசு.
makiḻantalarum vaṉkoṉṟai mēlē maṉamāy
nekiḻntu nekiḻntuḷḷē nekkut - tikaḻntilaṅkum
viṇṇiṟaṅkā ōṅkum viyaṉkayilai mēyāyeṉ
peṇṇuṟaṅkāḷ eṉceykēṉ pēcu.
பேசும் பரிசறியாள் பேதை பிறர்க்கெல்லாம்
ஏசும் பரிசானாள் ஏபாவம் - மாசுனைநீர்க்
காம்பையலைத் தாலிக்குங் காளத்தி என்றென்று
பூம்பயலை மெய்ம்முழுதும் போர்த்து.
pēcum paricaṟiyāḷ pētai piṟarkkellām
ēcum paricāṉāḷ ēpāvam - mācuṉainīrk
kāmpaiyalait tālikkuṅ kāḷatti eṉṟeṉṟu
pūmpayalai meymmuḻutum pōrttu.
போர்த்த களிற்றுரியும் பூண்ட பொறியரவும்
தீர்த்த மகளிருந்த செஞ்சடையும் - மூர்த்தி
குயிலாய மென்மொழியாள் கூறாய வாறும்
கயிலாயா யான்காணக் காட்டு.
pōrtta kaḷiṟṟuriyum pūṇṭa poṟiyaravum
tīrtta makaḷirunta ceñcaṭaiyum - mūrtti
kuyilāya meṉmoḻiyāḷ kūṟāya vāṟum
kayilāyā yāṉkāṇak kāṭṭu.
காட்டில் நடமாடிக் கங்காள ராகிப்போய்
நாட்டிற் பலிதிரிந்து நாடோறும் - ஓட்டுண்பார்
ஆனாலும் என்கொலோ காளத்தி ஆள்வாரை
வானோர் வணங்குமா வந்து.
kāṭṭil naṭamāṭik kaṅkāḷa rākippōy
nāṭṭiṟ palitirintu nāṭōṟum - ōṭṭuṇpār
āṉālum eṉkolō kāḷatti āḷvārai
vāṉōr vaṇaṅkumā vantu.
வந்தமரர் ஏத்தும் மடைக்கூழும் வார்சடைமேல்
கொந்தவிழும் மாலை கொடுத்தார்கொல் - வந்தித்து
வாலுகுத்த வண்கயிலைக் கோனார்தம் மாமுடிமேல்
பாலுகுத்த மாணிக்குப் பண்டு.
vantamarar ēttum maṭaikkūḻum vārcaṭaimēl
kontaviḻum mālai koṭuttārkol - vantittu
vālukutta vaṇkayilaik kōṉārtam māmuṭimēl
pālukutta māṇikkup paṇṭu.
பண்டிதுவே அன்றாயிற் கேளீர்கொல் பல்சருகு
கொண்டிலங்கத் தும்பிநூற் கூடிழைப்பக் - கண்டு
நலந்திக் கெலாம்ஏத்தும் காளத்தி நாதர்
சிலந்திக்குச் செய்த சிறப்பு.
paṇṭituvē aṉṟāyiṟ kēḷīrkol palcaruku
koṇṭilaṅkat tumpinūṟ kūṭiḻaippak - kaṇṭu
nalantik kelāmēttum kāḷatti nātar
cilantikkuc ceyta ciṟappu.
செய்த சிறப்பெண்ணில் எங்குலக்குஞ் சென்றடைந்து
கைதொழுவார்க் கெங்கள் கயிலாயர் -நொய்தளவிற்
காலற்காய்ந் தார்அன்றே காணீர் கழல்தொழுத
பாலற்காய் அன்று பரிந்து.
ceyta ciṟappeṇṇil eṅkulakkuñ ceṉṟaṭaintu
kaitoḻuvārk keṅkaḷ kayilāyar -noytaḷaviṟ
kālaṟkāyn tāraṉṟē kāṇīr kaḻaltoḻuta
pālaṟkāy aṉṟu parintu.
பரிந்துரைப்பார் சொற்கேளாள் எம்பெருமான் பாதம்
பிரிந்திருக்க கில்லாமை பேசும் - புரிந்தமரர்
நாதாவா காளத்தி நம்பாவா என்றென்று
மாதாவா உற்ற மயல்.
parinturaippār coṟkēḷāḷ emperumāṉ pātam
pirintirukka killāmai pēcum - purintamarar
nātāvā kāḷatti nampāvā eṉṟeṉṟu
mātāvā uṟṟa mayal.
மயலைத் தவிர்க்கநீ வாராய் ஒருமூன்
றெயிலைப் பொடியாக எய்தாய் - கயிலைப்
பருப்பதவா நின்னுடைய பாதத்தின் கீழே
இருப்பதவா உற்றாள் இவள்.
mayalait tavirkkanī vārāy orumūṉ
ṟeyilaip poṭiyāka eytāy - kayilaip
paruppatavā niṉṉuṭaiya pātattiṉ kīḻē
iruppatavā uṟṟāḷ ivaḷ.
இவளுக்கு நல்லவா றெண்ணுதிரேல் இன்றே
தவளப் பொடிஇவள்மேற் சாத்தி - இவளுக்குக்
காட்டுமின்கள் காளத்தி காட்டிக் கமழ்கொன்றை
சூட்டுமின்கள் தீரும் துயர்.
ivaḷukku nallavā ṟeṇṇutirēl iṉṟē
tavaḷap poṭiivaḷmēṟ cātti - ivaḷukkuk
kāṭṭumiṉkaḷ kāḷatti kāṭṭik kamaḻkoṉṟai
cūṭṭumiṉkaḷ tīrum tuyar.
துயர்க்கெலாம் கூடாய தோற்குரம்பை புக்கு
மயக்கில் வழிகாண மாட்டேன் - வியற்கொடும்போர்
ஏற்றானே வண்கயிலை எம்மானே என்கொலோ
மேற்றான் இதற்கு விளைவு.
tuyarkkelām kūṭāya tōṟkurampai pukku
mayakkil vaḻikāṇa māṭṭēṉ - viyaṟkoṭumpōr
ēṟṟāṉē vaṇkayilai emmāṉē eṉkolō
mēṟṟāṉ itaṟku viḷaivu.
விளையும் வினையரவின் வெய்ய விடத்தைக்
களைமினோ காளத்தி ஆள்வார்- வளைவில்
திருந்தியசீர் ஈசன் திருநாமம் என்னும்
மருந்தினைநீர் வாயிலே வைத்து.
viḷaiyum viṉaiyaraviṉ veyya viṭattaik
kaḷaimiṉō kāḷatti āḷvār- vaḷaivil
tiruntiyacīr īcaṉ tirunāmam eṉṉum
maruntiṉainīr vāyilē vaittu.
வாயிலே வைக்கும் அளவில் மருந்தாகித்
தீய பிறவிநோய் தீர்க்குமே - தூயவே
கம்பெருமா தேவியொடு மன்னு கயிலாயத்
தெம்பெருமான் ஓரஞ் செழுத்து.
vāyilē vaikkum aḷavil maruntākit
tīya piṟavinōy tīrkkumē - tūyavē
kamperumā tēviyoṭu maṉṉu kayilāyat
temperumāṉ ōrañ ceḻuttu.
அஞ்செழுத்துங் கண்டீர் அருமறைகள் ஆவனவும்
அஞ்செழுத்துங் கற்க அணித்தாகும் - நஞ்சவித்த
காளத்தி யார்யார்க்குங் காண்டற் கரிதாய்ப்போய்
நீளத்தே நின்ற நெறி.
añceḻuttuṅ kaṇṭīr arumaṟaikaḷ āvaṉavum
añceḻuttuṅ kaṟka aṇittākum - nañcavitta
kāḷatti yāryārkkuṅ kāṇṭaṟ karitāyppōy
nīḷattē niṉṟa neṟi.
நெறிவார் சடையாய் நிலையின்மை நீயொன்
றறியாய் கொல் அந்தோ அயர்ந்தாள் - நெறியிற்
கனைத்தருவி தூங்குங் கயிலாயா நின்னை
நினைத்தருவி கண்சோர நின்று.
neṟivār caṭaiyāy nilaiyiṉmai nīyoṉ
ṟaṟiyāy kol antō ayarntāḷ - neṟiyiṟ
kaṉaittaruvi tūṅkuṅ kayilāyā niṉṉai
niṉaittaruvi kaṇcōra niṉṟu.
நின்றும் இருந்தும் கிடந்தும் நடந்தும்யாம்
என்றும் நினைந்தாலும் என்கொலோ -சென்றுதன்
தாள்வா னவர்இறைஞ்சுந் தண்சாரற் காளத்தி
ஆள்வான் அருளாத வாறு.
niṉṟum iruntum kiṭantum naṭantumyām
eṉṟum niṉaintālum eṉkolō -ceṉṟutaṉ
tāḷvā ṉavariṟaiñcun taṇcāraṟ kāḷatti
āḷvāṉ aruḷāta vāṟu.
அருளாத வாறுண்டே யார்க்கேனும் ஆக
இருளார் கறைமிடற்றெம் ஈசன் -பொருளாய்ந்து
மெய்ம்மையே உன்னில் வியன்கயிலை மேயான்வந்
திம்மையே தீர்க்கும் இடர்.
aruḷāta vāṟuṇṭē yārkkēṉum āka
iruḷār kaṟaimiṭaṟṟem īcaṉ -poruḷāyntu
meymmaiyē uṉṉil viyaṉkayilai mēyāṉvan
timmaiyē tīrkkum iṭar.
இடரீர் உமக்கோர் இடம்நாடிக் கொண்டு
நடவீரோ காலத்தால் நாங்கள் - கடல்வாய்க்
கருப்பட்டோங் கொண்முகில்சேர் காளத்தி காண
ஒருப்பட்டோம் கண்டீர் உணர்ந்து.
iṭarīr umakkōr iṭamnāṭik koṇṭu
naṭavīrō kālattāl nāṅkaḷ - kaṭalvāyk
karuppaṭṭōṅ koṇmukilcēr kāḷatti kāṇa
oruppaṭṭōm kaṇṭīr uṇarntu.
உணருங்கால் ஒன்றை உருத்தெரியக் காட்டாய்
புணருங்கால் ஆரமுதே போலும் - இணரிற்
கனியவாஞ் சோலைக் கயிலாயம் மேயாய்
இனியவா காண்நின் இயல்பு.
uṇaruṅkāl oṉṟai urutteriyak kāṭṭāy
puṇaruṅkāl āramutē pōlum - iṇariṟ
kaṉiyavāñ cōlaik kayilāyam mēyāy
iṉiyavā kāṇniṉ iyalpu.
நின்னியல்பை யாரே அறிவார் நினையுங்கால்
மன்னியசீர்க் காளத்தி மன்னவனே - நின்னில்
வெளிப்படுவ தேழுலகும் மீண்டே ஒருகால்
ஒளிப்பதுவும் ஆனால் உரை.
niṉṉiyalpai yārē aṟivār niṉaiyuṅkāl
maṉṉiyacīrk kāḷatti maṉṉavaṉē - niṉṉil
veḷippaṭuva tēḻulakum mīṇṭē orukāl
oḷippatuvum āṉāl urai.
உரையும் பொருளும் உடலும் உயிரும்
விரையும் மலரும்போல் விம்மிப் -புரையின்றிச்
சென்றவா றோங்குந் திருக்கயிலை எம்பெருமான்
நின்றவா றெங்கும் நிறைந்து.
uraiyum poruḷum uṭalum uyirum
viraiyum malarumpōl vimmip -puraiyiṉṟic
ceṉṟavā ṟōṅkun tirukkayilai emperumāṉ
niṉṟavā ṟeṅkum niṟaintu.
நிறைந்தெங்கும் நீயேயாய் நின்றாலும் ஒன்றன்
மறைந்தைம் புலன்காண வாராய் - சிறந்த
கணியாருந் தண்சாரற் காளத்தி ஆள்வாய்
பணியாயால் என்முன் பரிசு.
niṟainteṅkum nīyēyāy niṉṟālum oṉṟaṉ
maṟaintaim pulaṉkāṇa vārāy - ciṟanta
kaṇiyārun taṇcāraṟ kāḷatti āḷvāy
paṇiyāyāl eṉmuṉ paricu.
பரிசறியேன் பற்றிலேன் கற்றிலேன் முற்றும்
கரியுரியாய் பாதமே கண்டாய் - திரியும்
புரம்மாளச் செற்றவனே பொற்கயிலை மன்னும்
பரமா அடியேற்குப் பற்று.
paricaṟiyēṉ paṟṟilēṉ kaṟṟilēṉ muṟṟum
kariyuriyāy pātamē kaṇṭāy - tiriyum
purammāḷac ceṟṟavaṉē poṟkayilai maṉṉum
paramā aṭiyēṟkup paṟṟu.
பற்றாவான் எவ்வுயிர்க்கும் எந்தை பசுபதியே
முற்றாவெண் திங்கள் முளைசூடி -வற்றாவாங்
கங்கைசேர் செஞ்சடையான் காளத்தி யுள்நின்ற
மங்கைசேர் பாகத்து மன்.
paṟṟāvāṉ evvuyirkkum entai pacupatiyē
muṟṟāveṇ tiṅkaḷ muḷaicūṭi -vaṟṟāvāṅ
kaṅkaicēr ceñcaṭaiyāṉ kāḷatti yuḷniṉṟa
maṅkaicēr pākattu maṉ.
மன்னா கயிலாயா மாமுத்தம் மாணிக்கம்
பொன்னார மாக்கொண்டு பூணாதே - எந்நாளும்
மின்செய்வார் செஞ்சடையாய் வெள்ளெலும்பு பூண்கின்ற
தென்செய்வான் எந்தாய் இயல்பு.
maṉṉā kayilāyā māmuttam māṇikkam
poṉṉāra mākkoṇṭu pūṇātē - ennāḷum
miṉceyvār ceñcaṭaiyāy veḷḷelumpu pūṇkiṉṟa
teṉceyvāṉ entāy iyalpu.
இயம்பாய் மடநெஞ்சே ஏனோர்பால் என்ன
பயம்பார்த்துப் பற்றுவான் உற்றாய் - புயம்பாம்பால்
ஆர்த்தானே காளத்தி அம்மானே என்றென்றே
ஏத்தாதே வாளா இருந்து.
iyampāy maṭaneñcē ēṉōrpāl eṉṉa
payampārttup paṟṟuvāṉ uṟṟāy - puyampāmpāl
ārttāṉē kāḷatti ammāṉē eṉṟeṉṟē
ēttātē vāḷā iruntu.
இருந்தவா காணீர் இதுவென்ன மாயம்
அருந்தண் கயிலாயத் தண்ணல் - வருந்திப்போய்த்
தான்நாளும் பிச்சை புகும்போலும் தன்னடியார்
வான்ஆள மண்ஆள வைத்து.
iruntavā kāṇīr ituveṉṉa māyam
aruntaṇ kayilāyat taṇṇal - varuntippōyt
tāṉnāḷum piccai pukumpōlum taṉṉaṭiyār
vāṉāḷa maṇāḷa vaittu.
வைத்த இருநிதியே என்னுடைய வாழ்முதலே
நித்திலமே காளத்தி நீள்சுடரே - மொய்த்தொளிசேர்
அக்காலத் தாசை அடிநாயேன் காணுங்கால்
எக்காலத் தெப்பிறவி யான்.
vaitta irunitiyē eṉṉuṭaiya vāḻmutalē
nittilamē kāḷatti nīḷcuṭarē - moyttoḷicēr
akkālat tācai aṭināyēṉ kāṇuṅkāl
ekkālat teppiṟavi yāṉ.
யானென்று தானென் றிரண்டில்லை என்பதனை
யானென்றுங் கொண்டிருப்பன் ஆனாலும் - தேனுண்
டளிகள்தாம் பாடும் அகன்கயிலை மேயான்
தெளிகொடான் மாயங்கள் செய்து.
yāṉeṉṟu tāṉeṉ ṟiraṇṭillai eṉpataṉai
yāṉeṉṟuṅ koṇṭiruppaṉ āṉālum - tēṉuṇ
ṭaḷikaḷtām pāṭum akaṉkayilai mēyāṉ
teḷikoṭāṉ māyaṅkaḷ ceytu.
மாயங்கள் செய்தைவர் சொன்ன வழிநின்று
காயங்கொண் டாடல் கணக்கன்று -காயமே
நிற்பதன் றாதலாற் காளத்தி நின்மலன்சீர்
கற்பதே கண்டீர் கணக்கு.
māyaṅkaḷ ceytaivar coṉṉa vaḻiniṉṟu
kāyaṅkoṇ ṭāṭal kaṇakkaṉṟu -kāyamē
niṟpataṉ ṟātalāṟ kāḷatti niṉmalaṉcīr
kaṟpatē kaṇṭīr kaṇakku.
கணக்கிட்டுக் கொண்டிருந்து காலனார் நம்மை
வணக்கி வலைப்படா முன்னம் - பிணக்கின்றிக்
காலத்தால் நெஞ்சே கயிலாயம் மேவியநற்
சூலத்தான் பாதந் தொழு.
kaṇakkiṭṭuk koṇṭiruntu kālaṉār nammai
vaṇakki valaippaṭā muṉṉam - piṇakkiṉṟik
kālattāl neñcē kayilāyam mēviyanaṟ
cūlattāṉ pātan toḻu.
தொழுவாள் பெறாளேதன் தோள்வளையுந் தோற்றாள்
மழுவாளன் காளத்தி வாழ்த்தி - எழுவாள்
நறுமா மலர்க்கொன்றை நம்முன்னே நாளைப்
பெறுமாறு காணீர்என் பெண்.
toḻuvāḷ peṟāḷētaṉ tōḷvaḷaiyun tōṟṟāḷ
maḻuvāḷaṉ kāḷatti vāḻtti - eḻuvāḷ
naṟumā malarkkoṉṟai nammuṉṉē nāḷaip
peṟumāṟu kāṇīreṉ peṇ.
பெண்ணின் றயலார்முன் பேதை பிறைசூடி
கண்ணின்ற நெற்றிக் கயிலைக்கோன் - உண்ணின்ற
காமந்தான் மீதூர நைவாட்குன் கார்க்கொன்றைத்
தாமந்தா மற்றிவளைச் சார்ந்து.
peṇṇiṉ ṟayalārmuṉ pētai piṟaicūṭi
kaṇṇiṉṟa neṟṟik kayilaikkōṉ - uṇṇiṉṟa
kāmantāṉ mītūra naivāṭkuṉ kārkkoṉṟait
tāmantā maṟṟivaḷaic cārntu.
சார்ந்தாரை எவ்விடத்துங் காப்பனவுஞ் சார்ந்தன்பு
கூர்ந்தார்க்கு முத்தி கொடுப்பனவும் -கூர்ந்துள்ளே
மூளத் தியானிப்பார் முன்வந்து நிற்பனவும்
காளத்தி யார்தம் கழல்.
cārntārai evviṭattuṅ kāppaṉavuñ cārntaṉpu
kūrntārkku mutti koṭuppaṉavum -kūrntuḷḷē
mūḷat tiyāṉippār muṉvantu niṟpaṉavum
kāḷatti yārtam kaḻal.
தங்கழல்கள் ஆர்ப்ப விளக்குச் சலன்சலனென்
றங்கழல்கள் ஆர்ப்ப அனலேந்திப் - பொங்ககலத்
தார்த்தா டரவம் அகன்கயிலை மேயாய்நீ
கூத்தாடல் மேவியவா கூறு.
taṅkaḻalkaḷ ārppa viḷakkuc calaṉcalaṉeṉ
ṟaṅkaḻalkaḷ ārppa aṉalēntip - poṅkakalat
tārttā ṭaravam akaṉkayilai mēyāynī
kūttāṭal mēviyavā kūṟu.
கூறாய்நின் பொன்வாயால் கோலச் சிறுகிளியே
வேறாக வந்திருந்து மெல்லனவே - நீல் தாவு
மஞ்சடையும் நீள்குடுமி வாளருவிக் காளத்திச்
செஞ்சடைஎம் ஈசன் திறம்.
kūṟāyniṉ poṉvāyāl kōlac ciṟukiḷiyē
vēṟāka vantiruntu mellaṉavē - nīl tāvu
mañcaṭaiyum nīḷkuṭumi vāḷaruvik kāḷattic
ceñcaṭaiem īcaṉ tiṟam.
ஈசன் திறமே நினைந்துருகும் எம்மைப்போல்
மாசில் நிறத்த மடக்குருகே - கூசி
இருத்தியால் நீயும் இருங்கயிலை மேயாற்
கருத்தியாய்க் காமுற்றா யாம்.
īcaṉ tiṟamē niṉainturukum emmaippōl
mācil niṟatta maṭakkurukē - kūci
iruttiyāl nīyum iruṅkayilai mēyāṟ
karuttiyāyk kāmuṟṟā yām.
காமுற்றா யாம்அன்றே காளத்தி யான்கழற்கே
யாமுற்ற துற்றாய் இருங்கடலே - யாமத்து
ஞாலத் துயிரெல்லாங் கண்துஞ்சும் நள்ளிருள்கூர்
காலத்துந் துஞ்சாதுன் கண்.
kāmuṟṟā yāmaṉṟē kāḷatti yāṉkaḻaṟkē
yāmuṟṟa tuṟṟāy iruṅkaṭalē - yāmattu
ñālat tuyirellāṅ kaṇtuñcum naḷḷiruḷkūr
kālattun tuñcātuṉ kaṇ.
கண்ணுங் கருத்துங் கயிலாய ரேஎமக்கென்
றெண்ணி இருப்பன்யான் எப்பொழுதும் - நண்ணும்
பொறியா டரவசைத்த பூதப் படையார்
அறியார்கொல் நெஞ்சே அவர்.
kaṇṇuṅ karuttuṅ kayilāya rēemakkeṉ
ṟeṇṇi iruppaṉyāṉ eppoḻutum - naṇṇum
poṟiyā ṭaravacaitta pūtap paṭaiyār
aṟiyārkol neñcē avar.
நெஞ்சே அவர்கண்டாய் நேரே நினைவாரை
அஞ்சேல்என் றாட்கொண் டருள் செய்வார் - நஞ்சேயும்
கண்டத்தார் காளத்தி ஆள்வார் கழல்கண்டீர்
அண்டத்தார் சூடும் அலர்.
neñcē avarkaṇṭāy nērē niṉaivārai
añcēleṉ ṟāṭkoṇ ṭaruḷ ceyvār - nañcēyum
kaṇṭattār kāḷatti āḷvār kaḻalkaṇṭīr
aṇṭattār cūṭum alar.
அலரோன் நெடுமால் அமரர்கோன் மற்றும்
பலராய்ப் படைத்துக் காத் தாண்டு - புலர்காலத்
தொன்றாகி மீண்டு பலவாகி நிற்கின்றான்
குன்றாத சீர்க்கயிலைக் கோ.
alarōṉ neṭumāl amararkōṉ maṟṟum
palarāyp paṭaittuk kāt tāṇṭu - pularkālat
toṉṟāki mīṇṭu palavāki niṟkiṉṟāṉ
kuṉṟāta cīrkkayilaik kō.
கோத்த மலர்வாளி கொண் டநங்கன் காளத்திக்
கூத்தன்மேல் அன்று குறித்தெய்யப் - பார்த்தலுமே
பண்பொழியாக் கோபத்தீச் சுற்றுதலும் பற்றற்று
வெண்பொடியாய் வீழ்ந்திலனோ வெந்து.
kōtta malarvāḷi koṇ ṭanaṅkaṉ kāḷattik
kūttaṉmēl aṉṟu kuṟitteyyap - pārttalumē
paṇpoḻiyāk kōpattīc cuṟṟutalum paṟṟaṟṟu
veṇpoṭiyāy vīḻntilaṉō ventu.
வெந்திறல்வேல் பார்த்தற் கருள்செய்வான் வேண்டிஓர்
செந்தறுகண் கேழல் திறம்புரிந்து -வந்தருளும்
கானவனாம் கோலம்யான் காணக் கயிலாயா
வானவர்தங் கோமானே வா.
ventiṟalvēl pārttaṟ karuḷceyvāṉ vēṇṭiōr
centaṟukaṇ kēḻal tiṟampurintu -vantaruḷum
kāṉavaṉām kōlamyāṉ kāṇak kayilāyā
vāṉavartaṅ kōmāṉē vā.
வாமான்தேர் வல்ல வயப்போர் விசயனைப் போல்
தாமார் உலகில் தவமுடையார் - தாம்யார்க்குங்
காண்டாற் கரியராய்க் காளத்தி ஆள்வாரைத்
தீண்டத்தாம் பெற்றமையாற் சென்று.
vāmāṉtēr valla vayappōr vicayaṉaip pōl
tāmār ulakil tavamuṭaiyār - tāmyārkkuṅ
kāṇṭāṟ kariyarāyk kāḷatti āḷvārait
tīṇṭattām peṟṟamaiyāṟ ceṉṟu.
சென்றிறைஞ்சும் வானோர்தம் சிந்தைக்குஞ் சேயராய்
என்றும் அடியார்க்கு முன்னிற்பர் - நன்று
கனியவாஞ் சோலைக் கயிலாயம் மேயார்
இனியவா பத்தர்க் கிவர்.
ceṉṟiṟaiñcum vāṉōrtam cintaikkuñ cēyarāy
eṉṟum aṭiyārkku muṉṉiṟpar - naṉṟu
kaṉiyavāñ cōlaik kayilāyam mēyār
iṉiyavā pattark kivar.
இவரே முதல்தேவர் எல்லார்க்கும் மிக்கார்
இவரல்லர் என்றிருக்க வேண்டா -கவராதே
காதலித்தின் றேத்துதிரேல் காளத்தி ஆள்வார்நீர்
ஆதரித்த தெய்வமே ஆம்.
ivarē mutaltēvar ellārkkum mikkār
ivarallar eṉṟirukka vēṇṭā -kavarātē
kātalittiṉ ṟēttutirēl kāḷatti āḷvārnīr
ātaritta teyvamē ām.
ஆமென்று நாளை உளஎன்று வாழ்விலே
தாமின்று வீழ்கை தவமன்று - யாமென்றும்
இம்மாய வாழ்வினையே பேணா திருங்கயிலை
அம்மானைச் சேர்வ தறிவு.
āmeṉṟu nāḷai uḷaeṉṟu vāḻvilē
tāmiṉṟu vīḻkai tavamaṉṟu - yāmeṉṟum
immāya vāḻviṉaiyē pēṇā tiruṅkayilai
ammāṉaic cērva taṟivu.
அறியாம லேனும் அறிந்தேனுஞ் செய்து
செறிகின்ற தீவினைகள் எல்லாம் - நெறிநின்று
நன்முகில்சேர் காளத்தி நாதன் அடிபணிந்து
பொன்முகிலி ஆடுதலும் போம்.
aṟiyāma lēṉum aṟintēṉuñ ceytu
ceṟikiṉṟa tīviṉaikaḷ ellām - neṟiniṉṟu
naṉmukilcēr kāḷatti nātaṉ aṭipaṇintu
poṉmukili āṭutalum pōm.
போகின்ற மாமுகிலே பொற்கயிலை வெற்பளவும்
ஏகின் றெமக்காக எம்பெருமான் - ஏகினால்
உண்ணப் படாநஞ்சம் உண்டாற்கென் உள்ளுறுநோய்
விண்ணப்பஞ் செய்கண்டாய் வேறு.
pōkiṉṟa māmukilē poṟkayilai veṟpaḷavum
ēkiṉ ṟemakkāka emperumāṉ - ēkiṉāl
uṇṇap paṭānañcam uṇṭāṟkeṉ uḷḷuṟunōy
viṇṇappañ ceykaṇṭāy vēṟu.
வேறேயுங் காக்கத் தகுவேனை மெல்லியலாள்
கூறேயும் காளத்திக் கொற்றவனே - ஏறேறும்
அன்பா அடியேற் கருளா தொழிகின்ற
தென்பாவ மேயன்றோ இன்று.
vēṟēyuṅ kākkat takuvēṉai melliyalāḷ
kūṟēyum kāḷattik koṟṟavaṉē - ēṟēṟum
aṉpā aṭiyēṟ karuḷā toḻikiṉṟa
teṉpāva mēyaṉṟō iṉṟu.
இன்று தொடங்கிப் பணிசெய்வேன் யானுனக்
கென்றும் இளமதியே எம்பெருமான் - என்றும்என்
உட்காதல் உண்மை உயர்கயிலை மேயாற்குத்
திட்காதே விண்ணப்பஞ் செய்.
iṉṟu toṭaṅkip paṇiceyvēṉ yāṉuṉak
keṉṟum iḷamatiyē emperumāṉ - eṉṟumeṉ
uṭkātal uṇmai uyarkayilai mēyāṟkut
tiṭkātē viṇṇappañ cey.
செய்ய சடைமுடியென் செல்வனையான் கண்டெனது
கையறவும் உள்மெலிவும் யான்காட்டப் -பையவே
காரேறு பூஞ்சோலைக் காளத்தி ஆள்வார்தம்
போரேறே இத்தெருவே போது.
ceyya caṭaimuṭiyeṉ celvaṉaiyāṉ kaṇṭeṉatu
kaiyaṟavum uḷmelivum yāṉkāṭṭap -paiyavē
kārēṟu pūñcōlaik kāḷatti āḷvārtam
pōrēṟē itteruvē pōtu.
போது நெறியனவே பேசிநின் பொன்வாயால்
ஊதத் தருவன் ஒளிவண்டே - காதலால்
கண்டார் வணங்குங் கயிலாயத் தெம்பெருமான்
வண்தார்மோந் தென்குழற்கே வா.
pōtu neṟiyaṉavē pēciniṉ poṉvāyāl
ūtat taruvaṉ oḷivaṇṭē - kātalāl
kaṇṭār vaṇaṅkuṅ kayilāyat temperumāṉ
vaṇtārmōn teṉkuḻaṟkē vā.
வாவா மணிவாயால் மாவின் தளிர்கோதிக்
கூவா திருந்த குயிற்பிள்ளாய் - ஓவாதே
பூமாம் பொழிலுடுத்த பொன்மதில் சூழ் காளத்திக்
கோமான் வரவொருகாற் கூவு.
vāvā maṇivāyāl māviṉ taḷirkōtik
kūvā tirunta kuyiṟpiḷḷāy - ōvātē
pūmām poḻiluṭutta poṉmatil cūḻ kāḷattik
kōmāṉ varavorukāṟ kūvu.
கூவுதலும் பாற்கடலே சென்றவனைக் கூடுகஎன்
றேவினான் பொற்கயிலை எம்பெருமான் - மேவியசீர்
அன்பாற் புலிக்காலன் பாலன்பால் ஆசையினால்
தன்பாற்பால் வேண்டுதலுந் தான்.
kūvutalum pāṟkaṭalē ceṉṟavaṉaik kūṭukaeṉ
ṟēviṉāṉ poṟkayilai emperumāṉ - mēviyacīr
aṉpāṟ pulikkālaṉ pālaṉpāl ācaiyiṉāl
taṉpāṟpāl vēṇṭutalun tāṉ.
தானே உலகாள்வான் தான்கண்ட வாவழக்கம்
ஆனால்மற் றார்இதனை அன்றென்பார்- வானோர்
களைகண்தா னாய்நின்ற காளத்தி ஆள்வார்
வளைகொண்டார் மால்தந்தார் வந்து.
tāṉē ulakāḷvāṉ tāṉkaṇṭa vāvaḻakkam
āṉālmaṟ ṟāritaṉai aṉṟeṉpār- vāṉōr
kaḷaikaṇtā ṉāyniṉṟa kāḷatti āḷvār
vaḷaikoṇṭār māltantār vantu.
வந்தோர் அரக்கனார் வண்கயிலை மால்வரையைத்
தந்தோள் வலியினையே தாம்கருதி - அந்தோ
இடந்தார் இடந்திட் டிடார்க்கீழ் எலிபோற்
கிடந்தார் வலியெலாங் கெட்டு.
vantōr arakkaṉār vaṇkayilai mālvaraiyait
tantōḷ valiyiṉaiyē tāmkaruti - antō
iṭantār iṭantiṭ ṭiṭārkkīḻ elipōṟ
kiṭantār valiyelāṅ keṭṭu.
கெட்ட அரக்கரே வேதியரே கேளீர்கொல்
பட்டதுவும் ஓராது பண்டொருநாள் - ஒட்டக்
கலந்தரனார் காளத்தி ஆள்வார்மேற் சென்று
சலந்தரனார் பட்டதுவுந் தாம்.
keṭṭa arakkarē vētiyarē kēḷīrkol
paṭṭatuvum ōrātu paṇṭorunāḷ - oṭṭak
kalantaraṉār kāḷatti āḷvārmēṟ ceṉṟu
calantaraṉār paṭṭatuvun tām.
தாம்பட்ட தொன்றும் அறியார்கொல் சார்வரே
காம்புற்ற செந்நெற் கயிலைக் கோன் - பாம்புற்ற
ஆரத்தான் பத்தர்க் கருகணையார் காலனார்
தூரத்தே போவார் தொழுது.
tāmpaṭṭa toṉṟum aṟiyārkol cārvarē
kāmpuṟṟa cenneṟ kayilaik kōṉ - pāmpuṟṟa
ārattāṉ pattark karukaṇaiyār kālaṉār
tūrattē pōvār toḻutu.
தொழுது நமனுந்தன் தூதுவர்க்குச் சொல்லும்
வழுவில்சீர்க் காளத்தி மன்னன் - பழுதிலாப்
பத்தர்களைக் கண்டால் பணிந்தகலப் போமின்கள்
எத்தனையுஞ் சேய்த்தாக என்று.
toḻutu namaṉuntaṉ tūtuvarkkuc collum
vaḻuvilcīrk kāḷatti maṉṉaṉ - paḻutilāp
pattarkaḷaik kaṇṭāl paṇintakalap pōmiṉkaḷ
ettaṉaiyuñ cēyttāka eṉṟu.
வென்றைந்துங் காமாதி வேரறுத்து மெல்லவே
ஒன்ற நினைதிரேல் ஒன்றலாம் - சென்றங்கை
மானுடையான் என்னை உடையான் வடகயிலை
தானுடையான் தன்னுடைய தாள்.
veṉṟaintuṅ kāmāti vēraṟuttu mellavē
oṉṟa niṉaitirēl oṉṟalām - ceṉṟaṅkai
māṉuṭaiyāṉ eṉṉai uṭaiyāṉ vaṭakayilai
tāṉuṭaiyāṉ taṉṉuṭaiya tāḷ.
தாளொன்றால் பாதாளம் ஊடுருவத் தண்விசும்பில்
தாளொன்றால் அண்டங் கடந்துருவித் -தோளொன்றால்
திக்கனைத்தும் போர்க்குந் திறற்காளி காளத்தி
நக்கனைத்தான் கண்ட நடம்.
tāḷoṉṟāl pātāḷam ūṭuruvat taṇvicumpil
tāḷoṉṟāl aṇṭaṅ kaṭanturuvit -tōḷoṉṟāl
tikkaṉaittum pōrkkun tiṟaṟkāḷi kāḷatti
nakkaṉaittāṉ kaṇṭa naṭam.
நடமாடுஞ் சங்கரன்தாள் நான்முகனுங் காணான்
படமாடு பாம்பணையான் காணான் - விடமேவும்
காரேறு கண்டன் கயிலாயன் தன் உருவை
யாரே அறிவார் இசைந்து.
naṭamāṭuñ caṅkaraṉtāḷ nāṉmukaṉuṅ kāṇāṉ
paṭamāṭu pāmpaṇaiyāṉ kāṇāṉ - viṭamēvum
kārēṟu kaṇṭaṉ kayilāyaṉ taṉ uruvai
yārē aṟivār icaintu.
இசையுந்தன் கோலத்தை யான்காண வேண்டி
வசையில்சீர்க் காளத்தி மன்னன் - அசைவின்றிக்
காட்டுமேல் காட்டிக் கலந்தென்னைத் தன்னோடும்
கூட்டுமேல் கூடலே கூடு.
icaiyuntaṉ kōlattai yāṉkāṇa vēṇṭi
vacaiyilcīrk kāḷatti maṉṉaṉ - acaiviṉṟik
kāṭṭumēl kāṭṭik kalanteṉṉait taṉṉōṭum
kūṭṭumēl kūṭalē kūṭu.
கூடி யிருந்து பிறர்செய்யுங் குற்றங்கள்
நாடித்தம் குற்றங்கள் நாடாதே - வாடி
வடகயிலை யேத்தாதே வாழ்ந்திடுவான் வேண்டில்
அடகயில ஆரமுதை விட்டு.
kūṭi yiruntu piṟarceyyuṅ kuṟṟaṅkaḷ
nāṭittam kuṟṟaṅkaḷ nāṭātē - vāṭi
vaṭakayilai yēttātē vāḻntiṭuvāṉ vēṇṭil
aṭakayila āramutai viṭṭu.
விட்டாவி போக உடல்கிடந்து வெந்தீயில்
பட்டாங்கு வேமாறு பார்த்திருந்தும் - ஒட்டாதாம்
கள்ளலைக்கும் பூஞ்சோலைக் காளத்தி யுள்நின்ற
வள்ளலைச்சென் றேத்த மனம்.
viṭṭāvi pōka uṭalkiṭantu ventīyil
paṭṭāṅku vēmāṟu pārttiruntum - oṭṭātām
kaḷḷalaikkum pūñcōlaik kāḷatti yuḷniṉṟa
vaḷḷalaicceṉ ṟētta maṉam.
மனமுற்றும் மையலாய் மாதரார் தங்கள்
கனமுற்றுங் காமத்தே வீழ்வர் -புனமுற்
றினக்குறவர் ஏத்தும் இருங்கயிலை மேயான்
தனக்குறவு செய்கலார் தாழ்ந்து.
maṉamuṟṟum maiyalāy mātarār taṅkaḷ
kaṉamuṟṟuṅ kāmattē vīḻvar -puṉamuṟ
ṟiṉakkuṟavar ēttum iruṅkayilai mēyāṉ
taṉakkuṟavu ceykalār tāḻntu.
தாழ்ந்த சடையுந் தவளத் திருநீறும்
சூழ்ந்த புலியதளும் சூழ்அரவும் - சேர்ந்து
நெருக்கிவா னோர்இறைஞ்சுங் காளத்தி யாள்வார்க்
கிருக்குமா கோலங்கள் ஏற்று.
tāḻnta caṭaiyun tavaḷat tirunīṟum
cūḻnta puliyataḷum cūḻaravum - cērntu
nerukkivā ṉōriṟaiñcuṅ kāḷatti yāḷvārk
kirukkumā kōlaṅkaḷ ēṟṟu.
ஏற்றின் மணியே அமையாதோ ஈர்ஞ்சடைமேல்
வீற்றிருந்த வெண்மதியும் வேண்டுமோ - ஆற்றருவி
கன்மேற்பட் டார்க்குங் கயிலாயத் தெம்பெருமான்
என்மேற் படைவிடுப்பாற் கீங்கு.
ēṟṟiṉ maṇiyē amaiyātō īrñcaṭaimēl
vīṟṟirunta veṇmatiyum vēṇṭumō - āṟṟaruvi
kaṉmēṟpaṭ ṭārkkuṅ kayilāyat temperumāṉ
eṉmēṟ paṭaiviṭuppāṟ kīṅku.
ஈங்கேவா என்றருளி என்மனத்தில் எப்பொழுதும்
நீங்காமல் நீவந்து நின்றாலும் - தீங்கை
அடுகின்ற காளத்தி ஆள்வாய் நான்நல்ல
படுகின்ற வண்ணம் பணி.
īṅkēvā eṉṟaruḷi eṉmaṉattil eppoḻutum
nīṅkāmal nīvantu niṉṟālum - tīṅkai
aṭukiṉṟa kāḷatti āḷvāy nāṉnalla
paṭukiṉṟa vaṇṇam paṇi.
பணியாது முன்னிவனைப் பாவியேன் வாளா
கணியாது காலங் கழித்தேன் - அணியும்
கருமா மிடற்றெங் கயிலாயத் தெங்கள்
பெருமான தில்லை பிழை.
paṇiyātu muṉṉivaṉaip pāviyēṉ vāḷā
kaṇiyātu kālaṅ kaḻittēṉ - aṇiyum
karumā miṭaṟṟeṅ kayilāyat teṅkaḷ
perumāṉa tillai piḻai.
பிழைப்புவாய்ப் பொன்றறியேன் பித்தேறி னாற்போல்
அழைப்பதே கண்டாய் அடியேன் - அழைத்தாலும்
என்னா தரவேகொண் டின்பொழில்சூழ் காளத்தி
மன்னா தருவாய் வரம்.
piḻaippuvāyp poṉṟaṟiyēṉ pittēṟi ṉāṟpōl
aḻaippatē kaṇṭāy aṭiyēṉ - aḻaittālum
eṉṉā taravēkoṇ ṭiṉpoḻilcūḻ kāḷatti
maṉṉā taruvāy varam.
வரமாவ தெல்லாம் வடகயிலை மன்னும்
பரமாஉன் பாதார விந்தம் - சிரமார
ஏத்திடும்போ தாகவந் தென்மனத்தில் எப்பொழுதும்
வைத்திடுநீ வேண்டேன்யான் மற்று.
varamāva tellām vaṭakayilai maṉṉum
paramāuṉ pātāra vintam - ciramāra
ēttiṭumpō tākavan teṉmaṉattil eppoḻutum
vaittiṭunī vēṇṭēṉyāṉ maṟṟu.
மற்றும் பலபிதற்ற வேண்டாம் மடநெஞ்சே
கற்றைச் சடைஅண்ணல் காளத்தி - நெற்றிக்கண்
ஆரா அமுதின் திருநாமம் அஞ்செழுத்தும்
சோராமல் எப்பொழுதுஞ் சொல்.
maṟṟum palapitaṟṟa vēṇṭām maṭaneñcē
kaṟṟaic caṭaiaṇṇal kāḷatti - neṟṟikkaṇ
ārā amutiṉ tirunāmam añceḻuttum
cōrāmal eppoḻutuñ col.
Keys: ← → turn the page, J K step through the verses.
Illustration: Verse & Place (Project-owned).